جيتي مثل الغيث والدنيا صحوه

Part 66

<في بداية يومٍ جديد>
صحت رحاب وهي ترتب شنطهم وبعد ماخلصت ترتيبها أخذها طارق وطلع يجيب ملابسه من المغسله واتجهت رحاب للتسريحة وهي تحط ميكب وتستشور شعرها ستريت ولبست فستانها اللي كان لونه بُني وتعطرت من انتهت وهي طالع طلتها بالمرايا وصارت تجمع ميكبها بالشنطه وأغراضها واخذت عبايتها تلبسها من دخل طارق
طارق:خلصتي؟
رحاب:ايه شرايك بكشختي؟
طارق وهو يطالعها:الله يعين قلوب عذالتس عز الله بيموتون
ضحكت رحاب وراحت تجيب العطر وهي تعطره:مامداني اشغل الفحم ماحصلت مبخره
طارق:اساساً مامعنا وقت يالله؛ومسك يدها وطلعوا للسياره
-في الطريق-
وقف طارق عند الاشاره وهو يطالعها:بنروح اول لاهلي مسوين غداء وبعدها بنروح للمطار على طول
رحاب:متى رحلتنا؟
طارق:الساعه 6
رحاب بحلطمه:يوووه طارق بنجلس بالمطار5 ساعات؟ خلينا نجلس عندهم لين قبل الرحله بساعه بعدها نروح للمطار
طارق:لا ياشيخه عشان نتأخر عليها وتفوتنا؟
رحاب:كيف بتفوتنا وحنا بنروح للمطار قبل الرحله بساعه؟
طارق:سوالفكم اللي ماتخلص
رحاب ضحكت:اوووه طلعت خبره؟ ايه من اللي كانت تتأخر
طارق حرك من فتحت الاشاره وهو مبتسم من فهم عليها
رحاب:تكلم يا ابو ابتسامات توزعها على الرايح والجاي
ضحك طارق:ياجعلني والغيورين نعنبو بليستس ما ملا عيني غيرتس
رحاب:لاتتهرب طارق
طارق:ماتهربت هذا الصدق
رحاب نزلت من وصلوا بدون ماترد ودخلت ونزل طارق وتوجه للمجلس:السلام عليكم
الكل ردوا السلام
طارق:شلونكم جميع
الكل:بخير،نحمد الله
<في مكان أخر>
كانوا حلا وتركي جالسين بالحديقة ويتقهوون رفعت راسها اللي كانت ساندته على كتفه وهي تطالع الأطفال:تدري ياتركي كانت امنيتي أكون ام لأجمل ولد او بنوته كل ما أشوف الأطفال مع اهاليهم يتردد ببالي ليش أنا اللي صاير معي كذا ليش أنا محرومه من هذا الشعور ودي بطفل انشغل فيه واقضي معه وقتي ليش أنا يصير معي كذا؟
تركي وهو يرفع ذراعه ليحاوط كتفها ويقربها له:لا يضيق خاطرك طالعين ننبسط ونغير جو؛وسكت للحظه وأردف وهو يطالع ليدها اللي سحبها ليده؛حجزت سفره لنا بعد كم يوم وراح تتعالجين وبنجيب احلا حلا صغيره وتصيرين احلى ام ولا تبين ولد مايشبهني؟
ضحكت حلا من بين دموعها من تذكرت قصده وأنه للحين شايلها بخاطره:ماكنت أشوفك مثل ما أشوفك الحين وبتكون افضل اب لهم
تركي:وانتي بتكونين ام لعيالي وأحلى ام فيك يالدنيا مشينا للبيت؟
قامت حلا وهي تفتح شنطتها واتجهت للأطفال اللي بالحديقه وهي تمد لهم حلاوه ورجعت لتركي وهي تضع ذراعها ليحاوط ذراعه ومشوا لبيتهم
<عند رحاب>
دخلت وهي تنزل عبايتها وتقدمت تطالع المرايا وهي تعدل شكلها وشعرها وفتحت شنطتها تجدد روجها
الهنوف:حي الله رحاب ماشفتس وانتي داخله وش هالهداوه ماعرفتس
رحاب ابتسمت وهي تدخل روجها بشنطتها وتقدمت للهنوف تسلم عليها:الله يبقيتس دخلت ماحصلت احد واخذت راحتي صرت من اهل البيت الحين
ضحكت الهنوف ودخلت مع رحاب للمجلس
رحاب:السلام عليكم
ام مشعل:وعليكم السلام ياهلا برحاب ياهلا بزوجة الغالي
ابتسمت رحاب:المرحب يبقى ياخاله كيفتس
ام مشعل:نحمدالله بخير انتي شلونتس
رحاب:الحمدلله بخير؛واكملت تسلم على الباقي وجلست جنب غلا
غلا:كيفك رحاب
رحاب:الحمدلله بخير؛ولفت للهنوف
الهنوف بهمس:مالقيتي إلا ذي تجلسين جنبها
ابتسمت رحاب وتوسعت ابتسامة الهنوف من فهمت قصدها
رحاب:اقول غلا كيفه ذيب؟
غلا باستغراب:بخير
الهنوف:ياحليله عاد واحنا صغار كان يموت على الجوهرة لين ما اخذها حتى انه ماكان بيطلقها لكن النصيب وعوضها الله بمشعل الله يخليهم لبعض ولا يفرقهم
غلا تنحنحت واخذت الفنجان تتقهوى
وضحكت الهنوف وهي تطالعها وابتسمت رحاب بانتصار
جلست مشاعل جنب رحاب والهنوف وهي مبتسمه من شافتهم يضحكون:وش يضحككم؟
الهنوف طقت قفا كف مشاعل:الحقيني المطبخ نسولف هناك؛وطلعت ولحقوها مشاعل والجوهرة ومها
مشاعل وهي تساعدها بالمطبخ:ايه وش السالفه أسلمي
جلست الهنوف بالارض وجلسوا معها وهم يسولفون
الجوهرة شهقت ويدها على صدرها وطقت كتف الهنوف:جعلتس اللي ماني قايله مريضه انتي
مشاعل بعصبيه:إلا احسن تستاهل
الجوهرة:اسكتي بس؛وقعدت تفكر ورجعت لفت على الهنوف؛شلون أجيها الحين مالي وجه
الهنوف:يوه يالجوهرة المفروض هي اللي مالها وجه مب انتي متى تتلكعين انتي بالله؟
الجوهرة:اقول اقوم اشوف مشعل وش يبي احسن من هرجن معكم؛وطلعت لمشعل اللي يناديها
مشعل:فيه احد بالمطبخ؟
الجوهرة وهي تبعده:ايه البنات كلهم امر وش بغيت
مشعل:عطيني شنطة الإسعافات
الجوهرة:عسى ماشر وش فيه؟؛وشهقت من شافت سهم جاي وثوبه كله دم؛سهم وش بلاك
مشعل مسكها وهو يوقفها قبل تطلع:كم مره أقولتس لاتشهقين ماتفهمين،بعدين سهم مافيه شيء بسيطه
الجوهرة:سهم يا أمي فيك شيء وش يعورك من سوا فيك كذا
سهم وهو ماسك حاجبه اللي ينزف:مافيني شيء يمه لاتخافين كنت العب كورة مع حمد وصفقت وجهي
حمد وهو جاي لهم بخوف:سهم أنا اسف ماكنت ادري انه بيصير كذا ولا والله ماكنت لعبت كورة من البداية
سهم:حصل خير
الجوهرة وهي تشوف جرحه وتطالع لمشعل:لا حول ولا قوة إلا بالله وينك عنهم انت؟
مشعل:ياخي أطفال ويلعبون مع بعض وش عرفني بيصير كذا والحمدلله عدت سليمه ادخلي جيبي معقم ولصق
دخلت الجوهرة وهي تنادي الهنوف:الهنوف وين شنطة الإسعافات؟
الهنوف وهي تأشر لها:بالدرج هذا ليه وش فيه
الجوهرة:سهم
وقفت الهنوف وهي تلحقها:وش فيه سهم؛وشقهت من شافته وحمد واقف جنبه واردفت؛اكيد انه ولد امه ؛وابتدت تهاوشه ؛عارفه مايجي من وراك انت وأمك إلا الشر اذلف يالله
مشعل وهو يطالع لسهم وحمد وهم مصدومين منها:اقصري حستس وبعدين كم مره وانا أقولتس انتي وإياها لا تشاهقون ماتفهمون!! يالله ادخلوا خلاص اللي صار صار وانتهى ؛وصار ينظف جرح سهم اللي كل شوي يتألم من المعقم ويتحرك
حمد:ياخي والله اني اسف حتى خالتي الهنوف زعلت مني واكيد خاله الجوهرة بعد زعلت ماكنت اقصد
مشعل ابتسم له:ماعليك منها الهنوف كذا دايم بس ترا قلبها ابيض لايغرك دفاشتها
ضحك حمد بانكسار:اعرف
سهم وقف بعد ماحط مشعل اللصق وهو يحضن حمد:لاتشيل بخاطرك منها اكيد ما كان قصدها بس لانها خافت علي وعشان كذا انفعلت بس تطمن أنا بخير ومازعلت منك لاني ادري انك ماكنت متقصد
مشعل:يالله قدامي على المجلس؛ومشوا ومشى وراهم مشعل وهو يضحك على اشكالهم وهم حاطين يدينهم على كتوف بعض ويسولفون وصورهم للجوهرة وكتب عليها عودة العلاقات وانتم بزعلكم للحين
-بعد الغداء-
طلع طارق وهو يتصل برحاب وبعد دقايق طلعت وركبت السيارة
رحاب:السلام عليكم
طارق:وعليكم السلام عساه دايم الروقان عطيني مافي جعبتس
رحاب ضحكت:مافيه شيء اقوله
طارق حرك وهو مبتسم طول الطريق
رحاب وهي تشوفه دخل حارة من وصلوا للعاصمه الرياض:هذا مب طريق المطار
طارق:عارف انه مب طريق المطار
رحاب:اجل وين مودينا
طارق:مفاجأة
رحاب:اها عشان كذا مطيّرنا قبل الرحلة ب 5 ساعات
طارق وقف من وصلوا وابتسم
رحاب وهي تطالع للمكان اللي واقفين فيه اللي كان عباره عن ارض قاحله:ايه وش المفاجأة
طارق:انزلي
رحاب نزلت ووقفت جنبه:تستهبل علي صح؟ياخي لازم تنكد علي انت!
طارق ضحك من عصبت ومسك كفّها بكفه ومشوا إلى ان وقفوا أمام بيتهم:تررا
رحاب وهي تطالع للبيت وتطالعه:تمزح صح؟
طارق ضحك وهز رأسه بنفي
رحاب مدت يدها له:عطني المفتاح إذا صادق
مد طارق لها المفتاح:جربي يمكن مايفتح معتس
مشت رحاب وهي تفتح الباب وفتح ولفت على طارق بفرح ورجعت تحضنه:ياخي أحبببك
ضحك طارق وهو يبادلها الحضن:وانا هيمان فيتس مشينا نشوفه؟
رحاب حاوطت ذراعه ودخلوا للحوش
طارق:جاهزه تشوفينه من داخل
رحاب:مررره
طارق:فيه مفاجأة ثانيه بس بتعرفينها لما نرجع من سفرتنا
رحاب:قول والله
طارق:اقول ادخلي بس ادخلي؛وضحكوا ودخلوا وهو يفرجها على البيت والأثاث
رحاب:يووووه ياطارق مره يجنن حتى الأثاث حلو طلعت ذويق!
طارق وهو يعدل نفسه:والدليل اني اخترتس
ضحكت رحاب:الصراحه صرت أثق باختياراتك
طارق:الصراحه مقدر اصبر مشينا اركبي عشان نروح للمفاجأة الثانية
رحاب:الله يعين لا أنا صبوره ولا انت صبور شلون تجمعنا احنا
ضحك طارق وطلعوا للسياره
طارق وهو يسوق:وش تتوقعين المفاجأة الثانيه
رحاب:ما ادري بس ممكن طقم ذهب؟
طارق:مالتس لوا
رحاب:ألماس؟
طارق:ترا برميتس من الشباك اللي وراتس لا
رحاب:عرفت
طارق:وش
رحاب:ورد
طارق:صحح أقولتس لاعاد تفكرين
رحاب:يوه ياطارق امزح؛وطالعت للمزرعه من وصلوا لها
نزل طارق وهو يفتح البوابه ورجع يدخل السياره:هذي المفاجاة
رحاب:مب منجدك ياطارق كل هالكشخه اخرتها المزرعه
طارق وقف عند الإسطبل ونزل وهو يأشر لها تجيه واخذ الخوذ ولبس السلامه واعطاها تلبسه
رحاب وهي تلبس:ودك تجدد العهد انت تبيني أتكسر عشان ماتسفرني صح؟اعرف
طارق ابتسم:أنا خيّال وانتي لازم تصيرين خيّاله
رحاب طالعته:خيّاله وبدون خيل؟ حلو
طارق ابتسم بوسع مبسمه ومسك كفّها ودخلوا للاسطبل الجديد اللي آخر المزرعه وهو يوريها الخيل اللي اشتراه خصيصاً لها
رحاب طالعته وهي تمسح على الخيل:هذا لي؟ قول والله
طارق وهو يطالعها:تتعاطين حلف انتي؟
رحاب:قول والله ماني مصدقتك
طارق:اقول مانتي وجه مفاجأة امشي قدامي نطلع؛واعطها ظهره
رحاب وهي تسحبه:لا خلاص صدق قول والله
طارق وهو كاتم ضحكته:والله العظيم شاريه لتس وبدربتس عليه بعد مانرجع من السفر بتسمينه ولا اسميه انا
رحاب:انت سمه
طارق:هتّاف
رحاب باستغراب:هتّاف؟
طارق وهو يطالع الخيول:ايه قريب من اسم خيلي هيّاف
رحاب وهي تطالع الخيول لفة لطارق:حبيت بس طلبتك قول تم
طارق:والله انه تم
رحاب:ابي نطلع جوله الحين معنا وقت
طارق وهو يطالعها ورافع حاجبه:قولي والله ماتدربتي للحين عشان صدق تطلعين فيه
رحاب وهي تحاول فيه:تكفى طارق قول تم ترا حرفين مب ثقيله
طارق وهو مبتسم:بس مانبي إصابات
رحاب وهي تطالع نفسها:على هاللبس اللي ملبسني إياه كأني موميا بعد حماية الله مابيجيني شيء؛وضحكت
طارق وهو يطلع خيله وركب:يالله دورتس
رحاب طالعته وهي تطلع هتّاف:شف الخياله بس؛وركبت وهي تمسح عليه
طارق طالعها:ياخيّاله غلط تركبين قبل تأكدين من ان السرج مشدود زين وبعدها تأكدي من اللجام
رحاب وهي تغمز:عشاني واثقه بزوجي ماشيكت
ضحك طارق من ذكائها وقدرت تخارج نفسها بكلمة زوجي اللي جابت راسه ونطق بتأييد:ايييه عشان كذا! اجل انتبهي المره الثانيه يمكن اغدر فيتس
رحاب ضحكت من فهمت انها مكشوفه:حرام عليك ياخي ! يالله وش الخطوه اللي بعدها؛وطالعت طارق
طارق وهو بدأ يحرك الخيل عشان يمشي:يالله ياخيّاله خلي الخيل يمشي
رحاب وهي تغش من حركاته:راقب وشف وترا بنتسابق اوكي؟؛هز طارق راسه بموافقه ومشت رحاب الخيل بسرعه
طارق وهو يلحقها بسرعه:غشاشه ما اتفقنا كذا عديّ اول وبعدها يبدا السباق
رحاب وهي تضحك:فزت عليك ولا مافزت؟
طارق وهو يطالعها:فزتي بس بالغش
رحاب وهي تنزل من رجعوا الإسطبل ودخلت الخيل:المهم فزت عليك؛ونزلت الخوذه وهي تبعد شعرها عن وجهها
طارق نزل ودخل خيله الإسطبل ووقف وهو ينظف ثوبه:غشاشه لكن الايام الجايه بتثبت والسباقات واجده
،والله يبيلنا تسبيحه قبل السفرّه
رحاب وهي تطالع نفسها:اي والله كم الساعه؟
طارق:4:30
رحاب:يمدي معنا نصف ساعه
طارق:يالله اجل بروح لقسم الرجال وانتي قسم الحريم ؛وافترقوا
-بعد نصف ساعه-
رحاب وهي تشوفه جاي:طولت ياخي انت بطيء بكل شيء كان عطيتني المفتاح
طارق وهو يفتح السياره:يالله بس اركبي عشان نلحق الرحله؛تحركوا متجهين للمطار وركبوا الطياره من اعلنوا انطلاق الرحله
<في بيت ابو حلا>
جوهرة:وش تقولين انتي
ندى:والله سمعتهم وهم يتكلمون
جوهرة:لا تكفين يارب انتس غلطانه
ندى ضحكت:لا متأكده
جوهرة:ندوه انقلعي عني مايضحك يخوف
ندى:اتركي الدلع بس شوفي طارق مدلع رحاب دلع حتى انهم بيسافرون اليوم للندن تخيلي
جوهرة:الله يهني سعيد بسعيده وشعلي منهم أنا؟
ندى:ياحظتس بتسافرين ويشتريلتس اللي تبينه ومزيووون
جوهرة:جعلتس اللي ماني قايله قومي انقلعي اشتغلي
قامت ندى وهي تضحك ووقفت بصدمه من شافت امها دخلت:تعالي ابيتس بموضوع
ندى:متأكده أنا مب جوهرة؟
ام حلا:امشي بس ابوتس يبيتس
لفت ندى على جوهرة وشافتها تضحك وتدعي:الحمدلله يارب يالله الله يكون بعونتس ولا اقول زين الحين تتحقق احلامتس اللي ترددينها علي من اليوم
طلعت ندى وقفلت الباب وراها بقوه ونزلت مع امها وجلسوا
ابو حلا:اقول ياندى ولد عمتس طايل تقدملتس وش رايتس فيه
ندى:والله يبه انت تعرف اني. . .
ام حلا قاطعتها:موافقه بنيتي وانت اخبر بولد اخوك
ابو حلا:اجل دامتس اخذتي رايها اجل الله يتمم ؛وطلع
لفت ندى على امها:يمه ليه قلتي كذا أنا مابيه مابيه يايمه هذا خبيل يايمه
ام حلا بصدمه:اقول اسكتي يابنت مابقى إلا البنات يعطون رأيهم بعد؛وقامت
ندى تأففت بورطه وهي تدبست فيه وقامت راحت لغرفتها
جوهرة:بسم الله دقي الباب اقل شيء
ندى:كلي تبن انتي ماني رايقه لتس
جوهرة:ليه وش صار
ندى:طلع طايل الخبيل ذا ولد عمتس
جوهرة ضحكت:تكفين قولي غيرها
ندى رمت عليها المخده:اضحكي جعلتس تضحكين بدون سنون
جوهرة:ما اصدق بروح اسأل امي
ندى:تخيلي انها سكتتني وقالت البنت موافقه وانا ماني موافقه
جوهرة:امي أدرى بمصلحتس
-بعد مرور عدة أسابيع-
<عند الأبطال>
كانوا طالعين في الأجواء البارده أثناء تساقط الثلج وذراعها تحاوط ذراعه وبأيديهم أكوابهم الدافئه
رحاب:مره شكراً طارق على كل شيء سويته عشاني
طارق كان يطالعها وهو ساكت ينتظرها تكمل
رحاب:أولها ماتركتني يوم بعدت عنك وماتركتني بعد مابعدوك عني وماتركتني عشان كلام الناس والحين ماتركت شيء بخاطري إلا وجبته او سويته
طارق:قد قلتها قبل وبرجع أقولها الحين هو فيه أحد يفرط بقلبه؟
رحاب:لا
طارق:اجل لا اسمعتس تعيدين هذا الكلام مره ثانيه
رحاب طالعت لكوبها:أحس اني جوعانه
طارق:فريتي لندن والجو بارد اكيد بتجوعين ؛وصار يدور على مطعم
رحاب:طارق شوف هنا خلينا نروحله شكله حلو
طارق:شكله؟ ايه زيين يالله مشينا له ؛وراحوا وبعد ماطلعوا وأكلوا
طارق:شوي بتجي عاصفه لازم نرجع للفندق
رحاب:خلنا نتقهوى ماتقهوينا وبعدها نرجع
طارق:نأخذها بالطريق
رحاب:زين؛ومروا على كفي واخذوا قهوتهم ورجعوا للفندق
طارق وهو يفتح جناحهم:يازين الدفىء
رحاب:في هذي صدقت بس مابي أفوت إطلالة اليوم؛واتجهت للبلكونه؛طارق تعال شوف
طارق وهو يحضنها:وش
رحاب:الاطلاله شرايك فيها
طارق:حلوه
رحاب:ومره بعد
طارق:يدينتس بارده!
رحاب:عارفه
طارق وهو يدخلها معه بالجاكيت:الحين تدفىء
رحاب ابتسمت:طيب عيوني يالحلو
طارق:أبوسهم؛وأبعد جاكيته عن وجهها وباس عيونها ودخلوا وقفل البلكونه من بدأت العاصفه
رحاب ركضت تدخل الغرفه وهي تقفلها عليها ورفعت شعرها وجلست وهي تتنفس بسرعه وهي تفكر يمكن مني؟
طارق لحقها بسرعه وهو يطق الباب:رحاب
رحاب بتوتر:هاه ياطارق
طارق:وش فيتس تركضين؟
رحاب:ولا شيء ببدل ملابسي بس
طارق:متأكده؟
رحاب:ايه
طارق:زين وأنا بعد ببدل افتحي الباب أخذ ملابسي
رحاب فتحت الباب وبعدت بسرعه
طارق رفع حاجبه:وش بلاتس ما اكل بشر ترا
رحاب أخذت ملابسها ودخلت تتسبح وطارق جلس ينتظرها تطلع عشان يفهم وش فيها تغيرت فجأه
فتحت الدش وهي تتسبح ولا حست بالوقت
طارق من حس انها طولت رفع صوته:رحاب انتي بخير؟
رحاب وهي تقفل المويه:ايه؛ولبست وطلعت وهي تنشف شعرها
طارق:طولتي
رحاب بعدت عنه وهي مب طايقته
طارق لحقها ومسكها بذراعها:هيه انتي وش بلاتس
رحاب:روح تسبح
طارق دخل يتسبح ولبس وبعدها طلع وتوجه للتسريحه وهو يتعطر ويطالع لرحاب وهي منسدحه:فيتس شيء؟
رحاب هزت راسها بنفي
طارق تقدم منها وجلس على ركبه وهو يطالعها كانت متغيره ووجها مرهق:من جينا هنا وانتي مب بخير
رحاب لفت الجهه الثانيه بدون رد
وقف طارق وهو وصل حده منها:نعم يارحاب وش هالاسلوب؟جدار أنا؟؛ولفها له تطالعه
رحاب وهي تغطي انفها بيدها:يع ريحتك خايسه ابعد
طارق وقف بصدمه وسحب لبسه يشمه وهو شاك بنفسه:ياكذابه ريحتي حلوه والله انه عود قسم بالله
رحاب:ابعد طيب عجزت أتنفس
طارق طلع للصاله وهو يتأكد من ريحة ملابسه وبدلها ورجع لرحاب مره ثانيه:متأكده انتي؟
رحاب:اييييييه
طارق:طيب وملابسي ذي خايسه ريحتها؟؛وقرب منها
رحاب وهي تقرب تشم وبعدت:تكفى خلااص ارحمني ابعدد
طارق:يابوي خشمتس مضروب
رحاب وهي ترمي المخده عليه وهي معصبه:اطلع لاتشوفك عيني
طارق:خيرر انتي اللي اطلعي أنا بنام هنا
رحاب:نام بالصاله
طارق:لا والله؟
رحاب:ايه؛ورمت عليه فراشه
اخذه طارق وقبل يطلع:هين يارحاب أوريتس؛وطفى النور وطلع ورحاب ماصدقت على الله انه طلع ونامت
قامت بنص الليل وطلعت للمطبخ ووقفت وهي تطالعه كان نايم واللحاف طايح بالارض وهو بردان وقربت تغطيه وركضت للحمام من جاها غثيان وبعد شوي رجعت وهي مغطيه انفها وغطته وراحت للمطبخ تشرب مويه وهي تطالع جوالها من بحثت عن الأعراض اللي فيها ومسكت راسها:حامل؟أكيد كذب ولا احد يتشخص ببحث؟ ورجعت تنام وهي مب مهتمه
-انتهى✨