جيتي مثل الغيث والدنيا صحوه

Part 47

ذيب وهو يروح ويجي بالممر متوتر وخايف يكون صار لهم شي
ميس:ذيب أهدا ان شاء الله مافيها شي
ذيب:شلون برتاح وانا مب عارف وش اللي صار لها شلللون ياميس شلون
ميس:لاحول ولا قوة إلا بالله أنت اجلس الحين الدكتور يجي ويطمنا عليها
~. ~. ~. ~. ~. ~. ~. ~ • • • • • ~. ~. ~. ~. ~. ~. ~. ~
طلع الدكتور من الغرفة وركض ذيب له ولحقته ميس
ذيب:بشر يادكتور ان شاء الله ماصار لها شي
الدكتور:الحمدلله المريضه مافيها شي بس أغمى عليها عشان تعرضت لانهيار عصبي وكمان من مضاعفات الحمل ولأنه اول حمل لها بيكون صعب شوي عليها قدامها العافيه
ذيب:الله يعطيك العافيه دكتور اقدر ادخل اشوفها الحين
الدكتور:تفضل وتقدر تطلع بعد مايخلص المغذي
مشى ذيب بيدخل ولكن مسكته ميس من ذراعه وهي تصيح وتضمه
ذيب ضمها:علامتس تصيحين! قال مافيها إلا العافيه خلينا ندخل نشوفها
ميس:مبروك أخيراً بتصير أب وأنا بصير عممممه
ذيب:هههههههههههههههههههههه الله يبارك فيتس أطلق وحده بتصير عمه يالله مسحي دموعتس عشان ندخل
مسحت ميس دموعها ودخلوا
ذيب:الف لابأس يا أم محمد خطاتس الشر؛وتقدم يبوس راسها
غلا:الله يسلمك ؛وهمست؛ترا فيه ادمي عندنا لاتفضحنا
ميس:مبروك يا حياتي والله يسهل لك يارب ويجي حبيب عمته بالسلامه
ذيب:ترا الدكتور هو اللي خرب المفاجأة مب أنا
غلا:ههههههههههههههههههههه عمتي والباقين لايدرون أنا اللي بقولهم
ميس:سرك ببير يا ام حمود هههههههههههههههههههه
الكل: هههههههههههههههههههههههههههه
<عند ام ذيب>
ام ذيب:طول ما دق علي لايكون صار شي
لميس:يمه اهدي
ام مشعل:يا ام ذيب اجلسي الحين يجون ونعرف وش اللي صار
ام ذيب:لاحول ولا قوة إلا بالله بيذبحني هالذيب خلوني بدق على ميس؛ودقت عليها
لميس وهي ماسكه الجوال:ناسيه جوالها هنا
ام ذيب:يارب استر عليهم يارب
رحاب:ياخاله امسكي اشربي مويه
ام ذيب اخذت المويه تشرب وقامت من شافت سيارة ذيب داخله
ام سعد:ادخلوا يابنات ذيب جاء بسررعه
ام ذيب:ذيب يمه وش صار معكم وش قال الدكتور
ذيب مسك يد غلا :غلا بتقول لكم
غلا وهي تمسك بطنها:أنا حامل
ام ذيب شهقت :يالله يارب لك الحمد الف مبروك يا امي الف مبروك؛وتقدمت تحضن غلا وبعدها ذيب
ام مشعل:مبروك يالذيب وغلا
ذيب وغلا:الله يبارك فيكم
ام ذيب:من اليوم ورايح لا اشوفك بالمطبخ ولا تشتغلين لين يجي حبيب جدته بالسلامه
غلا بابتسامه:ابشري ياعمه
<في العزبه>
رجعوا العيال للعزبه وتجمعوا حول النار
الوليد:كأني شفت ذيب معكم يوم جيت وينه؟
طايل:ايه كان فيه معنا لكن وينه مدري حتى سيارته مب فيه
مشعل:سيارته مب فيه ؟ وين بيكون رايح وحنا متفقين بنجلس هنا يومين ؛وسكت من دق جواله وأخذه وقام راح بعيد عنهم
مشعل:هلا
المساعد:هلا حضرت الملازم مشعل بخصوص عبدالله آل سطام تم إحالته لمركز الصحه النفسيه لأنه رفض التجاوب معنا ولكن قال بعض الإدانات اللي مب متأكدين للان من صحتها قالي العقيد لازم تراجعنا بأقرب وقت ممكن
مشعل وهو يمسح راسه:يعني ابداً ماتقدر تقولها لي بالجوال؟
المساعد:ودي أخدمك بس للأسف لازم تراجعهم
مشعل:زين يعطيك العافيه
المساعد:يعافيك يا هلا ؛وقفل مشعل الخط وهو يزفر نفسه ورجع للعيال
كانوا العيال يطبلون ويغنون وشبك معهم مشعل على طول:
وابن شملان للمزيون نظره
حط قلبي رهينه
من بلاه الهوى ربي يعينه
صابه الهم ولا مات مغبون