في بيت ابو ذيب
اتصل ابو ذيب بذيب ،ابو ذيب:السلام عليكم
ذيب:وعليكم السلام هلا
ابو ذيب:ياولدي رح جب غداء وكثره شوي بنجي أنا وعمانك كلهم وخل امك وخواتك يسوون القهوه ويجهزون المجلس
ذيب :ابشر يبه الحين اقولهم وقفل
اتصل ذيب بامه:يمه ابوي يقول انه بيجي هو وعمامي خلي البنات يجهزون المجلس والقهوه وانا جاي بالطريق بس اكلم المطعم يجهزون الغداء وجاي
ام ذيب:ان شاء الله برسلك الأغراض اللي نبيها وجيبها وانت جاي وقفلت
قامت ونادت لميس وميس يساعدونها نزلوا وبدوا يشتغلون وصل ذيب ودخل الأغراض وراح للمجلس يستقبلهم
ابو ذيب : تفضلوا الله يحييكم يا هلا ومرحبا ياهلا
دخلوا
ذيب وهو يستقبلهم:يأهلا تفضلوا ،وبدا يصب القهوه لهم
جاء وقت الغداء وقام ذيب دخله
ذيب:حياكم الله على قل الكلافه واعذرونا على القصور
ابو مشغل:الله يبقيك ،وقاموا يتغدون
أبو سعد : اكرمكم الله
أبو مشعل : كثر الله خيرك
أبو ذيب : عافية ولو انه موب حقكم لكن اعذرونا
أبو مشعل: وافي يا أخوي
وقاموا يغسلون
ذيب دخل يجيب العود
ذيب : يمه وين العود
أم ذيب : تعال المطبخ هاك ،وأعطته المبخرة
أخذها ذيب وطلع للمجلس وقام يطيبهم واطلعوا
أبو مشعل : ما قصرتوا الله يغنيكم ويجود عليكم
ذيب : حق وواجب يا عمي
أبو مشعل : عاد ما اطول عليكم مع السلامة وسلم لي على خواتك
ذيب : يوصل، وراحوا كلن لبيته
في بيت أبو مشعل
كان طلال في غرفته صحي وقام يصلي العصر ومشعل كان جالس يطقطق بجواله
ام مشعل ومها والهنوف كانوا بالصاله
دخل أبو مشعل : السلام عليكم
الكل :وعليكم السلام
مها :تفضل يبه ،وقامت عشان أبوها يجلس
ابو مشعل:وينه طلال؟
مها وهي تصب القهوه مدت الفنجان لابوها:بغرفته بروح أناديه لك
ابو مشعل:لاخليه يرتاح توه راجع من السفر وتعبان
مها:تمام،وجلست
ابو مشعل:ومشعل وينه ماجاكم؟
ام مشعل :إلا جاء هو وطلال مع بعض الظاهر انه بالغرفه ولا بالملحق
أبو مشعل ناظر للهنوف وقال: أصغر القوم خادمة قومي يا بنتي ناديه
الهنوف :ابشر يبه ،وقامت تصعد فوق تناديه
طق الباب
مشعل :مين؟
الهنوف فتحت الباب:الهنوف ابوي يبيك
مشعل:وش يبي؟
الهنوف: هو مو قايل لك الصبح تعال أبيك وش فيك مسرع نسيت
مشعل: يوه نسيت يلا روحي وبآجي وقام لدرجه ينقي له طقم واختار تيشيرت أسود وبنطلون أبيض
طلعت الهنوف وسكرت الباب وراها
وما هي التي دقائق معدودة ونزل مشعل
مشعل : السلام عليكم
ابو مشعل: وعليكم السلام وينك من اليوم
مشعل:معليش يبه نسيت انك تبيني كنت مصدع شوي من الدوام وقلت اصعد فوق أريح
ابو مشعل:تعال اجلس واسمعني زين ياولدي انت كبرت وانا وأمك كبرنا ماودك تخلينا نشوف احفادنا قبل الله يأخذ امانته
مشعل:بسم الله عليكم بعيد الشر عنكم يبه وبعدين من قال انكم كبرتو توكم بسن الشباب
ابو مشعل:لا تضحك على عمرك ياولدي مابقى من العمر كثر ماراح
مشعل:بس يبه من قال لكم اني ابي الزواج أنا للحين ما أسست نفسي وهيأتها ولاني متحمل مسؤولية بيت لحالي
ابو مشعل:اقول بلاعباطه رجال وش كبرك ولاتتحمل المسؤولية طول بعرض وذا كلامك
ام مشعل:ياولدي انت كبرت وصلت الثلاثين وللحين ماتزوجت ياولدي اسمع كلام ابوك وخلني ادور لك بنت الحلال
مشعل:يصير خير أنا بروح وقام اخذ مفاتيحه وطلع
ركب سيارته وأسرع بكل ماعنده ليصل لمكانه اللي معتاد انه يشكي همومه فيه واتصل على طارق
طارق:هلا شعول ،ومن صوته واضح انه مشغول
مشعل:هلا وينك فيه؟
طارق:بالمزرعه امر وش بغيت
مشعل وهو ناسي امر المزرعه كلياً مسك رأسه:إذا خلصت علمني انتظرك
طارق:مشعل فيك شي؟
مشعل تغيرت نبرة صوته:فيه موضوع مقلقني ولا أقدر أقوله لك بالجوال لازم أشوفك
طارق:عساه خير،وينك فيه ؟
مشعل :برسلك اللوكيشن ،وقفل
عند ذيب اتصل عليه طارق
ذيب :ارحب
طارق:البقى ذيب ذيب تقدر تطلع للمزرعة تشوف العمال لأن جاتني شغله ولازم أرجع للرياض
ذيب:ان شاء الله
طارق :ماقصرت وقفل وركب سيارته وفتح اللوكيشن وحرك
وصل طارق : مشعل وش فيك صوتك موب عاجبني فيك شي؟
مشعل: أبوي فتح الموضوع مرة ثانية
طارق:وانت وش مزعلك الحين؟ مفروض تستأنس لو إني مكانك أخ بس تلقاني طاير من الوناسه
مشعل:المشكله موب هنا المشكله خوفي ان امي تختار وحده ما ابيها وقتها شلون بقول لها
طارق لف له :وشو ومنهي سعيدة الحظ اللي يبيها مشعل؟
مشعل:الجوهرة بنت عمي مازن
طارق:ههههههههههه سهله قل لامي انك تبيها وصلى الله وبارك
مشعل: الكلام سهل بس الفعل صعب أخاف تفهم الموضوع غلط
طارق:ماعليك يارجال عندي الحل
مشعل لف له:وشش
طارق:هههههههههه وقلده:وشش
مشعل:يالليل الواحد يندم انه فضفض لك
طارق:هههههههههه امزح معك يا رجال الحل هو انك تقول للهنوف ونخليها تلمح لامي وش رأيك؟والله انها بطله
مشعل: خوفي تهج معها وتنشر الغسيل وكلن يدري وخبزن خبزتيه يالرفلة كليه
طارق:اهم شي تأخذ اللي تبيها صح ولا لا
مشعل:ايه لكن يا طويرق لو ماتضبط تعرف وش بسوي فيك
طارق:يارجال إذا ماضبطت مالك إلا تقولها بالصريح ولا ترا محد بيندم ويأكلها غيرك قم بس خل نلحق نوصل البيت قبل تغرب الشمس ويأكلنا ابوي
وقاموا راجعين للبيت
انتهى<<<<<
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
