جيتي مثل الغيث والدنيا صحوه

Part 54

مشعل:بروح اشوف تركي واكلمه
طارق:رد عليك هو
مشعل:ايه يقولي ببيته ولا كانّه قالب الدنيا علينا أنا بقفل إذا صار شي كلمتك؛وقفل
~~~~~~~~~~~~~~~~•••••~~~~~~~~~~~~~~~
<بشقة نورة>
دخل تركي :السلام عليكم
نورة وقفت من شافته:وعليكم السلام وين كنت فيه وليه ماترد على اتصالاتي!
تركي:كنت نايم وجوالي سايلنت
نورة:وين نايم وغرفتك مافيها احد
تركي:كنت ببيتي يمه
نورة:بيتك؟ تسميه بيت وانت ماتدري عن حاله؟
تركي:يمه ترا اللي فيني كافيني توي جاي من مشعل والحين انتي بعد
نورة:ومع ذلك ما تعترف بغلطك! ياولدي ماكذبو الأولين يوم قالو دربك خله سمح لاتزرعه شوك يمكن يجي يوم وتمر فيه حافي خل دربك واضح البنت مالها دخل ذنبها الوحيد انها طاحت بين نارين نارك ونار ابوها قم رح لها وتعذر منها قم ياوليدي الله يهديك ويصلح حالك
تركي باس راسها:ابشري؛وطلع وهو ماسك جواله يتصل بحلا

فزّت من شافت الاتصال ورمت الجوال:يممه
ندى سحبت الجوال وضحكت من شافته انه تركي:ياربي ياحبيبي ماكأنها اللي كانت بتموت علينا بسببه قبل كم يوم تعالي ردي هههههههههههههههههه
حلا سحبت الجوال وهي مبتسمه:مالك دخل ؛وطلعت برا الغرفه وهي ترد عليه وسكتت
تركي:الو؟؛وطالع الشاشه يتأكد؛حلا بنت
حلا:غلطان
تركي:هاه؟ بدينا عباطه
حلا ابتسمت:اقولك غلطان مب حلا ياخوي
تركي وهو يطالعها واقفه عند الحوش وصور صوره وارسلها واتس ونطق:ماكأنها إلا ورد يخاطفها السحاب
حلا فتحت الرساله:يمه متى جيت انت؟
تركي وهو يسحبها من يدها:اشششش؛وأخذها معه لسيارته
حلا وقفت عند باب السياره:ليش جايبني هنا؟ يمكن احد يشوفنا
تركي وهو معقد حاجبينه:وإذا شافونا وش صار مب انتي زوجتي؟ اركبي
حلا وهي تطالع لبسها والسياره:شلون تبيني اروح بذا الوقت وذا اللبس
تركي وهو يطالعها:مافيه شي لبسك جلال ومغطيك كلك
حلا وهي تتلفت لاحد يشوفهم:وقت ثاني مقدر الحين
تركي:ماراح نطول بس نتكلم شوي ونرجع
حلا وهي تطالع عيونه:وعد نرجع قبل 11؟
تركي وهو يطالعها:وعد ؛وركبوا

دخل لبيته وهو مهلوك ونزل مفاتيحه وراح لغرفته وهو يفتح ازارير ثوبه
نزلت تستقبله من سمعت الباب انفتح:مشعل وشفيك؟
سحبها له وهو يضمها:خليك عندي قربك يشفي العلّله
الجوهره وهي تمسك راسه تقيس حرارته:شكلك انهبلت هههه
مشعل:عندتس؟ اي والله انهبل
الجوهره ضحكت وهي مصدومه:مشششعل لا صدق فيك شي ابعد عني وراك بجيب لك شي تأكله
ضحك مشعل وهو يسحبها للغرفه:لا ماني جوعان؛ودخلوا و🫣

تركي:أنا اسف ياحلا ما كان له داعي أسمعك كلام وأحملّك مشكله مالك دخل فيها حلا والله مدري ليه قلت لك كذا لكن كنت مشتت ومصدوم
-وصلوا بعد دقايق للمكان-
تركي وقف السياره ونزل يفتح الباب لها ومسك يدها:يالله
حلا وهي تناظر للمكان:وش هذا ليش جايبنا هنا؟
تركي وهو يفتح الباب:بتعرفين ليش مستعجله؛ودخلوا وأكمل؛خويي معطيني مفاتيح بيته وقالي ابي رأيك فيه وقلت نشوفه مع بعض
حلا وهي تناظر للمكان:وااو حلوووو وشرححح يجننن ما شاء الله
تركي ضحك:هذا وانتي مابعد شفتيه كامل
حلا مسكت يدينها بخجل وابتسمت
تركي مد يده لها وهو واقف مكانه:تعالي معي نشوف باقي البيت
مشت حلا ومسكت يده وهي تمشي وراه ووقفت وهي تشد على ذراعه:شغل الانوار على الاقل
تركي:تعالي معي لاتخافين ؛وكمل وهو يمشي إلى ان وصل لغرفتهم ودخل ووقف قدامها عشان ماتشوف شي:عطيني يدينك الثنتين
حلا وهي تطالع ليدينها ورفعت أنظارها له:ليه؟ فيه شي؟امانه يخوف مافيه نور!
تركي تنهد من خوفها الزايد:مافيه شي عطيني يدينك؛ومسك يدينها وسحبها معه لداخل
حلا:تركي! و . .
قاطعها وهو يبعد عنها وصارخت من شافت شموع وراه ولمحتها على انها نار ولحقته وهي تطقه على كتفه:خوفتني! افففف ليه رحت عني طيحت قلبي؛ومسكت قلبها
مسكها تركي وهو يضحك:تعالي معي هذي جزاتي جاي أراضيك ببيت خويي وتطقيني؛وجلس على الكرسي
حلا:خوفتني انت طيب؛وسكتت ثواني وهي تشوفه ساكت جلسة جمبه وهي تطالع الطاوله اللي عليها كيكه وشموع وهديه؛مررره شكراً أسفه ماكان له داعي أطقك ؛وضحكت
ابتسم تركي وهو يشوفها تضحك واخذ الكيكه وهو يمدها لها:شوفي وش مكتوب عليها
قربت حلا منه وهي تحاول تقرأ وش مكتوب ووقفت وهي تشهق بفرحه:كذاااب! هذا بيتنا ؛ونطت بفرح؛الحمدلله يارب وضحكت
وقف تركي ومسكها من خصرها يقرّبها له:وعقبال نملي هالبيت حلّويات (بمعنى بناتهم)هههههههههه
ضحكت حلا بخجل ونزلت راسها من استوعبت قربه منها وانتبهت للشموع اللي كانت على وشك تطيح وركضت تشيلهم
حلا وهي تطالع تركي اللي واقف يتأمل تحركاتها:ما ودك تشغل النور؛وابتسمت
تركي وهو رايح يشغلهم:الصراحه ماودي نورك يكفي لكن الشكوى لله؛وشغلهم ورجع جلس جمبها
قعدت حلا تقطع الكيكه وتحطها بالصحن ومدته له:سّم
تركي اخذه منها:سمّ الله عدوك؛واخذت صحنها وهي تأكل
أخذ تركي الهديه ومدها لها:افتحيها؛اخذتها حلا وهي تشوف الكرت اللي عليها وكان مكتوب فيه طاح الحطب؟
ضحكت حلا ونطقت:اي والله انه طاح ههههههه؛ وفتحتها وكانت ساعه؛واكملت وهي تمسك ركبته؛شكراً مرررره حلوه؛ولبست الساعه ومدت يدها له؛شوفها حتى مقاسيي عاد عقدتي مع الساعات دايماً كل ماشريت وحده تطلع اكبر من يدي
تركي وهو مبتسم:ملبوس العافيه تزهاك يابعدي كلّي
قامت حلا وهي مبتسمه تشيل الكيكه والحوسه وقام تركي يساعدها ونزلوا للمطبخ
حلا وهي تسولف مع تركي وتطالع لساعتها:كم الساعه الحين؟
تركي:عطيني اوقتها لك ؛ومدت حلا يدها ومسكها تركي وهو يوقت الساعه لها؛12AM
حلا وهي تتأفف:انت قلتلي بنرجع قبل 12 شلون برجع للبيت الحين
تركي وهو يطالعها ببرود:عادي هذا بيتك
حلا:لا تركي تكفى خلنا نرجع!
تركي:طيب طيب لاتصيحين؛وطلعوا للسياره
-بعد لحظات وصلوا-
تركي وهو يوقف سيارته برا الحوش عشان الصوت ونزل وطالعها:انزلي يالله
نزلت حلا ووقفت عند البوابه:ادخل انت قبلي شف إذا فيه احد ولا لا
تركي:إن لله آخر عمرنا ندخل بيوتنا كننا حراميه
ضحكت حلا بصوت شبه عالي وراح لها تركي يركض وهو يمسك فمها :مب الحين تكفين؛سكتت حلا من شال يده عن فمها وهي تاخذ نفس ورجعت تضحك من جديد
تركي وهو يرجع يمسكها يسكتها:شلون اطفيها هذي ؛وضحك من ضحكها الهستيري وركبوا السياره من حسوا انه فيه احد بيجيهم على ذا الضحك
تركي وهو يطالعها وموسع عيونه يحاول يمسك ضحكته:وش اللي يضحكك!
حلا رجعت تضحك:لا تطالعني كذا تضحك عيونك
تركي لف المرايه له وهو يشوف نفسه وضحك:الله يرزقك بولد نفسي
حلا ردت بسرعه وهي تضحك:لا اعوذبالله الله لا يقوله؛ومسكت فمها من استوعبت
تركي ضحك بصدمه وهو يطالعها:هاه؟ وش قلتي ياحماره
حلا:لا تسب
تركي:وانتي مدحتيني؟!
حلا ضحكت:انت تتقبل لانك ولد وانا بنت حساسه وعندي مشاعر
تركي:وانا بدون مشاعر؛ونزل تحت وسحبها معه؛اشششش
حلا:وش فيه راسي صقع بالدرج!
تركي ضحك بخفه:آسف بس خبل الحاره جاء اخاف يشوفنا وينكبنا
حلا بخوف:يمه تركي وينه؟!!!
تركي وهو يطالع شباكها:وراك
حلا وهي تصيح:تركي! خله يروح تكفى يمممه يخوف ياتركي!!!!
تركي:اما عاد تبكين مب لذي الدرجه يخوف!
حلا وهي تصيح:لانك ماعندك مشاعر
تركي ضحك بصدمه:حلا! ترا بخليه يجيك اعتذري بسرعه
حلا وهي منزله راسها وتصيح:بتذلني!؛واكملت من سمعت صوت القزاز يطق؛خلاص انت عندك مشاعر بس خله يروح ترركيييي!
نزل تركي بعد ما ضحك بانتصار وخلاه يروح وفتح لها الباب:انزلي؛ومد يده لها مسكت يده ونزلت وهي تطالع يمين ويسار وطالعت تركي وهي زعلانه:حقير!
ضحك تركي:تونا مطيحين الحطب ماقلنا بسم الله؛وأكمل وهم يمشون؛جاك جاك
حلا راحت له وهي تشد على ظهره:لا تكفى رححح
-انتهى🌷🌷
-لا تنسون تقيمون الروايه✨