مشعل:شلون؟ أنا مكلم سعد بالموضوع وكان موافق شلون راحت لاحد غيري!
طارق بحده:مشعللل! القرار مو بيد سعد القرار بيد ابوها وبيدها وبعدين انت لاتنسى انك ماتقدمت لها عشان تكون لك!
مشعل:ومن الكلب اللي خذاها ؟! والله ما تاخذه يا أنا يالقبر! ؛ووقف
طارق صارخ:مشعل أقصر الشر وش ناوي عليه!
———— • • • • • ————
مشعل:جاوبني من اللي خذاها مننننن؟!!! والله اني لذبحححهه
طارق:بقولك لكن لاتسوي شي تندم عليه ولو وصلت للسجن ترا بتعيش حياتها وانت اللي بتاكلها بذا السجون !!
مشعل:منهووو اللي خذاهااا ياطااارررقققق؟
طارق بقل حيله:ذيب!
مشعل:سواها الخسيس لكن ماعليه والله لا اندمه بس بشوف اخرتها معه
طارق:ليه وش صاير !
مشعل:لما كنا بالمزرعه سمعني وانا اكلم سعد بس ماتوقعت بيسويها الحقير
طارق:مشعل اجلس واهدأ بعدين لو تحبها صدق ماراح تخرب حياتها أصحى على نفسك شوي ! بعدين اللي صار صار وانتهى كل واحد يعيش حياته ؛وأكمل بتغيير للموضوع؛كمل شايك برد
مشعل جلس وأخذ بيالته وشرب:وانت مو ناوي تتزوج؟ طارق والله اني خايف يصيرلك مثل ماصارلي على الاقل أخطبها وزواجك بعد ماتتخرج
طارق:يصير خير بيزينها الله وبتزين
مشعل:تراني زعلت عليك
طارق لف له :ليه ؟ ترا قلت يصير خير
مشعل ضحك:ههههههههههههه ما اقصد ردك ياخبل
طارق ضحك:اشوا يالبييه يالضحكه اللي اشتقت لها يا شعلولي
مشعل:يععع الدلع من الشخص الغلططط للاسفف
طارق طقه وهو يضحك:يالخسيس
بعد صمت لعدة دقائق
مشعل:صدق ليش ماقلتلي انك مريض قلب؟
طارق أنصدم:شلون؟ وش دراك
مشعل:مايهم اللي يهمني انت ليش ماقلت لي؟
طارق:ماكان له داعي اقول
مشعل:من متى وحنا نخبي شي عن بعضنا ؟ كم له مرضك؟
طارق:مدري يمكن 7 شهور
مشعل:7 شهور ولا علمتني ؟ شلون مواعيدك
طارق:كويسه آخر مره رحت لها
مشعل:الله يعيني عليك وانا اخوك بس طارق اماننه أبيك توعدني انك تلتزم بمواعيدك وتروح لها اعرف طبعك إذا مو عشاني عشان رحاب ؛وغمز له
طارق بفشله:دريت؟ ابشر لاتشيل همي يا اخوي
مشعل:بحاول ؛ورفع نظره للسماء وانسدح طارق على رجول مشعل
طارق:يازين القمراء
مشعل:اي بالله يازينها
طارق:ايوه ماعلينا من القمراء متى بترجع لدوامك؟
مشعل:يمكن بكره مليت بشغل نفسي واتسلى
طارق:كلمتهم؟
مشعل:لا بكلمهم بكره الصبح
طارق:أنا بكره عندي off شرايك تسحب عليهم بكره وبعده تكلمهم ونبات (ننام)هنا الليله
مشعل:ابدًا تمم
طارق:حيك والله انك كفو يابو طارق
مشعل:كفوك الطيب يابو خالد ؛وجلسوا يسولفون ويضحكون
<في بيت ابو سعد >
كانت الجوهره بالصاله تكلم ذيب؛ذيب:وحشتيني
الجوهره ضحكت:ياكذاب أمداك تشتاق وانت عندنا قبل كم ساعه
ذيب:أنا لو اروح عنك دقيقه ارجع مشتاق متى تبين زواجنا؟
الجوهره:مدري ما احس اني مستعده للحين
ذيب:شرايك أنا احدده؟
الجوهره:ومتى تبيه ان شاء الله ؟
ذيب:اممم الاسبوع الجاي
الجوهره:ذيب ! مايمدي أتجهز وأجهز أغراضي خله بعد 5شهور على الاقل
ذيب:4شهور بيمديك
الجوهره وهي خايفه انه يغير رأيه:تمام كويس
ذيب حس بالانتصار:زين بعد 4 شهور مافيه مشكله مع ان الود ودي بكره اخذتس
مشاعل نزلت وانتبهت لها الجوهره؛الجوهره:ذيب اكلمك بكره باي
ذيب استغرب وماعطاها اهميه:باي؛وقفل الخط وفتح الرساله كان مكتوب:بيبي وينك اليوم ماكلمتني
ذيب رد عليها:كنت مشغول بالشغل ياروحي ومالحقت امسك الجوال كيفك ياحياتي
غلا:تو صرت تمام بعد مارديت علي يابيبي كيفك انت
ذيب:بخير دامك بخير
<عند الجوهره>
مشاعل:شعندك صاحيه للحين مانمتي
الجوهره:مافيني نوم قلت انزل تحت عشان ما أزعجكم بجوالي
مشاعل:زين نامي عشان تصحين بدري بكره ورانا مشاوير
قامت الجوهره:زين ؛وقامت تصعد للغرفه؛تصبحين على خير
مشاعل:وانتي من أهله ؛ودخلت المطبخ
<في بيت ابو مشعل>
طلال كان جالس بالملحق وشاف رساله بالقروب ان العيال كلهم مو مجتمعين اليوم واستغل الفرصه راح يرسل لمها:صاحيه؟
مها فتحت الرساله:ايه وش بغيت؟
طلال:كويس سوي شاي وتعالو طفشت وانا جالس لحالي
مها:وطارق وينه؟
طلال:مدري تعالي بعدها نتكلم
مها:زين بقول للهنوف واجي
طلال سكر جواله وقام يزين الجلسه بالحديقه حقت البيت
مها لفت للهنوف:هنوفوه تجين تجلسين معنا؟
الهنوف وهي تراسل بجوالها:انتي ومين؟
مها:أنا وطلال بتجين؟
الهنوف:همممم
مها قامت سحبت الجوال من يد الهنوف:أكلمك أنا!
الهنوف وهي تأخذ الجوال:بجي يالله
وقاموا نزلو للمطبخ
مها زينت الشاي واخذت الصينيه بتطلع
الهنوف وهي تفتح الدرج:مهااااا انتظري؛وطلعت صحن مكسرات وحب
مها:ذكرتيني ما اخذت نعناع؛وراحت للثلاجه تاخذه
وطلعوا مع بعض
طلال وهو يشوفهم رايحين للملحق:ياهوه تعالو هنا
مها:الله من زمان عن جلست الحديقه كنك حاس فيني
الهنوف وهي تركض للمخزن اخذت سكوترين ورجعت لهم:شوفو وش حصلت هههههههههههه
طلال:يوووه سكوتري للحين هنا
مها قامت تركض وأخذت واحد وبدت تلعب فيه والهنوف اخذت الثاني
طلال ضحك :الحمدلله والشكر خوات مهبولات
مها:هههههههههه ما كأنه قبل شوي أستانس لما شاف سكوتره
طلال راح للمخزن وحصل واحد واخذه بس ما اشتغل:وين الشاحن حق السكوتر
الهنوف: اللي معك حقي خربان
طلال:ياسلام وآخذه حقي! انزلي بلعب!
الهنوف ناظرت مها ومها ناظرتها وضحكوا من فهموا بعض وأسرعوا من شافوا طلال جاي يمهم وصاروا يلفون على البيت وطلال وراهم؛ طلال وقف ومسك ركبه: وقفوا تعبت
الهنوف :هههههههههه وش قال قال انزلي دزها بس
إضحكوا مها وطلال من ضحكها
< عند ام مشعل في الغرفة >
قامت أم مشعل الأصوات وطلت من البلكونة ابتسمت من شافت عيالها طايحين ضحك ويلعبون ونزلت لهم
أم مشعل : ايوه جالسين هنا وما قلتوا لي
طلال بتمثيل : يمه جابتس الله من اليوم يسحبون فيني تعبت خليهم يعطوني سكوتر
ام مشعل ضحكت: مها أنتي الكبيرة عطيه النونو يلعب؛ ومسكت خدوده وقالت؛وقلبسسس
ضحكوا كلهم
طلال وجه حمّر: خير كلكم متفقين علي اليوم؟
رجعوا يضحكون من شافوا خدوده حمّرت
الهنوف : تعال خذ السكوتر يا نونو
راح طلال لـ الهنوف بس سبقته ولعبت بالسكوتر وقعد يلحقها ويضحك
ضحكت أم مشعل : كبروا وانهبلوا؛ورجعت تنام
نزلت مها من الـسكوتر وجلست تشرب شاي: خذ السكوتر الشاي بيبرد ما شربناه
طلال اخذ السكوتر واجلسوا يلعبون هو والهنوف ومها تناظرهم وتضحك بعد لحظات جلسوا
مها وهي تصب لهم شاي:من يبي معه نعناع؟
طلال:أنا حطي لي
الهنوف:وأنا لا مابي
طلال وهو ياخذ البياله من يد مها:سلمتي
مها:الله يسلمك وش عندك من علوم
الهنوف خذت البياله وهي تناظر لطلال بتركيز
طلال:شلون بتكلم وذي تناظرني كذا ؟
مها وهي كاتمه ضحكتها تناظر لـ الهنوف:اجلسي زين
الهنوف:علامكم علي؟
طلال:ينخاف منتس وانا اخوتس رادار الأخبار شغال
الهنوف ضحكت:ههههههه الله يقطع بليسك خلاص مب كل شي بقوله على حسب أهمية الموضوع سيتم نشره؛وابتسمت
-انتهى-🦋✨
أنت تقرأ
جيتي مثل الغيث والدنيا صحوه
Детектив / Триллер> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
