سحبها قدامه:امزح معك انتي على طول تصدقين امشي قبل يجينا صدق؛ودخلوا وراحت حلا لبيتهم وتركي راح للشقه اللي مسويها الجد في بيته للعمه نوره وعيالها
وقفت حلا وهي تحاول تفتح الباب ومافتح ورجعت تنادي لتركي:تركي
كان يطالع لجواله ومن سمعها تناديه رجع لها:وش فيك؟
حلا بورطه:مقفلين الباب
تركي:منهم
حلا:اهلي منهم يعني
تركي:دقي على احد يفتح لك
حلا:جوالي مخلص شحنه
تركي:خذي جوالي اتصلي منه
اخذت حلا جواله وهي تكتب الرقم ولفت من فتحت ندى الباب:فُرجت
ندى:وش عندتس هنا بهالوقت؟
حلا:ليه قفلتي الباب بدون ما تشيكين أنا فيه ولا لا!
ندى:و . .
تركي قاطعها وهو يوقف جمب حلا:صبحك الله بالخير ياندى شلونك
ندى وهي تتغطى:صبحك بالنور بخير انت شلونك
تركي:بخير نحمدالله حلا كانت معي
حلا طقته بكوعها وسكت وهو يمسك بطنه ودخلت حلا وقفلت الباب وهو واقف قدامه ضحك منها وراح للبيت وهو يكتب لها:اخ يابطني يوجعني من مسلطك علي اليوم
فتح جواله وهو يشوفها وردت عليه:صدق عورتك؟
تركي وهو يتذكرها لما كانت عنده وكيف كانت تراعيه وتداريه ورد:شوي
ضحك وهو يشوف ردها:على مقدار الاحراج اللي حطيتني فيه ههههه
صحى وابتسم وهو يشوفها متعمقه بنومتها على كتفه ومسح على شعرها اللي كان متناثر على وجهها بعشوائيه وهو يبعده عن وجهها وهو يردد:
فلت شعرها وانتثر كنه الليل
غطى عبايتها وغطى نحرها
وغطى العيون اللي هدبها مظاليل
حتى سواد الرمش ضاع بشعرها
صحت وهي تتمت:وش تقول
مشعل:صح النوم
الجوهره بعدت عنه وجلست وهي ترفع شعرها:صح نومك كم الساعه؟
مشعل:9
طالعته:ماعندك دوام اليوم؟
مشعل وهو يطالعها:لايكون طفشتي من مقابلي
الجوهره وهي تقوم:لا ما اقصد كذا بس خفت تكون راحت عليك نومه
مشعل وهو يحك راسه:هو الصراحه راحت علي نومه هههههههههه بس عادي الوليد بيغطي عني ؛وقام دخلت الحمام(يكرم القارىء)يتسبح والجوهره راحت تجهز الفطور
<في بيت أبو سعد>
صحت وهي تطالع الشباك ورجعت تطالع لخواتها ودفت مشاعل على كتفها تصحيها:مشاعل قومي! فطرتي ابوي وسعد؟
مشاعل وهي منزعجه منها:ايييه ماعندك جامعة انتي؟
رحاب:إلا عندي كم الساعه
مشاعل:يوووه رحابب! قروشتيني تراتس شوفي جوالتس اففف؛ورجعت تغطي راسها تمنع ازعاج رحاب
قامت توجهت للحمام تاخذ دش ولبست وطلعت وقعدت تنشف شعرها وهي مروقه وتغني
مشاعل:رحاااب! والله لو اقوم ماتسلمين مني اطلعي برا الغرفه يا قروشه!!
رحاب ضحكت:وي لايشوفتس ابوي وانتي للحين راقده قومي سوي القهوه بيطلع هو وسعد للشركه
مشاعل قامت وهي تاخذ ربطتها تلم شعرها كعكه ودخلت تبدل ملابسها ونزلت للمطبخ تسوي القهوه
مشاعل وهي تسلم على راس امها:صباح الخير يمه
ام سعد:صباح النور الله يرضى عليتس
مشاعل:وينهم سعد وابوي نزلت مافيه بالصاله احد
ام سعد:طلعوا لبيت جدتس يقولون عمتس نوره تبيهم هناك
مشاعل عقد حواجبها باستغراب:يالله صباح خير وش صاير؟
ام سعد وهي تشيل الصينيه:مدري إذا جو بنعرف الحقيني بالقدوع والشاهي
مشاعل:ابشري؛ولحقتها للصاله
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
