جيتي مثل الغيث والدنيا صحوه

Part 26

حلا بنفس الهمس:بكيفك بس أنا بخليه ينزلني عند باب البيت ماني ناقصه مجنون الحاره
الهنوف طقتها وبهمس:الله يقطع بليستس ماتخطيت
حلا ضحكت
تركي:ياهوه وش فيكم خلصوني ردو
———— • • • • • ————
الهنوف:ترا لنا أسامي ياهوه
تركي:أنا وش بيدريني وش اساميكم؟
الهنوف:اوه صح يالله اصلاً مب لازم تعرف وصلنا حي ******
تركي:تمام بس إذا دخلنا الحي اوصفولي
حلا لفت لـ الهنوف:الهنوف
الهنوف لفت لها باستغراب:ها؟
حلا:خلينا نروح لـ السوق بشتري نقاب وشيله
الهنوف:صح ؛ولفت لتركي واكملت؛لو سمحت عادي تمر على السوق اللي ببداية الحي
تركي:ليش؟
الهنوف لفت لحلا:حرام احس رحمته كلفنا عليه يمكن مامعه شي ؟
حلا مسكت يد الهنوف وكلمت تركي:نبي نشتري شيله نغطي فيها انفسنا
تركي:اوه خلاص خليكم هنا أنا بنزل اجيبلكم واجي؛ ونزل
الهنوف:وش عقبه هههههههه
حلا بخوف:هنوفوه والله اني خايفه من ابوي خصوصاً لو درى والله ان يذبحني يارب مادرى للحين
الهنوف ضمتها وهي عارفه عمها وطبعه القاسي:حلّوي ماعليتس اكيد احد من اخواني بيجي ونلقاه قدامنا ماراح يقدر يسويلتس شي دامي معتس
حلا:بلاتس ماتعرفينه جعلتس ماتشوفين اللي اشوفه
ركب تركي ومد لهم الاغراض وحرك وحلا توصفله وبعد دقايق وصلوا
تركي لف لها:متأكده ذا بيتكم؟
حلا بخوف:ايه ليش وش فيه؟
تركي نزل ونزلوا من بعده الهنوف وحلا
تركي:معتس مفتاح؟
حلا:لا؛وتقدم تركي يطق الباب وفجأه وقفت سياره ونزل منها شخص والواضح انه صاحب البيت
تقدم تركي للسياره ووقف من نزل ابو حلا
تركي:خالي عبدالله ؟
ابو حلا:ايه عبدالله؛وناظر ورا تركي وشاف حلا وأكمل؛الله لايحييك لا انت ولاهي
حلا :يبه خلني افهمك!
ابو حلا صارخ:وش تفهميني هاه وش؟ كل شي واضح ياقليلة الحياء
تركي:ياخال ما أسمحلك ترفع صوتك وادخل داخل نتفاهم ماينفع نوقف بالشارع
ابو حلا بحده:تخسي تدخل بيتي انت واللي وراك إلا إذا اخذتها سواء كان برضاك ولا ورجلك فوق رأسك!
حلا بكت :يبه أنا بنتك تربيتك وشلون تفككررر فيينننيييي كذذذاااا ؟!!
ابو حلا:اعقبي بيتي يتعذرتس طيحتي وجهي بين الرجال سود الله وجهتس
تركي مسك ابو حلا ورفع صوته:يا خال هذي بنتك اقل شي اسمعها لاتقعد تتهمها كذاا واانتتت مااا تعررففف ووشششش صاااررر معععههههااااا
ابو حلا وهو يفك يد تركي منه :انت لي تفاهم ثاني معاك
وصل مشعل للبيت ووقف من شافهم مجتمعين بالشارع ونزل وراح لهم
مشعل :السلام عليكم
تركي:وعليكم السلام
مشعل:وراكم هنا بالشارع ؟؛وتقدم لعمه واكمل؛عمي عبدالله كذا تستقبل ضيوفك؟
ابو حلا:اي ضيوف ذولا سواد وجيه
مشعل:افا ياعمي بدل ماتقولهم الحمدلله على السلامه تقولهم كذا !
الهنوف بحزن :مشعل ترا عمي تبرأ من حلا
مشعل لف لـ الهنوف بسرعه :وش قلتي؟
الهنوف:للأسف مع انه الرجال هذا يشهد علي الله انه ما لمسنا ولا قصر معنا ووصلنا لين بيوتنا
مشعل:وهذا العشم فيه ولد العمه
الهنوف وحلا انصدموا ولكن فضلوا الصمت
تركي:ماعليك زود يامشعل عاد أنا استأذن ومسموح ياخالي ؛وركب سيارته ورجع للفندق
مشعل:يا عمي بنتك من لها غيرك وياليت قبل لاتنطق بالكلمه تكون حاسب لها الف حساب ضناك غيرك يتمناه ؛ولف لـ الهنوف وحلا واكمل؛يالله اركبوا ؛ابو حلا جلس على الباب يفكر بكلامه وبعدها دخل لبيته
<في بيت ابو حلا>
ام حلا كانت جالسه بالصاله وفزت من شافت ابو حلا داخل :هاه حصلتوا حلا؟
ابو حلا:من اليوم ورايح ماعندي بنت اسمها حلا
ام حلا صاحت:كـ.كـيف وش قاعد تقول انت فيه احد يتخلى عن ضناه عبدالله تكفى قول انك تمزح
ابو حلا:اللي عندي قلته وتراها بكره بتملّك إذا رحتي لها فانتي طالق بالثلاث ؛وصعد لغرفته
ام حلا جلست على الكنب وهي ماسكه راسها:حسبي الله عليك يا عبدالله حسبي الله عليك
ندى وجوهره ركضوا لامهم وهم سمعوا كل شي لأنهم كانوا بالمطبخ
ندى:يمه اهدي كل شي بينحل انتي بس اهدي
جوهره حطت راسها على كتف امها :يمه ماعليتس لا تفكرين وتتعبين نفستس بتتيسر ان شاء الله وحلاوي بترجع لنا هنا
ام حلا حضنتهم:الله لايحرمني منكم
ندى وجوهره :ولا منتس
<عند مشعل>
أخذهم يغيرون جو وطول الطريق والكل هادي ماعدى صوت شهقات حلا اللي كانت محاوطه كل اللي بالسياره وتحاول تخفيها
الهنوف:حلا حرام اللي قاعده تسوينه بنفستس خلاص اهدي ابوتس كان بلحظة غضب مب قصده
حلا رفعت راسها من على كتف الهنوف ولفت لها:يعني ماتبرأ مني مثل ماقلتي يعني اقدر ارجع أعيش معهم
الهنوف تنهدت وهي ماعندها جواب ولفت للشباك تكتم بكيتها وعشان حلا ماتشوف دموعها اللي بمحجر عيونها
مشعل:حلا قولي لا إله إلا الله
حلا:حق
مشعل:اهدي انتي الحين وبحاول احلها
حلا:ما عاد تنحل ماعاااددد تنحللل اكككرررهههه حياتي اككررهههاااا
مشعل لف لها ونطق بحده:حلا وش هذا الكلام ! تعوذي من بليس واتركي هذي الأفكار عنتس
حلا رفعت صوتها:انتتت ماعشششتت اللي أنا عشششتتتته أناااا طووووول الـ 19 سنه هههذذذيييي ماعمممرررريييي عشتتتت ززززيييي الاوادمممم كنت عايشششهههه بقلقققق وههمممم حتى انننيييي ككننتتت اككرررههه الوووقققتتتت الليييي يرججععع ابببوويييي فيييههه لللبيييتتت ؛وسكتت ثواني ثم اردفت؛كان ابوي قبل لكن الحين ؛ورجعت تصيح
وقف السياره مشعل ونزل فتح الباب
حلا رفعت راسها تناظر فيه وكان معطيها ظهره ويمشي الهنوف نزلت ورحت للباب اللي بجهت حلا ومسكت يدها ونزلتها معها ولحقوا مشعل
الهنوف :وش ذا المكان؟
مشعل:هنا مكاني اللي ما يعرفه احد الا انا وطارق والحين صرنا 4 والمكان ذا بيكون سر بيننا
الهنوف :ازهلني
مشعل :انتي بالذات آخر واحد اتزهل فيه
حلا:هههههههه الله يديمكم لي(اختهم من الرضاعه نسيت أوضحها لكم☺️)
الهنوف:امين ويديمك لنا
مشعل جلس على طرف الجبل:تعالو اجلسوا هنا
الهنوف:يمه مشعل تعال لا تطيح
مشعل:ماعليتس تعالي؛ومسك يدها وتقدموا له الهنوف وحلا وجلسوا وكانت جلستهم ابتداءاً من اليمين مشعل ثم الهنوف ثم حلا
مشعل وهو يقطع الصمت اللي دام لدقايق :الكان هذا شهد على همومي كلها كنت كل ماتضيق علي الدنيا اجي هنا وافضفض
الهنوف:يعني كنت تكذب علينا لما تقول مشغول بالعزبه
مشعل:تقدرين تقولين كذا
الهنوف:حلّوي تكلمي ليش ساكته
حلا:هاه ؟ ابي دورة المياه
مشعل أشر لها :هناك
قامت حلا وراحت لدورة المياه
الهنوف وهي تناظر لحلا وهي رايحه :ياحياتي ياحلا ربي كون بعونها وش بتسوي دام عمي تبرا منها مالها احد غيرنا :(
مشعل:الله يكون بعونها لقيت حل بس مدري عن ردت فعلها لو عرفت اسمعي لما عمي تبرا منها كان قصده لو تركي ما اخذها واذا تركي اخذها بيكون ما تبرا منها اولاً وآخراً القرار بيدها ماراح نضغط عليها هي تفكر وتقرر
-انتهى🦋✨-
رأيكم بالبارت وتوقعاتكم لحلا وش راح يصير معها