جيتي مثل الغيث والدنيا صحوه

Part 42

جوهرة شافت شنطة مخبية بالدرج من تحت وأول مره تشوفها وطلعتها تحاول تفتحها بس ماقدرت لأن لها باسوورد وجلست تخمن وبعد وقت رجعت تخمن الباسوورد إلى ان خمنته صح وسمت بالله وفتحتها وهنا كانت صدمتها ؛
جوهرة شهقت :وش ذا ؟!؛وقعدت تدور بالأوراق اللي كانت موجودة بالشنطة وحصلت تقارير كثيرة وأخذتها وحطتها بلبسها ومسكت الشنطة بتقفلها ولكن لفت انتباهها صور كانت تجمع ابوها بشخص كانت اول مره تشوفه وسحبت الصوره وسكرت الشنطة ورجعتها مكانها ولفت بتطلع ولكن صادفت أبوها داخل للغرفه
—————•—————•—————•—————
ابو حلا بغضب:وش عندتس هنا؟ وش تسوين!
جوهرة بخوف دبّ بقلبها:هاه؟ لا لا . ولا شي بس كنت . .
ام حلا من خارج الغرفة وهي تمشي:جوهرة حصلتي سوراتي؟
جوهرة:هلا يمه ايه بجيتس عن أذنك يبه
ابو حلا باستغراب لأول مره تعامله باحترام:ايه يالله اطلعي مايخالف
طلعت جوهرة وزفرت براحه وراحت بسرعه لغرفتها هي واخواتها
ندى وهي تعدل شعرها:ها لقيتيهم؟
جوهرة وهي تفتح الدرج:لا ؛وحطت الصور والأوراق بكتاب وسكرت الدرج
<في بيت ابو مشعل>
دخلوا طارق وطلال وكل واحد معه كرتون لحم وحطوها بالمطبخ
طارق رفع صوته ينادي امه:يمه اللحم حطيته في المطبخ فيه شي تبوني أجيبه بعد؟
ام مشعل نزلت :لا يابوي تسلم
طلال:اقعددد وش ذا الكشخه يا ام مشعل
طارق وهو يبوس رأسها:ياعيني على الأحمر وعلى اللي لابسته
ام مشعل دفته بإحراج:ابعد بس لا توصخني بالد//م
طارق وهو يدري انها منحرجه منهم:منتي هينه يا ام مشعل؛وغمز
ام مشعل:يالله روحوا بدلوا ملابسكم عشان تستقبلون الرجال والحريم بيجون لاعاد تجون هنا
طارق وطلال:ابشري؛وطلعوا لغرفتهم ولبسوا وكشخوا وطلعوا للرجال
دخلوا ام حمدان وساره
ام حمدان:السلام عليكم يا هل الدار
ام مشعل طلعت من المطبخ:ياهلا وعليكم السلام حياكم الله تفضلوا ؛وسلموا على بعض
الهنوف:ساره تعالي شوي أبيتس تساعديني
ساره وهي تنزل عباتها:ابشري بودي عباتي لامي واجيتس ؛وراحت لمجلس الحريم وحطت أغراضها ورجعت للمطبخ
ساره:وش أساعدتس فيه
الهنوف:تعالي؛وجلسوا يشتغلون ويسوون العشاء والقهاوي
دخلت ام سعد وبناتها وبعدهم ام حلا وأم ذيب وبناتهم وابتدت العزيمه
ام ذيب:السلام عليكم
ام مشعل:هلا والله وعليكم السلام
ام ذيب:كيفتس
ام مشعل: والله بخير انتم كيفكم
ام ذيب:الحمدلله بخير
دخلت غلا:السلام عليكم
ام مشعل:وعليكم السلام ياهلا تفضلي
غلا:زاد فضلك ياخاله (احترامًا لها)؛وجلست جنب ام ذيب
مها قامت وراحت للمطبخ :بنات توقعوا من جاء هههههههههههههه
ساره:من؟
مها:مرة ذيب غلا والله ياهي تهبلللل جمييلللههه جمال يذبح بس مب احلى من الجوهره بس الزين مايكمل فيها شوفت نفس
الهنوف:كذااببه! وش جابها لها وجه بعد لكن أنا أوريكم فيها ؛وطلعت بسرعه
ساره بخرعه:بسم الله شفيها ذي بتجيب العيد تراها الحين ؛وطلعوا هي ومها ورا الهنوف
الهنوف دخلت:السلام عليكم ؛وسلمت عليهم كلهم واخذت القهوه والفناجين تصب لهم إلى ان وصلت عند غلا وصبت القهوه وتعمدت تمد الفنجان لـ ميس قبل غلا عشان تفشلها وكانت رحاب ماسكه صينية الحلا وتمشي فيها وسكبت لغلا وبعدها الهنوف صبت قهوة لغلا وتعمدت تطيح الفنجان
غلا:اااححححح ؛ورفعت الفستان ووقفت تهفه
الهنوف :ماكان قصدي معليش ؛ونزلت القهوه وطلعت للمطبخ ولحقتها امها وبعدها ساره ومها
ام مشعل:الهنوف! خير ماتخلين خبالتس انتي المره ضيفه وأول مره تجينا تسوين فيها كذا؟!
الهنوف بكل برود:تستاهل
ام مشعل بحده:هنوفوه
مها مسكت امها:يمه خلاص روحي وانا أتفاهم معها
ام مشعل:فهميها فشلتنا ؛وراحت
ساره:اححح والله يا انتس فشلتيها تستاهل المعتوهه ههههههههههههههههه
مها:هههههههههههههههههههه وربي عجبتيني بس حرام انحرقت
الهنوف:احسن وقليله بحقها خطافة الرياجيل
دخلت رحاب ومعها صينية الفناجين ونزلتهم على المغسله وراحت للهنوف وطقت كفّها بكف الهنوف وضحكت:هههههههههههههه ياخي انتي كفو تعجبيني عجزت امسك نفسي بغيت أقوم اسطرها
الجوهره دخلت :يوه يا بنات لو تشوفون شكلها وهي ماسكه الصيحه بردتي كبدي فيها ههههههههههههههه
الكل : هههههههههههههههههههههههههههه
<عند الحريم>
ام مشعل:معليش ياغلا حقتس علي والبنت غلطانه ومن الخرعه راحت ماتدري وش تسوي
غلا:معذوره ياخالتي
لميس بهمس:ياعنني ما اهتميت
غلا ناظرتها وماردت وقامت للمغسله تحس رجولها تحرقها وماتقدر تتحمل وارسلت لذيب
<عند الرجال>
ذيب وصلته رساله من غلا
ذيب:وش فيتس؟
غلا:جب كريم الحروق وبس
ذيب بخوف:زين؛وقام لبيتهم واخذ الكريم وركض لقسم الحريم وارسل لغلا:اطلعيلي أنا برا
غلا :زين؛وطلعت له
ذيب ضمها:وش فيتس يابعدي
غلا:لاتخاف مافيني شي انكبت علي قهوة بس بسيطه
ذيب وهو يناظرها:اكيد؟ من كبها عليتس ؟ لميس؟
غلا:لأ أنا كبيته بالغلط وكان حار
ذيب:جعلها بي عنتس اخذي ذا الكريم
غلا:يعطيك العافيه
ذيب:يعافيتس انتبهي لنفستس؛وراح للرجال
دخلت غلا ومعها الكريم وحطته على الحرق ورجعت لمجلس الحريم
ميس بهمس:طولتي
غلا بنفس الهمس:شسوي قعدت انتظر ذيب يجيب الكريم
ميس بحزن عليها:قوي الحرق؟
غلا :يعني الحمدلله بس ذيب لايدري
<بالمطبخ>
جاء مشعل من الباب الخلفي للمطبخ :احم احم ياولد