جو ذيب وابوه:السلام عليكم
الكل ردوا السلام
ابوذيب:شلونه مشعل عساه طيب؟
ابو مشعل:ابشرك انه طيب وصحى اليوم كان سعد عنده
ابوذيب:الله يجعله شلونكم انتم
الكل اختلفت ردوده(بخير؛الحمدلله بخير)
———— • • • • • ————
ذيب:نقدر ندخل نسلم عليه
طارق:لا بس وقت الزياره عادي
وطلعوا لحديقة المستشفى
طارق همس لابوه:يبه أنا بروح البيت؛وقام لسيارته رايحه للبيت
أبومشعل جلس :معليش اعذرونا ماقهويناكم بس تخبروني ما اواطن القهاوي هذي ولاهي قدركم قدركم المهيلة
ابوذيب:معذور ياخوي ولاهو مكان قهوه وعلوم رياجيل وحن جايين نزاور ماحنا مسيرين الله يرفع قدرك ياخوي
ذيب:وابوي صادق ياعمي والله يقوم مشعل بالسلامه
ابو مشعل:ايييه امين الله يسمع منك ياذيب
~~~~~~ • • • • • ~~~~~~
<في بيت ابومشعل>
دخل طارق ما حصل أحد بالصالة ولا سمع صوت احد بالمطبخ بصوت عالي:ممهههااااا
مها كانت بغرفتها وتطالع جوالها فزت تركض وطلعت من غرفتها وطلت من فوق:هلااا وششش عنددككك تصاارررخخخ!
طارق: جيبي ملابس لمشعل وطلال ثم تعالي سوي قهوة باخذها معي
مها بحزن : بس مشعل بغيبوبة وش بيستفيد من ثيابه!
طارق ضرب رأسه :يوووووه شلون نسيت أقولهم
مها طالعة له وهي ترمش بسرعة وبحدة: وش تقولنا انطق!!
طارق بابتسامة :ابشرتس مشعل صحى من الغيبوبه
مها نزلت وهي تركض وضمت طارق ؛ مها:يامرحبا يامروي الضامي وياعذب القراح يامبعد الضيقات عن صدر الحزين اليّا لفت [✨منقوله✨]، يالبيه ياطارق يالبيييه الحمدلله يارب الله يديم الأخبار الحلوه الحين اجيب ملابسهم وأجهز القهوة؛راحت تركض وصعدت فوق نادت الهنوف وراحوا لغرفة امهم فتحت الباب وهي تركض ومسكت يدين امها اللي فزت وجلست وهي كانت منسدحه
الهنوف:وش فيتس خرعتي امي بسم الله عليتس يمه
مها ابتسمت من بين دموعها:أبشركم مشعل صحى من الغيبوبه
ام مشعل صارخت وسجدت سجود شكر:يالله لك الحمد يارب
اما الهنوف اكتفت بانها تصيح
مها:الهنوف جيبي ثياب لمشعل وطلال وانزلي ساعديني تحت
الهنوف:ابشري؛ومسحت دموعها وطلعت طلعت وراها مها ونزلت للمطبخ تسوي القهوه
بغرفة طلال وطارق ومشعل
طارق دخل يتسبح وطلع لغرفة الملابس يلبس، دخلت الهنوف وشهقت ورجعت قفلت الباب وقالت:سكر الباب طيب!
طارق فز وتخبىء ورا الطاوله وصارخ:طقي الباب قبل تدخلين كم مره أقولتس !!
الهنوف بتفشل:يوووه نسيت منه عاد وش اسوي؛لبس طارق واتجه للتسريحه يعدل شعره ويلبس ساعته وأخذ مفاتيحه ؛فتح الباب :ادخلي يالمربوشه(مستعجله)؛وطلع
الهنوف ضحكت:ياحيوان؛ودخلت أخذت شنطه وحطت ثيابهم وملابسهم وطلعت
طارق نزل للمطبخ ودخل:ها مهاوي خلصتي القهوه؟
مها وهي تسكر الترمس:ايه خلصت بس باقي التمر
طارق اخذ صحن التمر وحطه بالسله:خلاص حطيته بالله روحي شوفي هنوفوه اخرتني
الهنوف من ورا ظهره طقته بخفه:وش بلاك علي اليوم انت الله يعين اللي بتاخذك
طارق: هههههههههههههههههههههههههههه الا انتي اللي الله يعين اللي بياخذتس لسانتس اطول منتس
الهنوف نزلت الشنطه وطلعت للصاله:ه ه ه ه تضحك مره دور من يسولف معك آخر الليل ويسويلك شاي حبق
طارق: ههههههههه زعلت زعلت الله يجعني يالزعلانين؛وأخذ السله والشنطه وطلع متجه للمستشفى وماهي الا لحظات ووصل طارق وأخذ القهوه وتوجه لابوه وعمه
طارق:اعذروني طولت عليكم؛وطلع القهوه وبدا يصبها ؛ونادى ذيب:ذيب امسك صب القهوه وانا بروح
قام ذيب اخذ القهوه:زين
ابو ذيب:اجلس ياطارق تقهو معنا
طارق:بروح قريب وبجي؛وأخذ الشنطه من السياره وراح لغرفة طلال عطاه ثوبه وطلع متجه لمشعل ؛طق الباب ثم دخل وشاف مشعل يأكل ابتسم: بالعافيه
مشعل :الله يعافيك
طارق فتح الشنطة وطلع ملابس مشعل:يالله خلص أكلك عشان تبدل عمي أبو ذيب وذيب جو
مشعل:زين ،بس ماقالولك متى بطلع؟
طارق : الصراحة لا ما قالولي بس إن شاء الله كلها أسبوع بالكثير وتطلع وتنور البيت
مشعل :يوووه مرره كثيره اسبوع تكفى طلعني اليوم
طارق:لا تفكر اني بهربك ماني ناقصك تتعب علينا بعد بشوف أوضاعك آول إذا تمام بفكر
مشعل بحده:ماعلي منك أنا طالع طالع اليوم الله لايعوق بشر وبعدين كم لي وانا هنا؟
طارق:لك حول اسبوعين يعني بتكمل شهر بالمستشفى شهر وانا لا ليلي ليل ولا نهاري نهار
مشعل بعد الطاوله:الحمدلله ؛وقام وتألم:آآييي
طارق مسك يد مشعل ويده الثانيه من ورا ظهره:بسم الله عليك؛ومشى للحمام(يكرم القارىء)
مشعل:خلاص فكني لوين تبي توصل ياورع
طارق:بساعدك أدخلك داخل واساعدك تسبح
مشعل فتح عيونه بقوه وبحده:وشو وش قلت ياوصخ؟!
طارق:يهوه نيتك شوي قلت بساعدك بس
مشعل وخر نظره عنه وبحده:مشكور اقدر اسبح بنفسي!؛ودخل اما طارق رجع ياخذ ملابس مشعل وتوجه للحمام(يكرم القارىء)وطق الباب
مشعل بصراخ:هاااه ياطارررققق هاااه وشش تبييي؟
طارق :ههههههههههه مشعل ترا ماني اصغر عيالك تنافخ علي زودتها تراك وبعدين تراني ولد زيك إذا ماتدري ملابسك معي
مشعل فتح الباب وكان حاط فوطه على خصره ومستند على الجدار وأخذ الملابس:ساعدني بس طالع وراك
طارق دخل وساعده يلبس وأخذ الكرسي المتحرك له:اجلس
مشعل طلع من الحمام (يكرم القارىء)وساعده طارق يجلس وأخذه للغرفه ولبسه ثوبه وطلع يتوضىء استعداداً لصلاة العصر اما مشعل كان بسريره يشحن جواله ذيب كان يمشي بالممر وانتبه لغرفة مشعل أنوارها شغاله تلطم بشماغه ودخل:السلام عليكم
مشعل:وعليكم السلام
ذيب:الحمدلله على السلامة
مشعل:الله يسلمك بس من انت؟
ذيب ضحك بفرحه انه فقد ذاكرته ونطق بحده:أنا عتمت ليلك الأسود!
مشعل فز:مافهمت وش قصدك؟!
ذيب عطاه ظهره ونطق:لاتشيل هم بتعرف قصدي عما قريب؛وطلع
مشعل قعد يفكر وأذن العصر وصلى
<عند طارق>
طلع للحديقه وحصلهم وتوجهوا للمصلى وصلّو وتوجهوا لغرفة طلال
كان طلال على سجادته ويدعي
طق الباب طلال:تفضل
دخل ابومشعل ودخلو من بعده الباقي
طلال قام وسلم على أبوه ثم عمه:ياهلا يالله حيهم
ابو ذيب:الله يبقيك ويرضى عليك آخر الأوجاع ان شاء الله والحمدلله على السلامه
طلال:الله يسلمك
ذيب دخل وسلم بعد ماكان يعدل شماغه عند الباب:السلام عليكم
طلال ضمه وسلم عليه: وعليكم السلام يا مرحبا يا الذيب يا هلا يالله حيه شلونك بشرني عنك
ذيب ضمه وضحك : الله يحييك بخير أنت شلونك شلون صحتك
طلال : بخير ويكتبولي خروج اليوم
ذيب بعد عنه : أنت صادق؟! بذمتك
طلال ضحك : أي بالله إني صادق ولا ما تبيني أطلع؟
ذيب عدل شماغه: لا ما قصدي كذا! بينور البيت و الله وحشتني لك فقده
طلال : ما تفقد غالي يا حبيبي
وبعد ربع ساعة من السواليف طلعوا لغرفة مشعل
< في بيت أبو مشعل >
كانت أم مشعل تكلم أختها أم ذيب
أم ذيب : أقولتس مشعل ما كأنه طول ما تزوج قده بيطق الثلاثين
أم مشعل :هههههههههه و الله ياختي تو أتذكر كلمته بالموضوع للحين ما ردلي بس خليه يطلع بالسلامة وبأقول له مرة ثانية جنني ما يبي يعرس
أم ذيب :هههههههههه الله يعين على جيلهم
-انتهى🦋✨-
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
