حلا رفعت صوتها:جوهرة تعالي وراتس تأخرتي
جوهرة:نـ.نـ.نـعم يالله جايه؛وراحت تركض تحت أنظار الوليد اللي كان يناظرها ويضحك
~~~~~~~~~~~~~~~~•••••~~~~~~~~~~~~~~~~
استوعب الوليد انه طول وهو واقف ونسى وش كان يبي ورجع لقاعة الرجال
طارق:هاه الوليد جبت البشت؟ وينه ما اشوفه
الوليد بنكبه:نسيته بالفندق!
طارق:إن لله يالله امش؛ودخلوا
سعد:يالله طارق ناد مشعل وامشوا للزفه
طارق:سعد ماعندك بشت احتياطي منا ولا منا
سعد:يارجال لايكون انت المعرس ومادرينا اخلص ناده وامشش
الوليد نزل بشته:هاك البسه
طارق:لا والله
الوليد لبسه طارق غصب:طارق تراه مغير بشت رح يالله
طارق:جعل عمرك طويل يالوليد؛وراح ينادي مشعل
<بقسم النساء>
دخل سعد على الجوهره وهو يسمي:بسم الله ما شاء الله مبروك ياخوتس والله يرزقتس الذريه الصالحه يارب
الجوهره:الله يبارك فيك،امين والعقبال لك
سعد:اميين ؛ولف لابوه من دخل
ابو سعد :السلام عليكم
الكل:وعليكم السلام
أبوسعد:مبروك يابنتي وعسى الله يوفقتس ويسعدتس ويرزقك بالذريه الطيبه الصالحه
الجوهره وهي تصيح:الله يبارك فيك يبه؛وتقدمت تحضنه
سعد:يوووه عاد من يسكتها الحين
رحاب:الجوهره ترا منتي بطايره تراتس بس اعرستي
ابو سعد :خلو بنيتي لاتضحكون عليها،علامتس يابوتس تصيحين امسحي دموعتس يالله
الجوهره:بشتاق لكم
ام سعد:حنا قريب ومتى مابغيتي تجين مشعل بيجيبتس
تقدمت مشاعل ومعها المناديل تمسح دموع الجوهره
سعد:العريس جاء؛وطلعوا هو وابوه
ام سعد:يالله مشينا يابنات؛وطلعوا
دخل مشعل:السلام عليكم
الجوهره وهي منزله راسها:وعليكم السلام
مشعل:كيف حالتس يالجوهره
الجوهره:الحمدلله بخير
مشعل تقدم ومسك يدها:شرايتس اخذتس وانحاش بلا زفه بلا شي
الجوهره ضحكت بصدمه:صادق انت ؟قدام
مشعل:تحسبيني استهبل والله لا اسويها!
الجوهره:وانا قلت قدام؛سحبها مشعل بيدها وطلعوا لما وصل للدرج حملها ونزل إلى ان وصل للبوابه ووقف
الجوهره:نزلني يالغبي ولا بنطلع كذا؟
مشعل نزلها وعدل بشته:الود ودي لكن اعرف اخوتس
الجوهره ضحكت بخجل ولبست عباتها
طلعوا البنات وام سعد وأم مشعل يودعونهم وكذلك عيال ابو مشعل
ام سعد:لا وصيك يامشعل حطها بعيونك
مشعل:ابشري ياخاله لاتوصين حريص
ام مشعل:مبروك ياولدي يامشعل وانتي يالجوهره
مشعل والجوهره:الله يبارك فيتس
سعد راح يشغل مسجل السيارة واتجه لـ الجوهره و بدأ يغني مع الاغنيه:
ومن فوق رمش العين الغره مياله
صلوا على النبي العروس غزاله
وبدا يلعب عليها
البنات ضحكوا من حركاته وقعدوا يصفقون ويعززون له
رحاب:اووووو صلوا على النبي العروس غزاله
الهنوف صرخت من جاء طارق وهو يهز كتوفه
طارق:ومن فوق رمش العين الغره مياله ؛
وهمس لرحاب:غطي غرتس!
رحاب عدلت شيلتها وهي متوتره وكملت تصفق لهم
وتغني والهنوف ومشاعل معها
مشعل:خلاص انت وياه تغزلون بزوجتي قدامي!
طارق:الرجل الشرقي الغيوررر
الكل:هههههههههههههههههههههههههه
مشعل وهو يحاول يكتم ضحكته:ولد!!
طارق:يالبيه
مشعل نزل عقاله وهو يضحك:اعقل لا أجلدك
طارق قرب من مشعل وهو يهز:ومن فوق رمش العين
الغره مياله صلوا على النبي عروس مشعل غزاله هههههههههههههههههه
مشعل:اعقب وانا ولد ابوي؛ولحقه بالعقال
سعد:شرايتس يالجوهره تسحبين عليه وتعودين معنا
الجوهره:قدام
مشعل:جاكم الثاني تبي تنجلد معه انت وانتي ماصدقتي كل من قالتس شي قلتي قدام
ضحكت ام مشعل:خل عروستنا على كيفها
مشعل ضحك:هههههههههههههههه حتى انتي يمه!
الهنوف:الله يعينك ياخوي بس والوالده صادقه !
مشعل مسك يد الجوهره ومشى للسياره:لو جلسنا شوي
زياده فركشوا بيتي
الكل ضحكوا:ههههههههههههههه بحفظ الرحمن
سعد ركب قدام لانه هو اللي بيوديهم ومشوا من ودعوا بعض
أنت تقرأ
جيتي مثل الغيث والدنيا صحوه
Mystère / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
