الجوهرة:طيب؛وبدت تدور على طقم الماسّ تكمل به طلتها ،وبعد ساعه خلصوا كل مقاضيهم وطلعوا لسعد
سعد:كان رقدتو بعد بس يالله كله فدا لجوجو
طقته مشاعل على يده بخفه:عشتوا وانا ورحاب وين رحنا لنا الله
سعد ضحك:هههههههههههههههه افا تغارين من الجوهره انتي ورحاب عيوني اللي اشوف ابها
——— • • • • • ———
رحاب:طلع رومانسي الحيوان وعرف يلعبها صح
سعد:هههههههههههههه توتس ماشفتي شي نمشي؟
ام سعد:توكلنا على الله
مشاعل رفعت نظرها لهم:المنسقه عند البيت لها ربع ساعه مرسله لي ولا انتبهت
رحاب:ردي عليها لاتحسبنا نضحك عليها وتروح
مشاعل:ماترد
رحاب بورطه:يالليل مو وقتها دقي عليها
<عند ذيب>
ذيب:بقي شي ولا خلصتوا؟
ام ذيب:أنا خلصت
ذيب طالع خواته:وانتم؟
ميس:تقريبًا خلصت باقيلي الكعب
لميس:وانا لا باقيلي كثير أشياء
ذيب:زين اجل خلصوا وإذا خلصتوا وأنا ما جيت روحوا لأي مكان تقهوى اكلوا سوو اللي تبون بروح أحلق وآجي على ما تخلصون؛ ومد بطاقته لأمه وراح
ميس: بأخذ لي قهوة بديت أصدع خلينا نروح للكفي؛ وراحت والحقوها أمها ولميس
< في اليوم الجميل للبعض و السيئ للبعض الآخر >
الساعه 3:30PM < في بيت أبو سعد >
أم سعد تطق الباب : الجوهرة يالله صحصحي الأرتست بتوصل خلصي بسرعة
الجوهره: يمه طيب بقوم بس شويات ما راح أطول
أم سعد : الساعه 3:30 متى بيمديك تجهزين قومي الله يرضى لي عليتس قومي يا أمي
الجوهرة قامت : تمام قمت
طق باب البيت
رحاب : مين؟
الأرتست : أنا الأرتست
رحاب فتحت الباب : هلا تفضلي؛ ودخلوا للصالة
رحاب : ثواني بس وأناديك
الأرتست : تمام؛ وقامت رحاب صعدت فوق لغرفة الجوهرة
رحاب : جاهزة أنادي الأرتست؟
الجوهرة : ايه
رحاب نادت الارتست وبدأت تصلح الميكب لـ الجوهرة
رن جوال الجوهرة معلن وصول رسالة فتحتها: السلام عليكم أنا بالموقع يا ليت ما تطولين
الجوهرة : رحاب المنسقة جت
رحاب نزلت وهي تركض : تمام
الساعه 4:30PM
جهزو كل شي
رحاب دمعت عيونها : يا ربي يا جوجو يعني خلاص بتتركينا بياخذتس ذيب
الجوهره:بسم الله لاتقولين كذا بنشبلكم حتى لو تزوجت
رحاب ضحكت:هههههههههه تأخذين العقل تعالي احضنتس؛وبدت تحصنها
مشاعل دخلت:الله الله احضان بدوني نعمم!
الجوهره ضحكت:تعالي تعالي؛وضمتهم
<في بيت ابو مشعل>
ابو مشعل:طارق طلال بسرعه تعالو طولتو
طارق نزل وهو ينسف شماغه:وين العود
مها جت :هذا هو؛و بخرت ابوها واخوانها
طلال:طارق نروح لمشعل اول ؟
طارق:طيب
ابو مشعل:لا بنروح لعمكم اول وبعدها نروح لمشعل
طارق بدون اقتناع:ما اقول لا
ابو مشعل:ماطلبت رأيك
طلال ضحك:هههههههههههه القمممم
طارق :بتمسي ولا ادخلك المستشفى ثاني مره
مها:اعوذبالله فكنا من طاري المستشفى تكفى
الكل ضحكوا وطلعوا لبيت ابو ذيب
<في بيت ابو ذيب>
كان ذيب بغرفته يكشخ وتذكر كلام مشعل بالمزرعه(نرجع شوي ورا)
لما كانوا بالمزرعه كان مشعل وسعد عند المغاسل
سعد:ياولد مانت ناوي تعرس تراك كبرت وطولت ما أعرست
مشعل ضحك:عما قريب ان الله أراد
سعد بصدمه:بذمتك انت صادق؟! مبررووكك اخيرًا ومنهي المحضوضه؟
مشعل:الجوهره وبتقدم لها بعد مانرجع لديره
سعد حضنه:هذي الساعه المباركه يالنسيب
(نرجع للواقع)
ذيب ضحك:والله كانت بتروح علي صدق من قال اسم على مسمى راحت عليك يامشعل ؛وكمل يكشخ وتعطر وشغل العود وتبخر ونزل تحت على أصوات البواري والزغايط
ام ذيب:ما شاء الله الله لايضرك ياولدي شيخ شيخ
لميس:هلا بالعريس
ميس:مبروك ياخوي والله يتمم لك على خير يارب مبرووك يانور عيوني
ذيب:الله يبارك فيتس
ابو ذيب:يالله تأخرنا على عمك ينتظر؛وطلعوا
وصلو لبيت ابو سعد
سعد واقف عند الباب ويرحب:ارحبوا يارجال جعلها ترحب ملايين
ابوذيب:البقى يامرحب حنا مقبلين عليكم لنا مطلوب
ابو سعد:ارحبوووو ومطلوبكم جاكم
ابوذيب:بيض الله وجيهكم؛ودخلو وسلموا على بعض
الشيخ :العريس ذيب بن حمد آل سطام والعروسه الجوهرة بنت مازن آل سطام صحيح؟
ابو سعد:نعم صحيح
الشيخ:قل زوجتك ابنتي الجوهره على سنة الله ورسوله
ابوسعد:زوجتك ابنتي .......................
الشيخ لف على ذيب:قل قبلت الجوهره زوجة لي
ذيب:قبلت.......
الشيخ:بارك الله لهما وبارك عليهما وجمع بينهما في خير
ذيب قام وسلم على راس أبوه وعمه ابو سعد
ابوذيب:مبروك يالذيب الله يتمم لكم على خير
ذيب:الله يبارك فيك يبه
ابو مشعل:الف مبروك يا ذيب
ذيب:الله يبارك فيك ياعمي
جاء طارق سلم على ذيب:الف مبروك ياذيب الله يتمم عليكم
ذيب:امين عقبالك
طارق:امين امين يارب عاجل غير اجل
ذيب ضحك:هههههههههه خبل اثقل شوي
طلال:مبروك يالعشير
ذيب:يبارك فيك عقبال نفرح فيك
طلال ضحك:هههههههههههههه توه بدري يارجال مالقيت اللي ابيها للحين
ذيب مسك يد سعد:شفلي الطريق بدخل
سعد:عشتوا مافيه إلا بالزواج
ذيب بصدمه:سعدد! تكفى
سعد وهو يكتم ضحكته:مافيه
ذيب بحده:سعد ! تستهبللل صحح؟ هي الحين زوجتي خلصني وليرحملي والديك
سعد ضحك:هههههههههه طيب يالخفيف معك 4 دقايق بس
ذيب:وشو !
سعد:ايه ولا مافيه
ذيب:طيب طيب خلاص وين الباب
اخذه سعد للمجلس الداخلي وفتح الباب:يالله ادخل كلها 4 دقايق واتلك لاتطول
ذيب:زين يالله توكل
سعد:هاااه ؟ بسوي نفسي ماسمعت ويمشيها لان اختي اللي داخل
ذيب ضحك وربت على كتف سعد ودخل للمجلس ودف الباب برجله عشان يقفل ولكن لف وسرعان ماركض سعد وراح وقفل الباب ذيب وهو يضحك ويتوعد بسعد
الجوهرة كانت جالسه ببداية المجلس مشى ذيب باتجاهها ومسك يديها:اخيرًا صرتي حلالي اخيرًا صرتي حرم الذيب رسميًا
رفعت الجوهره يدها ودخلت الخصله اللي كانت مغطيه وجهها ورا اذنها ورفعت رأسها له ووقفت
ذيب طاحت عيونه بعيونها:اشهد انها عيون المها ولا عيون شيهانه سبحان ربي اللي خلقتس
رجع ذيب يمسك كفوفها وانتبه انها ترجف:افااا يالجوهره وش بلاتس وش فيتس ياحرم الذيب
الجوهره بكرّه وتوتر:وتسألني بعد
ذيب مسك صدره:اخخخ يالصوت نعنبوا بليستس بتذبحيني انتي!
الجوهره ضحكت:ههههههه هذا وانت الذيب
ذيب:اي ذيب واي خرابيط عزالله اني طحت ما سمو علي ؛وتقدم حضنها
الجوهره:ذيب
ذيب:عيونه وقلبه سمي وش تبين
الجوهره:اخاف انك تتغير علي بعد الزواج
ذيب:لاتخافين وانتي جوهرة الذيب
الجوهره:اوعدني !
ذيب:عهدن علي مايبدر مني خطا ياجوهرة الذيب
الجوهره شدت على حضنه وهي تو ترتاح له
الجوهره بعدت يدينه منه وراحت تركض بتدخل لحقها ذيب ومسكها من خصرها وقرب مبسمها له ويده الثانيه تحت فكها
الجوهره توترت من مسكته لها وقربه منها:ذ. . ذيب نعم !
ذيب:وشو لايكون حرام تراتس زوجتي الحين اقدر اخذتس ونروح
الجوهره:لاااا ما اتفقناا كذا لازم زواج وش ينقصني عن باقي البنات ؟
ذيب:قولي احبك وتم
الجوهره بحده:ذيب!!
-انتهى🦋✨-
توقعاتكم للبارتات الجايه🌷
أنت تقرأ
جيتي مثل الغيث والدنيا صحوه
Tajemnica / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
