أنت تقرأ

جيتي مثل الغيث والدنيا صحوه

Mystery / Thriller

> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...

#مستمرة #مشوقة

Part 40

82 8 0 
                                    

                                              
<في بيت ابو مشعل>
ابو مشعل:يا بنات ! إذا خلصتوا الفطور حطوه بالمجلس الكبير حق جدكم(هو نفسه اللي بالحوش)
مها والهنوف:ابشر
ابو مشعل:بعدي يالله وانا أبوكم قبل يجون العيال
—————— • • • • • ——————
الهنوف طلعت ترتب المجلس وتحط السفره ورجعت على طلعت مها من الباب
مها :يمه خرعتيني بغيت احترق من الشاي!
الهنوف ضحكت:هههههههههههههههههههه وش دراني عنتس طلعتي بوجهي فجأه يالله ودي اللي معتس برجع اجيب الصينيه الثانيه واجيتس؛ودخلت
مها كملت طريقها وطلعت للمجلس وقعدت توزع الخبز واخذت جواله تتصل بطارق 
دخلت عليها الهنوف وهي تركض :مهاااا جوو اخلصي بسرعه! ؛مها فزت ورمت جوالها من الخوف وشافت شخص يشبه لطارق عند الباب بيدخل
مها:طارق قلهم يصبرون!
لف سعد:بسم الله من هنا؛ودخل راسه :مها؟
مها وقفت بصدمه:سعد! ؛واخذت شيلتها تتغطى
لف سعد وعطاها ظهره ورمى فروته عليها :خذي فروتي ولا تطلعين لين أقولتس !
مها اخذت الفروه ولبستها:طيب 
الهنوف بهمس:مها تعالي غطيني معتس !
مها راحت لها وهي كاتمه ضحكتها:امشي فضحتينا
سعد بعد عن المجلس ونادى ذيب:ذيب تعال هنا لقيت مكان تحط أرنبك فيه
ذيب اخذ الأرنب معه:يارجال بفكها بالمجلس ؛وتقدم للمجلس
سعد راح للمجلس يركض ووقف على بابه وقال بتوتر:يارجال قل لا إله إلا الله امش معي بس
ذيب وهو يدف سعد:ياولد! ابعد عن الباب
مها:ارنب ؟ تكفى لااااا
سعد تنحنح من سمعها:ذيب تعال معي ؛وسحبه معه وراحوا 
طلعوا مها والهنوف من ورا الباب وطلوا برا شافوهم بعيد وراحوا ركض للبيت ودخلوا من الباب الخلفي للمطبخ
مها وهي تطالع فروته:شسوي فيها وين أحطها اخاف احد يشوفها؟
الهنوف:رجعيها له 
مها:وشلون برجعها ياحظي
الهنوف :عندي فكره 
<عند الرجال بالمجلس>
ابو مشعل:اقول ابو سعد ودنا بالقرب منكم
ابو سعد:ياهلا ومسهلا وحنا نتشرف فيكم 
ابو مشعل:ودنا نخطب رحاب لولدي طارق 
ابو سعد:اييييه والله ماعندنا بنات للزواج ياخوي والله يعوضكم باللي احسن
قام طارق وهو يحس ان خلاص الدنيا قفلت بوجهه وطلع وقف برا المجلس وهو خلاص وصل اخره هذي المره الثانيه ترفضه 
راح لسيارته وهو مايدري لمين يروح ومشعل مب موجود وقال وهو يطالع لبيت ابو سعد:
أعزك لو انك جرح ومجاهدك قتال 
وروضت جسمي لأجل سقمك وصبرته
لأجل من ملك قلبي من الجال لين الجال
وفجيت لك باب(ن) عن الناس سكرته
وحطيت له عن شمس الغرام ظلال 
وشيدت له بيت(ن) بقلبي وعمرته
حفظته ودللته وغنيت له موال
وتخيرت قربه ليتني ماتخيرته 
[منقول✨]
وحرك سيارته للمزرعه
<عند مشعل>
كان جالس بالغرفه على سريره واللي معه مجتمعين يسولفون
جاه حمدان :ولد! هيه وين رحت؟
مشعل طالعه:وش فيك ياخوي محد يهوجس براحته 
حمدان :وش تهوجس فيه
مشعل تنهد:هييه هييييه مب شغلك
حمدان:الله يقلعك حسبتك بتعلمني 
مشعل:هههههههههههههههههههههههههههه 
حمدان:قم يالله الرقيب ينادي
وقاموا وطلعوا لانه انتهى وقت البريك
جيتي مثل الغيث والدنيا صحوه حيث تعيش القصص. اكتشف الآن