ذيب:وش العلم
الوليد:مافيه إلا كل شيٍ خير جايب أغراض وأبيكم تساعدوني
تقدم طايل وهو ينزل الاغراض ومعه ذيب والوليد ودخلوها داخل
مشعل:كثر الله خيرك والله ماكان له داعي تكلف على نفسك ياخوك
الوليد:لا كلافه ولا شي مابينا
~~~~~~~~•••••••~~~~~~~~
<<في بيت أبو مشعل>>
-بمجلس النساء-
أم مشعل وهي تمسك يد أم سعد وتهمس لها:تعالي معي للمطبخ بقولتس شي
أم سعد:وش فيتس
أم مشعل:بكلمتس بموضوع الحقيني ؛وقامت وقامت بعدها ام سعد بعد ماشربت فنجانها؛هاه وش علمتس؟
أم مشعل:كل علمن زين أسمعي ؛وابتسمت واكملت؛بنخطب لطارق
ام سعد:ايه على المبارك
ام مشعل:مب الحين تباركين ماودتس تعرفين منهي
ام سعد:من؟
ام مشعل:رحاب بنتس تكفين يا ام سعد الولد مايبي غير هي حتى انه حلف ان ما اخذها ماهو ماخذن غيرها حرام عليتس الولد ماهو طارق اللي اعرفه قبل طلبتس يا ام سعد قولي تم
ام سعد:والله مدري وش أقولتس ياختي لكن يصير خير
<في الحوش>
كانوا البنات مجتمعين بشكل دائره على النار ويشوون ذره
رحاب:لميس عطيني الزبده
لميس وهي تمدها لها:خذي سويلي وحده معك بالله
رحاب:ابشري
غلا وهي اول مره تجلس معهم لحالها وشافت كيف علاقتهم حلوه ببعض ونطقت :تصدقون انكم محظوظين
الهنوف:ها؟ بوش؟
غلا وهي تحاول تسيطر على غصتها:يعني علاقتكم ببعض وأهلكم موجودين ويحبونكم ويخافون عليكم ووين مارحتوا تلاقون احد جنبكم
لميس:ايوه
غلا:لكن أنا مو زيكم اتمنى لو يوم أعيش وكأني منكم وين ما اروح ما ألاقي احد جمبي حتى في الوقت اللي أكون محتاجه احد فيه
لميس:خلصتي ؟
غلا ناظرتها وماقدرت تتحكم بدموعها وقامت بسرعه وراحت لبيتهم
الجوهره:لميسسس!
مها:خير لميسوه البنات اول مره اسمعها تتكلم وتفضفض خليها بحالها
لميس:ايوه بداية خيررر إذا من بدايتها كذا وخلتكم ضدي وش بتسوي بعدين؟ذيب ولعبت بعقله لدرجة كان بيمد يده علي لكن انتم !
ميس:لميسس خلاصص
الهنوف:أنا الصراحه اتفق مع لميس شفيكم قلبتوا عليها كيف اصلاً توقفون بصف وحده اول مره تجلس معكم وماتعرفونها صادقه ولا من كيسها
مشاعل:خلاص اسكتي انتي الثانيه خلونا ننبسط قبل لا يجون العيال ويكرشونا؛وقامت شغلت السماعه وابتدت سهرتهم
<الساعه 10PM>
ام ذيب:وين غلا مب قالت بتجلس معكم؟
رحاب:لا ياخاله راحت لبيتكم
ام ذيب:زين بتصل فيها اجل ؛ودخلت
لميس:يالليل الحين ماراح تخلي شي ماتقوله لامي ياربي وش ذي البلوه اللي بليتنا فيها
ندى:لاحول ولاقوة إلا بالله أكلي أكلي وفكينا من طاريها
حلا وهي تو تجيهم:هااااي
الهنوف:هلا وينتس من اليوم
حلا:كان عندي شوية اشغال وخلصتها
رحاب وهي تغمز:اشغال علينا يا حلّوي
حلا:يععع رحاب قومي انقلعي؛وتدفها برجلها
رحاب:هههههههههههههههههههههههه قايلتلكم تكلمه
مها:اقول بنات وينه عمي عبدالله له كم يوم ماشفته
جوهرةغصت بالذره وبدت تكح
الهنوف:جوهرة جوهرة هاتوووو مويه
رحاب فتحت المويه وعطتها:بسم الله عليتس اشربي
الجوهره:اي والله انك صادقه وينه
حلا :قبل كم يوم جاه اتصال وطلع وماعاد رجع مدري وين راح
<في العزبه>
اجتمعوا العيال ورا العزبه بعد ماناموا الشيبان عشان مايزعجونهم
ذيب قام وهو خايف وبعد عنهم وطلع جواله وهو يتصل على غلا
ذيب:ردي ياغلا ردييي!؛ومسك جواله وهو يطالعه +١٥ اتصال وماترد اتجه لسيارته وهو يهرول وركب وشغلها ومشى بدون مايقول لأحد
الوليد:أقول بما اننا ببر شرايكم نروح نطعس
مشعل:تمم لكن أنا اللي بسوق
الوليد:لا والله إلا أنا اللي بيسوق
مشعل:الدعوه تحدي اجل رح انت بسيارتك وانا بسيارة طارق
طارق وهو يرمي مفتاحه لمشعل:اوووه جوي ههههههههه
الوليد:اعجلوا ياعيال نص معي ونص مع مشعل
طارق:أنا بروح مع مشعل
سعد:أنا بجي معك يا الوليد؛وراح يركب
وركبوا سياراتهم وراحوا للطعس
طايل: يالله جاهزين؟
مشعل:يالله عد
طايل: 1..2..3
وبدوا مشعل والوليد يطعسون بينما بعضهم يقول بقلبه وش خلاني اروح معهم
طارق:حيييك يا مشعل اييييه
مشعل ضحك ودعس زياده
الوليد:هههههههههههههههههههههههههههه والله ان قاله الله ماتفوز علي ؛ودعس اكثر
سعد وهو يصايح:كأنكم شديتوها ياعيال ولا قبستتتتتت
طارق:سعد خلك ساكت ولا خفت تخسرون ههههههههههههههههههههههه
سعد:تعقب وانا ولد ابوي عليك فيهم يا الوليد
مشعل:هههههههههههههههههههههههههههه سعيدان إذا خايف قل ترا عادي تقول أنا خايف وقفوا
الوليد وهو يشوف سعد وجهه قلب لونه ونطق بخوف:سعد فيك شي ؟ سسسعععدددد
سعد:هاه لا لا مافيني شي
الوليد:متأكد؟
سعد وهو يحس انه مب قادر ينطق وأشر قدام
لف الوليد يناظر قدام ومسك فرامل بأقوى ماعطاه ربي
مشعل نزل وهو يركض لـ الوليد: وش فيك ليش وقفت
الوليد مارد عليه لف لجهة سعد:وش فييك
سعد:هههههههههههههههههههههههههههه مشى عليك المقلب
الوليد:العن شكلك والله ما أخليك
نزل سعد من السياره وهو يضحك :اخخخخ ماتوقعتك تخاف
حرك الوليد سيارته وهو يطعس وتعمد انه يغبر على سعد
رجع مشعل للسياره وهو يطعس ومكمل يتحدى الوليد
سعد:يا ورع انت وياه !!؛ورجع يحط ذراعه على وجهه
طارق وهو طالع من شباك السياره:سعيدان اشوف مالك حس
سعد:اوقفوا ياكلاب أنا بالأرض نزلت والتبن وليدوه مب يمكم مقصده يغبر علي
طارق:هههههههههههههههههههههههه اندفنت يالهطف ؛ولف لمشعل ؛وقف سعد انكتم
مشعل وهو يكبس للوليد يوقف:شف الغبي بيطمر الدفان يحسبه طعس مشكله عيال المدن هههههههههههههه
طارق نزل ومشى لسعد:خله يجي لا ينكبنا مع المشكلجي
سعد انسدح وهو مهلوك:اخخخخخ
طارق:والله يبيلها شاهي مع ذا القمراء ؛وراح للحوض ينزل عزبته
واجتمعوا بعد ما جاء الوليد وهم يطقطقون عليه
<بالحوش عند البنات>
فزوا وهم يركضون من شافوا السياره داخله بسرعه عليهم
نزل ذيب وهو يركض ودخل لبيتهم
رحاب لفت للبنات:وش فيييه
مها:مدري ذيب جاء واضح انه معصبب
ميس وهي خايفه راحت ورا ذيب:ذيب شفيه شصاير
ذيب:غلااااا وين غلاااا
ميس:ذيب اهدأ اكيد انها بالبيت تحصلها بالحمام ولا بغرفتها
ذيب:من اليوم وانا اتصل عليها ماترد؛وركض وهو يصعد لغرفته وصارخ بأعلى صوته من دخل للغرفه وحصلها مغمى عليها بالأرض شالها بين يديه وهو ينادي ميس:جيبي عبايتها بسسسرررررعه
ميس وهي تصيح:طييب ؛ولبست غلا عبايتها واخذت عبايتها ولحقت ذيب اللي كان يركض للسياره
<في بيت ام مشعل>
ام ذيب:كأنه صوت ذيب!؛وقامت بسرعه تطلع تشوف وش اللي صاير ولحقوها الباقين
ام ذيب:ذيب وين راح ذيب وش صاير؟
ندى:طلع وهو شايل غلا واخذ ميس معهم
ام ذيب:كيييف وش صار طيب
مها:خالتي ماندري علمنا علمك هذا اللي شفناه
<عند ذيب>
كان ماسك الدركسون وضاغط عليه بقوه :اخ ياميس اخ وينكم عنها !! ليش تاركينها لحالها بالبيت ؟!
ميس:ماتركناها بالبيت كانت جالسه معنا فجأة قامت وراحت للبيت
قاطع ذيب اتصال امه اخذ جواله ورد :هلا يمه
ام ذيب:وش فيه ياولدي مرتك أبها شي؟
ذيب:يمه أنا بالطريق رايح للمستشفى بعدين اكلمك؛وقفل جواله ونزل من وصلوا للطوارىء
ذيب:جيبوا نقاله بسرررعه تحركوووا
الممرضات يركضون بالنقاله وأخذوا غلا ودخلوها
ذيب وهو يروح ويجي بالممر متوتر وخايف يكون صار لهم شي
ميس:ذيب أهدا ان شاء الله مافيها شي
ذيب:شلون برتاح وانا مب عارف وش اللي صار لها شلللون ياميس شلون
ميس:لاحول ولا قوة إلا بالله أنت اجلس الحين الدكتور يجي ويطمنا عليها
-انتهى🦋✨-
أنت تقرأ
جيتي مثل الغيث والدنيا صحوه
Tajemnica / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
