جيتي مثل الغيث والدنيا صحوه

Part 37

<في مكتب الاجتماعات>
طايل وهو يوقع حتى ماقرأ؛
دخل سعد :هاه طايل وش صار
طايل:اتفقنا وتم العقد مبرووك؛
طلعوا مدير الصفقه وموظفينه
——•——•——•——•——•——
سعد:يعطيك العافيه أنا بروح لمكتبي؛
وطلع لمكتبه
طايل طلع ومر على المطبخ واخذله قهوه وراح لمكتبه وهو شايف نفسه فاد الشركه
-عند سعد-
فتح اللابتوب وهو يشيك على أسهم الشركه ومسك راسه ورجع ظهره على الكرسي من شاف شركتهم بآخر القائمه بعد ما كانت با أولها
كان ابو حمدان يمشي بالسيب بيطلع ومر مكتب سعد ودخل من شاف سعد ماسك راسه حس ان فيه شي صاير
ابو حمدان:وش صاير ؟ ؛
وطل على اللي كان سعد يطالع فيه اللي هو اللاب وطاح مغمى عليه فز سعد وصارخ على السكرتير ؛
سعد:جب مويه وتمرر!
راح السكرتير وجاب المويه وقعد يكب على وجه ابو حمدان وصحى عطاه سعد تمر لأن جاه هبوط بالسكر
ابو حمدان:نادولي الحيوان هذا نادو طايل طايييللللل يا خبل جيبوه ليي بسرررعههه!
سعد وهو كاتم ضحكته خوفًا من عصبية عمه:قم معي ياعم اجلس على الكرسي
طايل دخل وهو مروق مايدري وش منتظره بعد ما قاله السكرتير:هلا يبه ما يحتاج تشكروني هذا واجبي
ابوحمدان بغضب:جهدٍ لا يشكر ولا يذكر اي بالله مخك وينه هاه ؟ وييينه؟
طايل:ليه وش صاير ؟
ابو حمدان:أنا مب ذابحني إلا هو وبروده لعنبو بليسك صحصح شوي !
طايل بعدم فهم وهو يطالعهم :وش صايرر فهموني؟
ابو حمدان بصراخ:وتسأل بعدد؛واكمل وهو ماسك راسه؛وره ياسعد واشرح له البلوه اللي سواها أنا بطلع قبل لا اذبحه ؛
وطلع
ذيب طلع من مكتبه بعد ماسمع الصراخ ودخل لمكتب سعد وشاف سعد يكلم طايل
ذيب:خير ياعيال شصاير؟ وراه عمي معصب ويصارخ
سعد:تعال الله جاببككك المفهي هذا جاب العيد بالشركه اشرححح لهه فهمههه تعبتتت منههه مب راضي يستوعب والمشكله انه مصرّررر للحين انه انقذ الشركه بيجيب لي الجلطه اخذذه قبل لا امردغه هنا كبديي انفقعتت
ذيب وهو ميت ضحك:ههههههههههههههههههههههه قم يا طايل تعال معي
طايل قام :يا عيال غداكم اليوم على حسابي
سعد اخذ مسباحه:اقول توكل قبل لا ارميها عليييك!
ذيب سحب طايل وهو يضحك:هههههههههههههههههههههههههههه سعد خلاص ذبحتني ؛
وطلعوا

<عند مشعل>
دخل مشعل لمكتب حمدان هلا شعندك مناديني؟
حمدان طالع لمشعل بعصبيه ودق مشعل التحيه من شاف عسكري ثاني دخل
حمدان :استريحوا اسمعوا انتم الاثنين الاسبوع الجاي عندكم مهمه بالجنوب ولازم يوم السبت تكونون جاهزين عشان يوم الاحد تكونون هناك مفهوم؟
الكل:مفهوم حظرت اللواء حمدان
مشعل سلم بيده على العسكري:معك مشعل خالد آل سطام
سلم عليه الوليد:ومعك الوليد بن حسن آل مطلق
مشعل:تشرفت فيك يا الوليد
الوليد:لي الشرف
ودقوا التحيه وانصرفوا من اذن لهم حمدان

<في بيت ابو مشعل>
الهنوف وهي تراسل الجوهره:جوجو استخرتي؟
الجوهره:ايه استخرت واحس
الهنوف :تحسين وش؟ ارتحتي؟ طلبتس يا الجوهره وافقي
الجوهره:ارتحت له ووافقت بس لاتقولين لأحد لما أبوي يقول لهم
الهنوف نطت بفرح:يس اخيرًا يا الجوهره اخيرًا ؛
وطلعت لغرفتها تركض وهي مبسوطه
طارق من شافها تركض لحقها ووقفها ؛
طارق:وشفيتس مستانسه ؟
الهنوف وهي ماسكه طارق بحماس وهمست:الجوهره وافقتت يا طارق وافقت
طارق بفرحه:بذمتس !
الهنوف:والله بس حلفتك بالله لاحد يدري حلفتني ما اعلم احد
طارق:ماني قايل لاحد بس شرايتس نلعب بأعصاب مشعل
الهنوف:تممم
طارق ضحك:هههههههههههههههههههههه كفتس يالذيبه
الهنوف حطت كفّها بكفه ودخلوا للغرفه يفكرون وش يقولون لمشعل
-تحت بالصاله-
دخل ابو مشعل:السلام عليكم ورحمة الله
مها:وعليكم السلام ورحمة الله شلونك يبه
ابو مشعل جلس:بخير يابنيتي وشلونتس انتي
مها:الحمدلله بخير خلني أقوم اجيب الغداء
ابو مشعل:اي بالله اعجلي علي بالغداء بآخذ غفوه
مها قامت:ابشر؛
ودخلت للمطبخ
طارق والهنوف دخلوا:هاااااي
مها وهي تحط الغداء:اهلاً اخيرًا شرفتوا شعندكم مجتمعين اكيد وراكم بلا
طارق وهو يأكل من السلطه:شدعوه هذي جزاتنا جايين نساعدتس
مها:خللصت السلطه خذها وحطها على الطاوله لاتسد نفسك عن الغداء
طارق اخذ السلطه وطلع ولحقوه مها والهنوف

<في المجلس بعد صلاة العصر>
كانوا الرجال كلهم مجتمعين
مشعل دخل:السلام عليكم ؛
وجلس
الكل:وعليكم السلام
صب له طارق قهوه وهمس:تخيل تنرفض
مشعل عطاه نظره وبنفس الهمس:كل تبن لا اتوطى بطنك
طارق ضحك وبهمس:هههههههههههه الله يكون بعونك ترا قلت لك عشان لاتنصدم لو رفضتك
مشعل بهمس:ياليتك تكرمني بسكوتك
دخل طايل:السلام عليكم
ابو حمدان:الله لايحييك
ابو مشعل:وعليكم السلام
ابو سعد:ياهلا وعليكم السلام؛
ولف لأبو حمدان واكمل؛علامك على الرجال انت
ابو حمدان:خلني ساكت بس
ذيب وسعد ضحكوا
لف عليهم ابو حلا:علامك انت وياه وش يضحككم؟
سعد وهو مغبون :طايل . . . ؛وقاطعه ابو مشعل:بس وليرحملي والديك خلاص لاتكمل ماهوب مفلح دايم
ابو حلا بضحك:هههههههههههههههههههه خله يكمل ياولد ايه اسلم يا سعد
سعد:ط . . . قاطعه ابو حمدان:افتح موقع الشركه وشف
فتح ابو حلا موقع الشركه وانصدم:الله لايحييك صدق انت وش انت مسوي نعنبو بليسك
سعد بقهر:ياهوه طيب لا تقاطعون سالفتي
طايل:ماعليك أنا بسمعك
سعد لف لطايل:اقطع انت
طايل:يارجال سر امها احمد ربك حصلك طايل يسمعلك
سعد:اقول قم بس قم
الكل: هههههههههههههههههههههههههههه
طلال بفضول:ليه وش صاير بالشركه ؟
ابو حمدان :مب شغلك
طلال:ابشر طال عمرك بس تقدر تقولها بكلمه ثانيه تحفظ ماء وجهي
الكل:هههههههههههههههههههههههههههه

<في بيت ابو مشعل>
كانوا الأمهات مجتمعين
ام مشعل:ايه يا ام سعد وش صار على موضوع الجوهره
ام سعد:والله انكم والنعم ونسبكم يشرفنا والبنت وافقت والله يكتب اللي فيه خير
ام مشعل بفرح:الله يسعدتس ويبشرتس باللي يسرتس
ام ذيب:مبروك الله يتمم لهم على خير
ام مشعل:امين يارب
ام سعد:امين ويرزق ذيب باللي افضل
ام ذيب:ما حنا محصلين أطيب منكم ولكن النصيب
ام مشعل بتغيير للموضوع:تقهوي يا ام ذيب
ام ذيب مدت فنجانها

~~~~عند البنات في الصاله~~~~
كانوا جالسين يلعبون صراحه وجراءة
كان الدور عند الهنوف تسأل الجوهره:صراحه ولا جراءة؟
الجوهره:صراحه
الهنوف:تحبين احد؟
الجوهره:هممم لا
الهنوف:طيب يالله دور مين ومين الحين؛
ووقفت اللعبه على جوهرة تسأل حلا
جوهرة:صراحه ولا جراءة
حلا:صراحه
جوهره طولت وهي تفكر بسؤال
الجوهره:يا ساتر ترا كلها سؤال طولتي هههههههههههههههه
الهنوف:هههههههههههههههه لاحظتي
جوهرة بحماس:لقيته تحبين أكثر حنا ولا تركي
حلا بسعاده ودلع :طبعًا تروكي مافيه مقارنه اصلاً
رحاب صفقت:ياعيني على الحب ياعيني
حلا:ههههههههههه خلاص اسكتي يا فضيحه

<بالمجلس عند الرجال>
ابو مشعل:اقول ابو سعد ما كأنكم طولتوا مارديتوا لنا خبر بخصوص مشعل
ذيب كان مركز على ابو سعد ومشعل انتبه له واشر لطارق ياخذ ذيب ويطلع طارق همس لذيب:الحقني برا !
ذيب بتوتر:ليش؟
طارق:تعال وتعرف ؛
وطلع ولحقه ذيب وبعدهم بشوي لحقهم طلال بدون مايدرون
-انتهى🦋✨-
توقعكم ليش طارق اخذ ذيب معه وطلعوا ؟
رأيكم بالبارت 😉؟
لاتنسون التقييم لانه يحفزني اكتب لكم 🤍🤍