طارق:طايييل ياكلب ؛ولحقه ركض طايل وهو يروح من يسار شبك البل من شاف مشعل راح من يمينه والتقوا في وجه بعض كب طايل المويه على ثوب مشعل وركض لجهة المطبخ
مشعل:طايللل تعال ترا مب احسن لك!!!
~. ~. ~. ~. ~. ~. ~. ~. • • • • • ~. ~. ~. ~. ~. ~. ~. ~
طايل دخل للمطبخ وهو يضحك ومسك الباب عشان مايدخلون عليه
ركض مشعل للمطبخ :طايل والله لو ماتفتح الباب لالعن شكلك طايييل افتح بالطيب
طايل:هههههههههههههههههههههههه أحلف ماتلمسني
مشعل:أنا اعلمك وشلون ؛ورجع ورا وهو يركض يدف الباب
طايل فتح الباب وركض جهة بيت الشعر وهو مبهذل
أبو مشعل:أبو مشعل أبوه العلم وش !!
أبو سعد وقف وهو يناظرلهم:هذولا متى يتمرجلون نعنبو بليسهم كل واحد شنبه يلوط آذانه وللحين ماعقلوا! مشعل طايل !!!!
طايل:سم يا عم
مشعل:طايل يالكلب تعالل!
أبو مشعل:مشعللل! لزم حدك واحترم وجودي واحترم ولد عمك ! هذي سوات يسوونها رجال؟ كنكم بزارين تراكضون بهالبران!(البر)
طارق وهو جايهم يركض:هاه مشعل مسكته؟
مشعل تنحنح عشان طارق يسكت ولكن سرعان ما طارق مسك طايل وسدحه بالارض
ابو مشعل:بعدي ولدي الثاني قممم قامت روح العدو! فشلتني قدام عمك مير الشرهه مب عليك على اللي خطبلك مادريت انك للحين ماغديت رجال!
طارق وقف وهو تحت تأثير الصدمه وعدل ثوبه اللي كان كلّه غبره ومبهذل ويناظر لمشعل وهو ماسك نفسه ويدعي بداخله ماتكون غير رحاب
ركض مشعل ووقف جنب طارق ومسك يده وشد عليها وسحبه معه
أبو مشعل:وانت وش موقفك هنا رح بدل ملابسك وامشوا افطروا اعجلوا علينا ؛ودخل لبيت الشعر
<في بيت أبو سعد>
بعد ماخلصوا من الفطور وشالوا السفره جلست أم سعد جنب رحاب ونادتها لفت رحاب لامها:سمي ياعيوني وكلّي
أم سعد:تسلملي عيونتس أسمعي وأنا أمتس طارق جاي يتقدملتس فكري واستخيري ورديلي أنا بقوم أخلصلي شغيله واجيتس
رحاب:بس يمه..
قاطعتها ام سعد:لابس ولا شي فكري ؛وقامت وراحت وتركتها بحيرتها
<في بيت أبو حلا>
دخلت جوهرة وهي تو راجعه من عند الهنوف بعد ماقالتلها عن أبوها وباين على وجهها الهم
ندى:جوجي وش فيتس؟ وراه وجهتس غدا لونه اصفر؟
جوهرة:ندى أنا نكبت أبوي
ندى بخوف:وشو وش قاعده تقولين انتي!
جوهرة:اللي سمعتيه
جتهم الهنوف تركض ودخلت عندهم وهي تتنفس بسرعه:عمي حطوه بالسجن
جوهرة:شفتي ياندى ماكذب أبوي يوم قال أني عاقه؛وطاحت بالأرض منهاره بكى اللي يشوفها يستاء من حالها
الهنوف وهي تمسكها:جوهرة!
ندى واقفه مكانها بصدمه ولاهي قادره تنطق ولا تتحرك
مرت ام حلا رايحه للصاله ولكن من شافتهم راحت يمهم
ام حلا:جوهرة! جوهرة وشفيتس اهدي ؛ورفعت نظرها للهنوف؛وش بلاها يالهنوف؟
الهنوف ببكي ورعب:مدري ياخاله مدري جوهرة اهدي تكفين؛ولفت لندى اللي للحين بصدمتها؛ندى ندى ابوتس مافيه شي وإن شاء الله بيطلع بس اهدوا تكفون قطعتوا قلبي
ام حلا باستغراب:وش فيه عبدالله؟
جوهرة ببرود اجتاحها من بعد الانهيار:افتكينا منه
الهنوف وندى انصدموا من تغير حالها بدقايق ولاهم عارفين وش يسوون
ام حلا:بنت وش قاعده تخربطين جوهرة وش فيه ابوتس!
جوهرة ناظرت لامها ونطقت:هو تسبب بقتل شخص وبياخذ جزاته
ام حلا بصدمه:كيف! مستحيل لا إله إلا الله لا إله إلا الله
الهنوف:بس ياجوهرة هو انسجن عشان جحد وما اعترف والادله للحين ما اثبتت عليه يعني احتمال ماهي قضية قت//ل شفيتس مصّره
<بالمركز>
بعد عدم اعتراف ابو حلا انسجن وكتبوا تقرير بإحالته إلى الطب النفسي وثبتت معاناته من صدمة نفسية تسببت بالحاله اللي هو فيها الان ومع ذلك مازال التحقيق معه مستمر (هو الان بمركز الصحه النفسيه)وطبعاً وصل الخبر للكل وفضلوا عدم الاعتراض عليه إلى ان يصدر القرار النهائي
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
