مشعل مشى لابوه وهو ينزل أكمام ثوبه:لبيه يابو مشعل
ابو مشعل:لبيت حاج وانا ابوك اسمع اخذ السياره ورح لامك وخواتك يشيلون اغراضهم
———— • • • • • ————
جاء طارق :أنا بروح لهم عطني المفتاح
مشعل:زين تسوي بس غريبه فجاه ذبحتك السناعه؟
طارق:يهوه ترا فيه عفش ماقدرت أشيله قلت مالي إلا مشعل
مشعل:هههههههههههههه اوه زين اجل رح
ابو مشعل ابتسم عليهم وهو يحب علاقتهم وكيف متعلقين ببعض وراح لاخوانه
~~~~~~ • • • • • ~~~~~~
طارق دق على الهنوف : يالله طلعوا الأغراض
الهنوف : زين مها تعالي عاونيني أنزل الأغراض ؛وقفلت الخط
مها :طيب
انزلوا الهنوف ومها وطلعوا الأغراض
مها : طارق قرب السيارة وراك مبعدها
طارق : دقيقة بدق على عمي أبو سعد يوخر موتره ؛وطلع جواله إلا سعد جاي؛سعد:طارق هنا
طارق : اصبر؛ ورفع صوته: مها اداخلوا داخل يالله تعال بالله طلع موتركم بقرب موتري للباب
سعد : طيب؛ وركب وبعد السيارة ونزل
طارق : يا الطيب وراك واقف هنا؟!
سعد : هاااااه؟!
طارق : أبعد أهلي بيشيلون أغراضهم رح
سعد استوعب : طيب طيب؛ وراح وهو متفشل يساعد عيال عمه بعد 35 دقيقة خلصوا
مشعل : وين طارق احد شافه؟
سعد : كان عند اهلك
مشعل : سعد سيارتكم فيه مكان له؛ واشر على العزبة
سعد : ايه بجيب السيارة وآجي؛ وراح
على دخلته اللي شاف وحدة معطيته ظهرها عند سيارتهم ظن أنها الجوهرة وقرب منها: وش عندتس هنا باقي شي؟
مها فزت وعدلت شيلتها : هلا سعد لا ما باقي شيء ما تقصر
سعد لف عنها : معليش يا بنت الخالة ما دريت أنها أنتي أحسبتس الجوهرة
؛وركب سيارته وحرك
مها وهي واقفه للحين: يع يا فشيلتي وأنا أرد طلع غلطان ؛وضربت رأسها ؛غبية غبية
جاها طارق : وش بلاتس انهبلتي تصفقين عمرتس
مها : هااه؟ لا ولا شي؛ ورجعت تركض قبل طارق يشك بشيء راحت للمغسلة وطالعت وجهها كان احمر نطقت بهمس: يا ويلي أنا وراني حسبته يكلمني ورا ما سكت ما الوم نفسي يوم رديت خذا قلبي وعقلي
الهنوف جت من جنبها وهي سمعتها وغمزت: عشتوا ومنهو سعيد الحظ اللي خذا قلب وعقل مهاوتي؟
مها غطت وجهها بخجل: سعد يا الله يا الهنوف لو تشوفينه صاير حلو الكلب
الهنوف ضمتها : يا حياتي يا مهاوي الله يكتبه من نصيبتس
مها وهي تبادلها الحضن وباستها: آمين الله يسمع منتس
الهنوف بعدت مها :يالله خلينا نشيل الأغراض قبل لا طارق ياكلنا
مها ضحكت : يالله ؛ولفوا بيطلعون
جت أم مشعل : وش عندتسن هنا ورا ما تشيلون الأغراض
الهنوف باست رأس امها : الحين نشيلهم يمه
ام مشعل : الله يرضى عليتس يا بنتي يالله أعجل قبل لا يجيكم طارق الحين ويهاوش مالي خلق صراخه
دخل طارق بصراخ :ياهوه ليش للحين ما شلتوا الأغراض، وانتبه لأمه ،وقال:اوه أم طارق هنا؛ وباس راسها:شلونتس يمه
ام مشعل : بخير بسك صراخ يا أبوي أنت صدعت فيني
طارق :هههههههههههههههههههههههه آسف يمه ما كان قصدي بس هن أخرني
أم مشعل:يالله عاونهم وأنجزوا بسرعة؛ وراحت للمطبخ
مها والهنوف وطارق طلعوا يشيلون الأغراض
جاء طلال :مسهم بالخير
مها والهنوف : مساء النور، مساء الورد
طلال : أساعدكم بشيء
طارق رفع ثوبه وراح يركض يمه : أساعدكم أجل عقب ما تكسر ظهري يا الخسيس!
طلال راح يركض :هههههههههههه مشعل يا مشعل افزع
مشعل جا يركض جهتهم: أبشر بالسعد يا بو خالد
مها والهنوف كانوا يضحكون
طارق : تكفى يا مشعل امسكه
مشعل : طلع طروق معليش يا طلال بس طروق ما أقدر عليه
طارق : حيك يا المحزم
لف مشعل على يمين طلال وطارق يسار نط طارق وطرح طلال
طارق : العن خيرك تعبتني
طلال : قم عن صدري انكتمت
طارق :هههههههههههههه بدري عليك
مشعل : ايه كفو طارق
أم مشعل : طارق! قم عن أخوك ياللي ما تستحي وانت يا مشعل حيلكم على الضعيف
طلال جلس بسرعة ومسك طارق من ياقته: ماني بضعيف يمه
طارق : فك يا ورع؛ودفه
أم مشعل : بس أنت وياه ؛وناظرت مشعل؛ وانت بدال ما تناظرهم فرقهم
مشعل :ههههههههههههههههههههههههه ماعليتس منهم يمه شوي ويتصافون
ام مشعل دخلت : الله يصلحكم
مها والهنوف طاحوا وهم يضحكون : يوه يا أشكالكم وأمي تهزأكم
طلال : عليهم يا عيال؟!؛ وراحوا يركضون يمهم
مها والهنوف فزوا وأركضوا داخل والعيال طاحوا على بعضهم وهم يضحكون
مشعل : يالله مشينا تعالن
مها:قل والله
مشعل ضحك:لهدرجه مابه ثقه والله يالله اركبوا
طلعوا البنات وركبوا
جاء ابو مشعل وركب:السلام عليكم
البنات :وعليكم السلام كيفك يبه
ابومشعل:بخير لله الحمد وينه طارق؟
الهنوف:بنزل أناديه هو وامي ؛ونزلت
طلال:وراتس نزلتي؟
الهنوف:للحين هنا انت؟ بنادي امي وينه طارق؟
طارق جاء:هنا وش فيتس
الهنوف:أبوي يسأل عنك؛وراح طارق للسياره
مشعل:طلال بتروح معي ولا اروح واخليك تجي معهم؟
طلال:بجيك بجيك ؛وراح معه
الهنوف دخلت:يمه يالله مشينا
ام مشعل وهي تزين نقابها:يالله جيت؛وطلعوا للسياره ومشو
~~~~~~ • • • • • ~~~~~~
عند الرجال
ابو سعد:سعد ياولد! ورا ماشغلت السياره للحين!
سعد وهو طالع من الحمام (يكرم القارئ):يالله يالله ؛وراح يشغل السياره
مشعل نزل من سيارته وراح لعمه وسلم على رأسه:يالله ياعمي اشوفك على خير
ابو سعد:الله يرفع قدرك ياولدي وانتبه للخط ولاتسرع أعرفك زين
مشعل:هههههههههه ابشر يالله مع السلامه
ابوسعد:ياهلا؛وراح لسيارته
~~~~~~ • • • • • ~~~~~~
مشعل وطلال وقفوا عند محطه وكان وقت بعد المغرب يعبون بنزين واخذوا لهم شاي
طلال:والله ياهو محكوررر بالمخ
مشعل:اي بالله ؛وشغل السياره وحرك بعد منتصف الطريق
طلال:ياولد ذوقك بالأغاني خايس عطني اشغل على ذوقي
مشعل وهو ماسك الجوال بيد ويده الثانيه فيها الشاي(مدري إذا عرفتوا وضعهم بس كان يسوق برجله):تعقبب!!
سحب طلال الجوال بقوه من يد مشعل وأخذه:اخيرًا
مشعل صارخ من انكب الشاي على فخذه وهو مسرع :تكفى ياطلال
تقلبت السياره فيهم
مرت سيارة ابو سعد من عندهم
ابو سعد وهم يناظر للحادث اللي قدامهم:لاحول ولا قوة إلا بالله الله يكون بعونهم
الجوهره:يارب مايكون صار لهم شي
ام سعد:الله يستر عليهم ويحفظهم
سعد وقف ونزل يركض وهو يصارخ:مششششعععععللللللل!!!
مسكه احد الأشخاص الموجودين:قل لا إله إلا الله اتصلنا بالإسعاف جاي بالطريق اهدى
سعد بصراخ :فكنننني تكففففى تكففففى لايمووووت مشششعععلل تكفففى اصبر شويييي بشوففففه تكككفى تككككففففى يامشششعل تحممملللللل
طلال:اخخخخخخخخخ مششعععللل مششششععععللل فيك شيييي مشععععللل
احد الأشخاص صارخ:فيه شخصصص ثانيي بالسياره قاعد ينادي باسم مشعل ؛وتجمعوا يفتحون باب السياره
وصلوا الإسعاف والشرطه وباشروا الحادث
رجع سعد للسيارته وركب
ابوسعد:وش صار لهم ياولدي تعرفهم؟
سعد وهو متلثم غير نبرته اللي تبين عكس اللي داخله وهو وده لو راح معهم:مافيهم شي الحمدلله ان شاء الله انهم طيبين أخذهم الإسعاف عشان يتطمنون عليهم اكثر ما اعرفهم
ام سعد:الحمدلله انهم سلموا
وصلوا لبيتهم ونزلوا
سعد نزل وبدل ملابسه وطلع بعد ما تأكد انهم كلهم ناموا واتجه للمستشفى
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
