جيتي مثل الغيث والدنيا صحوه

Part 53

جوهرة:متأكده شوي هواء ؟ والابتسامه هذي من الهواء؟
حلا:ايه ههههههههههههههههههه؛وصعدت لغرفتها
ندى:وين رحتي انتي من اليوم انتظرتس حتى اكلتس ما أكلتيه
~~~~~~~~~~~~~~~~•••••~~~~~~~~~~~~~~~
حلا وهي تاخذ جوالها تحطه بالشاحن:طلعت اشم هواء
ندى:صدق؟ والرساله اللي جاتس وش وضعها ؛وابتسمت
حلا:يالليل وش عرفتس انتي
ندى:جوالتس كان مفتوح وقريتها من طلعتي ومارديتي علي المهم وش قالتس؟
حلا:ابد نفس كلامتس لي
ندى بعدم فهم وهي تحرك يدينها تحاول تشرح لها:شلون وهو ؛وتنهدت من عجزت تفهمها
حلا:رحتي بعيييد طارق اللي مرسل لي
ندى باستغراب:طارق؟ وش دراه عنتس
حلا تنهدت وجلست على السرير ولفت لندى:الهنوف قايلتله ماكان ودي يشوفوني بوضع زي كذا ؛واشرت على وجهها
ندى:منهم؟
حلا:مشعل وطارق وطلال بس غيروا جوي شوي ؛وعدلت جلستها بحماس وهي تقول لها كل شي
ندى ابتسمت:ياحليلهم والله الله يسعدهم صدق
حلا قامت وهي تتجه للدولاب:ببدل ملابسي
ندى:زين بس لو تأكلين اول؟ تراني جوعانه مافطرت قلت بفطر معتس
حلا وهي تتجه للحمام(يكرم القارئ):ماراح اطول ؛ودخلت

<عند تركي>
كان جالس بصالة بيته اللي مابعد خلصه وهو كل شوي يأجل رجع ظهره على ورا وهو يفكر في حلا وكيف أنه ظلمها وسمعها كلام ممكن انه يأثر عليها بدون وعي منه وتنهد وهو مب عارف شعوره تجاهها وده يكمل مشوار بدأه معها وكل مايفكر بأبوها يزيد حقده وكرهه لها مع انه مالها اي علاقة قام وهو ياخذ منوم ومويه وهو وده انه مايفكر أكثر وصعد للغرفه

<في شقة العمه نوره>
قامت نوره ونزلت للمطبخ وحصلت النارا لحالها وجالسه على جوالها:مساء الخير
النارا:مساء الورد كيفك يمه
نوره:احس اني مصدعه فيه بنادول؟
النارا قامت وراحت لغرفتها وهي تدور بشنطتها:مافيه؛واخذت جوالها وهي تتصل على تركي وماكان يرد عليها ونزلت للصاله:عازم معك بنادول؟
عازم:لا ليش؟
النارا:امي تقول انها مصدعه
عازم:وينه تركي؟ قالي بينام صحيتيه
النارا:لا دخلت غرفته بسأله إذا معه بنادول بس مالقيته
عازم عقد حاجبينه:وين بيكون راح؟بروح للصيدليه أنا تبين شي
النارا:سلامتك
طلع عازم وهو يتصل على تركي وقفل جواله من ماشاف رد منه وركب سيارته بسرعه وهو يفكر وين بيكون راح

<في بيت ابو ذيب>
دخل ذيب بعد مافتح الباب وهو ماسك غلا ويساعدها :السلام عليكم
ام ذيب طلعت من المطبخ:وعليكم السلام تو مانور البيت؛وتقدمت تسلم عليهم
نزلت لميس وهي تركض:الحمدلله على السلامه
ميس جالسه بالصاله تتقهوى وهي تراقب حركات لميس ومعقده حاجبينها باستغراب
غلا:الله يسلمك
لميس:وينه حمّودي
ذيب:سلمي علينا على الاقل بعدين اسألي عنه ولا اخذ الاهتمام من الحين ؛وضحك
لميس:يحق له سمي بابا هههههههههههههه؛وتقدمت تسلم عليهم
تقدم ذيب وهو يجلس غلا بالصاله وطلع يجيب حمّد من السياره ولحقته لميس
لميس:قلبي النتفه وربي كف هههههههههههههههه
ذيب ضحك بخوف:لميسوه !
لميس ضحكت:ههههههههه امزح مب منجدك صدقت!
ذيب تنهد براحه:اشوا يالله ادخلي؛ودخلوا
ابو ذيب:هلا بسمي جده
ام ذيب:ما شاء الله تبارك الله نفس عيون وخشم ذيب والباقي مثل امه
ذيب ضحك:هههههههههههههههههههه يمه! يشبهني أنا خلي امه
غلا:لا والله يشبهني إلا بالخشم زي خشمك
ذيب:يالبيه ياخشم ابوه خشم اسد
الكل ضحكوا

<عند العيال>
كانوا مجتمعين كلهم ويسولفون ومحاوطين النار
دخلت نورة:السلام عليكم
الكل:وعليكم السلام
تقدم طارق وهو يصب لها قهوة:تقهوي ياعمه
نورة:سلمت ؛ولفت لابو ذيب؛مبروك الحفيد ياخوي
ابو ذيب:الله يبارك فيتس
نورة:وش سميتوه ياذيب
ذيب:حمد على اسم القائد
نورة:ماشاء الله الله يجعله ياخذ من أوصاف جده
ذيب:امين ولا قصور بابوه ؛وقام بيطلع
نورة ضحكت:مادح نفسه . . . كملها
طارق:صادق مشو الليله لايتعقد تراه حساس ههههههههههههههههه
ابو مشعل:تقهو ياولد
طارق قام وأخذ الفنجان يصب قهوه ومده لابوه:سم يالوالد
ابو مشعل عقد حاجبينه بغضب:تعقب الوالد امك
حاول طارق يكتم ضحكته
نوره:هوو يابو مشعل علامك تحسست
مشعل:طارق !
ابو مشعل:ماتحسست لكن الكلمه للحريم مهب للرياجيل!
طايل:ماله دخل ياعمي
طارق انفجر ضحك وهو مب قادر يمسكها من طايل
ابو مشعل:ابو مشعل ابوه عقب انت وياه تضحك على ابوك يالطقوع!؛واخذ عصاته يضربهم الثنين
طايل:احح ياعمي خل عندك روح رياضيه
ابو مشعل:أنا يالله امشي وتبيني اسوي رياضه
طايل:روح روح رياضيه ياعمي
ابومشعل:خلها لك هي تسدك بس
الكل ضحكوا
نورة:اقول ماشفتو تركي اليوم؟
طارق:لا والله ياعمه ليه وش صاير
نورة:من الصبح ماشفته ياويلي ياوليدي مدري وينهو فيه
مشعل وهو حس بخوفها عليه:أنا شفته كلمني قال بيطلع وبيتاخر شوي عنده شغله يخلصها وبيجي ان شاء الله
نورة:ماقالي شي هو
مشعل:مايلحق كان مستعجل لاتشيلين همه
نورة:الله يستر عليه
دخل ذيب وهو شايل حمد الصغير بيدينه:اذكروا الله على ولدي
مشعل:ياكبر خشمه كنه خشم ابوه تشوفه من بعييد
طارق ضحك:زرقاء اليمامه على غفله كيف شفته
مشعل:تعقب!
ذيب:ياعمه شفتيهم وش يقولون عن ولدي بيتعقد بسبتهم
نورة:لو ابوه مب حساس بيطلع على ابوه وماراح يتعقد من كلام لايودي ولا يجيب ؛واخذت حمد منه
الكل ضحكوا
ذيب:من قال اني حساس؟
طارق:اللي على راسه بطحاء يتحسسها
ذيب:احم احم
أبو ذيب:هات ولدك وره عمك ابو مشعل
ذيب حك راسه بورطه وهمس لنوره:شلون بشيله الحين
نوره ناظرته باستغراب:كيف شلون بتشيله ؟بيدينك
ذيب وهو يأشر لها تلفه:ماخليتي عليه ولا لفه ياعمه مقدرههههههههههههه
نورة ضحكت:لا حول ولاقوة إلا بالله وشلون صرت ابو انت هههههههههه؛ولفته ومدته له ؛اخذه ذيب ويدينه ترجف وراح لابو مشعل
ذيب:ماعليك من يدي ياعم بس تعرف اول مره اصير ابو وكذا
ابو مشعل ضحك منه:هاته عندي بس اعلمه علوم الرياجيل لين يكبر ولا انت مامنك رجاء
الكل ضحكوا وجلسوا يسولفون ويضحكون مع نورة

صحى وهو ناسي وينه فيه ولا هو عارف الوقت اللي نام فيه وكم له وهو نايم فز بسرعه وهو يسحب جواله اللي كانت شاشته كلها اتصالات من أشخاص مختلفين مسح عيونه ورفع شعره وهو يحس بكتمه وضيقه وجلس وهو يناظر لأنحاء الغرفه وتنهد وقام يبدل ملابسه ويصلي الصلاوات اللي فاتته وطلع من البيت وركب سيارته وراح لأقرب مكان ياكل منه

طلع مشعل وهو يتصل بتركي لعل وعسى يرد عليه ويعرف وينه:سلام
تركي:هلا مشعل شلونك
مشعل:بخير نحمدالله انت وينك من صباح الله خير ندق عليك ماترد امك كل شوي تسأل عنك وشايله همك ليه ماترد عليها
تركي نزل الاكل اللي بيده ونطق بسرعه:فيها شي؟
مشعل:من امك؟ لا مابها إلا العافيه وينك فيه انت؟
تركي:ببيتي
مشعل:بيتك؟ حلو ارسلي الموقع بجيك
تركي:قد طلعت اكل برسلك اللوكيشن الحين
مشعل وهو رايح لسيارته:زين؛وقفل الخط
ركب سيارته وفتح جواله على اللوكيشن وحرك ؛اتصل عليه طارق:وين رايح ؟
مشعل:بروح اشوف تركي واكلمه
طارق:رد عليك هو
مشعل:ايه يقولي ببيته ولا كانّه قالب الدنيا علينا أنا بقفل إذا صار شي كلمتك؛وقفل
انتهى🌷