جيتي مثل الغيث والدنيا صحوه

Part 27

مشعل:الله يكون بعونها لقيت حل بس مدري عن ردت فعلها لو عرفت اسمعي لما عمي تبرا منها كان قصده لو تركي ما اخذها واذا تركي اخذها بيكون ما تبرا منها اولاً وآخراً القرار بيدها ماراح نضغط عليها هي تفكر وتقرر
—————   •   •   •   •   •   —————
الهنوف ضمت مشعل:والله انك كفو ياخوي اللي مثلها ماتضيع وانت ولد عمها
مشعل ضحك:ههههههههههههههههههههه كفوك الطيب ايه امدحيني اكثر
الهنوف :والله انك تستاهل المدايح كلها ؛وقامت؛بروح لحلّوي أقولها
مشعل مسك يدها وضحك:ههههههههههههههههههههه اجلسي يالخبله لين تجي
الهنوف:اوه صح ؛طقت راسها وجلست جات حلا وجلست جنبها
مشعل قام وراح للترك اللي كان قريب عندهم وأخذ شاي ورجع لهم ومد الأكواب لهم
حلا:شكرًا
الهنوف:لاتشكرينه الحين اصبري
حلا باستغراب ناظرت لمشعل:ليه وش فيها هذي
مشعل :بتقولين لها ولا اقول
الهنوف:بقول أنا بدت تقول لها وتشرح
حلا فرحت ولكن سرعان ماتغيرت ملامحها لانكسار :بس أنا توني على الزواج
مشعل:حلا إذا ما تبين الزواج الحين عادي اجليه لين متى ما تبين الحين بس تملكون فكري مافيه حل إلا ذا
حلا:يصير خير؛مسكت الكوب وارتشفت منه وهي تسمع سوالفهم ؛بعد نصف ساعه
الهنوف دقت كتف مشعل وهي تضحك واشرت له على حلا اللي كانت غافيه على كتف الهنوف ولاهي داريه عنهم
مشعل رفع صوته:حلااا
حلا فزت :هاه أنا مسترخيه
الهنوف ضحكت:هههههههههه لا يشيخه
مشعل ضحك:هههههههههههههههههههه يالله خلونا نروح لـ البيت تاخر الوقت اساساً ؛وقاموا لـ السياره
مشعل :يوووه ؛وطلع جواله من جيبه
الهنوف:وش فيه
مشعل:نسيت اقول لطارق يرجع البيت راح يبلغ عنكم والظاهر انه للحين عند المركز
الهنوف: ما اعتقد
دق مشعل على طارق وفتح السبيكر:الو طويرق
طارق بصوت ماليه الهم:هلا شعول
مشعل :وينك فيه
طارق:عند المركز انتظر لعل يرحموني ويخلوني اقدم البلاغغغ
مشعل:ارجع البيت الوقت تأخر؛وغمز لـ الهنوف عشان تسمع طارق
طارق عصب من برود مشعل:مب منجدك مشعل! والله ما أتحرك واروح إلا وأنا مبلغغ
الهنوف بدموع:طارق احبببككك
طارق وهو مو مصدق اللي سمعه:مشعل بلا استهبال مب وقته مزحكك!
الهنوف اخذت الجوال من مشعل :طارق هذي أنا الهنوف الله لايحرمني منك ياخوي
طارق وهو اللي طاير من الفرحه:الهنوففف ولا يحرمني منتس ياقلب اخوتس وينتس بجيكم
اخذ مشعل جواله من الهنوف :هههههههههههههههههههههه ارجع البيت احنا بالطريق بعدين نععممم تحننوونن على بعضكم وانا ولد ابوي مسحوبن علييي
طارق:سر امها بس هههههههه؛وقفل الخط
مشعل وهو داخل لفة البيت :حيوان سبقني وقفل ههههههههههههه
دخلوا لبوابة البيوت ونزلوا على دخول سيارة طارق معلنه وصوله
نزل طارق من سيارته وركض وهو فاتح يدينه لـ الهنوف اللي أقبلت لاحضانه
طارق:هلا بروحي
الهنوف:هلابك زود ياطروقيي
طارق:وشلونتس ياعيون طارق
الهنوف بعدت منه:بخير ترا حلّوي جت معنا
رفع نظره طارق لحلا ورفع يده :كيف حالتس ياحلا
حلا:الحمدلله بخير شلونك انت
طارق:بخير الحمدلله عاد بسبقكم وادخل عشان تأخذون راحتكم يالله مشعل ودخلوا
الهنوف بعد ماشافتهم دخلوا:يالله حلا تعالي معي ؛ودخلوا
قفلت باب البيت الهنوف ولفت لحلا:جوعانه؟
حلا:مرره ابي مويه ميته عططششش
الهنوف:هههههههههههههههههه تعالي نسوي مكرونه ؛ودخلوا للمطبخ
الهنوف:بسأل طارق ومشعل يبون معنا ولا لا واجي جهزي الأشياء على ما اجي؛وطلعت للدرج
حلا نزلت عبايتها وبدت ترتب المكونات والأغراض
رجعت الهنوف :مشعل مايبي بنسوي قدنا حنا الـ 3
وبدوا يشتغلون اخذت الهنوف الصينيه ودخلتها في الفرن وتكت على الطاوله بعد وقت
الهنوف :اقول حلّوي فكرتي ؟ ترا الوقت قاعد يروح مننا
حلا كانت جالسه على الارض قدام الفرن و تنهدت :مالي حل إلا اوافق وانا وافقت بس ما ادري إذا تركي يبيني :(
الهنوف نطت بفرح :يسسس هو زين انه حصلّه وحده مثلتس الله يتمم ياروحي ؛وضمت حلا
حلا ابتسمت لفرحت الهنوف لها وبدوا يجهزون الطاوله والأكل
نزل طارق للصاله وسمع صوتهم بالمطبخ وتوجهلهم
طارق طق الباب:خلصتوا ؟ ممكن ادخل
حلا ركضت للطاوله واخذت شيلتها وتغطت
الهنوف ضحكت:هههههههههههههه تراكم اخوان من الرضاعه ياهوه
حلا:ياخي مو متعوده اكشف قدامهم
الهنوف ناظرت لحلا :هههههههههههه يالله ادخل
طارق:الله يالريحه واضح انه يمي وش طابخه؟
الهنوف:أنا وحلا اللي طبخنا ؛وابتسمت
طارق مسك راسه من ورا وهو يناضرلـ الهنوف:ماضنتي ان ذا طبختس
الهنوف:تبي الصراحه حلّوي هي اللي طبخت وانا ساعدتها بتجهيز الصحون والطاوله
طارق ضحك:هههههههههههههههههه اني داري يالله وين الأكل أنا ميت جوووعععع
دخل عليهم مشعل وهو يركض وفتح الثلاجه :وين المويه بسرعه ميت عططششش
الهنوف وهي منخرعه :بسم الله الرحمن الرحيم انت مب كنت نايم؟
مشعل شرب مويه ونزل الكاس :الحمدلله إلا بس صحيت مفجوع بسبب اتصال
الهنوف:اي اتصال ! من مين ؟
مشعل ناضر لحلا:من عمي عبدالله
حلا فزت :ابوي ! عسى خير امي فيها شي ؟
طارق:اهدي لا تخافين خليه يكمل وإن شاء الله خير
مشعل :حلا مارديتي علي موافقه ولا لا
حلا ناظرت لهم ثم ناضرت لـ الهنوف :ايه مالي الا ذا الخيار
مشعل ناضر لها: حلا القرار انتي اخذتيه مقتنعه فيه ولا الهنوف او اي احد ضاغط عليك علميني
حلا:اخذته بقناعتي
مشعل:زين بكلم تركي عشان نخلص بكره ؛وناضر لطارق اللي وقف اكل والملعقه بيده مصدوم
طارق:وش صاير؟ تكلموا ماني فاهم عن وش تتكلمون
مشعل طلع وحلا والهنوف جلسوا على الطاوله وبدت الهنوف تعلمه
طارق:لاحول ولا قوة إلا بالله يالله اهم شي حصلتوا حل وتركي كفو وماراح يقصر معتس بشي وإذا صار شي هه ولا هه تراني اخوتس قبل أكون ولد عمتس علميني ومايصير خاطرتس إلا طيب
حلا :ماتقصرون الله يسعدكم ويخليكم لي
طارق:امين وياتس ؛وقام غسل صحنه ويدينه واكمل وهو طالع؛إذا خلصتوا ناموا عشان بكره أوديكم السوق تكملون أغراضكم وتجهزون
الهنوف:تمام تصبح على خير
طارق:وانتم من أهله؛وطلع لغرفته ينام
حلا والهنوف جلسوا يأكلون ويسولفون وش بيسوون بكره وبعدها راحوا ينامون
<الساعه 4:30AM عند العرسان>
صحى ذيب وصلى الفجر وتوجه لـ السرير يصحي الجوهره
ذيب:الجوهره الجوهره قومي صلي وتعالي للصاله بكلمتس بموضوع
الجوهره قامت وهي متوتره بس ماوضحت له :هلا صباح الخير
ذيب:صباح النور لاتتاخرين علي
الجوهره:زين؛وقامت للحمام (يكرم القارىء)وتسبحت ولبست وتوضت وصلت وحت ميكب خفيف وطلعت للمطبخ
ذيب اللي كان بالصاله على جواله:على وين ياحلو ؟
الجوهره:بسوي الفطور !
ذيب قفل جواله وهو مبتسم ولف لـ الجوهره:لاتسوين فطور ولا شي شنطتك فضيتيها ؟
الجوهره بتفكير :لا ليش؟
ذيب:حلووو جهزي شنطتي على ما اجي ؛وطلع يخلص إجراءات الخروج من الفندق ورجع
ذيب:ها جاهزه؟
الجوهره لبست عبايتها ونقابها وجابت الشنط: يب
ذيب اخذ الشنط منها:اجل يالله توكلنا على الله ؛وطلعوا للمطار لان رحلتهم الساعه 6:30AM ؛وهم بالطريق ؛الجوهره:وين بنسافر ذيب؟
ذيب لف لها وابتسم:بس ماراح تكون مفاجاه كذا
الجوهره:ذيييببب !
ذيب ضحك :ههههههههههههههه عيونه
الجوهره:علمني بكشخ على البنات
ذيب:اوووه الدعوه كذا يعني ان كيدهن عظيم
الجوهره:ههههههههههه ايه يالله 1..2..3...قولي
ذيب:بنروح لـ ألمانيا
الجوهره لفت له ومسكت يده بيدينها الثنتين:صدق؟!
ذيب: هههههههههه ايه
جلست الجوهره تهوجس كيف تصارحه وهي ماسكه يده للان
-انتهى🦋✨-