جيتي مثل الغيث والدنيا صحوه

Part59

<في بيوت ال عبدالمجيد الساعه 10PM>
رجع وهو يكلم واحد من أخوياه:ايه بالله إذا حصلت ارسلي رقمه..سلامتك؛وقفل الخط وهو يطالع لبيتها ودخل لبيتهم وسكر الباب
الهنوف كانت واقفه بالصاله:طارق وينك من اليوم؟
طارق ناظرها وهو مب طايق احد:جيت خلاص لاتكثرين اسأله ماني رايق
الهنوف:اجيب لك شي تأكله؟
طارق وهو ينزل مفاتيحه:لا ارتاحي بطلع لغرفتي
الهنوف وهي تحاول فيه:طيب اجيب لك شاهي حبق من يديني؟
ابتسم طارق بتعب لها:جيبيلي
دخلت الهنوف للمطبخ بسرعه:من عيوني
جلس طارق بالصاله وهو مشغول بجواله يترقب رسالة من خويه ونزله جمبه من جت الهنوف
الهنوف وهي تمد الشاهي له:سمّ؛وجلست قباله؛شفتها اليوم ،لاتشيل همها،تكلمت معها وقالتلي مانحبست لأنهم مالقوا عليها إثبات وقالت ان سعد قاعد يدورلها على محامي
طارق تنهد وهو يرجع راسه لورا:رحت اليوم اقدم عشان أكون موكلها وعيو لان مالي إلا كم يوم من اختبرت ،كلمت واحد من اخوياي يقول انه يعرف محامي كويس وله خبره بالقضايا هذي وانتظره يرسلي رقمه
الهنوف:لاتشغل نفسك وتفكر انت ،نام وارتاح وان شاء الله بتنحل
طارق تنهد وهو يفتح يدينه لها:تعالي عندي ؛تقدمت له وهي تحضنه؛خلصنا مني الحين قوليلي انتي شلون الجامعه معتس
الهنوف:كويسه الحمدلله
طارق:الحمدلله ،لاتشغلين بالتس فيني وشدي حيلتس بالنهائي تراه آخر ترم وتتخرجين
الهنوف طالعته وابتسمت:تصدق انت الوحيد اللي تذكرت تخرجي اما هم كلهم نسوا
طارق ضحك:شلون انسى روحي ماتلقين مثلي
الهنوف ابتسمت:وانا اشهد؛وبعدت من حضنه؛بروح انام تصبح على خير
طارق:وانتي من أهله؛وراحت نزل نظره للشاهي اللي برد وهو ما ارتشف منه ولا رشفه وقام يكبها وهو ماوده ياخذه التفكير فيها وده ينام و يرتاح وصعد لغرفته ونام
~~~~~~•••••~~~~~~
بعد اسبوع وكان أصعب اسبوع على أبطالنا
<في بيت ابو مشعل>
كان طارق بغرفته يلبس ويرتب شعره وصلته رساله وكانت موافقه بأنه يمسك قضيه وعلى طول وافق بدون مايطلع على ملف القضيه ونزل يفطر مع أهله
ابو مشعل:كلمني عمك اليوم
طارق:وش عنده
ابو مشعل:يقول كلم طارق يطلق
لف مشعل لابوه بصدمه:ليه؟ مب على كيفه إذا طارق ماتكلم ولا جاب طاري ماله كلمه هو
ابو مشعل وهو يطالع مشعل:مالك دخل انت واعقب واخس آخر من يتكلم؛واكمل وهو يطالع طارق؛يا طارق ياولدي البنت ماتجوز لك اذا من بدايتها دخلت بالسجون وش باقي بتسوي بعد!،طلقها وفكك منها ومن كلام الناس اللي أكلنا اجل أنا ولدي يتزوج وحده تردد على المراكز والمحاكم!
طارق وهو ماسك راسه:خللااااص لكم اسبوع تعيدون وتزيدون بهالموضوع ما مليتممم قلت طلاااققق ماني مطلقها يعني ماني مطلقها شيلوا الموضوع من بالكم ؛ووقف وهو يطالعهم مجتمعين؛اولاً رحاب مادخلت السجون على قولتك ثانياً القضية كلها رحاب مالها دخل فيها واذا مشكلتكم هي كلام الناس مايهمني تكلموا ولا ماتكلموا اللي يهمني رحاب وبس أنا مشكلتي معكم انتم اللي صدقتوا كلام الناس وشلتوا همهم وهم كلامهم وانا ورحاب لنا الله مايهمكم نفترق نموت نحيا مايهمكم مايهمكككمممم؛وأخذ شماغه وطلع
ام مشعل:طارق تعال وين رايح قم يا مشعل شف اخوك وين رايح؛قام مشعل وأخذ جواله اللي كان على الطاوله وطلع يلحقه
~~~~~~•••••~~~~~~
ركب سيارته طارق وطالع بيت عمه ابو سعد وهو واقف ماحرك سيارته ماقوى يطلع وهو له اسبوع مب داري عنها كل ما سأل احد عنها يقولون له ماندري ويتصل فيها جوالها مقفل وضرب يده بالدركسون بقوه من قهره وعقد حاجبينه من شاف سعد قاعد يشيل الاغراض بسيارته وطنب ونزل له:علامك وش له الاغراض اللي تشيلها
سعد وهو يشيل الأغراض:ماوصلوا لك الكلام اجل
سحب طارق يد سعد وهو يحاول يمنعه يشيل الاغراض:وش صار ياسعد انطق!
سعد:والله بعد جلسة اليوم بنروح لرياض وابوي للحينه مصّر يبيك تطلق
طارق طالعه بصدمه وجمد مكانه:اليوم!،قل لعمي ماني مطلق ويشيل فكرة اني اطلق رحاب من راسه؛وركض لسيارته وركب وحركها بسرعه وهو يدق على الوليد ونطق بسرعه بعد مارد عليه بدون حتى مايسلم:الوليد تكفى شيك على ملف القضيه اللي أنا ماسكها شف اي طرف حاطيني فيه
الوليد اخذ الملف وهو يقرأه:يزيد
طارق ضرب يده بالدركسون بتكرار:كنت حاس كنت حااسسسس،سلمت
الوليد:تسلم توصي شي
طارق:سلامتك؛وقفل الخط ورمى الجوال على الكرسي اللي بجمبه ووقف من وصل لمكانه اللي متعود يكب همومه فيه وطلع جواله يكلم المحامي
طارق:سلام عليكم
المحامي:وعليكم السلام طارق صحيح؟
طارق:اي نعم اكيد كلمك الوليد عن القضيه
المحامي:ايه كلمني عنها وبمسكها ان شاء الله
طارق:زين بس اهم شي تجي اليوم للجلسه وبرسلك الملف
المحامي:تمام بس ترا القضيه بتكلفك مبلغ شوي عالي
طارق:لاتشيل هم بجيك الحين وفلوسك كامله
المحامي:على خير
طارق:تأمر توصي
المحامي:سلامتك بيننا اتصال
طارق:اكيد ياهلا؛وقفل الخط ودخل السجل يدورعلى رقم اللي قبل فتره بيشري الناقه منه واتفق معه وركب سيارته رايح للعزبه
~~~~~~•••••~~~~~~
-في العزبه-
طارق:بكم تسومها؟
الشاري:ب 100
طارق عقد حاجبينه:قبل اسبوعين مكلمني تبيها ب200 وش غير رايك فيها الحين
الشاري:شريت غيرها بس بيني وبينك ابيها للحين وصامل كم المبلغ اللي ببالك
طارق:ماهوب اقل من 5 ؛وسكت من اتصل فيه مشعل ورد عليه:هلا
مشعل:وينك طالع من صباح الله خير ابوي يبيك بموضوع
طارق:شوي واكلمك أنا مشغول مع رجال؛وقفل الخط ولف لهم:هاه وش قلتوا توه واحد مكلمني يبيها وبمبلغن طيب
الشاري وهو يشاور اللي معه لف لطارق:بناخذها ب650
طارق ابتسم:علوه شوي
الشاري طالع اللي معه ورجع طالع طارق:700
طارق تقدم يسلم:تم اجل اتفقنا توكلنا على الله؛وتمت البيعه
ورجع طارق بعد ماتكلم مع المحامي وشافه واتفقوا
~~~~~~•••••~~~~~~
-عند رحاب-
صحت وحصلت سعد واقف عند الباب:بسم الله الرحمن الرحيم وش موقفك هنا؟
سعد تقدم لها وهو يضمها:اليوم مسكوا اللي معاه الجوال بس مو الأكيد انه هو يعني المشتبه فيه وجابوه وتوسط لتس الوليد بأنهم يعجلون الجلسة عشان نمشي
رحاب:طارق بيكون موجود صح؟
سعد تنهد:ايه
نزلت رأسها وهي تمنع دموعها:بروح اجهز؛ودخلت للحمام وهي تحاول تكتم شهقاتها وبعد وقت طلعت ولبست عبايتها ونزلت لسعد وحصلت شنط كثيره بالصاله
رحاب:وش هذا؟
سعد:بعد جلستك بنروح الرياض
رحاب وهي تطالعهم جالسين بالصاله وساكتين طلعت مع سعد وركبوا السياره وتوجهوا للمحكمه
~~~~~~•••••~~~~~~
-بالمحكمه-
طالعته من دخل وماشالت عيونها عنه ظنته جاي لها إلى أن شافته وقف أمامها ايه معه يعني ضدها قاعد يدافع عن الجاني ،نزلت دموعها اللي كانت كأنها سكين بوسط ضلوعه كان وده يسحبها ويغادر الكون بكبره لكنه حاول بكل مايقدر يحصل لها محامي قوي وكويس ولا احد كان يدري انه هو اللي اللي جابلها المحامي إلا الوليد كان يضحي بنفسه عشانها بس محد كان يشوف حبه وتضحياته لاجلها
بدأت الجلسه وكان كل محامي يدافع عن موكله إلى ان انتهت الجلسه
الشيخ وقف وهو يقول:بيكون فيه جلسه الاسبوع القادم و. .
ولفوا من دخل شخص ووقف أمام الشيخ شخص ماكانوا يجهلونه كانوا يعرفونه ويعرفونه زين:السلام عليكم حضرت الشيخ
الشيخ:وعليكم السلام تقدر تنتظر بالخارج إلى وقت جلستك
سالم:لا ياشيخ أنا جاي عشان هذي الجلسة وأشر على رحاب وهو يتكلم مع الشيخ؛هي مالها علاقة والرقم اللي باسمها أنا اعرف الشخص اللي يستخدمه وبدلكم عليه
الشيخ:تفضل بس وش بيثبت لنا
سالم وهو يطالعهم:بقولكم بس بشرط
سكتوا وهم ينتظرونه يتكلم
سالم وهو يطالعها:تتركونها ترجع لأهلها بلاول
العسكري:بنتركها بس امش معي انت بلاول عشان ناخذ إفادتك
سالم وهو يمشي بيطلع مع العسكري يطالع ليزيد وهو يدري أنها من الاعيب عارف عشان مايمسكونه
طالعوا للشيخ من نطق:رفعت الجلسه؛وطلع وطلعوا من بعده
~~~~~~•••••~~~~~~
طارق وهو باليالله مسك نفسه داخل لف ليزيد بقهر ومسكه من ياقته:يابن الكلب ليش ماعلمتني بقضيتك!!!
يزيد وهو يدفه عنه:ابعد عني ونزل يدك ماني فاهم وش تبي انت ،مب انت اللي جيت وقدمت طلب انك تمسك قضايا؟ لكن الغلط مني أنا اني اخترتك ولا انت شايف ملفك فاضي مابه ولا قضيه ماسكها
طارق:ليش كذبت وقلت انك بريئ ليش ماقلت انك الجاني!
يزيد:تبيني اكذب عليك يعني؟ أنا ماجبتك هنا إلا عشان تدافع عني مب تدافع ضدي ،غبي!
طارق:احترم نفسك لا اطلع حرتي فيك
مشعل بحده:طاررق امش معي!
طارق وهو يبعد عنه ويمشي:بريئ اجل ،دورلك من يدافع عنك
يزيد وقف وهو يعدل ثوبه وراح مع العسكري
~~~~~~•••••~~~~~~
-أمام المحكمه-
طلع طارق وهو يلحق رحاب:رحاب
لف عليه سعد:طارق ابعد وراك يكفي الضغط اللي هي فيه
طارق:بتكلم معها شوي
سعد:طارق رح!
طارق وهو يطالعها:بكلمتس رحاب!
رحاب تقدمت توقف قدامه ورفعت سبابتها عليه:شفت منك مايكفيني ابعد عني!
طارق وهو يمسك ذراعها اللي رافعته بوجهه:إذا قصدتس يزيد قسم بالله اني ماكنت ادري انه هو اللي ضدك لما مسكوني قضيته وابن الكلب ماعلمني رحاب أنا مستحيل أفكر أذيك أنا احاول أبين لهم برائتس وأثبتها لهم رحاب أنا ما أعيش بدنتس تفهمين كيف يعني ما أعيش بدونتس رحاب مقدرت اتركتس يوم ابوتس كلمني يبيني اطلقتس وانا ما اقوى ما اقوى!!!
رحاب جمدت ملامحها:ابوي قالك تطلقني؟!
سعد:رحاب امشي معي
رحاب:كنت تدري ياسعد كنت تدري! يبي يبعدني عن الديره عشان يبعدني عن طارق!
سعد:امشي معي ماينفع نتكلم هنا
طارق كان يشوفهم رايحين وتنهد وركب سيارته ونزل راسه على الدركسون:اخخخخخ ليش يصير معي كذا ليييشششش
واخذ جواله يتكلم مع المحامي
~~~~~~•••••~~~~~~
-عند تركي وحلا-
تركي:جهزي شنطتك
حلا:ليش؟
تركي:بنرجع للسعوديه
حلا:صاير شي؟
تركي:وش ما صار يالله لمي أغراضك بنتظرك بالصاله؛وطلع وبعده لحقته حلا وطلعوا للمطار
~~~~~~•••••~~~~~~
<في بيت أبو سعد>
ابو سعد:لميتوا أغراضكم كلها؟
مشاعل:ايه يبه
ابو سعد:وينه سعد؟
ام سعد:طلع يشيل الاغراض ومارجع
رحاب وهي تبكي وماسكه شنطتها:مابي نروح
ام سعد تقدمت تحضنها:لازم يا امي لازم يكفي الكلام اللي نسمعه مثل السّم ليل ونهار
رحاب:من يسكتهم من!! خليهم يقولون اللي يقولونه يمه انتم قاعدين تدمروني وتدمرون طارق يمه احنا وش ذنبنا قوليلي وش ذنبنا عشاننا طحنا بمشكله مالنا علاقه فيها نفترق؟ يمه طارق يبيني وانا ابيه ليه تبون تبعدونا عن بعض ليييهههه
ام سعد وهي تمسح على راس رحاب:نروح لين تهدا الأمور ونرجع اوعدتس واوعدتس اتكلم مع ابوتس عشان فكرة طلاقكم بس خلينا نروح أنا تعبت من كلامهم تعبت وانا اشرحلهم مايسكتون شلون عاد انتي!
دخل ابو سعد:امشوا اركبوا
مشوا كلهم وطلعوا ووقفت وهي تطالع لبيتهم ولبيت عمها وللمكان اللي جمعهم وشهد حبهم وذكرياتهم من كانوا صغار وركبت تطالع للطريق ودموعها اللي لو تنجمع صارت نهر
-انتهى🌷