اتصلت الجوهرة على مشعل وجاء ياخذها
-بالسياره-
مشعل:يالله تحيي الجوهره
الجوهره ابتسمت:الله يحييك
مشعل:اخيراً ذكرتي ان عندتس زوج
ضحكت الجوهره:شسوي طيب مشتاقه لهم
بعد صمت
الجوهره:مشعل
مشعل:عيونه
الجوهره:ودي توديني المستشفى
مشعل لف لها وهو عاقد حاجبينه:ليه
الجوهره:لا بس لي كم يوم باطنيتي تعبانه وكل شوي ارجع
مشعل وهو يلف للمستشفى:ليش ماعلمتيني من اول ما صار معتس كذا
الجوهره:كنت احسبه تعب عادي وبيروح من نفسه
مشعل وقف ونزل من وصلوا ونزلت الجوهره بعد ما اخذت جوالها وشنطتها ومسكت يده
كلموا الريسبشن ودخلوا للدكتوره
~~~~~~•••••~~~~~~
طلعت وهي تاخذ المويه تسقي الورد وتدندن:
مابي ابد اسمع اخبارك
ومابيك ابد تسمع اخباري
القلب ماتحرقه نارك
القلب ماتحرقه نارك
ياللي انحرق قلبك بناري
نطق:ناري ناري ناري ناري
فزت وهي تطالعه ورجعت تطالع للورد تقدم وهو يمسك خصرها:للحين زعلانه؟
بعدت يدينه اللي محاوطه خصرها ومشت بتدخل
سحب ذراعها يقربها لصدره ونزل نظره لها وهو يطالع عيونها اللي أسرت قلبه ولاحظ ارتباكها اللي تحاول ماتبينه قدامه:عيونتس تفضحتس وتفضح اشواقتس ليش تحبين تطولينها وهي قصيره؟ ؛وحضنها من جمب واشر لها بسبابته؛شوفي الورد إذا أسقيتيه مستحيل يذبل واذا طالعتيه تحسينه ممنون لتس ،ليش تحسسيني انه مهما سويت ومهما قلت مايحرك فيتس شي؟ المشكله فيني ولا في تعبيري رحاب العمر قاعد يمضي وانا ودي بتس اليوم قبل بكرا بس مالقى منتس إلا الصد والمكابر! ؛وأكمل بعد لحظات وهو يرفع راسها له بسبابته؛انطقي قولي شي قولي اي والله اشتقت بس أكابر قولي شي بس اهم شي لا تسكتين كذا!
رحاب تقدمت تحضنه وهي ضاع منها الكلام بعد كلامه ومشاعره اللي كان كاتمها بينه وبين نفسه حست انها صدق كانت تكابر ووصلت لبرود بعلاقتهم :اوعدني انك مابتخليني اوعدني يا طارق اوعدني انك بتضل تحبني بكل مافيني بتضل تحبني بكل عيوبي
طارق وهو يحضنها بقوه:لو ماحبيتس بكل عيوبتس ومزاياتس كان ليه الين اليوم وانا معتس للحين عندتس شك بحبي لتس ؟خافي الله في نفستس وفيني
بعد وقت بعدت عنه وهي تمسح دموعها
طارق ضحك:افا تصيحين؟
رحاب ابتسمت وهي تطق كتفه:كله منك كلامك يصيح
طارق سحبها لحضنه وضحكت:
أضيق والقى ضحكتي في محياتس
واتعب واحصل راحتي بين اياديتس
الله يخليتس ويديمتس ويرعاتس
والله يلوم اللي يلومني فيتس
رحاب:صح لسانك ولسان شاعرها
طارق:صح بدنتس ياحرم طارق
ضحكت من نطقها وهي ارتبط اسمها باسمه
ابو مشعل:يا طارق
طارق تقدم يبوسها بسرعه وراح لابوه:هلا يبه
رحاب ابتسمت ورجعت للورد وهي تسقيه
مشاعل:رحاب
رحاب:عيونيي
مشاعل طلعت لها:عساه دايم الروقان؛وشافت طارق رايح؛اووه ش. .
طقتها رحاب وهي تبتسم عشان تسكت
ضحكت مشاعل منها وهي تشوف وجهها احمر:ادخلي امي تبينا؛ودخلوا
~~~~~~•••••~~~~~
ابو مشعل:وش موديك بيت عمك؟
طارق: ا ا امي امي عطتني صحن اوديه لهم
ابو مشعل:صحن وشهو
ام مشعل:فطور كان كثير قلت اقسم لهم
ابو مشعل:زين اخلص اخلص وألحقني للعزبه
طارق وهو يحط إصبعه على خشمه:ابشر على هالخشم
راح ابو مشعل وراح طارق لامه وحب راسها وهو يضحك:والله انتس كفو لو ماتكلمتي كان اعترفت
ام مشعل وهي تضحك طقته على كتفه:لا تعودها هاك الصحن ماكذبت تراني الله يغفرلي بس
اخذ الصحن منها طارق ووداه لهم ولحق ابوه للعزبه
~~~~~~•••••~~~~~~
مشعل وهو يطالع الدكتوره:انتي صادقه؟
الدكتوره ضحكت من صدمته:ايه الف مبروك ولازم تنتبه لها
مشعل وهو يمسك يدين الجوهره ويضحك:بصير ابووو
الجوهره بكت وهي تومي براسها
لف مشعل للدكتوره:كم عمره
الدكتوره:شهر
مشعل:ولد!
الدكتوره:بالشهر الرابع راح تعرفون لان مو مبين الان
مسك مشعل الجوهره يساعدها وطلعوا:الحمدلله لك يارب الحمدلله
الجوهره:ابي اروح لامي
مشعل طالعها:معد بتطلعين من البيت أنا اللي بهتم فيك
ضحكت الجوهره بصدمه:مششعععللل! نعم؟
مشعل:اعرفتس إذا رحتي بتعلمينهم
الجوهره:اي طبيعي امي وبقولها
مشعل:ماراح نقول لاحد إلا بعد مانعرف بنت ولا ولد
الجوهره:اووو اجل عشان كذا؛وضحكت
مشعل:اييه عشان كذا؛وابتسم
الجوهره وهي ماسكه كتفه:ابشر مابقول لاحد ؛وركبوا السياره ورجعوا لبيتهم
~~~~~~•••••~~~~~~
رحاب مسكت جوالها من جاها رسالة وفتحتها وجمدت ملامحها من قرتها وكان محتواها راجعي اقرب مركز شرطة للضروره
وركضت لمشاعل:مشاعل
مشاعل جلست بخوف من شافتها خايفه وداخله بسرعه وهي مصدومه:وش بلاتس ياهبلا طقي الباب قبل تدرعمين عليّ
رحاب حذفت عليها الجوال شهقت مشاعل:وش صاير وش مسويه يامريضه!
رحاب وهي تصيح:ماسويت شي اقسم بالله مشاعل قوليلي وش اسوي؟
مشاعل:بما انتس ماسويتي شي ليه خايفه؟ روحي مع سعد شوفي وش السالفه
رحاب:مابي اروح خايفه
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
