جيتي مثل الغيث والدنيا صحوه

Part 64

رجع طارق دخل عليهم بسرعه وهو ماسك شماغه وصعد الدرج الدرجة بدرجتين
ام مشعل:بسم الله عليك وش بلاك ياولد!! كم مره اقولكم لاحد يركض بالدرج
طارق دخل للغرفه وهو ميت ضحك وفتح الحمام عن طلال اللي كان واقف عند الباب ومسك طارق اول مافتح له وهو يدخله للحمام بيقفل عليه واعتلا صوت ضحكهم وطقاقهم
طلال:ناسيني يا حمار مع الجن يقلع بليسك؛وقعد يضرب طارق بشماغه
طارق وهو يضحك سحب رجل طلال وطاح طلال عليه وقعد يضحك ويتألم
دخلت ام مشعل وهي تشوفهم منسدحين بالارض جمب بعض ووجيهم حمراء ورجعوا يضحكون من مسكت راسها وهي تطالعهم بصدمه:مجنن انتم؟
دخلت الهنوف ووقفت عند الباب وهي تطالع امها وتطالعهم:ماشفتي شي للحين؛وضحكت
ام مشعل:قم انت وياه قوموا الله يهديكم ويصلح حالكم قوموا الحقوا أبوكم وبدلوا ملابسكم يالله
قاموا وهم يتسابقون من يدخل الحمام اول وتهاوشوا عند الباب
ام مشعل:ياربي رباه أنا وش اسوي فيهم؛ونزلت نظرها وهي تشوف سهم متمسك فيها ويطالعهم وهو مصدوم
طلال ناظر لسهم وهو يشوفه متنح يطالعهم وعلا صوته:شفيك انت ناقد علينا!؛وضحكوا هو وطارق من بكى
فزت الجوهره وهي تصعد بسرعه وتنادي سهم اللي ماتدري وينه ووقفت عند الباب وهي تشوفهم مجتمعين وراحتلهم وهي تطالع للي يطالعونه دخلوا للحمام طارق وطلال بسرعه من الفشله وقفلوا الباب وما مداهم قفلوا الباب إلا فتحه طارق وهو يطلع طلال وقفل الباب ابتلش طلال وركض تخبى ورا باب الغرفه واعتلى صوت ضحك ام مشعل والهنوف واكتفت الجوهره بابتسامتها
ام مشعل:ليتني داريه من اليوم كان ناديتها؛ونزلوا للصاله والجوهره معهم
~~~~~~•••••~~~~~~
<بيت ابو ذيب>
ام ذيب وهي تطالع ذيب وحمد وهم يلعبون بالصاله ويضحكون وأبو ذيب يهاوشهم:لميس تعالي
دخلت لميس المطبخ وهي ماسكه كتابها ولافه شيلتها على راسها:اففف ذيب وحمد ازعجوني عجزت اذاكرر صدعتتت
ام ذيب طالعتها وضحكت:الله يلوم اللي يلومتس حتى ابوتس معصب منهم تعالي خذي القهوه وديها لابوتس وانا بصعد ابدل عشان نروح لام مشعل وانتي اخلصي وشيلي اللي على راستس واعجلي علي
قفلت لميس كتابها ورمته على الطاوله واخذت القهوه للصاله وقام ذيب يقهوي ابوه وصعدت فوق
غلا:يالله حمودي تعال اسبحك ونجهز عشان نطلع
حمد:وين بنروح ماما
ذيب:بنروح لرجال
حمد:عمو طارق معنا
ضحك ابو ذيب من كشر وجهه ذيب:ايه عمك طارق معكم
ذيب:مب عمك اسمه طارق حااف
حمد:بس هو قوي وماما تقول عمو طارق كمان
غلا ضحكت منه بإحراج من نظرات ذيب لها واخذت حمد وصعدت وقاموا ابو ذيب وذيب وطلعوا للمجلس
<في بيت سعد>
مها:سعد تبي شي
سعد وهو يطالعها تجهز عند المرايا:لا على وين؟
مها:بروح لاهلي
سعد:ما شاء الله والكشخه هذي لهم هم بس وانا لا؟
مها وهي تحط روج طالعته وضحكت:سعد مب منجدك! تغار من اهلي؟
سعد:قولي والله؟مافيه روحه
مها:سعد!
سعد وهو يتقدم لها:كلامي واضح
مها وهي مقهوره:سعد مب منجدك!
سعد وهو يحاوط خصرها ويشدها له:إلا من جدي
مها بلعت ريقها بتوتر وهي تطالع لذراعيه اللي تحاوط خصرها وفي داخلها شعور خوف وتوتر ودها تبعده وفي نفس الوقت مب قادره
غمض عيونه وهو يستنشق ريحة عطرها اللي كانت ثابته بخصلات شعرها اللي ملأ رئتيه و بعثره وده محد يشوفها إلا هو وده يخفيها من العالم بأسره فتح عيونه وهو يطالع لانعكاسهم بالمرايا كانت لابسه فستان اصفر وماسك على جسمها وميكبها خفيف رغم بساطة كشختها إلا انها جعلته هيمان فيها تقدم وهو يبوس جبينها وهو ماوده يخليها بخاطرها:كملي كشختس وانا بروح اجهز؛وراح سعد يجهز على ماتجهز
ابتسمت وهي تمسح دموعها قبل ان تلامس وجنتيها وبدت تعدل ميكبها وتكمل كشختها تقدم يقف جنبها وهو يقفل ازاريره واخذ عطره يتعطر وهو يخطف بنظراته بين وهله ووهله يتأملها واخيراً خلصوا ومسك يدها بعد مالبست نقابها وطلعوا للسيارة
<في بيت ابو مشعل>
نزلوا طلال وطارق وجلس وفتح ذراعيه وهو يضحك من شاف سهم يركض يمه:ارررحب
ضحك سهم ببراءة وهو يضم طارق اللي اللي شاله وهو يبوسه:أنا بآخذ سهّومي معي
الجوهرة:بيزعجكم خله هنا
طارق وهو متجه للباب:قول لامك باي
سهم اشر لها بيده باي وطلعوا
جلست الجوهرة وهي تسولف مع ام مشعل والهنوف وبالها مع سهم
طارق وهو يطالع لسيارة مشعل من دخلت ومعه ابوه:طلالوه شكلنا بناكل هواء ابوي يحترينا من اليوم وراح للعزبة وجاء
طلال وهو يسرع بمشيه للمجلس:امش بسرعه
ابو مشعل نزل وتقدملهم من وقف مشعل:وينكم فيه من اليوم قيلة القايلة ولا مريتوا العزبة
طارق:رحت اودي سهم البقاله وراح الوقت
مشعل عرف انه يكذب وهمس:حطيتها برأس ولدي
كتم ضحكته طارق بخوف من نظرات ابوه لطلال:وين كنت فيه
طلال:هاه؟؛وحك راسه بورطه وطالع لطارق وتذكر انه كان مقفل عليه الباب وأكمل؛كنت محبوس
مسك طارق راسه بورطه وهو يطالع لطلال ثم لف لمشعل
ابو مشعل عقد حاجبينه وطقه بعصاته:تتلكع علي انت ووجهك امش قدامي امش مامنكم فايده كل واحدٍ أردى من الثاني؛ومشوا للمجلس
زفر طارق نفسه براحه ولحقهم
ابو مشعل:طارق
طارق:سم يبه
ابو مشعل:نزل سهم خله معي ورح جب القهوة
مسك طارق سهم بينزله وضحك من شافه متعلق برقبته
ابو مشعل:سهم
سهم:سم جدو
ابو مشعل:تروح معي
سهم بفرحه:عن عن(سيارة)
ضحكوا ابو مشعل وطارق:ايه عن عن
وترك سهم رقبة طارق ونزل بسرعه ومسك يد جده وهو يسحبه ويأشر على السيارة:يالله نروح عن عن
ابو مشعل:تعال يا طلال شغل السيارة وخل سهم فيها والله ما أردها بخاطره حفيد خالد
اخذه طلال وراح لسيارته وهو يشغلها وركب سهم معه:والله مانت هين ياهالنتفه؛وضحك
<في بيت ابو حلا>
كانوا مجتمعين بالغرفة وندى ماسكه اللابتوب:بنات تعالوا شوفوا هذا حلو؟
جوهرة:امم حلو بس دوري غير ذا اللون نفس لون فستاني!
ندى:داخ راسي وانا ادور ماجاز لي شي والزواج مابقى عليه شي؛ولفت لحلا واكملت؛وانتي حصلتي شي؟
حلا ابتسمت وهي توريها:شوفيه؛ومدت لها الجوال
ندى:وااااو يجنن! وين حصلتيه
حلا:صممته بنفسي
جوهرة:خير صمميلي معتس فستاني طاح من عيني
ندى:خليتس منها حلّوي اختي وآخر العنقود صمميلي
ضحكت منهم حلا وقامت تسوي قهوتها وركضوا جوهرة وندى وهم يتسابقون من تسوي القهوة لحلا عشان تصمملها
ابو حلا وهو كان مستكن بالصاله ويتقهوى وشافهم يركضون للمطبخ:وش بلاتس انتي وإياها انهبلتوا
وقفوا جوهرة وندى جنب بعض وهم يطالعونه ونطقت ندى:يبه قل لحلا تصمم لنا فساتين معها مالقيت ولا فستان عجبني
ابو حلا:كل هالركض عشان فستان نروح الحين أنا واياكم وتشترون فساتين بسس! الدعوة بسيطه اجهزوا؛ولف لام حلا وأكمل؛حتى انتي يالله قومي البسي عبايتس؛قاموا لبسوا عباياتهم وطلعوا بعد ابو حلا
-انتهى✨