جيتي مثل الغيث والدنيا صحوه

Part 41

بسام:طارق انت قاعد ترهق نفسك وهذا الشي مب كويس لصحتك اتمنى منك انك تهتم بصحتك وماتكلف نفسك فوق طاقتها وتنتبه لمواعيدك خصوصاً الفتره هذي لان حالتك ماراح اقول سيئه لكن انتبه لها وهذا مايعني ان باقي المواعيد مو مهمه
طارق بطيف ابتسم :إن شاء الله دكتور
بسام :قدامك العافيه
طارق :الله يعافيك
—————— • • • • • ——————
<عند ذيب>
اتصل بطلال وقاله يجيه بالمجلس
دخل طلال للمجلس وحصل ذيب لحاله يمشي رايح جاي وباين عليه متوتر؛
طلال:ذيب وش بلاك ؟
ذيب مسكه بيده:اجلس اجلس وبعلمك
طلال:وش عندك انطق !
ذيب:غلا اخوها كشفها ودرى انها تتواصل معي طلبتك ياطلال لاتروح مني ماني مستعد اخسرها بعد ماخسرت الجوهره والله ياطلال ماعاد اكرر نفس الغلطه وأنها اول وآخر وحده اخوها قالها اول احد يتقدملها بيزوجها غصب وانا ما ابيها تروح مني وعطتني مهله اسبوع ولا بتفضحني عند اهلي تكفى ياطلال ساعدني
طلال:الله ! كل ذا صار كلم امك تكلم امها طيب !
ذيب:امها متوفيه وأبوها بعد ماعندها إلا اخوها كيف تبيني اقول لامي صاحي انت ؟
طلال:قل لأبوك انه اخوها واحد من اخوياك ونروح أنا وياك وأبوك نخطبها من اخوها
ذيب:زييين بشوف وش يصير معي واقولك خل جوالك مفتوح !
طلال ضحك:هههههههههههههههههههههههههههه طيب ماني مطفيه رح انت الحين
طلع ذيب لبيتهم يكلم ابوه وقال وهو طالع بصوت عالي:لا تقفل جوالللكككك
طلال :ههههههههههه مريض ذا
<في بيت ابو ذيب>
كانوا ام ذيب وابوه بالصاله يتقهوون قهوة العصر
دخل ذيب:السلام عليكم
ام ذيب:وعليكم السلام ؛ابو ذيب من شاف انه ذيب اللي دخل لف وجهه عنه بدون مايرد
تقدم ذيب وحب راس امه وبعدها تقدم لابوه وحب راسه ويده وجلس عند رجول ابوه وهو يقول :يبه أنا آسف على اللي صار ادري ان اللي سويته غلط من يوم رجعت وكذبت بس ماعرفت أتصرف والله العظيم إلى ان طلقتها لكن هو الحل الوحيد يبه ابيك تسامحني ووعد ما اكرر غلطتي
ابو ذيب:قم عني !
ذيب:يبه ماراح أتحرك من هنا إلى ان تسامحني
ابو ذيب:سامحتك ياولدي مير قم عني كسرت رجلي
ذيب ضحك وهو يحب رجل ابوه:ههههههههههههههههههه اسف يبه مادريت
<الساعه 5:30PM عند طلال بالمجلس>
جاء ذيب وجلس عنده
ذيب:ولد اسمع
طلال :وش ؟
ذيب:قلت لابوي ووافق بس
طلال لف له يبيه يكمل:بس وش؟
ذيب:ماقلت له انهم برا
طلال:ثور انت؟ ماتنترقع ذي! قلهم يجون هنا لو قلنا له انهم برا بيشك!
ذيب تنهد بضيق: يالليل كل شي متعقد في حياتي أنا !؛واخذ جواله يرسل لغلا:عطيني رقم اخوتس
غلا بخوف: وش ؟ ليه ؟ اخاف يصير بينكم شي
ذيب:مب صاير إلا كل خير بكلمه بموضوعنا وأحله عطيني وبس
غلا:تمام دقيقه؛وارسلته له
ذيب من وصله الرقم اتصل عليه وطلال جنبه يسمع:الو
عارف:هلا من معي
ذيب بخوف من ردة فعله:ذيب
عارف:من ذيب؟
ذيب:أسمعني أنا كلمتك اعتذرلك عن غلطتي اللي سويتها وابي اعدلها لاتفهمني غلط كلمتك عشان أتقدم لغلا على سنة الله ورسوله
عارف:زين انك خفت ربك وجيت تتقدم لها بس جيت تتقدم لها محبة فيها ولا عشانها قالتلك بتنشر شراعك؟
طلال اخذ الجوال من ذيب:يارجال قل لا إله إلا الله الرجال بيعدل غلطته ويستر عليها واللي فات مات والولد تاب وتذكر من ستر على مسلم ستر الله عليه يوم القيامه
عارف:والنعم بالله زين الله يحييكم
ذيب:بس ماقلتلي اسمك؟
عارف:زين باقي شي مادريت عنه اسمي عارف
ذيب:والله ونعم
عارف:ماعليك زود ياذيب
ذيب:انتم هنا بالسعوديه؟
عارف:لا بس رحلتنا بكره
ذيب تنهد براحه:اجل موعدنا بعد بكره ان شاء الله
عارف:زين
ذيب:تأمر على شي
عارف:سلامتك
ذيب:يا هلا؛وقفل الخط
طلال طقه على كتفه وخمه:مبروك يا ذيب
ذيب ضحك:هههههههههههههههههههه الله يبارك فيك ماني مصدق ؛ورفع يدينه يدعي؛يارب يسرها يارب
< تسريع للأحداث بعد اسبوع >
- تم زواج ذيب وغلا وكان زواج عائلي فقط -
<رجعوا مشعل وحمدان والوليد من المهمه وكان ابو مشعل وابوحمدان مسوين عشاء بمناسبة رجوعهم>
<الساعه 2:40PM في بيت ابو مشعل>
ابومشعل:ياطارق ياولدي
طارق:لبيه يبه أمر
ابو مشعل:امسك هذي الفلوس ورح دورلنا خروفين للعشاء اليوم وأعجل علانا لاتتاخر
طارق:ابشر ؛وطلع واخذ طلال معه
<في بيت ابوحمدان>
ابو حمدان:يامزون
ام حمد:هلا
ابو حمدان:وين ساره ما شفتها من اليوم
ام حمدان:نايمه
ابو حمدان:ذبحها النوم يالله ماعليه ان جاء العصر صحيها وروحوا ساعدوا ام مشعل والفلوس عطيتهم لهم حقت العشاء عاونوهم
ام حمدان:ابشر من دون ماتوصي
<في بيت ابو ذيب>
-جناح ذيب وغلا-
ذيب وهو يتعطر:غلا ترا اليوم فيه عشاء عند عمي ابو مشعل تجهزي عشان تروحين لهم
غلا:بس ما اعرفهم؟
ذيب:ماعليتس بتروحين مع امي وخواتي وبيعرفونتس عليهم
غلا وهي تمسح على بطنها:بطني كبر وملابسي كلها ضيقه بأخذ من تشيرتاتك
ذيب:افا! اول عزيمه وتلبسين بدله ماينفع ياحياتي وش ينقصتس عن البنات نروح للمحل الحين وتشترينلتس اطلق فستان ولا تبين على ذوقي
غلا:لا لا بروح اشتري بنفسي ماراح أخاطر والبس على ذوقك
ضحك ذيب:اح ههههههههههه ابشري قومي اجهزي يالله
جهزت غلاً ولبست نقابها ونزلوا تحت
-بالصاله-
ام ذيب وهي تشوفهم طالعين:على وين؟
ذيب:هلا يمه طالعين مشوار قريب وبنجي
لميس وهي متخصره:توكم مالكم اسبوع متزوجين على طول سحبتك مننا ؟
غلا:ذيب امش
لميس:نعم؟ ذيب لا تطلع ابيك !
غلا:هي! زودتيها انتي
لميس:نععممم؟ والله وطلعلتس لسان أنا اوريتس ؛وتقدمت لغلا وسحبتها
ذيب وهو يبعد لميس ومسك يدها:نعم! شعندتس تمدين يدتس عليها
لميس بصدمه:تصرخ علي عشان هذي اللي ماتنتسمى! تراني اختك يا اهبل اختتككك
ام ذيب:لميس خلااص
ميس طلعت من المطبخ وراحت لهم: ذيب! ؛وفكت يد لميس منه ووقفت قدامها واردفت ؛خير وش فيك على لميس؟
ذيب وهو يطالع للميس بغضب:مالتس دخل ابعدي عنها!
ميس وهي حاول تدفه على ورا عشان يرجع عنهم :ذيب جد ما انت بطبيعي فيك شي؟
ذيب بصراخ:مب شغلتس وخري ؛ودفها عنه
ركضت لميس وراحت ورا ظهر امها اللي وقفت :خير يا ذيب نعم ؟ واكملت بحده ؛ ذيب خذ مرتك وروحوا بحفظ الله
ذيب مسك يد غلا :يالله غلا ؛وطلعوا
<بعد العصر>
<في بيت ابو حلا>
تجهزوا وكشخوا للعزيمه
جوهرة:اففف بنات ابي أتصور بس جوالي مع ابوي مخبيه
حلا:والله صادقه! حسبتكم تمزحون شرايكم نروح ندوره؟
ندى:يالله بس وين ندورهم
جوهرة:اكيد ابوي مخبيه بغرفته مشينا خلونا ندور بالغرفه ؛وراحوا للغرفه يدورون بالأدراج وبكل مكان
ندى:اففف تعبت وماحصلناهم
حلا:اااه ياظهري حتى فوق الدرج دورت ومالقيتهم بطلع
ندى:حتى أنا تعبت بطلع
جوهرة:بكيفكم بس أنا ماراح أطلع إلا وانا لاقيته؛وجلست تدور بالدرج وتحت السرير وحلا وندى طلعوا
جوهرة شافت شنطة مخبية بالدرج من تحت وأول مره تشوفها وطلعتها تحاول تفتحها بس ماقدرت لأن لها باسوورد وجلست تخمن وبعد وقت رجعت تخمن الباسوورد إلى ان خمنته صح وسمت بالله وفتحتها وهنا كانت صدمتها ؛
جوهرة شهقت :وش ذا ؟!؛وقعدت تدور بالأوراق اللي كانت موجودة بالشنطة وحصلت تقارير كثيرة وأخذتها وحطتها بلبسها ومسكت الشنطة بتقفلها ولكن لفت انتباهها صور كانت تجمع ابوها بشخص كانت اول مره تشوفه وسحبت الصوره وسكرت الشنطة ورجعتها مكانها ولفت بتطلع ولكن صادفت أبوها داخل للغرفه
-انتهى🦋✨-