جيتي مثل الغيث والدنيا صحوه

Part 51

طارق:توه ضاربني قبل اجيتس اعجلي لا يلحقتس الدور ههههههههههههه الكلب طلال انحاش قبل يأكلها
الهنوف:ههههههههههههههههههه شرود بس ماينلام لو اني منه لانحاش؛وراحت تودي فطور ابوها
~~~~~~~~~~~~~~~~•••••~~~~~~~~~~~~~~~
طارق طلع جواله وهو يتصل على طلال ومارد عليه واتصل على مشعل:السلام عليكم
مشعل:ارحب وعليكم السلام
طارق:صبحك بالخير
مشعل:بالنور شلونك
طارق:نحمدالله انت شلونك
مشعل:بخير شلون ابوي وامي والأهل
طارق:كلهم بخير ابشرك مالك نيه تجي ولا خلاص أعرست ماعاد تعرفنا هههههههههههههههههههههههههههه
مشعل:جايكم مسافة الطريق بس
طارق:الله يحييكم
مشعل:الله يبقيك
الهنوف:مشعلل
مشعل:ارحبي جعلها ترحب ملايين
الهنوف:البقى يا مرحب شلونك وشلون اهلك
طارق:يعنني اهلك ههههههههههههههه ترا لها اسم
الهنوف:مب شغلك يا ملقوف ههههههههههه
مشعل:بخير ابشرتس انتي شلونتس
الهنوف:بخير من سمعت صوتك متى بتجون
مشعل:الحين اجيتس مسافة الطريق بس
الهنوف:ارحبوا الله يستر عليكم ويحييكم
مشعل:يبقيس بقفل أنا عاد ؛وقفل الخط
الهنوف:تقدر تصعد تبدل؟
طارق:عاونيني؛تقدمت الهنوف وهي تسنده عليها وماسكته
الهنوف:يالله اصعد
طارق:ماراح تقدرين علي نادي طلال
الهنوف:هات يدك واستند علي
طارق وقف:هنوفي نادي طلال والله ماقدر اعورتس
الهنوف:زين بناديه بس امانه ماتتحرك لحالك
طارق:طيب
راحت الهنوف تلبس عباتها وطلعت تدور طلال:وين طاس انت تعال
طلال:ابوي فيه؟
الهنوف:لا راح لعمي امش اخلص؛ودخلوا لبيتهم
طلال وهو يشوف طارق:ههههههههههههههههههههه عريجه والزرع مايل وعريجه والزرع مايل
طارق وهو يلعب من مكانه وعلى نفس اللحن:ياليتك تخلص علي وتعجل
طلال:هههههههههههههه ؛وتقدم له وهو يسانده وصعدوا
الهنوف راحت للمطبخ وهي تسوي فطورهم

<بعد العصر>
كانوا العيال كلهم مجتمعين ومشعل بعد معهم وكان الجو غيم وطلعوا العيال لبيت الشعر اللي بالحوش عشان الجو كان حلو وجلسوا يتقهوون ويسولفون ومن بين سوالفهم سمعوا صوت الرعد والمطر
طارق:تمطرر اللهم زد وبارك ؛وطلعوا العيال وهم يركضون بالحوش
قام طارق على عكازه ووقف عند الباب وهو يشوفهم يراكضون بالمطر طارق :يا عيال ساعدوني طيب ابي ادور تحت المطر مالكم داعي والله ههههههههههههههه
جاه مشعل وهو يضحك وشاله وقعد يدور فيه تحت المطر ويغني:
نشوتك تلعب مع قطر المطر
وانتشى قطره معك
غنى طارق معه وهو يشوف البنات يطالعونهم من بعيد ورحاب كانت معهم واقفين تحت الشجر ويطالعونهم ويضحكون يحسبون محد بيشوفهم:
والسحاب يطاردك بين الشجر
خالق الزين أبدعك
طلال:الجو يبيله طلعة بر ياعيال
مشعل:اي والله لكن خلوها الايام الجايه الايام ذي ضغط الدوام وكرف
سعد:يارجال الجو مو دايم زي كذا اسحب على أبوهم وتعال معنا
مشعل حك دقنه وهو يفكر ويطالع للعيال
العيال:قل تم
مشعل ابتسم:تم
افترقوا يجمعون اغراضهم ومشوا
<<بعد 5 أيام>>
<عند حلا>
دخلت للبيت وهي شايله بيدينها اكياس واستغربت من هدوء البيت ووجود ام مشعل عندهم والهنوف ومها بعد
حلا بخوف:السلام عليكم
الكل:وعليكم السلام
حلا ناضرت لجوهرة وأومت برأسها وش فيها امي ؛جوهرة ماردت عليها
حلا وهي تناظر للجميع اللي واضح على ملامحهم الحزن ونطقت:وش فيكم ! انطقوا قولو شي
ولكن محد رد عليها مشت حلا لام مشعل وجلست على ركبها :خاله ام مشعل تكفين قولي لي وش صاير أحد فيه شي؟!
ام مشعل:قومي يابنتي اجلسي جمبي وبقولتس كل شيء
حلا قامت وجلست جمبها وهي ودها تعرف بسرعه
ام مشعل:قولي لا إله إلا الله
حلا:حق تكفين قولي ترا خوفتوني
أم مشعل:حاولي تمسكين أعصابك يابنتي
حلا مسكت يدين ام مشعل وهي تشد عليها
ام مشعل:ابوك مسجون بسبب قضية قت/ل
حلا قامت وهي تصارخ:وش! وش قاعده تقولين ياخالة مستحيل أكيد أنكم ماصدقتوا تكفون قولوا انكم ماصدقتوا أكيد فيه أحد مكذب على ابوي ابوي مايسوي كذا ماتوصل انه يذبح احد . . .
قاطعتها امها بحده وهي تقول:حلا! اقصري صوتس واجلسي لين يجون الرجال ونفهم منهم كل شي
حلا ركضت تصعد فوق وهي ماودها تبكي قدامهم ودخلت لغرفتها وهي تبكي وفتحت جوالها تتصل بتركي لكن كان جواله مشغول ورجعت تتصل مره ثانيه ورد عليها وهو يضحك:هلا حلا
حلا:تركي ابوي انسجن ياتركي
<عند تركي>
تركي وقف بخوف:وش وش قاعده تقولين انتي ليه طيب؟
حلا:مدري ياتركي مدري تكفى طلع ابوي ابوي مستحيل يسويها ابوي مستحيل يذبح احد!
تركي:حلا اهدي اهدددي شوي وجاي أنا تمام؟ أهددي؛وأخذ مفاتيحه وطلع
عازم:تركي وين رايح؟
تركي:بروح لبيت خالي عبدالله
العمة نورة:انتظرنا طيب بنروح معك ؛وقامت هي والنارا ولبسوا عباياتهم وطلعوا
<عند الرجال>
دخلوا لبيوتهم واللي حصل أهله واللي حصل البيت فاضي
أبو مشعل:يا ام مشعل؛ولكن ماحصل رد وأكمل؛يالهنوف يا مها
طارق:مب موجودين يبه طالعين
ابو مشعل:دق عليهم شفهم وين!
طارق:ابشر يبه ؛وطلع جواله يتصل على الهنوف
ردت عليه الهنوف بعد ماقامت من عند البنات وطلعت برا:هلا طارق
طارق:وينكم؟ جينا البيت مافيه احد
الهنوف وهي تناظر للبنات:عند خالتي ام حلا
طارق:وش فيه صوتس؟
الهنوف:ضايقن صدري على عمي عبدالله بناته يقطعون القلب وش ذا المشاكل اللي تجي ورا بعض متى بنخلص منها
طارق:حتى انتم تدرون وانا آخر من يدري!
الهنوف:طارق مب وقتك ترا خلنا نخلص من هالمصيبه اللي جت على روسنا
طارق :قولي انتس تدرين انه ذابح صالح زوج عمتي نوره
الهنوف:هاه؟ وش تقول انت؟! لا حول ولا قوة إلا بالله
طارق طق راسه وهو حس انه تورط وسكت
ابو مشعل:والله لو انك مكلمهم تسألهم عن حياتهم اعجل علي
طارق:هلا يبه عند خالتي ام حلا ؛وأكمل وهو يكلم الهنوف؛مع السلامه بسكر
دخلت الهنوف بعد ماشافت سيارة داخله وطلعوا الرجال من شافوا العمه نوره وصلت
<في بيت ابو ذيب>
دخل ابو ذيب:السلام عليكم
الكل: وعليكم السلام
غلا:شلونك ياعمي
ابو ذيب:نحمدالله بخير
ذيب وهو نازل من فوق:السلام عليكم؛وتقدم يسلم على راس ابوه؛شلونك يبه
ابو ذيب:بخير ؛وأخذ جواله من اتصل عليه مشعل:ارحب
مشعل:شلونك ياعمي
ابو ذيب:بخير شلونك انت
مشعل:بخير دامك بخير بس بغيت اقولك ابوي مجتمع مع الكل في بيت جدي ويبيك تجي
ابو ذيب:عساه خير؟
مشعل:إذا جيت بتعرف كل شي؛وقفل الخط
قام ابو ذيب:قم يا ذيب امش معي لبيت جدك
ذيب باستغراب:عساه خير ليش؟
ابو ذيب:ماضنتي ان فيه خير مجتمعين هناك عمامك؛وطلع ولحقه ذيب
غلا لفت لام ذيب بخوف:وش صاير يا عمه
لميس:مايخصك
غلا سكتت وهي مب عارفه ليش تعاملها كذا
ام ذيب:معليك منها يابنتي علمي علمتس
نزلت ميس وهي لابسه عبايتها:يمه البنات مجتمعين ببيت عمي عبدالله ويقولون انه مسجون
ام ذيب:وش تقولين يابنت متوكده انتي؟ منهو اللي قالتس هالكلام
ميس:الهنوف يمه
ام ذيب:لاحول ولا قوة إلا بالله؛وقامت بسرعه لبيت ام حلا ولحقوها ميس ولميس
غلا قامت بصعوبه وهي بالأشهر الاخيره بالحمل واخذت عبايتها ولبستها وطلعت لحقتهم
<عند حلا>
طلعت لتركي من قال انه تحت ينتظرها ضمها تركي اول ماجته :صدقيني بنلقى حل يا حلا بس ادعي ولا تبكين
حلا:حتى انت ياتركي صدقتهم اقولك مستحيل يسويها كلهم مايفهموني على الاقل انت افهمني ياتركي تكفى
تركي:اهدي انتي الحين وخليني افهم حبه حبه؛ومسح دموعها
حلا جلست وهي تشرح له كل شيء
تركي:يعني . . . وسكت من سمع صوت النارا وهي تبكي وكل شوي يقترب صوتها وقام تركي بسرعه وهو يضمها بقوه:النارا ! شفيك ياخوك صدقيني خالي بيطلع بس أهدي تكفين وسكت من سمع أمه وهي تتكلم داخل
العمة نوره:يتمتوا عيالي وهم صغار وربيتهم وكبرتهم لحالي والحين جاييني تبوني اعفي عنه ليش ماعلمتوني انه اخوي هو اللي ذابحه لييييه محد قالللي من قبل ليييه متسترين علييييه!!!!
النارا وهي تبكي بقوه من كلام امها:اخخخخ ياتركي اخخخ
تركي من سمع كلام امه طاح على ركبه وهو يحس ان الارض ما عاد تشيله :كـ .كـ.كيف يعني خالي عبدالله هو اللي ذابح أبوي !
ولف لحلا اللي ماكانت اقل من صدمته واشر عليها بسبابته:كنتي تدرين ياحلا وماقلتي لي! وشلون طاوعك قلبك تجيني تقولين لي انك تبيني اطلعه الدعوى ماهي سهله ياحلا أنا انحرررمت من أبوييي فوق ٢٠ سنه فوق الـ٢٠ سنه ماحسيييتتت بشعععوووررر ان عندددييي ابو اسولففففف مععهه واطلللععع معه وشششش ذنبي ياحلا قوليلي وش ذنبييييي! عشان أقدر أعفي عنه
حلا كانت تطالع بالأرض وهي مابين صدمه وخوف وبكى
قام تركي وهو مالقى جواب وراح يمشي وهو يحس كل خطوه عشر ولاهو داري وين يروح ووش يسوي
حلا رفعت نظرها وهي تطالعه وعيونها حمراء من البكي:تركي والله العظيم ماكنت أدري! ؛وسكتت وهي ماحصلت جواب
راحت النارا وهي تسحب تركي وبنبره باكيه:وين بتروح
تركي:مدري يالنارا مدري ودي أروح لمكان ارتاح فيه من اللي أنا فيه احس بداخلي جبل ماني قادر أشيله
النارا ضمته:تركي طلبتك لاتروح لمكان خلك هنا حولنا
تركي وهو يبكي:ماني قادر اقسم بالله ماني قادر المكان هنا يجيبلي كتمه لاتضغطين علي يالنارا ؛وتركها ومشى لسيارته
النارا رجعت داخل وهي تاخذ جوالها تتصل بعازم
عازم:هلا النارا
النارا:تكفى عازم روح شوف تركي أقنعه يجلس قاعد يقول بيطلع
عازم وهو يطلع بسرعه:زين بشوفه؛تركيي!
تركي:خير ياعازمم
عازم:على وين تعال معي خوالي يبونك
تركي:تكفى ابعد عني وراك خلني بحالي!
عازم سحبه:امش معي
تركي تأفف وأخذ بخاخ الربو من سيارته وراح يغسل وجهه ودخل

<عند حلا بالحوش>
كانت جالسه وهي بين نارين أبوها وتركي :ليش يايبه ليششش
طلعت رحاب للحوش وهي كانت تدورها:طلعتي هنا وأنا أدورك ؛وجلست جمبها وضمتها
حطت حلا راسها على كتف رحاب:أنا وش سويت عشان يصير معي كذا
رحاب:قولي لا إله إلا الله مايصلح كذا لازم ترضين بالقضاء والقدر وإن شاء الله عمامي مو مقصرين وبيحاولون فيهم يتنازلون وأكيد أن عمتي نورة ماراح تخسر أخوها وبتتنازل بس مالنا إلا الدعاء مسحي دموعك وتعالي غسلي وجهك وأجلسي معنا تمام؟
حلا مسحت وجهها:شكراً رحاب ماتدرين قد وش ريحني كلامك
رحاب:حياتي يالله تعالي معي؛ومسكت يدها ودخلوا
<عند الرجال>
عازم:كيف طول هذي السنين محد كان يدري
أبو مشعل:والله ياولدي صدق من قال حق الطيب مايضيع ولو بعد حين بس تخبرون بنات عمكم مالله رزقهم بأخوان ومالهم إلا أبوهم . .قاطعوه العيال كلهم وهم يقولون:حنا لهم عيال عمام وأخوان
أبو مشعل:ونعم فيكم بس ماهو هذا قصدي وانتم تخبرون قصدي زين ياولدي ياعازم وانت ياتركي أبوكم راح للي ارحم مننا ومنكم عسى الله يرحمه ويغفرله وتذكروا أنه من اعتق رقبة مؤمنة أعتق الله بكل عضو منه من النار
تركي:والله ياخالي مايرضينا غير شرع الله
عازم شد على يد تركي وقام :نستأذنكم؛وطلعوا
أبو مشعل كان يناظرلهم لين طلعوا:إن لله وإن إليه راجعون
أبو سعد:عطهم وقتهم يفكرون ترا موقف زي كذا مب سهل عليهم خصوصاً أنهم توهم يعرفون قالت/ل أبوهم
أبو ذيب:وأبو سعد صادق عطهم وقت وإن شاء الله بيحصل كل خير
مشعل لف لطارق:طلال مارد عليك؟
طارق:لا ما يرد
ذيب:عيال وش عنده طلال ماجاء؟
طارق:مالقى حجز طيران؛وقام وطلع
الهنوف وهي تركض كانت رايحه لمجلس الرجال ولكن راح لها طارق :وش بلاتس ؟!
الهنوف:طارق جب سياره بسرعه غلا مدري وش فيها فجأه طاحت علينا
طارق بصدمه:كيف؟ خلاص روحي بعلم ذيب؛ورجع للمجلس ينادي ذيب
<عند البنات>
أم ذيب وهي تطبطب على وجه غلا:غلا غلا خليتس معي !
لميس بنبره باكيه:شفيها يمه
ام ذيب:مدري شكلها ولادة نادوا احد يجيب سياره بسرعه
الهنوف:طارق قال لذيب وهو برا ينتظركم؛وساعدتهم يودون غلا للسياره وانطلقوا للمستشفى
-انتهى🌷🌷-
لاتنسون تقيمون الرواية
Insta:rwaaai0
Tik:olom_410