اذن الفجر وقاموا الكل يصلون
الجوهرة :بنات خلصوا صلاة والحقوني للمطبخ نزين الفطور
الهنوف وهي تتمطط :مرة بدري الساعه 4 و الله لو إنك خباز
رحاب وهي تتلحف :صادقه و الله تو الناس بدري
نزلت الجوهرة وهم يتكلمون دخلت المطبخ وهي تقرأ اذكار الصباح وشغلت النور ؛كان يسوي الشاي ولف من اشتغلت الأنوار وشاف الجوهرة: فيه احد يا بنت!
فزت من سمعت صوته الرجولي المبحوح : بسم الله معليش ما دريت أن في أحد هنا ولفت بسرعة بتطلع؛ ذيب: أنا اللي آسف دخلت المطبخ ما شغلت الأنوار خلي طريق بطلع
الجوهره وهي متفشله: لا خلاص أنا بروح خلك أنت كمل شغلك
ذيب : خلصت أنا أساسا كنت بطلع من أول ؛وأخذ الشاي وطلع
الجوهرة تلعن نفسها مليون مره : يع ي فشيلتي ليتني مكملة نومتي أبرك ؛ وبدأت تحوس بالمطبخ
رجع ذيب : إحم إحم
الجوهرة : فيه أحد وش بغيت؟!
ذيب : ما عليك أمر أبي السكر نسيته
الجوهرة جابت السكر وعطته من ورا الباب : تفضل
ذيب : شكرا ؛وراح
الجوهرة اخذت جوالها تتصل على البنات ينزلون يساعدونها
مها : بنات يالله امشوا نساعد الجوهرة قوموا
وقاموا البنات وانزلوا يساعدون الجوهرة وخلصوا من الفطور
مها : بدق على مشعل ياخذ الفطور خذوا فطورنا وحطوه بالصالة
أخذوا الجوهرة ورحاب والهنوف الفطور وطلعوا
دخل مشعل ومعه طلال : صباح الخير
مها :صباح النور
طلال : مها مين اللي امس مع الهنوف بالاستوري يا هي موتن حمر قسم بالله! سألت الهنوف وما ردت
مشعل ناظر طلال: ياهوه هديها شوي
الهنوف دخلت وهي تمشي قالت : مو شغلك بعدين وش عندك تناظر البنات!
طلال :أنتي منزلتها طبيعي بشوفها يالله ما علينا منها مردي بأعرف
مها ناظرت لمشعل اللي كان يناظر بالصالة: ياهوه وين وصلت؟
مشعل فز: هاه لا ولاشي وين الخبز؟
مها : شفه على الطاولة وراك لحظة ورا عيونك حمر يا ويلك من أمي شكلك ما نمت
مشعل : أي و الله ما نمت إلا عقب الصلاة يوم طلال قام ،وناظر لطلال وأكمل ،السنع كان ناسي فراشه ونام معي بفراشي وماقصر سحبه كله له وذبحني البرد ولانمت
طلال: معليه وانت اخوي ولازم تضحي بنفسك عشاني مو فراشك وبس
مشعل.اقول عاد ماقصرت عنك بشيء كافييي
قاطعته مها:خلاااااصصصصص مجادل من صباح الله خير انت وياه يالله خذو الفطور واطلعوا لاتنسون تقفلون الباب وراكم
مشعل: شكلها طرده بس مو مهم الزبده عقب ماتفطرين شيلي الاغراض وجمعيهم بنمشي اليوم
مها:لاااا قل غيرها مامدا الاسبوع راح بسررعه ما استانسنا للحين ماشبعنا افففف
طلال:كلنا ماودنا بس الشكوى لله ؛وأخذ الفطور وطلعوا
~~~~~~ • • • • • ~~~~~~
طلال:مشعل مشعل ولد وين وصلت
مشعل:هااااااه وجع أستغفرالله
طلال:ههههههههههههههههههههههههه والله يانك تهوجس اللي ماخذن قلبك يتهنابه
مشعل:هيه هيه ياكثر هرجك وانا اخوك امش امش بس
ابو مشعل:مابغيتوا كان نمتوا هناك بعد !
طلال بهمس:بعض الناس وده وغمز لمشعل مشعل طق طلال بكتفه وجلسوا يناظرون بعض وقال مشعل:معليش يبه سموا
~~~~~~ • • • • • ~~~~~~
عند البنات
راحوا للمطبخ يشيلون الاغراض ويرتبونها برا عشان يشيلونها بالسيارات وطلعوا فوق يلمون اغراضهم
رحاب:بنات وين شاحني شفتوه؟
الهنوف وهي تحط مناكير:مدري عنك بس دوري بالأدراج
رحاب فتحت الأدراج تدور:يالله مو فيه شحني بيخلص الجوهره ابي شاحنك
الجوهره:لاوالله عشان تضيعينه بعد اقول لمي أغراضتس خلصيني
رحاب:نوووو وعد ما اضيعه بسرعه تكفين
مدته الجوهره لها:خذيه ياويلتس يضيع بس بشرط تلمين أغراضي معتس
رحاب ناظرتها وناظرت جوالها:تمم هاتيه بسرعه؛اخذته وراحت تشحن جوالها
الهنوف ومها خلصوا اغراضهم ونزلوا ورحاب تلم أغراضها وأغراض الجوهره ومشاعل تساعدها
في المطبخ الجوهره سوت القهاوي ووزعتهم بسلال
~~~~~~ • • • • • ~~~~~~
جاب سعد السياره لقسم النساء عشان يشيلون اغراضهم
سعد:يا بنات شيلوا الاغراض بسرعه يالله
الجوهره:زين بس ترا فيه أغراض ثقيله تعال شيلها
سعد :وين الاغراض؟
الجوهره:هذي هي ؛واشرت له على المدخل
دخل سعد وهو ياخذ الاغراض وينقلها للسياره بقي آخر غرض وحمله بقوه ضنًا منه انه ثقيل وطاح
طلعت الجوهره من المطبخ بسرعه من سمعت صوت شي انكسر:وش صار؛وناظرت للأرض وشافت سعد الطايح وماتت ضحك :سعد ههههههههههههههههههههههههه وش صارلك
سعد وهو ماسك رجوله :ايه اضحكي أوريتس ؛وقام يركض ويعرج باتجاهها
ركضت الجوهره وتخبت ورا ظهر أبوها:يبه شف سعد هههههههههههههه
سعد وهو يركض:تعالي اجل أنا تضحكين علي ياجوجو
ابو سعد:ههههههههههههههههه الله يصلحكم كل ماكبرتوا زاد هبالكم مدري متى بتعقلون رح شل باقي الاغراض
الجوهره:يبه ترا سعد كسر طقم الصحون اللي شريتهم لامي
سعد يمثل انه بينحاش:بالغلط النحششششه
ابو سعد:الله يهديك ماعليه تبشر بالعوض الغاليه
الجوهره جت جنبه :اسلم يالغاليه اجل عز الله انها جايبه رأسك
سعد:حسافة الشيب اللي برأسك بس طلعت خفيف ؛وغمز لابوه
ابو سعد يمثل العصبيه عشان يسكتون:يالله بس خلصوني شيلوا عفشكم بسرعه
ضحكوا سعد والجوهره ودخلوا
سعد:جيبي شي أشيل فيه القزاز
الجوهره:زين ؛وراحت للمطبخ واخذت مكنسه وممسحه وراحت لسعد:امسك انت اكنس وانا بمسح
سعد:هاتي؛ورفع اكمامه وثوبه لفه على بطنه وبدا يكنس ويغني:
وشلون مغليك.....وانت اللذي علمتني حبك
يا هاجسي عشقي عيونننك ،وبدت الجوهره تغني معه:
اسأل وتلقى الجواب في نظرة عيوني . . . .
تفسير لأجمل عذاب حبك يامفتوني . . . .
سعد:اقعد طلع صوتس حلو وانا تو ادري
الجوهره بخجل:ويني ويين الصوت أنا يا حلو جبر الخواطر اللي عندك
سعد:والله ما أجامل صوتك حلو بالله غني لحالتس
الجوهره:لاا
سعد:تكفييين
الجوهره:طيب بغني بس بشرط!
سعد وهو يقول بنفسه(اخيرًا كم صارلي احاول فيها)وبسرعه قال:وشو شرطتس
الجوهره بحماس:اتعلمني السواقه اول مانرجع
سعد:بس! ابد تممم
الجوهره نطت بوناسه:والله انك كفو ياخوي وش تبيني اغني؟
سعد:اي شي
جت رحاب وحطت يدها على كتف الجوهره:غني وأضحكت لي لطلال مداح
الجوهره:تم ؛وبدت تغني وتمسح الارض:وأضحكت لي بشفتن مثل الشفق
حسها قلبي وحن الها وخفق وتكمل..
جاء مشعل وهو يسمعها تغني جلس عند الباب يسمعها:اخخخخ والصوت ويل قلبي صدق ؛تجرأ وطل عليهم سعد كان يمين لاف جهة اليسار مقابل المطبخ وكانت الجوهره مقابله لسعد وجنبها رحاب من منضور مشعل رحاب مو باينه:اي والله حسها قلبي وحن لتس وخفق يقلع بليستس ؛قام ووقف وهو يتنحنح:سعد ياولد تعال ساعدني باقي أغراض وعمي معصب له ساعه ينتظرك
سعد:صد ياولد وراك محارمنا هنا رح وانا بجي
مشعل ضحك:زين اعجل انتظرك ؛وراح
سعد سحب رحاب وعطاها المكنسه:امسكي كملي وانا بروح لابوي
~~~~~~ • • • • • ~~~~~~
عند الرجال بدوا يلمون العزب بالسيارات والفرش وهم يطقطقون ويضحكون عشان ينجزون بسرعه
ابو مشعل:يامشعل
مشعل مشى لابوه وهو ينزل أكمام ثوبه:لبيه يابو مشعل
ابو مشعل:لبيت حاج وانا ابوك اسمع اخذ السياره ورح لامك وخواتك يشيلون اغراضهم
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
