جيتي مثل الغيث والدنيا صحوه

Part 52

<عند البنات>
أم ذيب وهي تطبطب على وجه غلا:غلا غلا خليتس معي !
لميس بنبره باكيه:شفيها يمه
ام ذيب:مدري شكلها ولادة نادوا احد يجيب سياره بسرعه
الهنوف:طارق قال لذيب وهو برا ينتظركم ؛وساعدتهم يودون غلا للسياره وانطلقوا للمستشفى
~~~~~~~~~~~~~~~~•••••~~~~~~~~~~~~~~~
ذيب بخوف:شفيها يايمه وش اللي صار
أم ذيب:شكلها بتولد؛واكملت وهي سانده غلا على صدرها؛غلا ! ؛اسرع ياذيب
ذيب وهو متوتر:يمه وش اسوي أنا إذا الطريق زحمه! ؛ومد لها مويه؛رشيها على وجهها
خذت ام ذيب المويه وسمت بالله ورشت على وجه غلا فزت غلا وهي تحس انها بتموت من الألم:اخخخخ
ام ذيب:بسم الله عليتس أهدي ياغلا وخليتس واعيه
اسرع ذيب وهو يلف على الرمل اختصاراً للطريق والزحمه
صارخت غلا من نزلت المويه وصاحت :ذيييب
ذيب:ها خلاص قربنا تحملي شوي!
غلا:مقدر ذيب مقدر؛وشدت على يد ام ذيب وهي تحاول تكتم صراخها
ام ذيب:خذي نفس وحاولي تصبريين ذيب كم باقي ونوصل!
ذيب:قريب يمكن دقيقتين
غلا:اخخخ مقدر مقدرررررر
نزل ذيب من وصلوا وهو يجيب الكرسي المتحرك وجلس غلا فيه ودفها بسرعه وهو يصارخ وينادي الممرضات
الدكتوره:وش فيه وش اللي صاير معها؟
ذيب:هي حامل بالشهور الاخيره بس فجاه جاها ألم واغمى عليها
الدكتوره وهي تنادي الممرضات:افحصوا وضعها والضغط بسرعه!
ذيب وهو يشوف الممرضات أخذوها وهم يركضون:وضعها خطير لذي الدرجه يادكتوره؟
الدكتوره:ان شاء الله ما فيها إلا كل خير بس الإجراءات هذي ضروريه اهدى اي شي يصير بخبركم؛ولحقتهم
ام ذيب لحقتهم:وش صار معها
الدكتوره:كل شي سليم وهذا وقت ولادتها الفعلي
ام ذيب:شلون وهي ماصارلها 8شهور
الدكتوره:جهزوا الغرفه؛وطلعت
أم ذيب طلعت للممر وهي تشوف ذيب اللي كان جالس بالكراسي اللي بالممر وهو يدعي ومتوتر ومشت له وجلست جمبه وهي تمسك كفوفه وهمست:ليش ياذيب
ذيب لف عليها وهو مب فاهم عليها:وش ؟
ام ذيب:ليه خليتني اعرف من الدكتوره ليه رحت لهالطريق أنا ربيتك على كذا؟أنا قصرت معك بشي؟ جيتني وقلتلي اخطبلك وخطبت بنت اختي وزوجتك وش الله حادك على هالطريق ياولدي
ذيب:يمه ترا ماني فاهم عليتس والوقت ابداً مب مناسب؛ووقف
ام ذيب مسكت ذراعه ووقفت:قالتلي الدكتوره انه هذا وقت ولادتها ماهقيتها منك ياذيب ؛وراحت تاركته وراها
ضغط ذيب على يده بقوه وهو يحاول يمسك أعصابه ورفع راسه وهو يحاول يهدي نفسه
ميس:يمه وش قالت لك الدكتوره؟
أم ذيب ابتسمت وهي تحاول تخفي اللي بقلبها:بيجي حفيدي
ميس ابتسمت:الحمدلله يارب الله يسهل لهم ويطلعون بالسلامه

<عند الرجال>
وقف ابو ذيب من جاه اتصال من ذيب:هلا
ذيب وهو طاير من الفرحه:ابشرلك بسمي
ابو ذيب ضحك:مبروك مبروك ياولدي ياذيب
ذيب:الله يبارك فيك يايبه اخيراً صرت ابو
ابو ذيب:الحمدلله على سلامتهم جايكم أنا الحين
ذيب:الله يسلمك لا تتعب نفسك وتجي بكره ان شاء الله بيطلعون وراجعين لكم
ابو ذيب:على خير ان شاء الله
ذيب:توصي شي
ابو ذيب:سلامتك وسلملي على اهلك وتحمدلهم على السلامة
ذيب:يوصل
<في غرفة غلا>
دخلت ام ذيب ومعها ميس وبيدهم ورد وابتسمت:السلام عليكم
غلا عدلت جلستها وابتسمت من بين تعبها:وعليكم السلام
ام ذيب:الحمدلله على السلامة يا ام حمّود
غلا:الله يسلمك يا عمه
ميس تقدمت وهي تعطيها الورد وابتسمت:الحمدلله على سلامتك وسلامة حبيب عمته ؛وسلمت عليها
غلا:الله يسلمكم ماكان له داعي تكلفون على نفسكم
ام ذيب وهي تحط الاكل لها:وش كلافته يابنتي شوفي وش جبتلتس
غلا:تسلم يدينك ياعمه
دخل ذيب وخلفه الممرضه:صباح الخير
الكل :صباح النور
ذيب تقدم يسلم على راس امه:ارحبي ياجدة حمد وشله مكلفه على نفستس قدهم كاتبين لهم خروج
ام ذيب:وش كلافته انت بعد المره تعبانه وتحتاج شي يساعدها
ذيب وهو يناضر للمرضه اللي دخلت ومعها سرير البيبي:وهذي عيت تعطيني ولدي تقول مايأخذه إلا امه ولد امه من الحين
الكل ضحكوا
تقدمت الممرضه وهي شايله حمد بين يدينها واعطته لغلا:هذا بيبي يبي هليب
غلا وهي تطالعهم بإحراج همست:اسكتي
ضحك ذيب وهو سمعها بما انه قريب منهم:يالليل والحياء
ميس:ولد! اطلع قدامي ابيك ؛ولفت لامها واكملت؛يالله يمه بنروح البيت
ام ذيب وهي تطالع لغلا:قدامتس العافيه وخلصي الاكل كله ولا بزعل عليتس والله ودي اجلس اكثر لكن عمتس في البيت وماعنده احد ؛وتقدمت تبوس حمد وطلعت