أم مشعل: ايه بعد ثلاث أيام عشان يمدي الناس أجزت وارتاحت
أبو مشعل : و الله وكبروا الله يستر عليهم وانت يا مشعل متى ناوي هذا ذيب ولد عمك وبيعرس وانت؟
———— • • • • • ————
مشعل :يبه أنا ما فكرت بالزواج للحين وما ابي اظلم بنت الناس معي
ابو مشعل:الله يهديك ياولدي
طارق بتغيير للموضوع:مها للحين ماجت؟
الهنوف عرفت انه وراهم شي :إلا جت فوق تبدل وتجي
نزلت مها على دخول طلال واتجهوا للصاله
بعد صلاة العصر وهم يتقهوون وياخذون اخبار بعض
ابو مشعل: اسمعوني زين ابيكم الحين تروحون وتدورون سيارة كويسة وتستأجرونها عشان زواج ذيب ابيكم تزفونه فيها سمعتوا؟
مشعل قام وطلع
أبو مشعل : وش فيه ذا ما بعد خلصت كلامي يالله أول مرة يسمع الكلام وينفذه بسرعة
طارق: أبشر يبه؛ وطلع يلحق مشعل
طارق ركب مع مشعل : مشعل وش فيك طلعت بسرعة حتى أبوي استغرب وفكر إنك بتروح تدور سيارة
مشعل هو يضرب يده بالدركسون : تبن بالسيارة وذيب معهاااااا وششششلون يقوللي ازفهه لعنتتك يا ذيب لعنتك !!
طارق تنهد على حال اخوه ولف للشباك يتأمل الطريق ثم لف لمشعل: وين رايح؟
مشعل : مدري يا طارق مدررررييييي اخخخخ ياربب اننككك تكتببب الجوهره من نصيبيييي ياررربببب ماياخذههاااااا ! عندي لو تمووتتت ارحم منن اننن غيييررري ياخذذهههاااااا
طارق : بيحللها ربك يا مشعل لا تعذب عمرك وتعذبني خللااااصصصص
<عند العمه نوره>
جات رسالة للعمة نورة وفتحت الرسالة وكان محتواها دعوة زواج وأكملت الرسالة لـ نهايتها ولفت لعيالها
عازم كان يطالع بجواله وتركي كان يذاكر آخر اختباراته والنارا انتبهت لامها: وش فيه يمه هههههههههههههه وش شفتي بالجوال وخلاك مستانسه لذي الدرجة
العمة نورة: اسمعوني كلكم اتركوا كل شيء بيدينكم وتجهزوا بنطلع
فز عازم بخوف من قرارها المفاجىء:يمه وش ليش نطلع الحين بالذات خليه الليل نطلع
نوره قامت ولبست عباتها ورجعت لهم:أنا وش قلت؟
قاموا كلهم ولبسوا وجهزوا أخذ عازم مفاتيحه ولا حقها عند الباب وهو يقفل أزرار ثوبه : وش ذا العجله وين بنروح
تركي : يمه عندي بكرة اختبار ما خلصت مذاكرته وشله نطلع اليوم إذا مو مهم خليه بكرة
نوره تنهدت من زنتهم: زواج ولد عمكم ذيب بعد يومين وتو ادري ما يمديني نجهز خلونا نبدأ من اليوم نجهز ونخلص
عازم تنهد براحه:خرعتيني يمه الله يهديتس يالله مشينا
تركي:اححح ممداه ذا توه مملك ماله 3 شهور يالله خير البر عاجله ؛ولحقهم
<في يوم زواج ذيب>
الساعه 2:30PM بالصالون
كان الكل مستنفر يتجهز
رحاب راحت تركض لـ الهنوف:هنوفييي
الهنوف وهي تفتح البنس:عيوني
رحاب وهي توريها صور:شوفي اي وحده احلى بسويها لشعري
الهنوف:امم احس ذي حلوه وتناسبك؛كانت بنت شعرها مفتوح وفيه بف خفيفف
راحت رحاب توري المصففه حقت الشعر الصوره والهنوف راحت تسوي الميكب
الساعه 5:30PM خلصوا وكلهم يتنظرون السياره
مشاعل صارخت:افففف رحااببب تعاليي!
رحاب جت تركض:هلا!
مشاعل وهي مبتلشه بالأظافر:ردي على سعد
رحاب ضحكت:ههههههههههه مالومك مركبه مخالب مب أظافر
مشاعل ضحكت:هههههههههههه حيوانه هاتي الجوال
حطت رحاب الجوال على اذن مشاعل؛سعد:يالله اطلعوا بسرعه كلكم جيت بالسياره الكبيره بتكفيكم ان شاء الله
مشاعل:تمام دقايق وطالعين رحاب قفلي الجوال
رحاب ضحكت:هههههههههههههههههههههههههه طيب هاتيه؛واخذته وقفلته
مشاعل راحت لامها:يمه يالله سعد ينتظرنا برا بروح اقول لخالاتي والبنات؛وراحت تقولهم
بعد عدة دقايق طلعوا وركبوا
ام مشعل:السلام عليكم
سعد:وعليكم السلام وشلونتس خاله ام مشعل
ام مشعل:الحمدلله بخير انت شلونك
سعد:الحمدلله بخير
ركبت ام حلا:السلام عليكم اخبارك يا سعد ان شاء الله ماطولنا عليك
سعد :وعليكم السلام لا ماطولتوا شدعوه بقى احد ولا امشي؟
ام سعد وهي تطل برا السياره ماشافت احد :لا مابقى احد امش تأخرنا
حرك سعد متجه للقاعه
طلعت حلا ومعها الهنوف كانوا قاعدين يتصورون داخل؛حلا صارخت:لحظه وقففففف؛وتركض للسياره
الهنوف:تعالي مب داري عنتس بدق على احد من اخواني يجي يأخذنا؛ومدت يدها لشنطتها تطلع جوالها وتدور ماحصلته؛لااااا جوالييي
حلا:وش فيه جوالتس؟
الهنوف:مب بالشنطه اففففف ضاعععع
حلا:يمكن طاح منتس داخل ؛ورجعوا للصالون يدورونه
<بالقاعه>
كانت أم ذيب وبناتها يستقبلون المعازيم
دخلوا أم مشعل وأم سعد وأم حلا بإستقبال الضيوف والترحيب
< في بيت أبو مشعل >
كانوا العيال بحالة استنفار يتجهزون
طارق : طلال أعجل خلص بسبح بعدك ترى طولت !
طلال من داخل الحمام (يكرم القارئ): ياخوي قروشتني اصبر لين أطلع ولا رح للحمام الثاني!!
طارق : شلون راحت عن بالي؛ وأخذ أغراضه ونزل لحمام الملحق وهو طالع ما حصل سيارة مشعل أخذ جواله واتصل على مشعل وبعد وبعد عدة مكالمات رد: مشعل وينك فيه؟
مشعل :طالع عندي شغل
طارق : تستهبل لا يكون نسيت اليوم زواج ذيب؟!
مشعل : لو هو بنار وش علي منه هو وزواجه لا يكون نسيت انه متزوج اللي أبيها يخسي أزفه لها؛ قفل الخط
طارق : مشعل! قفل الغبي شلون بفهمه الخبل؛ وراح يسبح وخلص بسرعة وطلع لموقع مشعل
مشعل :وش جابك
طارق مسكه : مشعل تستهبل صح؟! وش بيقولون الناس ما عليك من الناس عمي أبو ذيب وش بيقول عنك وش بيقول عنك أبوي وش بيفكر فيك إذا سألوك وش بتقول لهم؟! هاه؟ بتقول لهم و الله ما زفيته عشان أخذ اللي أبيها ؟ مشعل تعوذ من الشيطان وأمش ما معنا وقت
مشعل تنهد وهو يقول :
الزين في ليلة الجمعه يزفونه
وانا عيوني من اسبابه سهيراتي
حدوه عني وانا حِديت من دونه
مالي جدا الا البكى وكثر التنهاتي
يبكي وانا ابكي وكلٍ تسهر عيونه
ياحمود ويلي على وقتٍ لنا فاتي
[منقوله✨]
حتى أنت يا طارق صرت مثله ما عاد تحس فيني شلووووننننن تبيني أزف ذيببب لـ الجوهره شلللووووننننن؟
طارق : لا حول ولا قوة الا بالله مشعل مب وقته ذا الكلام صدقني بتأخذها بس مب اليوم وهذا وعد مني لتصير الجوهرة لك يا مشعل!
مشعل : وشلون
طارق : بقول لك بعدين يالله تأخرنا؛ وركبوا وراجعين ياخذون السيارة اللي استأجروها
طلال كان ينتظرهم بالسيارة : بدري كان نمتوا أحسن
مشعل : أقول ماني رايق لك اسكت
طلال ناظر لطارق واشر له وش فيه؛ طارق قرب وهمس لطلال: بعدين أقول لك؛ وركبوا طلال كان يسوق ومشعل وطارق ورا راحوا لبيت أبو ذيب عشان ياخذون ذيب
طلال اتصل على ذيب : هلا بالعريس يالله ترانا تحت
ذيب: يالله دقايق ونازل؛ وقفل الخط وأخذوا العود وتبخر ونزل
طارق نزل يسلم عليه : أرحب يا العريس مبروك منك المال ومنها العيال
ذيب :البقى العقبال لك
مشعل : مبروك يا الذيب؛ وما قوى يكمل دعوته
ذيب ابتسم : الله يبارك فيك
طلال : مبروك يا الذيب جعله زواج الدهر
ذيب: الله يبارك فيك يالعشير
طلال : بس! طيب قل العقبال لك بعد
ضحك ذيب :هههههههههههه العقبال لك ولا تزعل
طلال ضحك :هههههههههههه يالله اركبوا ابطينا عليهم؛ وركبوا
< عند حلا والهنوف >
الهنوف :حلا حصلتيه؟
حلا : لا
الموظفة : للأسف ما حصلناه إذا تسمحون اطلعوا لأن بنقفل
الهنوف تنهدت : تمام؛ ومسكت حلا وطلعوا
-انتهى🦋✨-
وش تتوقعون بيصير لـ الهنوف وحلا ووش توقعكم بيسوي طارق؟🌷
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
