الهنوف ضحكت:ههههههه الله يقطع بليسك خلاص مب كل شي بقوله على حسب أهمية الموضوع سيتم نشره؛وابتسمت
———— • • • • • ————
مها صفقت:عز الله رحنا بخبر كانَ
الكل:هههههههههههههههههههه هههههههههههههههههههههههه
طلال:رجاءًا لحد يدري لما نتأكد خصوصًا انتي يالرادار
الهنوف طقت صدرها:ازهلوني اجيب خبرهم بس وش السالفه انطق عطني طرف خيط وابشربي
طلال:كفو هذا اللي ابيه منتس وبعلمتس عشانه ؛وأكمل ؛ياخي طارق صاير يطلع بالليل واجد
مها شهقت :كيف؟ وش قصدك؟
طلال طقها لما شهقت بقوه وبصوت عالي:اسكتي مب اللي ببالتس
مها مسكت صدرها:اشوا هاه وش؟
طلال:مدري احس وراه شي هذا غير كلامه وهو نايم يقول أشياء عجزت افهمها ذيب ومشعل أشياء زي كذا مو مفهومه بس الأكيد وراهم شي والأيام بتبينها
الهنوف بتسرع:يمكن ذيب ورا سالفة حادثكم ؟
طلال مسك راسه:لا يالخبله ماله دخل؛وحكى لهم كيف صار الحادث
مها:اهم شي انكم سلمتوا وانت مالك دخل بالحادث مقدر ومكتوب
طلال : والنعم بالله
مها ناظرت للساعة :أووه الساعة2:15AM وبكرة عندي دوام صباح بروح انام تصبحون على خير
طلال والهنوف : وأنتي من أهله؛ وما هي إلا لحظات ولحقها طلال
الهنوف جلست لحالها تفكر : مشعل وذيب؟ يمكن بينهم شيء ولا عداوة؟ و الله مدري بس ما أظن وراهم شي ثاني وشهو مدري؛ وقامت لمت الأغراض ودخلت
< عند غلا>
غلا : ذيب لنا سنة نعرف بعض متى بتجي تتقدم لي كل ما قلتلك قلت بعدين لما أسس نفسي بس طولت
ذيب :ادري بس شسوي هذا أنا أشتغل عشانك فترة وبتقدم لك وعد بس بضبط أموري
غلا : زين تصبح على خير بنام
ذيب : تصبحين على خير يا قلبي؛ وقفل جواله ونام بينما غلا أخذها التفكير إلى أن داهمها النوم
في صباح اليوم الثاني
<في البر>
صحى مشعل : طارق قم راحت علينا صلاة الفجر
طارق :همممممم
مشعل : قم صل يا ولد وبعدها نفطر الساعه 9
طارق فز : 9؟ و الله إن يمردغني (يطقني) أبوي لو درى إني للحين ما رجعت محد يدري إني طلعت بالليل وما علمتهم
مشعل: يا رجال ما عليك خلها عندي؛ وقاموا يصلون الفجر
< في بيت أبو سعد>
أبو سعد: يا منال وين الفطور تأخرت على الاجتماع
أم سعد: يالله ثواني ويجهز
مشاعل اخذت الفطور وطلعت : وهذا الفطور جهزت
أم سعد : سمو
الكل : بسم الله؛ وبدوا يفطرون
رحاب : يبه أبيك تحول لي فلوس
أبو سعد : أبشري بس ليش
رحاب : نطلع أنا والبنات المكتبة وأبي كذا غرض منها
أبو سعد : زين أفطري الحين وبعدها أحولها
رحاب : مشكور ما تقصر يا أحلى أبو بالدنيا
< في بيت أبو حلا >
أبو حلا : يا فوزية أخلصي علي وين الأكل
أم حلا فزت بخوف في المطبخ :ط . . ط. . طيب . . الحـ. .حين . .يجـ.ـي
أبو حلا ناظر لـ حلا وصارخ: روحي جيبي الأكل كلكم ما منكم فايدة
حلا فزت بخوف وراحت للمطبخ تمشي بسرعة :افففف ما ابي ابكيي
أم حلا : ما قصده يا بنتي بعدين صدق أنا تأخرت عليه وهو مستعجل لا تشيلين بخاطرتس
حلا ضمت امها : زين ماما؛ وطلعت وهي ماسك الصينية وبدت توزع الصحون
أبو حلا : بسرعة جعلها الكسر!
جوهرة :نعم! خير صح انك أبوي بس هذا ما يعني إنك تصارخ علينا بدون سبب!
أبو حلا قام : خير؟! اشوف طلعلتس لسان؛ وصفقها كف وكمل؛ أنا أبوك يا حيوانة ما ترادديني سامعه؟
جوهرة وهي تحاول أنها ما تبكي: لو إنك أبو بمعنى الكلمة ما مديت يدك علي عشان قلت الحقيقة؛ وطلعت فوق تبكي
أم حلا وهي تمسك كتفه : ما كان قصدها هد وأفطر
أبو حلا دفعها وطلع من البيت تاركهم وراه
ندى وحلا فزوا لـ امهم ؛ندى:ماما!
أم حلا جلست وهي تمسك ظهرها : ما فيني شي
حلا وهي تبكي: يمه كيف مافيتس شي وانت ماسكة ظهرك خليني أكلم الإسعاف
أم حلا وهي تضمها على صدرها : ما فيه شي يا روحي بس عشان طحت خفيفة
حلا : متأكدة؟
أم حلا :ايه ؛ وقامت تلم الصحون وساعدوها ندى وحلا
ندى : خليها عنتس امي روحي ارتاحي
أم حلا : لا خليني ما فيني شي خلاص
حلا طلعت فوق لـ جوهرة وطقت الباب: جوهره
جوهرة : مابي أحد يجي
حلا : طيب فكي الباب
جوهرة صرخت : قلت مابي أحد
حلا : جوهرة تكفين فكي
جوهرة قامت فتحت الباب وضمت حلا ؛ دخلت حلا وهي أول مرة تشوف جوهرة بهذه الحالة وقعدت تحاول تهديها
جوهرة : شفتي شلون ضربني وربي تعبت منه بالله ذا اب ؟ فوق ما انه حارمنا من أشياء كثير يصارخ علينا بسبب وبدون سبب حتى انه صار يمد يده خلااااص اناااا تعبببتت معد اقدررر اتحملللههه اكثثثرررر
حلا وهي تمسح على جوهره وتدمع:جوهره مهما صار هذا أبونا وان شاء الله بيتعدل مع الايام لاتفقدين الامل
جوهره:عمره ما راح يتعدل ابوي اعرفه زين
حلا تنهدت :قومي غسلي وجهتس قبل امي تشوفتس بعدين نتكلم بهالموضوع
قامت جوهرة غسلت وجهها وتوضت تصلي لها ركعتين وحلا طلعت تلحق على الجامعة
حلا بوسات راس امها :باي يمه أنا رايحه
أم حلا : الله يحفظتس يا روحي توصلين بالسلامة
حلا راحت تطلع
أم حلا : استودعتس الله أول ما توصلين قوليلي
حلا وهي تسكر الباب : إن شاء الله يمه
أم حلا رجعت تنظف
نزلت جوهرة : يمه خليني أساعدتس
أم حلا : ما رحتي الجامعة؟
جوهرة : لا ما راح أداوم اليوم تعبانة
أم حلا : تمام روحي ارتاحي
جوهرة : لا خليني بساعدتس ؛وبدت تساعد امها
~~~~~~ • • • • • ~~~~~~
<في فناء الجامعه>
طلعت حلا من الكفي وبيدها قهوه جتها رحاب وباست خدها وهي ما تدري عنها؛ فزت حلا: بسم الله
رحاب :ههههههههههههه وش فيتس خفتي بسم الله عليتس
حلا نزلت الكوب ومسحت ملابسها: جاية من وراي ما دريت عنتس طبيعي بخاف
رحاب شافت سارة جايه يمهم:هلا سوسو ياصباح الخيرات
سارة باستهم بخدودهم: صباح الورد كيفكم
الكل اختلف ردودهم :الحمدلله بخير؛مو بخير
سارة :بسم الله ليش
حلا : ذابحني الخوف من اختبار اليوم آخر اختبار ومالي طاقة أذاكره وتو أندم:(
سارة : يا بنت وكلي امرتس لله وأمشي
وراحوا لـ قاعاتهم
الساعه 12PM
جاء الذيب يأخذ ميس من الجامعة ؛ ركبت ميس: السلام عليكم
ذيب: وعليكم السلام؛ وحرك السيارة
ميس وهي تناظر للطريق : مو طريق بيتنا ذا وليش مسرع؟
ذيب : ادري انه مو طريق البيت بوديتس السوق زواجي تحدد بعد ثلاث أيام
ميس:على البركه ياخوي
ذيب: الله يبارك فيتس
<عند ذيب >
كانت حايرة بين فستانين أحمر أو أسود : لميس شوفي اي واحد أحلى؟
لميس:كلهم حلوين بس الأحمر يفوووزززز
ام ذيب:اجل تمم باخذه؛واخذته
خلصوا بشكل سريع وطلعوا عشان يمدي يدورون على قاعة وي كم باقي الحجوزات
<في بيت أبو مشعل >
كانوا جالسين بالصاله ؛ أبو مشعل: كلمني أبو ذيب وقال أنهم حددوا موعد الزواج
أم مشعل: ايه بعد ثلاث أيام عشان يمدي الناس أجزت وارتاحت
أبو مشعل : و الله وكبروا الله يستر عليهم وانت يا مشعل متى ناوي هذا ذيب ولد عمك وبيعرس وانت؟
-انتهى🦋✨-
رأيكم في البارت ؟
تتوقعون بيتم زواج ذيب والجوهره ؟
عطوني توقعاتكم للأبطال مين ؟☺️
أنت تقرأ
جيتي مثل الغيث والدنيا صحوه
Misterio / Suspenso> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
