مشعل وهو يبادله الحضن :طروق انتبه لنفسك ولاهلي لا أوصيك
طارق بضحكه: هههههههه اي اهل تقصدهم اللي هنا ولا هناك
مشعل طق راس طارق وهو ضامه وضحك :هههههههههه اللي هنا واللي هناك ؛
وتركه
—————— • • • • • ——————
مشعل عدل بدلته ولف يمين يسار: الهنوف وين ؟
مها تنهدت:فوق تصيح مقفله الغرفه عليها تقول مابي اوادعه:(
مشعل تنهد وعصب:مب على كيفها ؛
وصعد الدرج الدرجه بدرجتين إلى ان وقف عند باب غرفتها ودق الباب
مشعل:هنوفي افتحي الباب
الهنوف وهي تبكي:ما راح افتح
مشعل:يا الهنوف افتحي كيف تبيني اروح وانا ما وادعتس
الهنوف:ماراح افتح
وبعد مرور 10 دقايق من المحاوله نزل مشعل وهو ضايق وأخذ شنطته وتوجه للباب بيطلع نزلت الهنوف تركض وعيونها غرقانه دموع ورمت نفسها بصدر مشعل وهي تشاهق
ام مشعل بحزن من منظر الهنوف:الهنوف ماله داعي ذا الصياح كلها كم شهر وجاي
مشعل اشر لامه بيده وسكتت:خلوها ؛وأكمل وهو يمسح على الهنوف؛هنوفي ياعيوني انتي كلها كم شهر وراجع مثل ما قالت امي ادعيلي لاتنسيني من دعواتس؛وهمس لها :ومشكوره طارق قالي انتس حاولتي مع الجوهره لين وافقت ههههههههه
الهنوف ابتسمت وبهمس:العفو وهذا اقل شي اسويه لك انتبه لنفسك ياحبيبي
مشعل:ابشري ؛وضمها والباقين لوح لهم بيده وطلع
حصل حمدان في سيارته ينتظره وشال اغراضه وركب
مشعل:السلام عليكم
حمدان :وعليكم السلام اخرتني على الوليد من اليوم كل شوي يدق
مشعل ماكان معه كان يناظر لبيت ابو سعد لعله يلمح الجوهره ولكن ماحصله يشوفها و حرك حمدان وهو يطلع من البوابه اللي كانت حاظنه كل بيوتهم ومشعل جالس يطالع الديره ويتأملها كأنه يودعها لانه ماهو داري بيرجع جثمان ولا وهو حي
وقف حمدان عند بيت الوليد ودق عليه يطلع لهم واكملوا طريقهم للجنوب
<عند طارق>
كان يفكر بكلام مشعل وراح لابوه بالصاله وجلس معه
طارق:يبه بغيتك بموضوع طلبتك قل تم
ابو مشعل:وش موضوعك
طارق:بكمل نص ديني وأبيك تخطب لي رحاب بنت عمي
ابو مشعل:ابشر بعزمهم بكره للفطور واقوله
طارق سلم على راسه:الله يديمك لنا يبه
ابو مشعل ضحك:امين ويخليكم لي تصبح على خير
طارق:وانت من أهله
وطلع طارق للعيال اللي كانوا مجتمعين بالمجلس من راح ابوه لغرفته وجلس وهو يحس بفراغ من غياب مشعل اللي كان يضحكهم ويونسهم وأخذ جواله يشوف الساعه وكانت 11:30PM زفر بضيق وهو متردد يكلم مشعل ولا لا طيب يمكن نام؟ وقام يجلس عند العيال اللي كانوا يضحكون على طايل
طايل لف لطارق:طارق! شفيك متضايق؟
طارق تنهد:مافيني شي
طايل بتغيير لجوّه :يارجال متضايق عشان مشعل يارجال انا ماصدقت على الله افتك من حمدان ليتهم يمسكونه اكثر من 4 شهور
طارق:بس مشعل غير
ذيب:يارجال ما اطقع من ذا غير ذا ههههههههههههههههههه
سعد بحده:ذيب!
طارق:مشعل مامثله ان قلتوا وان ماقلتوا؛وقام
سعد:عجبك الحين طلع الرجال؟؛وقام لحق طارق
طارق:شتبي ياسعد
سعد:ماقصده يارجال لا تضايق عمرك
طارق:سعد مالي خلق لذيب ولا نقاشاته خلني في حالي؛ودخل لبيتهم ورجع سعد لبيتهم
<في بيت ابو مشعل>
صعد طارق فوق لغرفة مها والهنوف ودق الباب ودخل من أذنوا له :السلام عليكم
مها والهنوف:وعليكم السلام
طارق:صاحين للحين ماجاكم النوم
مها والهنوف كانوا جالسات يتقهوون
الهنوف:لا ما جانا نوم تعال تقهوا معنا
طارق تخصر:كله من القهوه اللي تبلعونها تتقهوى معكم العافيه
مها:عزالله اننا منحاشين نتقهوى هنا عشان امي ماتقولها لنا بس جيت انت الله يعافيك
الكل:هههههههههههههههههههههههههههه
طارق:تبون شي ناقصكم شي ؟
الهنوف:لا ياعيوني سلامتك
طارق:لبى عيونتس يالشيخه اجل تصبحون على خير
مها والهنوف:وانت من أهله
طارق:ارقدوا لاتتاخرون
مها:سم ؛وطلع طارق لغرفته
طلال كان في الغرفه يقرأ كتاب ودخل طارق عليه بدون ماينطق بولا كلمه واتجه لسريره ورمى نفسه عليه
طلال:طارق وش فيك احد من العيال مزعلك؟
لف طارق جهته:لا
طلال:اجل شفيك ؟
طارق:مافيني شي طف النور بنام
طلال وهو يطفي النور:زين تصبح على خير
طارق:وانت من أهله
<الساعه 3:45AM عند مشعل>
كانوا قريب من الجنوب ووقف عند محطه يفطرون دخلوا حمدان والوليد للبوفيه ومشعل وقف عند السياره وأخذ جواله يتصل بطارق يطمنه انهم وصلوا واتصل عليه
طارق صحى من النوم على صوت جواله يرن وأخذه وهو يقرأ اسم المتصل وفز من شاف انه مشعل:ارححببب
مشعل ضحك:هههههههههههه البقى عسى ما أزعجناك بس
طارق:لاوالله لا ازعاج ولا شي كنت بدق عليك امس بس قلت يمكن انه راقد ولا شي
مشعل:الصراحه اني رقدت توني صحيت قلت اكلمك وأعلمك وإننا وصلنا
طارق:الحمدلله على السلامه
مشعل:الله يسلمك وسلملي على الاهل واللي عندك كلهم استودعناكم الله
طارق:يوصل تآمر توصي
مشعل:سلامتك ياهلا؛وقفل الخط وراح للعيال اللي نادوه
طارق قام تسبح ولبس وطلع للعزبه يشيك عليها وقف سيارته وعصب راسه ورفع ثوبه وربطه على بطنه وطبح في سور الإبل ونادى ذيب يساعده يحلب الناقه:ياذيب تعال
ذيب صارخ:الله يرجك شفيك تنادي أزعجتني ؟!!
طارق:امش احلب الناقه ولا امسك الحوار عني ! (الحوار صغار الإبل )
ذيب:شلون امسكهم؟ احد قالك انهم بزارين؟
طارق:ياويلي ويلاه فاضي مره تطقطق امش حطهم في السور الثاني ولا شفلك صرفه عزالله مانت بمشعل
ذيب:ياخوي أزعجتوني مشعل ومشعل اففف
طارق:ياليتك تسكت بس وتعجل اخلصصصصص علي!
ذيب وهو يدخل عند طارق:ابوك جيتك جيييتتتتك اسكت شوي!
سعد جاهم:ياعيال أثركم هنا رحت المجلس حصلته فاضي
طارق بفرحه:الله جابببك ياذيبان تعال تعال علّم المصروع هذا يشتغل علّ في كبدي
سعد ناظر لذيب:وأنت مالقيت غير هذا يساعدك
طارق:ماحصلت إلا هو صاحي قلت أناديه يساعدني ورفع ضغطي
سعد:هههههههههههههههههههههههههههه خلك منه حلبت الناقه؟
طارق:لا تعال ساعدني
ذيب طلع من عندهم وراح للخيمه يدور ماء وقعد يدور بالأغراض وطبت بحضنه ارنب
ذيب ناظرها:ياحليلها هههههههههههههههههههههههههههه؛وأخذ ماء يشرب
طارق حط الحليب بالحوض وركب سيارته ينادي ذيب:ذيب اعجل علي بمشي
سعد :وينه هو؟
طارق:مدري وين خت ؛ورفع صوته ينادي؛ذييببب
ذيب طلع من الخيمه وهو يضحك:هاه هههههههههههههههههههههههههههه
طارق:اخلص اركب
ذيب:شف وش معي
ناظره طارق:ياحليلها وين لقيتها
ذيب:بالخيمه
سعد:يازينها مشويه اوووه
ذيب:ما اخسك تذبح ذا النتفه ما انت محصل فيه لحم
طارق:هاته هاته شكله عطشان منهللك
ذيب:عطيته ماء وباخذه عندي بالبيت
طارق:زين يالله اركب
ركب ذيب والأرنب باقي بحضنه ورجعوا للبيت
<في بيت ابو مشعل>
ابو مشعل:يا بنات ! إذا خلصتوا الفطور حطوه بالمجلس الكبير حق جدكم(هو نفسه اللي بالحوش)
مها والهنوف:ابشر
ابو مشعل:بعدي يالله وانا أبوكم قبل يجون العيال
-انتهى🦋✨
أنت تقرأ
جيتي مثل الغيث والدنيا صحوه
Misterio / Suspenso> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
