ابو ذيب طقه كف: كذا تسوي ببنت عمك يا الخسيس كذا أنا ربيتك وش بقول لأخوي الحين حسبي الله عليك من ولد انقلع عني لأشوفك حتى على العشاء لأشوفك جايني لا بارك الله فيك
ذيب وهو في داخله فيضانات كيف يمد يده عليه: أبشر يبه؛ وصعد لغرفته
—————•••••—————
✨تم طلاق الجوهره من ذيب✨
كانوا البنات مجتمعين بحوش بيت الجد عبد المجيد لأنه البيت الوحيد اللي كان له حوش خاص
الهنوف: الجوهره
الجوهره: سمي
الهنوف: أقولتس لو احد تقدم لتس بتوافقين عليه؟
الجوهره:لا
الهنوف :طيب لو كان مشعل؟
الجوهره:ما افكر بالزواج الفتره ذي خصوصاً بعد زواجي من ذيب
الهنوف بحزن :للحين مانسيتيه
الجوهره:مب عن نسيان كثر ما انه عقدني وخوفني من فكرة الزواج
الهنوف:الجوهره ترا مشعل من زمان كان يبيتس بس ذيب ؛وحكت لها كل شي واكملت؛هو بيتقدملتس لانه مب مستعد يخسرتس مره ثانيه طلبتس لا تردينه
الجوهره وهي تشوف البنات يمشون يمهم:يصير خير البنات جو
الهنوف التزمت الصمت واخذت جوالها ترسل للمشعل
<عند الرجال>
كانوا مجتمعين بالحوش الكبير بوسط البيوت وشابين النار
مشعل اخذ جواله وهو يشوف رسالة الهنوف
الهنوف:قلت لـ الجوهره
مشعل:وش قالت؟
الهنوف:قالت يصير خير بس احس تعطيها مده بعدها تتقدم لها افضل لانها للحين متعقده من ذيب
مشعل:تشوفين كذا انتي؟
الهنوف :ايه مرره محزنتني حسبي الله عليه
مشعل:زين اجل ؛وقفل جواله من ناداه ابوه وراحوا لبيتهم
<في صباح يوم جديد الساعه 10AM>
صحى طارق وتسبح ونزل جلس بالصاله وشاف أمه نازله من فوق رايحه للمطبخ وناداها
طارق:صباح الخير يا الغاليه شلونتس تعالي ابيتس
ام مشعل :هلا ياولدي صباح النور بخير نحمد الله وش بغيت خلني اجيب القهوه واجي
طارق : لا يمه خلي القهوه بعدين تعالي بقولتس شي
جت ام مشعل وهي مستسلمه :اسلم شعندك
طارق :يمه ابيتس تروحين معي نخطب رحاب
ام مشعل بصدمه:الحيين! اصبر بكلم ام البنت اول وأشوف رأيهم بعدين نروح لهم
طارق : كلميها الحين ،
وعطاها جوالها اخذته ودقت على ام سعد
ام مشعل :السلام عليكم كيفتس وكيف البنات عساكم طيبين
ام سعد :ياهلا وعليكم السلام بخير الحمدلله انتي كيفتس وكيف البنات
ام مشعل: الحمد لله بخير بغيتك بموضوع
ام سعد: امري
ام مشعل ما يأمر عليتس عدو والله مدري وش اقولتس بس نبي رحاب لولدي طارق
ام سعد: والله من ناحيتي ماحنا لاقين احسن منكم بس تعرفين بنات الوقت هذا لازم ناخذ رأيهم
ام مشعل: الله يسلمك أجل ما اطول عليك مع السلامه وسلمي على البنات
ام سعد: يوصل وقفلت
طارق : وش قالت يمه؟
ام مشعل: قالت بتشاورها ويردون لنا خبر
طارق تنهد :أنا استأذن بطلع اجيب الاغراض؛وقبل راسها وطلع
<في بيت ابو سعد >
ام سعد :رحاب تعالي وانا امتس
رحاب من المطبخ:صبر يمه مابعد خلصت
ام سعد:اتركي المواعين وتعالي بكلمتس
رحاب طلعت من المطبخ:لاحول ولا قوة إلا بالله هلا يمه
ام سعد:اجلسي
جلست رحاب:اسمعتس يمه
ام سعد:خالتس ام مشعل كلمتني تو
رحاب وهي تعيد ربط شعرها:طيب دايم وهي تكلمتس
ام سعد:كلمتني تخطبتس لطارق
رحاب بصدمه:هاه؟ طبعًا ماني موافقه !
ام سعد:ليه؟ كامل والكمال لله
رحاب:بس أنا توني على الزواج صغيره !
ام سعد:حلا كبرتس وهذي هي بتعرس وانا أعرست وعمري 13 العمر عمره ما كان مقياس للزواج يا أمي
رحاب:يمه قلتلتس ماني موافقه حتى خواتي اكبري مني وما اعرسن شلون اعرس قبلهن؟
ام سعد:زين يا أمي شسوي بعد راستس يابس ؛
واخذت جوالها
قامت رحاب ورجعت للمطبخ تكمل شغلها كان ما صار شي بكامل روقانها
<عند طارق>
اتصلت فيه امه
ام مشعل:طروق
طارق:هلا يمه امري
ام مشعل:ما يأمر عليك عدو وينك؟
طارق:قريب
ام مشعل:باقي بالبقاله ولا طلعت؟
طارق:والله اني قد طلعت بمر على العزبه واجي تبين شي؟
ام مشعل:خلاص دامك قد طلعت انتبه للخط وخل الجوال عنك
طارق:ابشري توصين شي
ام مشعل:سلامتك
طارق:ياهلا؛وقفل الخط
وقف طارق عند العزبه وراح عند الأبل وهو يحبها ويغليها جدًا وحط لها ماء وأكلها وطلع لسيارته راجع للبيت
ووصل وأخذ الاغراض ونزل يدخلها
ابو مشعل كان بالصاله
ابو مشعل:ارحب يا طارق
طارق:البقى شلونك
ابو مشعل:بخير الحمدلله انت شلونك
طارق:بخير دامك بخير
ابو مشعل:وينك من اليوم ما شفتك
طارق :طلعت للعزبه ومريت البقاله وهذا أنا جيت بدخل الاغراض ثم اخذ علومك
ابو مشعل:كفو زين زين
دخل طارق للمطبخ وحط الاغراض :هذي الاغراض يمه تأمرين شي ثاني
ام مشعل:تعال ابيك ابوك لايسمعني
طارق قرب منها:وش
ام مشعل:كلمتني خالتك وقالت ان البنت رفضتك
طارق بغضب:لييه؟
ام مشعل:البنت ماتبي الزواج تقول بتكمل دراستها
طارق بخيبه:زين ؛وطلع لابوه
~~~~~~بعد مرور أسبوع~~~~~~
<في بيت ابو مشعل>
كانوا مجتمعين في الصاله يتقهوون وبين ضحك ومزوح
مشعل:يبه ابيك بموضوع
ابو مشعل:خاص ولا عادي
مشعل ناظر لطارق والهنوف ورجع ناظر لابوه:يبه أنا قررت اكمل نص ديني
ابو مشعل بفرح :هذا الكلام ولا بلاش
مشعل:بس فيه وحده ابيها
ام مشعل:منهي بنته؟
مشعل:الجوهره بنت عمي مازن
ام مشعل بصدمه:بس هي توها بالعده!
مشعل:يمه بس خطبه الباقي بعد ماتخلص العده
ابو مشعل:زين نروح لهم بعد الصلاة ونكلمهم
قام مشعل وقبل راس ابوه وأمه:زين انا استأذنكم ؛
وطلع ولحقه طارق
طارق:اخيرًا يا مشعل اخيرًا
مشعل:ياولد ماتوقعت بتوتر كذا نسيت شماغي داخل
طارق ضحك:ههههههههههههههههههههههه يا رجال بالمناسبه ذي يبيلك شماغ جديد
مشعل ضحك:ههههههههههههههههههههههههههه والله انك صادق ؛
وركبوا السياره
<بعد صلاة المغرب>
نزل أبو مشعل للصاله بعد ما لبس وكشخ:لا إله إلا الله
ورفع صوته وهو ينادي وينكم ياعيال ؟
طارق وطلال نزلوا:جينا
ابو مشعل:وينه مشعل؟
طارق وهو يناظر للدرج:هذا هو جاء
جت الهنوف وهي ماسكه المبخره بيدها:تبخروا يا بعد دنياي؛
وبدت تبخرهم ابتدءاً بـ ابوها وانتهاءًا بـ طارق
ابو مشعل:يالله بسم الله مشينا ؛
وطلعوا رايحين لبيت اخوه ابو سعد
<في بيت ابو سعد>
كانوا واقفين عند الباب برا
ابو مشعل:السلام عليكم يارجال
سعد:وعليكم السلام الله يحييكم تفضلوا
ابو مشعل:شحالكم
ابو سعد:ارحب الحمدلله بخير انتم شحالكم
ابو مشعل:نحمدالله وترانا جايينكم بمطلوب ولاتردوننا خايبين
ابو سعد:تبشرون بالسعد اقلطوا الله يحييكم؛
ودخل ابو مشعل ومن بعده عياله
ابو مشعل:علمنا سلامتكم جايين نخطب بنتك الجوهره لولدي مشعل على سنة الله ورسوله
ابو سعد:والنعم فيك وفي مشعل لكن انتم عارفين الوضععع
ابو مشعل:والله ما حنا مستعجلين قلنا ناخذ رأي البنت وان الله كتب نصيب لاحقين على باقي الأمور بعدين
ابو سعد:والله بنشوف رأي البنت ونردلكم
ابو مشعل:اللي تشوفونه
دخل سعد ونادى الجوهره
الجوهره:سم؟
سعد:الجوهره عمي ابو مشعل جاء يخطبتس لمشعل وش رايتس وتراه رجال ونعم وماعليه قصور
الجوهره:والله ياخوي مدري وش اقولك لكن وضعي ابداً مايسمح الله يرزقه باللي احسن مني
سعد:طيب استخيري اول!
الجوهره:ما افكر بالزواج اصلاً لاتضغط علي ياخوي
سعد ماحب انه يضغط عليها :زين بقول لهم تحتاج وقت تفكر
الجوهره:لاحول ولاقوة إلا بالله زين
-انتهى🦋✨-
رأيكم في تصرف سعد ؟
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
