الجوهره توترت من مسكته لها وقربه منها:ذ. . ذيب نعم !
ذيب:وشو لايكون حرام تراتس زوجتي الحين اقدر اخذتس ونروح
الجوهره:لاااا ما اتفقناا كذا لازم زواج وش ينقصني عن باقي البنات ؟
ذيب:قولي احبك وتم
الجوهره بحده:ذيب!!
———— • • • • • ————
ذيب:عيوننننه
الجوهره:ا ..... ؛وبتر كلمتها ذيب وهو يسترق مبسمها ،الجوهره وقفت بصدمه
ذيب ضحك:هههههههههه ايوه كملي وش كنتي تقولين
الجوهره:ا....نسيت وش كنت بقول حسبي الله
ذيب ضحك:ههههههههههه ودك؟
الجوهره انصدمت من جرائته وانحرجت ولفت تركض بتطلع؛
ضحك ذيب:هههههههههه تعالي يالخبله وين طرتي انتي ونيتس
الجوهره لفت له:هااه؟ وش قصدك
ذيب:قلتي تبين زواج
الجوهره تنهدت براحه وهمست:كريهه يجيبها بطريقه تقلب النيه
ذيب:وش قلتي ما سمعت
الجوهره:قلت ايه ابي زواج كبير مو عائلي
جاء ذيب وحاوط وجهها وحب انفها:ابشري وتم ياعيون ذيب
الجوهره:تسلم عيونك
سعد فتح الباب:كأنكم فليتوها بعدين شعندك مقرب منها كذا وش تسوون؟
ذيب:ورررع! اطلع بس؛ومسك علبة مويه وقطها على سعد وقفل الباب سعد ونطق:ههههههه اطلع لاتطول عمي بيمشي؛وراح
ذيب:ماعليتس من اخوتس الخبل ذا انتبهيلتس ياعيوني استودعتس الله؛وطلع
دخلت الجوهره وبدوا البنات يسحبون منها الكلام
الجوهره:يوووه وش تبون ماني قايله لكم لاتحاولون
مها:يالله عاد أعرفتس ماتسكتين فكي القربه بس
ضحكت الجوهره وحكتلهم
صفرت الهنوف:والله طلع رومانسي الولد الله يهنيكم ويرزقني
طقتها مها:ماتستحين على وجهتس انتي
رحاب :الله يهني سعيد بسعيده سبحان الله ما كأنها اللي تقول تكلمي!
البنات ضحكوا
العمه نوره دخلت:السلام عليكم
الكل ردوا السلام وقاموا يسلمون عليها
النارا جلست مع البنات:وحشتونييي بنات
مها:ماتوحشين غالي ياحياتي
النارا ضمت الجوهره:مبروك جوجو الله يتمملتس على خير
الجوهره:ياحياتي يا النارا امين
قاموا رحاب وحلا شغلوا السماعه
حلا:طبعًا مايحتاج نقول مين الاولى الاول معروف لمين
قامت الجوهره وهي تضحك:حلّوووو ياخييي ابووسك
وقعدت تتمايل على الألحان والباقي يعززون لها؛قامت مشاعل وسحبت رحاب معها ويرقصون مع الجوهره
صفرت مها:عاشووو بناتت عمييي مازن ؛وتصفق لهم ومن بعدهم كملوا رقص الباقين
<عند الرجال>
دخلوا عيال صالح(عيال العمه نوره)
عازم:السلام عليكم شحالكم يارجال
الكل بلا استثناء قاموا ردو السلام
ابو سعد:الله حيهم
عازم:الله يبقيك ياعمي؛وجلسوا
تركي:شحالكم جميع
ابو مشعل:بخير نحمدالله انتم شلونكم بشرونا عنكم
عازم :بخير لله الحمد مبروك ياذيب
ذيب:الله يبارك فيك والعقبال لك
عازم ابتسم:امين امين
ابو مشعل:اقول عازم وش تشتغل فيه
عازم:بالطيران العسكري
ابو مشعل:ما شاء الله وانت ياتركي
تركي:للحين ادرس ياعم
ابو مشعل:ما شاء الله وش تدرس
تركي:ادرس طب وجراحه
ابومشعل:وكيف التخصص عساه كويس
وقعدوا يسولفون
<بالمستشفى>
مشعل ناظر الساعة وكانت 5:30PM ومحد زاره اخذ جواله واتصل على طارق
طارق طلع جواله ورد : هلا شعول شلونك
مشعل : الحمد لله بخير أنت شلونك وشلون عماني وأبوي والأهل
طارق : بخير أبشرك كلنا بخير
مشعل : غريبة ما حد جاني اليوم لا يكون أحد به شي
طارق : لا محد به شيء بس انشغلنا شوي عاد أنا بقفل شوي واجيك
مشعل استغرب : زين؛ وقفل الخط
< عند طارق>
لف لسعد اللي كان يناديه: هلا
سعد : وين رحت عمي يبيك من تكلم
طارق تنهد : مشعل
سعد : علمته؟
طارق : لا لكن وش بيسوي إذا درى
سعد : ليش؟
طارق مسكه بياقته: مسوي نفسك ما تدري ما قال لك لما رحتوا مع بعض انه يبيها ولك وجه تجحد
سعد : نزل يدك بعدين أنا ما جحدت
طارق : اجل وراك تخلي ذيب يأخذها وتلوي ذراع مشعل وهو معتبرك واحد من إخوانه
سعد وهو يدف طارق مع صدره : نصيبها وجاها تبيني أرده؟ وبعدين مشعل أنت عارف وضعه ما يسمح أنه يتقدم لها ومرده بيرضى
طارق وهو يوجه ضربة لوجه سعد: و الله إنك خسيس لا عاد تجيب طاري مشعل على لسانك تفهم ولا ما تفهم!
سعد مسح وجهه اللي كله دم وقام ناوي طارق
طلع أبو مشعل من المجلس : ولد انت واياه ! وش تسوون حيلكم في بعضكم طلال رح جب طارق وشغل السيارة
أبو سعد طلع من أصواتهم : وش صاير ؛ وناظر لسعد: وش فيك؟
سعد: ما فيه شي يبه؛ وراح يغسل وجهه
طارق كان ماسك صدره وهو يحس بألم بس مابين لهم وقام ركب السياره بدون اي كلمه وتوادعوا وراحوا كلن لبيته
<في بيت ابو مشعل>
بدلوا ونزل طارق وأخذ مفاتيحه وطلع للمستشفى بعد ما تهزأ من أبوه ودق على مشعل:الو
مشعل:ارحب يابو خالد
طارق:البقى جاهز؟
مشعل ضحك:هههههههههه افا عليك اكيد جاهز
طارق:زين زين ؛وقعد يشرح له شلون بيهربون
ضحكوا
مشعل :يالله اجل بشوف الوضع واكلمك
بعد مده في المستشفى
دخل طارق وهو لابس لبس ممرض ومعه شنطة ظهر دخل لغرفة مشعل وعطاه الشنطه عشان يبدل ملابسه:خذ بدل بسرعه
قام مشعل وراح بدل وطلع وهو لابس سكراب وطالع ضيق عليه وقصير انفجر ضحك طارق اول ماشافه
مشعل وهو يضحك:ههههههه ما ألومك اضحك اضحك حسيت اني بتحول لهالك بعد شوي
طارق ضحك: ممرض عليه ديون هههههههههههههه
مشعل طقه عشان يوقفون ضحك وماتو ضحك مره ثانيه
طقت الباب ممرضه فلبينيه ودخلت:ايش سوي انت هنا وين هذا مريض مشعل؟
طارق ضخم صوته:هذا مريض في الحمام انتي روحي وانا بشوفه
الممرضه:اوكيه؛وراحت
مشعل:العن شكلك سقتها عليها
طارق ضحك ومسك يد مشعل:يالله قبل يجي احد يستقعد لنا ياهالك؛وطلعوا وهم يضحكون
ركبوا السيارة وتوجهوا لأقرب محطه ودخلوا المسجد ولبسوا ثيابهم وتوضو لصلاة العشاء وصلو وطلعوا للبقاله وأخذو أشياء وطلعوا للنفود وزينوا جلستهم وجلسو
طارق قفل جواله ولف لمشعل:هات جوالك
مشعل:ليه؟
طارق:وخطتنا لما نبعد عن الناس؟
مشعل ضحك ومد جواله لطارق:ههههه سبقتك وقفلته
طارق اشعل النار وشغل اللمبه ومشعل نزل العزبه والدافور وبدا يزين الشاي
طارق:يوووه اشتقت للشاي حقك
مشعل ضحك ومد البياله:سم
طارق :سم الله عدوك
مشعل:طارق
طارق وهو يرتشف من الشاي:هلا
مشعل :جعله عافيه هههههه
طارق عدل فروته:على قلبك ايوه وش كنت بتقول اسلمم
مشعل وهو متكي ظهره على التكايه ويدينه مشبكه ببعض ورا راسه:ودي ارجع أفاتح امي بموضوع زواجي
طارق نزل البياله وقرب لمشعل:مشعل بقولك شي بما انك فتحت الموضوع
مشعل:وش
طارق وهو مكسور خاطره على اخوه:انت تدري ان الزواج قسمه ونصيب و
قاطعه مشعل وهو يلف له ويتكي بيده على التكايه:وش قصدك
طارق:الجوهره جاها نصيبها
مشعل:شلون؟ أنا مكلم سعد بالموضوع وكان موافق شلون راحت لاحد غيري!
طارق بحده:مشعللل! القرار مو بيد سعد القرار بيد ابوها وبيدها وبعدين انت لاتنسى انك ماتقدمت لها عشان تكون لك!
مشعل:ومن الكلب اللي خذاها ؟! والله ما تاخذه يا أنا يالقبر! ؛ووقف
طارق صارخ:مشعل أقصر الشر وش ناوي عليه!
-انتهى-🦋✨
رأيكم بالبارت؟ وتوقعاتكم وش بيسوي مشعل🌷
إذا تبون تسريبات هذا حسابي تيك 😉
Tik tok:olom_410
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
