جيتي مثل الغيث والدنيا صحوه

Part 36

<عند طارق>
دخل يسبح وبدل ملابسه وطلع كان متجه للمجلس بس
وقف من شاف ذيب رايح لبيت ابو سعد من جهة
الحديقة اللي كانت ورا البيت ولحقه بدون مايحس فيه ذيب
——————•••••——————
ذيب توجه للحديقة وهو يشوف الجوهره
جالسه لحالها فيها وتقرأ كتابها وحست بصوت
ولفت له؛
الجوهره:انت ؟ نعم شتبي ماتستحي على وجهك انت؛
واخذت الكتاب ورمته عليه وتحاول تغطي نفسها
ذيب:ليش تبلكيني؟
الجوهره:أنا الود ودي بلكتك حتى من حياتي يالحقير
أجل أنا تسوي فيني كذا !
ذيب وهو كل شوي يطل لا احد يشوفهم:عمومًا هي
كلمتين بقولهم لتس وبمشي ارفضي مشعل طلبتس
تكفين يا الجوهره ما اقدر تعبت بدونتس
الجوهره:مب انت اللي تعطيني رأيك وانا امشي
عليه ويالله توكل
ذيب بتهديد:والله ها لو ماترفضينه انكم ماتذوقون
الهنا ساعه وهذا أنا علمتس
الجوهره اخذت كتابها ودخلت وسكرت الباب
بوجه ذيب اللي كان يناظرها
طارق من شاف الأصوات انقطعت وصوت
الباب تسكر ركض للمجلس ووقف وهو يطالع
من الشباك وفتحه :هههههههههههههههههه
وش صابكم! ؛
من شاف مشعل يضحك ويجلدهم اكمل؛عليك
فيهم ياعضيدي؛
وطب من الشباك وأخذ السلك وقعد يجلدهم مع
مشعل
مشعل:ههههههههههههههههههههههههههه
وربي مثل غبائهم ماقد شفت الشباك وش كبره
مافكروا فيه
طلال:ياعيال تراني اخوكم مايصير الكلام ذا
ذيب وهو يطق الباب:وش فيكم وش ذا الأصوات
اهجدوا قبل لا يقومون الشيبان
طاح مشعل ومعه طارق وهم يضحكون
طلال انسدح وهو يتقلب:حسبي الله على بليسكم
تشلوطت
حمدان جلس :اححح شلون بجلس مثل الأوادم وجع
طارق ومشعل رجعوا يضحكون من جديد
ذيب:علامكم ههههههههههههههههههههههههههه
طلال:هههههههههههههههههههههههههه ذيب
انحاش بجلدك مارحموني وانا اخوهم
ذيب:ليه وش مسوين لكم هههههههههههههههههههههه
مشعل وطارق قاموا وهم معهم الخيزرانه والسلك وناوين
ذيب ويأشرون للباقين ما يقولون له
طلال:ياذيب لو قلت لك جب ثلج بتجيب ولا لا
ذيب:ابشر بسعدك !
طلال:جب ثلج وبعلمك
راح ذيب يركض يجيب ثلج
طلال:والله ان تنجلد ان شاء الله بس احس حرام رحمته
ههههههههههههههههههه
الكل:هههههههههههههههههههههههههههه
وقام مشعل يفتح الباب وتخبوا وراه هو وطارق
رجع ذيب وحصلهم متسدحين
ذيب:علامكم يا عيال ؛وعطاهم الثلج
طلال وهو يناظر لمشعل وطارق:سامحني يا ذيب
لف ذيب وشاف مشعل وطارق ورا الباب:بسم الله
وشفيكم هنا !
طلع مشعل من ورا الباب وقرب يمسك ذيب ولكن
ذيب هج للحوش وطلعوا العيال يلحقونه
حمدان : يارجال تعال
ذيب:يارجال تعقب وراكم كلكم علي!
طارق:هههههههههههههههههههههه والله ان تنجلد
طلال:يلعن خيرك وش سرعك
سعد تزحلق وطاح:احح الله يقلعك ياذيب اااه يا رجلي
ذيب:ههههههههههههههههههههههههه وش دخلني!
جاء طلال وقوم سعد:قم ماعلاك بسيطه
وكملوا يلحقون ذيب اللي انحشر بزاوية الحوش
اللي عند غرفة ابو مشعل
ذيب:ياعيال هدو اللعب خلونا نتفاهم ما اتفقنا على كذا
طلال وهو راحمه سحبه بيده وهجوا للمجلس وقفلوا
على انفسهم وكل واحد مسك شباك عشان مايطبون عليهم
مشعل وهو يضحك ويلقط انفاسه:هههههههههههههه
يا ولد.ـد.ـد افتـ.ـتـ.ـتح
ذيب:والله ان تحلمون
واتجهوا حمدان وطارق للشباك يحاولون يفتحونه وبعد
محاولات قدر طارق يفتحه ولكن سحبه ذيب بقوه يسكره
وانكسر بما انه قزاز وطلع صوت عالي
طارق وهو يركض:مب أنا والله انه ذيب
ذيب بخوف:والله انه طارق مب أنا
مشعل:ياويلك من ابوي
طلال:ههههههههههههههههه ودعتوا الملاعبب
فتح ذيب الباب وهو يشوف الشباك من برا
<في بيت ابو مشعل>
فزوا البنات من الصوت وطلعوا يشوفون وش صاير
رحاب:عمي طلع يمهم ياويلهم وش مسوين
ههههههههههههههههههههه
الهنوف:يارب ينجلدون هههههههههههههههههههه
مها:ياويله ذيب مبين عليه منخرش شكله هو اللي
نكبهم
ندى طلعت للبنات :وش صاير سمعتوا الصوت ؟
ساره:فاتس عمي خالد جاهم تعالي شوفي ؛
تقدمت ندى تشوف معهم
<عند العيال>
ابو مشعل:وش تسوون هنا؟
طارق:هلا يبه ولا شي كنا ننظف ودفني ذيب
على الشباك وانكسر ترا ذيب هو السبب
ذيب:كذاب ياعم هو اللي كسره
طارق وهو يحاول يكتم ضحكته:حرام الكذب
يا بابا مايصير تروح للنار ياذيب
مشعل طق طارق عشان يسكت و مايضحك
حمدان:تمسون على خير بمشي
ابو مشعل بصراخ:تعال تعال وين انت رايح
عساني ما أشوفكم منظفين ذا كله ومرتبين ذا
الحوسه مب كل شي ينظفونه البنات رح ياطارق
جب الاغراض تنظفون !
حلا قامت تصفق:كفو عميييي
طارق وهو يمشي للصوت :من هنا؟
البنات كلهم راحو يركضون ولحقهم طارق
بعد ماشافهم لين دخلوا:والله ما اخليتسن ! ؛
ورجع لابوه
ابو مشعل مسكه من أذنه:وين ختيت انت
ذيب ضحك على طارق ومسكه ابو مشعل بنفس الطريقة
طارق ماقدر يمسك ضحكته:ههههههههههههههههه
يبه ترا ماحنا بهايم تمسكنا كذا احشم شواربنا
شوي مب لذي الدرجه ما تنشاف
ابو مشعل ضحك:ههههههههههههههههههههههه
هذا البلا انكم بهايم أوادم مب حيوانات؛
وتركهم واكمل؛يالله كل واحد يشتغل وشوفولكم
صرفه مع الشباك لين نشوف له حل بكره وارقدوا؛
ودخل ينام
مشعل بعد مادخل ابوه البيت:العن حظكم احمدوا
ربكم انه رايق ولا كان علوم يالله خلونا ننظف
ورانا دوامات؛وبدوا ينظفون
<عند البنات>
ميس:ياويلي عنك ياخوي صرت مضحكه عندهم
لازم اروح اشوفه ؛وقامت
مسكتها جوهرة:اقول اجلسي بس لا يقلب علينا
عمي معهم يكفي حلا جابت العيد فينا
الكل:هههههههههههههههههههههههههههه
<عند العيال>
جاب طلال لصق(شطرطون)واعطى العيال
عشان يلصقون الشباك لين يصلحونه بكره
وبعد ماخلصوا اجتمعوا يتقهوون والبنات تفرقوا
لبيوتهم ومن بعدهم العيال
•••••<في اليوم الثاني>•••••
<في الشركه>
كانوا سعد وطايل في اجتماع مع شركه والصفقة
كانت مهمه لصالح شركتهم
سعد:بس لازم نتفاوض بخصوص السعر
مدير الصفقه:اكييد اكيد أستاذ سعد انتم تأمرون امر
سعد:تمام اجل بسم الله؛
وفتح الملف
جاء السكرتير ودق الباب ودخل:اسف على المقاطعه
اعذروني أستاذ سعد ابو حمدان طلب مني أناديك
سعد قام:اعذروني شوي واجي؛
وطلع لمكتب ابو حمدان
مدير الصفقه وهو يأشر لطايل اللي كان سرحان :أستاذ
طايل عدل جلسته:ايوه معكم
مدير الصفقه:شرايك بهذا السعر ؟
طايل بدون تردد:ممتاز
مدير الصفقه ابتسم وناظر للي معه :تمام وقع هنا
<الجهه الثانيه من الشركه في مكتب ابو حمدان>
دخل سعد:السلام عليكم شحالك ياعم قالو انك طلبتني
ابو حمدان :ياهلا وعليكم السلام والرحمه بخير ايه
طلبتك تعال اجلس
جلس سعد:سم ياعم
ابو حمدان:اسمعني ياسعد الصفقه اللي اليوم خل
طايل يتصرف فيها لين متى وحنا وراه خله يتعلم
وانت حاول يعني تنبهه لانه أحيان يسرح وهذا
وهذا اللي مسبب مشكله ولا هو تراه فاهم بالشغله
وانا عمك
سعد:ابشر ياعم معليش والله ياعمي لو كلمتي امس
اثرت فيكم بس والله انها كانت من باب الضحك و
المزوح
ابو حمدان:ماعليه ياولدي عارفين قصدك لا تشيل هم
سعد:اجل أنا استأذنك ياعم بروح اشوف طايل
ابو حمدان:أذنك معك ياهلا؛
وطلع سعد لقاعة الاجتماعات
<في مكتب الاجتماعات>
طايل وهو يوقع حتى ماقرأ؛
دخل سعد :هاه طايل وش صار
طايل:اتفقنا وتم العقد مبرووك؛
طلعوا مدير الصفقه وموظفينه
-انتهى🦋✨-
رأيكم بالبارت وتوقعاتكم هل طايل جاب العيد ولا مب هل 🤏🏻🤣🤣