الجوهره:ما افكر بالزواج اصلاً لاتضغط علي ياخوي
سعد ماحب انه يضغط عليها :زين بقول لهم تحتاج وقت تفكر
الجوهره:لاحول ولاقوة إلا بالله زين
~~~~~~ • • • • • ~~~~~~
رجع سعد للرجال وكان وكان باين على
ملامح وجهه الرفض ناظر لمشعل وناظر
لعمه ابو مشعل وقال:قالت تبيلها وقت تفكر وتستخير
ابو مشعل:على خير ان شاء الله احنا نستأذنكم ؛
وقام وقاموا من بعده عياله وطلعوا ولكن
وقف مشعل قبل لايطلع وهو لمح الجوهره
واقفه عند الباب وقال :
رحلت عن دارك وانا خاطري فيك
رحيل حاكم دولته مستحلّه
حاولت أكابر وأنسى ماضي لياليك
جتني طيوفك وزادت الطين بله
سالت دموعي فوق خدي تناديك
عقبك ترا دنياي صارت ممله
شف حالتي وشلون لاحل طاريك
شفني على طاريك دمعي أهله
[الشعر منقولل ✨]؛
وتلطم بشماغه وطلع لبيتهم
الجوهره حست بشي تحرك داخلها وقالت
بنفسها:مستحيل يمكن أتخيل ؛
ودخلت غرفتها وهي شعورها مبعثر مابين
موافقه ورفض ولكن استخارت وحست انها مرتاحه
<في بيت ابو مشعل>
دخلوا ابو مشعل وعياله للصاله ماعدا مشعل
اللي صعد لغرفته
ام مشعل وهي تصب القهوه:هاه وش قالوا؟ ؛
ومدت الفنجان لأبو مشعل
ابو مشعل وهو ياخذ الفنجان:قالوا تبي وقت تفكر
وان شاء الله خير
ام مشعل:الله يكتب اللي فيه خير
<في بيت ابو ذيب>
كان ذيب بغرفته ويفكر بمشعل والجوهره
ويكلم نفسه: ياخي أنا طلقتها والحين صرت
ابيها ! لازممم أرجعها اييه لازم أرجعها قبل
مشعل ياخذها ؛
وفتح جواله على محادثته مع الجوهره
وهو متردد يرسل لها ولا لا وقعد يكتب لها
<في بيت ابو سعد>
-عند الجوهره-
الجوهره وهي منسدحه على السرير وتفكر
رن جوالها معلن وصول رساله واخذت
جوالها اللي كان على الكومدينه جنبها و
كانت الرساله من ذيب ؛ذيب:كيفتس الجوهره؟
الجوهره:بخير
ذيب:ماودك تسألين عن حالي؟
الجوهره:لا ذيب وش تبي توصل له؟
ذيب:الجوهره أنا أبيتس عطيني فرصه اعدل
أغلاطي
الجوهره:ذيب اعتقد اننا خلاص انفصلنا وكل واحد
بطريق ويعيش حياته
ذيب:تكفيين يا الجوهره عطيني فرصه طلبتس
لاتوافقين على مشعل وعد اني اعيشتس مثل ماتبين
بس لاتوافقين عليه !
الجوهره:ذيب مالكك دخل بقراراتي أوافق او لا
واللي بيننا انتهى واتمنى تنساني وتشيلني من بالك؛
وبلكته
ذيب جن جنونه لما بلكته:بلكتني! والله ما اخليه
يتهنى وانا ولد حمد !
<بعد صلاة العشاء الساعه 8:30PM >
اجتمعوا الرجال بمجلس الجد عبدالمجيد(اللي بالحوش )
كان طارق يصب القهوه ابتدءًا من ابوه وانتهاءًا
بذيب اللي كان مب معهم وويطالع في جواله ولاهي فيه
ذيب ماسك جواله ويراسل غلا ؛غلا:ذيب والله لو ما تجي
وتتقدم لي وتتحمل غلطتك لا افضحك عند اهلك ترا اللي
أنا حامل فيه ولدك! تعرف وش يعني ولدك؟ عموماً أنا
علمتك وانت قرر ياتجي يا أنا اجي وافضحك
ذيب:والله يا غلا بتزوجك بس عطيني كذا يوم !
غلا: ذيب ما عندي وقت أضيعه اخوي درا اني
حامل وعرف اني اكلمك وقال اول واحد يتقدملك
بتاخذينه غصبب ذيب مالي إلا الله ثم انت لاتتركني
ذيب:أيش ؟! والله ما يآخذتس إلا أنا وهذا وعد بس
اصبري كم يوم
طارق :ذيب تقهو
ذيب اخذ الفنجان:سلمت
جلس طارق جنب مشعل بعد مانزل الدله ؛
طارق همس :ياولد مشعل وراك تهوجس
مشعل بنفس الهمس وهو يطالع ذيب :ياخي قلبي
مب مرتاح له احس وراه شي كايد
طارق وهو يطالع ذيب:يارجال ماعليك منه لاتشيل
همه حله عندي
مشعل تنهد:يا طارق لها يومين ولا ردت شكلها بترفضني
طارق :صدقني مافيه سبب بيخليها ترفضك و
ما ابطى السيل إلا من كبره ؛
جاء طلال وقطع حديثهم :ياعيال واحد يجي يساعدني
بالعشاء وواحد يلم القهوه والفناجين؛
قام طارق يلم الفناجين والقهوه وطلال ومشعل راحوا
يجيبون العشاء
-بعد ماخلصوا من العشاء-
طارق اخذ صينية القهوه بعد ماجددوها وطلع للمجلس
وقام طلال يساعده يصب الشاي
ابو حمدان:اقول يا مشعل ماحولك ترقيه
مشعل :الا ياعم قدمت على ترقية وانتظر متى تبدأ
المهمه
حمدان:متى قدمت؟
مشعل:من شهرين تقريبًا
حمدان:ابشر بمن يتوسط لك
مشعل بهمس لطارق:شف من يتكلم وهو ذابحني
بالميادين ههههههههههههههههههه
طارق بهمس لمشعل وهو كاتم ضحكته:ركز على
ملامح حمدان بالله بحشره؛ورفع صوته واكمل ؛
اقول حمدان انت بعد ماحولك ترقيه ولا جايزه
لك السلطه على القريب بس
حمدان وهو مب عارف يرد:الا قدمت بس
انتظرهم يقبلوني
طايل بفهاوه:اجل دورلك واسطه
مشعل وطارق ماقدروا يمسكون نفسهم
وماتو ضحك وبعدهم الكل ضحكوا من ضحكهم
طايل :وش يضحك؟
ابو مشعل وهو يضحك:ههههههههههههه علامك قلبت
على اخوك القبله وراك
حمدان طق طايل على كتفه عشان يسكته
طايل:وش فيك تطق؟
حمدان بهمس مسموع للي قريب منه:اسكت لاعاد تتكلم
طلال:يارجال خله داج مايدري وين الله حاطه
طايل:من قصدك؟
سعد:ههههههههههههه انت شلون مسكوك منصب بالشركه
الكل:هههههههههههههههههههههههههههه
طايل بإحراج:ابوي وظفني
هنا حس حمدان انه لازم يصرف طايل:طايل مفتاح البيت
معك؟ مفتاحي نسيته بالبيت اسبقني افتحلي الباب
قام طايل :يالله يا جماعه أنا استأذن
وقام ابو حمدان:وانا بعد يالله تمسون على خير
الكل:تلاقون خير
طلع طايل بعد ابوه وفجاه فيه احد هجم عليه
وصارخ طايل:الفزعه الحقونننيييي يابني عمي
قاموا كلهم حتى الشيبان وطلعوا لطايل
مشعل:ابشربنا شعلمك؟
طايل:الرجال بيذبحني
ابو مشعل:يخسي وانا ابو مشعل؛
وتقدم لطايل وانصعق من شاف طايل يطارح
مجنون الحاره
ابو مشعل:جعلك ماتفيد صراخك ودنياك
بالنهاية ماتفك نفسك من ذا الخبل
الكل:هههههههههههههههههههههههههههه
طارق ضحك:هههههههههههه ولدك ياعمي اخبل
من الخبل ؛ومسك ثوبه وهج لبيتهم
ابو مشعل:ههههههههههههههه؛ولف لاخوه وقال؛
محشوم انت وولدك
ابو حمدان مسك طايل من علباه (خلف الرقبه😂):امش
امش قدامي فشلتنا قدام الرياجيل
مشعل مسك مجنون الحاره وقومه وطلعه
برا بيوتهم:لا عاد تشوفك عيني
مجنون الحاره بخوف:ط.طيب؛وراح
رجع مشعل للمجلس وحصل بس العيال موجودين
مشعل:وين ابوي وعماني؟
سعد:راحوا ينامون
مشعل جلس:زين
قام ذيب بيطلع
مشعل:على وين؟ تو الناس
ذيب:قريب وبرجع
مشعل قام طلع السوني اللي كان مخبيه عن الشيبان
بحكم انهم مايحبونه وطبيعي انهم لو شافوه كسروه
وماعطى ذيب اهميه:سعد تعال نلعب فيفا
سعد وهو منسدح :يارجال تعال نلعب بلوت مافيني
حيل أقوم
مشعل اخذ الخيزرانه وتقدم لسعد يجلده:قم قم بس
كنك شايب
سعد قام وهو يحك مكان الضربه:اححح طيب طيب
لاعاد تطق!
مشعل ضحك على شكل سعد وهو ينط ويناقز بالمجلس
وقفل باب المجلس بالمفتاح وحطه بجيبه وقعد يجلد
اللي بالمجلس كلهم
حمدان وهو يركض :مشعل ياولد! اعقل ترا توججععع
سعد:احح خلاص والله بلعب معك يرحملي والديك
طلال:مشععللل خللااااااص
مشعل مات ضحك عليهم وكمل يجلدهم
<عند طارق>
دخل يسبح وبدل ملابسه وطلع كان متجه للمجلس بس
وقف من شاف ذيب رايح لبيت ابو سعد من جهة
الحديقة اللي كانت ورا البيت ولحقه بدون مايحس فيه ذيب
-انتهى🦋✨-
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
