جاء وقت صلاة الظهر وكلن راح يصلي
~~جهة الرجال~~
قاموا يصلون الظهر جماعة وخلصوا صلاة راح مشعل للمطبخ ولحقوه سعد وطلال اما الباقي راحوا للمجلس
مشعل:سعد وين حطيت القدر؟(من عاداتهم اول يوم الطبخ عند الرجال وباقي الايام عند النساء )
سعد : موجود ؛وراح للدرج وطلعه
طلال وهو جالس بالأرض : أنا وش حادني ادخل المطبخ كانت رحت اصب القهوه احسن من اقطع بصل على آخر عمري!
مشعل ناظر له:اخلص بس لك ساعتين على بصل ياولد باقي اللحم والطماطم توك على التعب
طلال: لو تقطع عني مب احسن من تأمر علي مو عشانك اخوي الكبير تقعد تأمر
سعد:ياليتك تسكت وتعجل بس لايجي عمي يفرمك بدال البصل
طلال:انت وش رأيك تروح تجيب الماء لايجي عمي يتوطى بطنك هنا الحين
سعد ضرب جبهته:يووه رحت أساعدهم نركب اللمبات ونسيت بروح اجيب من عند كمال بس انت كمل تقطيع البصل الحين ؛وقام بيطلع
طلال: على طاري اللمبات لو ماغيرناها وش بيسوون الشيبان هههههههههه
سعد لف له :ابد والله بيعلقونك معها يالله بروح اجيب الماء ؛وطلع يركض لغرفة كمال
الكل :هههههههههههههههههه
ورجعو يكملون شغلهم
~~جهة النساء~~
البنات طلعو يتمشون عند اسطبل الخيول
رحاب:الله ابي اركب خيل
مها:تعرفين لهم ؟
رحاب :اعرف بس مو مره
الجوهرة ناظرت لرحاب بنص عين وقالت:ماركبت غير مره وتحسب نفسها خياله
رحاب لفت لها بقوه:حرام عليتس والله اني فنانه!!
مها:بقول لمشعل بنأخذ خيله بس بشرط تورينا مهاراتك إذا انك صدق خياله!
رحاب :ابد تم
الجوهرة وهي معصبه:اقول اعقلي يامهبوله كذبت كذبه وصدقتها ماصدقت على الله احد يمدحها الخبله !!!
مها:ماعليك بنشوف مهاراتها وقاطعها جوالها وهو يرن دليل اتصال احد عليها طلعت جوالها
مشعل:الو مها ترا الغداء جاهز خلوا طريق بندخله
مها:مافيه احد بس خالاتي داخل واحنا برا عند الإسطبل
مشعل:طيب ؛وقفل
مها ناظرت لجوالها ثم ناظرت للبنات:قفل مامداني أقوله خليه بعد الغداء شرايكم؟
الجوهرة ردت بسرعة: الحمدلله خيره لاتجيب فينا العيد ذي ماحنا ناقصين تخرب الطلعه من بدايتها بسبت إصابات
رحاب بحده:ترا قلنا بعد الغداء ماكنسلنا!
مها:اي ورحاب صادقه
الجوهره:مها بالله فكينا مالنا خلق
مها:يابنت الحلال ترا عطيتي الأمر فوق حجمه
الجوهره:امري لله مامنكم رجا
البنات:هههههههههههه
اتصلت ام مشعل على الهنوف : يابنت وينكم فيه ؟قولي للبنات وتعالي الغداء خلص !
الهنوف :طيب يمه الحين نجي؛وقفلت واكملت وهي تطالع البنات:يالله بنات امي تقول تعالو ؛وراحو البنات وهم يسولفون
دخلوا مشعل وذيب يدخلون الغداء وعلى طلعتهم إلا البنات بوجههم صدوا وطلعوا بسرعه البنات صنموا مكانهم
الجوهرة:بسم الله من وين طلعو ذولا
مشاعل:مدري المهم ماعلينا منهم يالله ندخل ؛ودخلت ودخلوا من بعدها البنات
جاء العصر وصلوا البنات وطلعوا للخيول ماعدا الجوهرة
~~عند الإسطبل~~
لفت رحاب لمها:كلمتي مشعل؟
مها:لا بكلمه الحين بس احس بيرفض ومالي خلقه
رحاب :لاتكفين حاولي فيه لو رفض !
مها :تمام ؛واتصلت بمشعل :مشعل
مشعل وهو مشغول:هلا سمي
مها:سم الله عدوك عادي أنا والبنات ناخذ الخيول
مشعل:زين بس انتبهوا
مها:طيب باي ؛وقفلت
~~عند الرجال~~
مشعل طالع الجوال:قفلت بوجهي؟!!غريبه معقوله مها فجاه حبت الخيول عجيب والله
ابو مشعل:ياولد انت وياه اعجلوا علينا بالفناجين
طارق : تلاقي البنات هم اللي قايلين لها ؛مشى وطالع لابوه
مشعل:ما أضن ؛ولحقه
~~عند البنات~~
رحاب:ها وافق؟لا تقولين عيا تكفين
مها سوت نفسها زعلانه:هممممممم
رحاب:اوف ياخي اخوك وش يحس فيه ترا خيول مب حلا عشان يخاف نأكلها
ميس:واضح انها للحين ماتخطت الحلا اللي سوته وخلصه مشعل عنها
البنات:هههههههههههههههههههههههههههه
مها:هههههههههههه امزح معتس رحابوه وافق
رحاب لفت لها بقوه :كذابه!! يس يالله مشينا أنا باخد الأبيض
مشاعل :يمه على طول ماصدقت ياحي الله
البنات :هههههههههههههههههههههههههههه
ودخلوا للخيول
رحاب :وش اسمه هذا
مها:هذا حق مشعل اسمه وهّاج
رحاب:وهّاج واووووو اسمه حلووو
الهنوف:تصدقين عاد من كثر ما ان مشعل يحبه لو تعطينه مليونين مقابل تأخذين وهّاج مايعطيك إياه
رحاب:يا ساتر لهدرجة يحبه
مها :يالله بنات كلكم اسمعوني بنتسابق وأول وحده توصل للنخل تفوز والباقي يسوون اللي هي تبيه
رحاب بحماس: تم ههههههههاي تحلمون تسبقوني صح وهّاج؟
وبدوا الخيول يركضون
<<<<<<<<انتهى>>>>>>>>
هلا والله كيفكم حبايبي شرأيكم بالبارت ووش توقعاتكم للبارت الجاي
(ترا طولت البارت قدر المستطاع مع البرزنتيشنات والاختبارات والحوسه إلا اني مانسيتكم من البارتات 🤫 )
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
