~~~~~~ • • • • • ~~~~~~
دخل هو وأبو مشعل اللي وصله الخبر من المستشفى
طلع الدكتور من غرفة العمليات
ابومشعل:بشرني يادكتور عساهم بخير
الدكتور:حضرتك ابو مشعل وطلال؟
سعد:ايه أبوهم طمنا يادكتور
الدكتور:اطمنوا هم كويسين الحمدلله وواضح عليهم أقوياء وتحملوا بالنسبه لطلال حالته مستقره ولله الحمد ومشعل دخل بغيبوبه ومابعرفش بيصحى منها امتى
ابومشعل:لا حول ولاقوة إلا بالله نقدر نشوفهممم؟
الدكتور:شخص واحد المسموح له يدخل العناية عند مشعل اما طلال تقدروا تشوفوه
سعد:يعطيك العافيه دكتور
الدكتور:الله يعافيك؛وراح
سعد لف لعمه ومسكه:رح ياعمي ارتاح بالبيت أنا بكون عندهم إذا احتاجوا شي لاتشيل همهم
ابومشعل:لا والله ياولدي شلون برتاح وعيالي بالمستشفى خلني عندهم على الاقل ارتاح لما أشوفهم
سعد ماحب يضغط على عمه:براحتك ياعم ؛ونادى النيرس وراحوا للعنايه لبست ابومشعل ملابس الدخول للعنايه ودخلته
ابومشعل كان ماسك عكازه ويناظر لمشعل إلى ان وصل لين عنده وهو حزين على حال ولده:شلونك ياولدي يامششعل؛ ودمع؛الله يهديك عز الله اني علمتك وحذرتك من السرعهه بس ماتعقل شف نهاية السرعه شسوت فيك مافكرت وشلون بقول لامك وأخوانك الحين وش بيصير لامك لو درت ماشلت همها ولافكرت فيها الله يصلحك ويقومك بالسلامه ياوليدي ؛ومسح دموعه وطلع وهو يالله الارض تشيله اما سعد كان يطالعهم من ورا القزاز
ابو مشعل:ياسعد تعال ساعدني ماعاد بي قوة عقب ماشفته طريح فراش عز الله انه كسر ظهري
سعد دمعت عيونه:الله يقومه بالسلامه ياعمي ومشعل رجال ماينخاف عليه وان شاء الله بيصحى وبنفرح بطلعته؛وبتغيير للجو الكئيب ابتسم وأكمل؛وأزيدك من الشعر بيت تراك بتحضر عرسه وتذكر كلامي
ابو مشعل:الله يسمع منك ياسعد الله يسمع منك
سعد:يالله ياعم خل نروح لطلال وسند ابومشعل وهو يوديه لغرفة طلال دخلوا:السلام عليكم
طلال جلس وهو يتألم:وعليكم السلام
ابومشعل:شحالك ياولدي
طلال:الحمدلله بخير ماعلي خلاف لكن مشعل شلونه ابي أشوفه
سعد ناظر لعمه ثم لف لطلال:ان شاء الله انه طيب حاليًا مانعينا من الزيارة
طلال بغضب:لا تكذب علي ياسعد مشعل مات؟!!
سعد وأبو مشعل فزو من كلمته؛ابو مشعل:فال الله ولا فالك لا تتفاول على اخوك ! ان شاء الله انه طيب
طلال بعصبيه :ابي اشوفه إذا كنتوا صادقين!
ابو مشعل وسعد انخرعوا من ردت فعله ونادوا النيرس يعطونه مهدىء
النيرس بعد ماعطته المهدىء:تفضلوا برا خلوه يرتاح
ابومشعل وسعد لفو متجهين للباب وطلعوا
سعد:ياعمي أرهقت نفسك رح ريح بالبيت وإذا صار شي جديد كلمتك
ابو مشعل:زين انتبه لنفسك؛وطلع
~~~~~~ • • • • • ~~~~~~
<في بيت ابومشعل>
قامت ام مشعل وراحت لغرفة عيالها طقت الباب وفتحته
ام مشعل:طارق صاحي مانمت؟
طارق:هلا ياعيون طارق لا للحين مانمت سمي
ام مشعل:سم الله عدوينك اخوانك وينهم للحين ماجوا واتصل عليهم واللي مايرد واللي جواله مقفل؛ونزلت دموعها
طارق قام بسرعه وحضن أمه:يمه! لاتصيحين مافيهم إلا العافيه ان شاء الله يمكن انقطع النت
ام مشعل:ان شاء الله يارب، ابوك وينه ومتى راح ؟
طارق باستغراب:ليش ماهو نايم؟
ام مشعل:إلا نام ويوم صحيت ماحصلته
طارق:يمكن نزل للمجلس يصلي ولا طلع عنده شغل ولا شي
ام مشعل:زين تصبح على خير
طارق:وانتي من أهله
طلعت ام مشعل ونزلت تحت رايحه للمطبخ استوقفها صوت السيارة واتجهت للشباك شافت ابو مشعل ومشت بسرعه وطلعت:خالد
ابو مشعل:هلا هلا بالغاليه
ام مشعل:هلا فيك وين كنت ووينهم عيالك محد يرد منهم وتأخروا للحين ماجوا
ابو مشعل:اهدي وادخلي داخل خليني انام والصباح رباح بعدين تراهم كبار ماينخاف عليهم
ام مشعل:كالعاده بارد وماهمك إلا نفسك ياخالد عيالي فيهم شي أنا متاكده قلبي مب مرتاح ناغزني عليهم ...
قاطعها ابو مشعل:كأنتس طولتي لسانتس علي!امشي داخل فشلتيني مع الجيران
ام مشعل سكتت ودخلت للغرفه على طول وانسدحت على السرير
ابو مشعل دخل من بعدها وقفل باب البيت ودخل للحمام (يكرم القارىء)وسبح وبدل ملابسه ونام بدون ماينطق بحرف
<في بيت ابو سعد >
قاموا ابو سعد وأم سعد وصلوا الفجر ونزلوا تحت
ام سعد:الجوهره رحاب مشاعلل سعدد تعالوا الفطور جاهز
رحاب وهي نازله:صباح الخير ياوجيه الخيرر
ابو سعد وأم سعد :صباح النور
ابو سعد:ياهلا ببنتي يالله انك تحيي رحاب
رحاب ابتسمت:الله يبقيك كيف أصبحتوا
الكل :بخير
ام سعد:يالجوهرة صحي سعد معتس وانتي جايه
الجوهرة:سعد مو فيه يمه طالع
ام سعد:هوو وين راح وهو ما افطر
ابوسعد:تعالي خلاص بدق عليه وطلع جواله
ابو سعد:سلام عليكم
سعد:هلا وعليكم السلام والرحمه شحالك يبه
ابوسعد:بخير انت شحالك
سعد:بخير دامك بخير
ابوسعد:الله يجعله وين انت فيه
سعد:بالمستشفى
الكل انصدموا بلا استثناء وهم متوقعين انه مداوم
ابوسعد:سلامات عسى ماشر
سعد:مايجيك الشر بس واحد من اخوياي تعبان وقلت امر أزوره وأسلم عليه
ام سعد:تزاوره وانت من امس الليل طالع!
ابوسعد:من امس؟
ام سعد:ايه مريت غرفته امس كنت ابيه بشي ومالقيته
سعد حس ان كذبته انكشفت :يبه قفل السبيكر
ابوسعد:قفلته تكلم
سعد:يبه الحادث اللي امس نزلت لهم هم عيال عمي خالد وان شاء الله انهم طيبين
ابوسعد:وش؟ وين بأي مستشفى ؟
سعد:مستشفى *******
ابوسعد:وعمك درى ؟
سعد:ايه مكلمينه المستشفى
ابوسعد:زين اجل بمره ونجيك ؛وقفل
سعد كان بيقوله شي ولكن سكت من شاف أبوه قفل
ام سعد:من اللي بالمستشفى؟ وش صاير؟
ابوسعد:مشعل وطلال طلعوا هم الحادث اللي امس ماظنتي انهم سلموا !؛وطلع بسرعه متجه لبيت اخوه اللي كان مقابل لبيته
ام سعد:لاحول ولا قوة إلا بالله
الجوهرة ودموعها بعيونها :يارب ما يكون صار لهم شي
رحاب:الله يشفيهم يارب
~~~~~~ • • • • • ~~~~~~
<في بيت ابومشعل>
كانوا مجتمعين على الفطور وياكلون
طارق:مشعل وطلال للحين مارجعوا ؟
مها:يمكن نايمين بالملحق
الهنوف:بقوم اشوف
ابو مشعل بحده:اقول اقعدي بس كملي فطورك ثم يالله كل واحد على دوامه
الهنوف جلست وهي خايفه اول مره ابوها يعاملها كذا وتناظر لطارق
طارق فهمها وقام يغسل وطلع لسيارته ولكن صادف عمه اللي كان جايهم
طارق:حي الله عمي ابو سعد
ابوسعد:الله بيقيك؛وسلموا على بعض
طارق:اقلط للمجلس بجيب القهوة واجيك
ابوسعد راح للمجلس وطارق دخل للبيت؛طارق:عمي ابوسعد جاء وين القهوة ؟
ابومشعل:الله يحييه قلطه
طارق:قلطته جالس بالمجلس
ابومشعل قام غسل يدينه وراح للمجلس
اخذ طارق القهوه ونطق:غريبه جاي الحين ولحاله
مها:رح بس ابطيت بالقهوة
طارق ضحك عليها وهو عارف انه أحرجها وراح للمجلس:حي الله عمي تو مانور البيت
ابوسعد: منور بوجود أهله
صب طارق القهوة ومد الفنجان لعمه
ابوسعد:عطه ابوك؛ومده طارق لابوه
ابومشعل:والله ما اخذه عطه لعمك ؛وأخذه ابوسعد
-انتهى-🦋✨
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
