جيتي مثل الغيث والدنيا صحوه

Part 44

الهنوف: 1..2..3....اااح؛وسحبت أصبعها تهف عليه
طارق ضحك:هههههههههههههههههههههههههههه خلاص يالعوباء خلصنا
طلال:يالله طارق ازعجني مشعل يدق
طارق:يالله
واخذوا الصينيه وطلعوا وبعدها جو طايل وذيب يساعدونهم على الصينيه الثانيه وراحوا
الهنوف ومها جهزوا عشاء النساء وساعدوهم ساره والجوهره
—————•—————•—————•—————
<بعد العشاء الساعه 10PM>
تفرقوا الشيبان ينامون وكالعاده العيال متجمعين بالملحق والبنات في بيت ابو مشعل
<عند البنات>
كانوا قاعدين يسولفون
جوهرة قامت وهي متوتره
ندى:جوهرة فيتس شي؟
جوهرة:لا . لا . مافيني شي
الهنوف بشك:جوهرة مب علي شفيتس إذا فيه شي انطقي؟!
جوهرة:تعالي معي بكلمتس شوي
الهنوف قامت بخرعه:وشو؟ ؛اخذتها جوهرة بعيد عن البنات
جوهرة:الهنوف والله اني خايفه شفت شي وأحس أنه . .
الهنوف بخوف:وش بلاتس انطقي بسم الله عليتس
جوهرة بكت:شفت أوراق تخص أبوي بس مافهمت وش فيها وخايفه يكون شي كبير واتورط
الهنوف قعدت تهديها:اهدي بسم بالله قولي ووعد اني أوقف معتس بس انطقي وترتيني وخوفتيني
جوهرة فتحت جوالها توريها الصورة
الهنوف شهقت وسرعان ما كتمتها :وش هذا من وين جبتيهم!
جوهرة وهي تناظر لاحد يسمعهم :لقيت ابوي مغبيهم بالصدفه فتشت غرفته وحصلتهممم
الهنوف :معليتس انتي اهدي الحين وخلينا نروح نجيب هذي الأوراق بعطيها احد ينفي شكوكنا وان شاء الله انه مايكون شي كبير
وراحوا جوهرة والهنوف لبيت أبو حلا ودخلوا ومشوا على أطراف أصابع رجولهم وصعدوا فوق لغرفة جوهرة وفتحوا الباب ودخلوا
اتجهت جوهرة لدولابها وفتحته تطلع الأشياء والهنوف ماسكه باب الغرفه وتراقب

<عند ابو حلا>
طلع من دورة المياه(يكرم القارىء)وشاف غرفة بناته مفتوحه وتقدم لها
أبو حلا وهو رافع صوته:فيه أحد هنا؟ جوهرة حلا ندى
ركضت الهنوف وسحبت جوهرة معها وتخبوا بالدولاب
دخل ابو حلا للغرفة وفتح النور:بسم الله الرحمن الرحيم؛ومشى شوي شوي يدور بالغرفة إذا فيها أحد وشاف تحت السرير وغرفة الملابس ما حصل أحد واتجه للدولاب ووقف
أبو حلا :أعوذ بالله وش أبي بالدولاب أنا بعدين مين بيتخبى بدولاب ؛ومشى طفى النور وطلع وسكر الباب
طلعوا الهنوف وجوهرة من الدولاب وهم مكتومين ويهفون على نفسهم
الهنوف:افففف حر بغيت أموت
جوهرة:منجد والله الحمدلله ما شافنا يالله خلينا نروح قبل يرجع ؛ومشوا للباب وطلعوا بهدوء ورجعوا لبيت أبو مشعل
الهنوف بهدوء :اسمعيني بعطي هذي الأشياء لمشعل وهو يتصرف فيها زين؟
جوهرة:بس أنا خايفه يكون اللي ببالي صح ويكون أبوي ق...
الهنوف بخوف :بسم الله علينا لاتقولين كذا!! يمكن كانت ذكرى والتقارير قديمة عموماً بعطيها مشعل ونشوف تمام؟
جوهرة:طيب

<عند العيال>
قام مشعل وطلع برا من شاف الهنوف متصله عليه،مشعل:الو
الهنوف:هلا مشعل تعال بسرعه من باب المطبخ الخلفي
مشعل باستغراب:ليه ؟ يالله جايكم؛وراح يمشي بسرعه وحصلهم واقفات
مشعل:عسى ماشر وش صاير احد فيه شي؟
الهنوف:لا مافيهم إلا العافيه اسمع
مشعل:اسمعتس وش عندتسن؟
جوهرة مدت الأوراق له:افتحها وشوف
فتحه مشعل وناظر فيهم بخرعه ونطق بغضب:من وين لتس هذا ؛وينقل نضره من جوهرة للهنوف واكمل ؛من وين جبتوه انطقوا!!
الهنوف:مشعل! أهدا جوهرة حصلتها مع عمي وشكت من شافته مغبيهم
مشعل:مع عمي؟ وش دراكم؟!
الهنوف:جوهرة كانت ترتب غرفته وبالصدفه حصلته
مشعل :زين ادخلوا
جوهرة:تمام بس طلبتك أبوي لا يدري عن شي
مشعل:مب داري ماعليتس يالله ادخلوا
دخلوا الهنوف وجوهرة
مشعل رجع لقسم الرجال وأخذ سيارته وطلع بدون مايكلم احد