طارق:لاحول ولا قوة إلا بالله ياعادمة اللحظات شتبين ههههههههههههه
الهنوف:هههههههههههههههههه انتهى وقتك يالله برا
قام طارق:تأمرون توصون
رحاب والهنوف:سلامتك ؛وطلع
~~~~~~~~~~~~~~~ • • • • • ~~~~~~~~~~~~~~~
<عند النساء>
قاموا كلهم من جوا رحاب والهنوف
أم ذيب:مبروك يارحاب الله يوفقك ويتمم لك على خير
رحاب:الله يبارك فيتس ياخاله
أم مشعل:ألف مبروك ياروحي
رحاب:الله يبارك فيتس
وبعد التباريك قاموا الجوهره ومشاعل وهم يرقصون رحاب والباقين يعززون لهم كانوا مشغلين شيلة وبنات أبو سعد يرقصون ويتمايلون مع الدقه مما خلا الكل متحمس معهم كانوا ويغنون:
أهدابها تفتح مغاليق الألباب
ومن الحيا يالصوت صعب سماعه
الراكده الفارقه جيد وانساب
درة بحر مكنون كالوداعه
موزونه وردات فعله با الأسباب
<عند الرجال>
شغلوا العيال العرضه النجديه وحطوا طارق بالنص ومعه السيف ودخل معه مشعل وبدوا العرضه مع بعض تحت أنظار الجميع اللي كانوا مندمجين مع لعبهم
مشعل:عاش طارق
طارق ضحك:من قال يعيش ؛ومكمل لعبه وهو ماليته السعاده اللي كانت واضحه للكل
من طفت العرضه طلع مشعل
طارق:عيدوها
راح سعد وشغلها ودخل يلعب مع طارق وهمس لطارق:ياولد أثقل شبلاك طرت مع العجه
طارق ضحك:ههههههههههههههه خلني انبسط شتبي انت لو مانت نسيبي كان تفاهمت معك
سعد ضحك:يحقلك
بعد ماخلصوا لعب
أبو مشعل:مبروك يا طارق والعقبال للباقين
طارق:الله يبارك فيك ويطول بعمرك ؛وسلم على راسه
ابو سعد:مبروك يا طارق عسى الله يتمم لكم على خير
طارق:الله يبارك فيك يا عمي؛وسلم عليه
<في زاوية آخرى>
كان طايل يشرف على العشاء ولفت أنتباهه شخص يناظرلهم من بعيد مشى يمه بسرعه وهو يناديه:من أنت؟ وش عندك هنا؟ ؛وطلع مسدسه ولحقه من شافه انحاش ؛ياولد !!
ولكن كان اسرع منه وقف طايل وهو يناظره لين اختفى من حارتهم ورجع
طارق:ها طايل خلص العشاء؟
طايل:ايه خلص
طارق:زين تعال ساعدني ندخله للرياجيل؛وتقدم طايل يعاونه
أبو مشعل:حياكم الله تفضلوا ؛وقاموا الرجال يتعشون
وطلعوا طارق وطايل يودون عشاء الحريم
طايل:أقف دقيقه يدي وجعتني
طارق وقف وهو ينزل الصينيه:اعجل يالله
طايل:يالله ؛ورفعوا الصينيه ودخلوا
طارق:ياولد
ام مشعل:ادخل ادخل ماعندك احد
طارق:يالله ادخل؛ونزلوا الصينيه وطلع طارق طاح شماغ طايل لما انحنى ينزل الصينيه وانحنى يأخذنه ولما ارتفع إلا تصنم من شاف وحده من البنات اللي كانت ماسكه جوالها تكلم نطق طايل:يابنت ارجعي وراتس!
ندى رجعت ورا وهي منخرشه:يممه وشلون جيت انت
طايل:بسفينه
ندى:ياشينك يععع
طايل عدل شماغه:والحين حلو؟؛وطلع من سمع ام مشعل تكلم ندى :ندو تعالي معي ونادي البنات
ندى بهمس:شفيه ذا اهبل هههههههه
حلا:من تكلمين؟
ندى:وحده من البنات؛ومشت تلحق ام مشعل وتركت حلا
<عند الرجال>
بالمجلس طلعوا العيال وبقو الشياب
أبو مشعل:أقول يا أبو سعد ماكنكم طولتوا بموعد الزواج
أبو سعد:وش معجلك يا ابو مشعل
ابو مشعل:ودنا ننبسط ونستانس ونشوف أحفادنا وخير البر عاجله
أبو سعد:اللي تشوفه يا ابو مشعل
أبو ذيب:أقول ماسمعتوا خبر عن عبدالله
أبو سعد:لا والله
أبو مشعل:لا ماوصلني خبر عنه إذا وصلني خبر عنه بقولكم بس ياليت يا ابو سعد تعجل بموعد الزواج
ابوسعد:والله يابو مشعل انت أدرى حدد وتم
ابو مشعل:بعد اسبوعين يناسبك
ابو سعد:بعد اسبوعين بعد اسبوعين
ابو مشعل:زين اجل تمسون على خير بسري
ابو ذيب وأبو سعد:تلاقي خير؛وتفرقوا
طلع ابو مشعل لبيته وهو ينادي مشعل
مشعل:لبيه يبه
ابو مشعل:لبيت حاج اسمع وانا ابوك ترا حددت موعد زواجك بعد اسبوعين
مشعل:شلون يبه مايمدينا ننجز شي
ابو مشعل بهمس:انت عارف وضع عمك ابو حلا والمشاكل اللي تصير وانا والله تعبت خلنا على الاقل نفرح بزواجك ياولدي
مشعل بقل حيله:اللي تشوفه يبه؛وباس راسه؛تصبح على خير
ابو مشعل:وانت من أهله
رجع مشعل للعيال
مشعل:يا عيال زواجي بعد اسبوعين!
طارق:هاه! شلون؟
الوليد:صادق انت؟
مشعل:حتى أنا مصدوم مثلكم توه قالي ابوي
حمدان:وش سالفتكم ياعيال مشعل اللي توه متملك واللي بيعرس هدوها وليرحم والديكم
مشعل:قل اعوذ برب الفلق شفيك انت المهم ياعيال أبيكم تساعدوني من اللخمه مدري وش الحق وش اخلي
الكل:ابشربنا
مشعل:حي عينكم يا عيال
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
