قرر ابو سعد يسوي عشاء ويعزم أقاربه وجيرانه بمناسبة سلامة بنته
العيال تفرقوا اللي يجيب الاغراض والي يرتب الجلسة طارق وسعد ركبوا بسياره وحده وراحوا يجيبون فرش زيادة والاغراض الناقصه للعشاء والباقي يرتبون الجلسة
ذيب :أنا بروح أنادي ابوي وعماني يجون
مشعل :زين اعجل بالله أبيك تساعدني
ذيب راح للمجلس يناديهم :يلا خلصنا الجلسة تعالو برا على شبة النار والجو الزين والنفوس الخفيفة اللي نفسه ثقيله لايجي تكفون
ابو مشعل ضربه على رجله بالعصا وبحده قال:وش قصدك يالمروح ؟!
ذيب بألم ضحك :تمون ياعمي ! وش فيك تحسست ماقصدي شي
الشيبان ضحكوا ولحقوه برا
————• • • • •————
مشعل اتصل على أمه :الو يمه خلي مها ولا الهنوف تسوي القهوة ادق عليهم ولا يردون
ام مشعل :يمكن ماسمعوا الجوال جالسات مع البنات ابشر بقولهم ؛وقفلت
ام مشعل لفت للميس :لميسو نادي مها ولا الهنوف قلوليلها تسوي قهوة وتعطيها لمشعل
لميس :ابشري ياخاله ؛وقامت
~~~عند البنات بالحوش~~~
الهنوف :وش صار لما طلعتي برا المزرعة
رحاب:ابد والله جاء الملقوف يسوي نفسه المنقذ وبسبته طحت
الهنوف:حرام عليتس والله انه خايف عليتس
رحاب:إلا ديل كبدي اقوله ناد سعد يقول اركبي السياره ويعععع
مها:ههههههههههههه والله انك نذله بدال لاتشكرينه تسبينه
لميس جتهم:مها الهنوف خالتي تقول سوو القهوة وعطوها مشعل بسرعه
مها:زين ؛وقامت للمطبخ ولفت لهم؛اسكتو لين اجي
الهنوف:هههههههه؛وناظرت للميس اللي للحين واقفه :وانتي ورا ماتروحين خلاص علمتيها وقامت؟!
لميس باستفزاز وهي تناظر لاظافرها:هديها وبعدين المفروض انتي اللي تروحين مو مها انتي الصغيرة
الهنوف وهي تأشر باصبعها الخنصر:طول إصبعي ذا وهذا طول لسانها ؛وقامت بتروح لها
لميس راحت داخل تركض
رحاب:ههههههههه اهجدي تحطين عقلتس بعقل بزر
الهنوف:بزارين آخر زمن!!
مها رفعت صوتها من الشباك:الهنوفف تعالي
الهنوف :اصبري انتي الثانيه خليني أكمل استجوابي اففففف
مها:أقولتس قومي بس
رحاب :ههههههه ياحليلتس احلامتس واجد
الهنوف قامت :ياويلي عنك ياخوي الله يرزقني بواحد يحبني مثل حبك لهالقاسيه ذي
الجوهرة:وربي انكم مب صاحيات ههههههههه
وقاموا راحو للمطبخ
خلصوا القهوه وطلعت مها تعطيها مشعل كان لابس شال عودي وثوب اسود وعليه صديريه عوديه اخذ القهوه وراح
الهنوف وهي تأشر بيدها للجوهرة:ياهوه وين وصلتي وش رايتس بالحلا اي واحد نسوي اللوتس ولا تشيز كيك
الجوهرة:هـ...هـ...هاه!احس الأسود اقصد اللوتس احلا
مها ناظرتها وعرفت انها شافت مشعل بس ماقالت شي
الهنوف:تمام أنا بطحن البسكويت وانتي سوي الطبقة البيضاء
رحاب:مو عشان يدي مكسورة ماراح اسوي شي أنا بسوي الطبقة الاخيره لان الحلا مايكمل ويحلى إلا بلمساتي
الجوهرة:يعع يالثقة
رحاب بدلع :ههههههه لاتغارين مني حياتي
الهنوف:بعيدًا عن الطقطقة لايق عليتس الدلع ياحيوانه هههههه
الجوهرة ناظرتهم نظرة المتقززة
ماتو ضحك البنات عليها
مها وهي تضحك:رحاب والدلع خطان لايلتقيان
بدوا يشتغلون خلصوا من الحلا على دخلت الضيوف طلعوا يستقبلونهم ورجعوا يجهزون القهوة والتقديمات من حلا وغيره واخذوها وطلعوا
الجوهرة:حياكم الله تو مانورت المزرعة
ام حلا:الله يحييك منورة بوجودكم ياحياتي شلونكم جميعًا عساكم طيبين
ام سعد:والله الحمدلله بخير انتم شلونكم
ام حلا:بخير دامكم بخير؛وناضرت لرحاب:الحمدلله على السلامة آخر الأوجاع
رحاب: الله يسلمك ياخاله (احترامًا لها)وينها حلا والبنات ماجوا؟
ام حلا:إلا بس تعدل شكلها هي والبنات ويجون
ام مشعل: ياحليلكم والله من زمان عنكم وحشتونا معد نشوفكم
ام حلا:الله يخليك والله اشغال معاد نفضى
ام مشعل:الله يعين بس مو عذر تقطعونا كذا
ام حلا:ياحياتي والله تو نفضى وجيناكم
ام ذيب:يامرحبا والله ما احسن منها ولاجيه
ام حلا ابتسمت من ترحيبهم بها وكيف طايرين فيها:ياحبيبتي يا ام ذيب
ام مشعل:الساعه المباركه والله الله يحييكم
دخلت ندى ومن بعدها خواتها:السلام عليكم
الكل :وعليكم السلام
حلا سلمت عليهم وجلست:كيفكم ان شاء الله طيبين
ردو كلهم اللي قال بخير واللي قال الحمدلله بخير واللي قال طيبين لله الحمد
حلا:الحمدلله على السلامه رحوبه
رحاب :الله يسلمك ياروحي ؛وجلسوا يسولفون
الهنوف والبنات راحوا للمطبخ يجهزون العشاء والسلطات والعصاير
الجوهرة هي تدور الأدراج: يوه مهاوي وين حطت الصحون؟!!
الهنوف: قضت وقلت لمشعل يجيب من عندهم
دق شباك المطبخ وراحت الهنوف تفتحه والجوهرة عدلت شيلتها؛ الهنوف:وش!
مشعل: الصحون اللي أزعجتيني عليها
الهنوف أخذتها وهي تضحك: شكرًا سويدا
مشعل كان بيروح بس لف عليها: ما سويدا إلا أنتي يا حيوانه؛ ودخل يده من الشباك بيطقها
الهنوف رجعت ورا وهي تضحك
الجوهرة :ابعدي يا هبلا كبيتي السلطة
مشعل طالع من الشباك
الهنوف فزت وهي خايفه: كذابه يوه كلها بسبت سويدا
مشعل: أنتي السويدا هنوفوه
الهنوف: أنت للحين هنا وش فيك تناظرغض بصرك يلله وتوكل
راح مشعل وتركهم
الجوهرة فزت:عمى بعينه الحيوان
الهنوف: هههههههههههه يمكن يحسبك مها ولا شي ثاني ياويلي على اخواني
الجوهره طقتها:لاشي ثاني ولا خرابيط تعالي ساعديني!
~~~~~~ • • • • • ~~~~~~
ذيب: وين رحت عمي ينشد عنك
مشعل: رحت أعطي الأهل غرض وجيت
ذيب: زين يلله مشينا؛ وراحوا للرجال
طلال شغل العرض النجدية وبدوا يلعبون العرضه
طارق راح وجاب السيوف وأعطاها الشيبان ومشعل وذيب
ومشعل وسعد دخلوا بالنص يلعبون بالسيوف وطارق يوثق ويصورهم للذكرى انتبه سعد ورجع عطا السيف لعازم وراح لانه عارف طارق وش بيسوي
طارق صورهم بسناب وعدل على الصوت وغيره ونزلها ستوري وقفل جواله كأنه ما سوى شي
✨✨✨——انتهى ——✨✨✨
رأيكم بالبارت [معليش على القطعة بس ماشفت فيه تفاعل يحمس اني انزل فـ صرت كل ماكتبت احفظها وما انزل لكن ان شاء الله بصير انزل كل ماكتبت ]🦋🦋🦋
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
