مها :يالله بنات كلكم اسمعوني بنتسابق وأول وحده توصل للنخل تفوز والباقي يسوون اللي هي تبيه
رحاب بحماس: تم ههههههههاي تحلمون تسبقوني صح وهّاج؟
وبدوا الخيول يركضون
~~~~~~~~~~~~~~~~~~~~~~~~~~~~~~~~~~~~
رحاب أرخت اللجام ولفت للبنات وراها:ههههههههههه كيف بس قلت لكم ماراح تسبقوني
مها قربت منها جاهله الخيول اللي هاجت (خيل مشعل وخيل طارق مايحبون بعض):ماراح تفوزين علي ههههههههههههه
رحاب خافت من سرعة الخيل وصارخت:بنات احس اني بطيح ياويلك يارحاب
مها سمعتها ووقفت الخيل وربطته ولحقت رحاب اللي كان الخيل متجه فيها إلى خارج المزرعه:رحاب تمسكي زين وحاولي تهدّين الخيل
رحاب شدت اللجام بقوه عشان توقفه بس الخيل كان أقوى منها وماقدرت عليه وقالت بحده:مها مو قادره أوقفه
مها بدت تصارخ لان الخيل كان سريع مره ومالحقته وطلع برا المزرعه:الهنوفففف ! جيبي جوالي بسرعععه
الجوهره سمعت الصراخ وفزت :وش صاير
ام سعد :مدري قومي شوفيهم
ام مشعل:اللهم اجعله خير
قامت الجوهره وطلعت برا شافت البنات معدا رحاب وصارخت :رحاب صح؟
مها وهي تلقط انفاسها: اايه...هاجت فيها الخيل ....و.....وطلعت برا المزرعه
الجوهرة وهي تصيح اتصلت بسعد:سعد تعال بسرعهه!!!
~~عند الرجال~~
طارق كان جالس قريب من باب المجلس وسمعهم وطلع شوي شوي عشان محد ينتبه له وراح يركض شاف الخيل لما طلع برا المزرعه وعليه بنت وركب سيارته ولحقه
سعد بعد ما اتصلت عليه الجوهرة فز بسرعه يركض ولحقوه العيال
مسك الجوهرة :وش صايرر انطقي بسرعه؟!!!
الجوهرة كانت منهاره وانكتمت وما قدرت تردت عليه
سعد:ابعدووا خلوها تتنفس !بسرعه أحد يجيب البخاخ بسرعهههه!!
راحت مشاعل تركض دخلت : وين بخاخ الربوو اففف!؛وصارت تدوره بشنطت الجوهره
ام سعد:وش صايرر يابنتي
مشاعل حصلت البخاخ اخذته وطلعت تركض مدته لسعد :خذ
اخذ البخاخ سعد وحط راس الجوهره بحضنه وبخ بفم الجوهره ولف للبنات :وش صار انطقوا يا مال البكّممممم!!!!!
ساره بخوف :ر..رحاب انحاش فيها الخيل وطلع برا المزرعه وراح لها طارق
مشعل:ورا ماقلتولنا من اول ؟!! سعد دخلهم وألحقني بجيب سيارتي
سعد بحده: طيب ،اضن انكم سمعتوه مايحتاج أعيد ادخلو يلااا!
وقوم الجوهرة ودخلها وراح ركض لمشعل
~~عند طارق~~
طارق نزل الشباك وبصوت عالي :شدي اللجام يسارررر
رحاب وهي تشد اللجام بكل قوتها لكن ماكان يستجيب لها :مايوقف مدري شفيه
طارق :رحابب خليك متمسكه زين وبقوه
رحاب بينها وبين نفسها:وش دراه ذا اني رحاب صوته مب غريب ! انتبهت ان شيلتها طايحه وعدلتها
طارق شاف رحاب بتطيح من على الخيل ونطق:رحااااب تمسكي زييين!!!!
رحاب اختل توازنها وطاحت صارخت:آيييي يدي
طارق وقف ونزل يركض ورفعها:فيك شي؟!
رحاب بتألم :ناد سعد بسرعه
طارق بحده :أكلمتس أنا فيتس شي في شي يوجعتس !!
رحاب تصرخ من الألم :يدي توجعني
طارق :اركبي بوديتس المستشفى
رحاب :لا مايحتاج مستشفى
طارق :مب على كيفتس اركبي بسرعه
رحاب :قلت لك مايحتاج ماتفهم انت ! دق على سعد يجي
طارق : الدعوه معاند اجل ! ماني داق على احد
رحاب :اجل عطني ادق لاتقعد تعاند
طارق :مثل ماتعاندين أنا بعاند واذا قلت لتس ماني معطيتس الجوال !
جاء مشعل وقف ونزل سعد يركض
سعد ودف طارق عن رحاب ومسكها :رحاب فيك جاك شي؟
رحاب :بس يدي توجعني
سعد :جعلها بي عنتس ياعين اخوتس
وأخذها وركب مع مشعل وراحو للمستشفى
طارق رجع الخيل للاسطبل ودخل وعلمهم
عند البنات
دخلت مها بعد ماعلمها طارق وقالت لهم
ام سعد :يمه بنتي وش صار معها
مشاعل :ماعليه يمه ان شاء الله مافيها شي
الجوهرة :لاتخافين يمه ان شاء الله خفايف بس يتطمنون عليها لان قالت يدها توجعها
ام مشعل طقت الجوهرة عشان تسكتها:مافيها إلا العافية ان شاء الله الحين بيجون
~~بالمستشفى~~
فحص عليها الدكتور وسوا لها اشعه
الدكتور :عندها كسر بالكتف اليمين وان شاء الله كلها 3-4 شهور بتتشافى بس اهم حاجه ماتحركيها كتير وقدامك العافيه؛وركبوا لها جبيره وطلعوا
سعد :الف لابأس عليتس الحمدلله جت سليمه المره هذي انتبهي يالخبله مب اي شي يجي ببالتس تسوينه على طول
رحاب :الله يسلمك بس ما كانك سبيتني!
سعد ضحك :اي وانا صادق انتس خبله ؛ومسك يدها اليسار وركبوا وتحركوا متجهين للمزرعه
~~عند البنات~~
دخلت رحاب :السلام عليكم
الكل ردوا السلام
ام مشعل :الحمدلله على السلامه رحوبه خوفتينا عليتس
رحاب :الله يسلمتس ياخاله
ام سعد :الحمدلله على سلامتس يا أمي الله يهديتس ماتبطلين حركاتس وتعقلين خوفتيني عليتس
رحاب : الله يسلمك من كل شر ماكان قصدي اخوفكم علي والله توبه اركب خيل
الكل ضحكوا
الجوهرة :لاواضح مره خيالة
رحاب :ترا بقوم الحين اوريتس اني خياله صدق
فزت الجوهرة ومسكتها :امزح معتس قايلتلكم واضح بتتوب الهبلا
مشاعل ضحكت :مو مرتاحه لين تموت ذي
الكل ضحكوا
رحاب :بسم الله علي ! يمه شفتي بناتس يتفاولون علي
ام سعد :اقول اجلسي بس لاتكسرين يدتس الثانيه
الجوهرة :هههههههه بنتس يايمه خبله توديها كلمه وتجيبها كلمه
الهنوف :بالعكس والله خياله الصدق بس الخيل مدري وش جاه فجأة
ام مشعل قبصتها :اسكتي ماكسر البنت إلا تعزيزكم لها
الهنوف تمسح مكان القبصه :اححح يمه تعور
الكل ضحكوا وكملو ضحكهم وسوالفهم
<<<<<انتهى>>>>>
وش رأيكم بالبارت واكتبو لي توقعاتكم للبارت الجاي
🦋
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
