جيتي مثل الغيث والدنيا صحوه

Part61

مشعل:ايييه ماقلتلي من وين لك فلوس المحامي
طارق تنهد:بعت الناقه
مشعل وقف بصدمه:صادق؟
طارق وهو انفجر من ضغطه عليه:وش تبيني اسوي تبيني اسمعهم واسكت لين يلبسونها التهمه عشان يرتاحون دبابات الديره؟ يخسون ويعقبون ما اعطيهم اللي هم يبونه
مشعل:وش بتسوي الحين دامها ماترد عليك
طارق:مدري بس الأكيد انهم بيجون عشان الجلسة ساعدني يامشعل عطني حل يقنعهم يجلسون بالديرة اخاف يرجعون الرياض وتطول المشكلة
مشعل:لاتشيل هم بتتيسر وانا اخوك ،كلمت الوليد يعطيني المستجدات أول باول
طارق تنهد ولف لمشعل بسرعه من تذكر:سالم من وين يعرف يزيد؟
مشعل:مايعرفه
طارق:ماشفت نظرته له أحسهم يعرفون بعض ووراهم بلاء
مشعل:يارجال شكلك قامت تجيك وسوسه خلنا نرجع البيت بس
طارق:لا وليرحم والديك مالي خلق ارجع البيت من اقوم لين امسي طلق طلق فكنا ماني ناقص
مشعل:اجل براحتك نزلني عند البيت ورح الله يستر عليك بس طمني يابو فلقات
طارق ركب وهو يشغل السياره:بلاك ماجربتها كان عرفت تنكت صح
ركب مشعل وهو يضحك واخذ جواله ينشغل فيه لين يوصلون
طارق:ايه وانت وش فيك ساكت شكل الحب ولهان مافكيت الجوال من ركبت
مشعل طالعه بنص عين:وش تبي ياحشري
ضحك طارق بقوه:ايييه وانا اقول ؛واخذ جواله يشبك شيله
~~~~~~•••••~~~~~~
-تسريعاً للأحداث-
كان طارق مختفي له اسبوع ورجع للبيت ودخل:السلام عليكم
ابو مشعل:لا سلام ولا كلام وين انت خات لك اسبوع مختفي ولا ترد بتجلطني انت!
طارق وهو يحب راس ابوه:بسم الله عليك يبه كنت قريب وهذاني جيت
ام مشعل وهي تطلع من المطبخ:طارق انت جيت
طارق تقدم يحب راسها:شلونتس
ام مشعل:بخير وين انت خات ياولدي خوفتني عليك
طارق:وشهو له تخافين علي رجالن وش كبري بفتحلي بيت وانتي للحين تخافين علي
ابو مشعل وهو يطق بعصاته الارض:تفتحلك بيت بس بعد ماتطلق هاللي ماتنتسمى
طارق لف لابوه بصدمه:يبه!
ابو مشعل:وصمه انقلع لاتشوفك عيني إلا وانت مطلقها كان تبيني أرضى عليك
طارق صعد لغرفته بسرعه وهو معصب واخذ الشنطه وبدا يحط ملابسه فيها وأغراضه
دخلت الهنوف بسرعه وهي تبعده عن الشنطه وهي تبكي:اصبر طارق وش قاعد تسوي
طارق:الهنوف ابعدي عني ماودي اسوي شي او اقول شي اندم عليه؛وسكر شنطته وأخذها وطلع
الهنوف وهي تلحقه:وين بتروح طارق طااررققق!!
ام مشعل وهي تشوفه نازل بشنطته وقفت وهي تحاول تمنعه:طارق ابوك مايقصد قالها بلحظة غضب وانت ماصدقت على الله قالها ،توك جاي وين بتروح
طارق وهو يسلم عليها:ليا زانت أموري جيتكم فمان الله ؛طلع وهو مايدري كيف مسك نفسه داخل وده يصرخ بأقوى صوت راح للسياره وهو يشيل شنطته وهو وده يختفي من ديرته اللي ضاقت عليه وركب السياره وراح
~~~~~~•••••~~~~~~
وطبعاً بالفتره هذي طارق شرا بيت وأثثه وحصل وظيفه ولو انها بسيطه يمشي فيها اموره والفتره هذي كان فيها طارق غايب عن الديره اللي مدتها 7 شهور تزوجوا سعد ومها ومشعل جاه ولد وسماه سهم وتعب ابوحلا المفاجىء وكانت كل الأحداث بدون وجوده مع انه كان يحاول بس كان ابوه يطرده ويمنعه من انه يجيهم
طلع جواله طارق وهو يكلم مشعل واللي واضح من صوته كثر الشوق:ارحب يابو سهم شلونك وشلون ابوي والأهل كلهم
مشعل ضحك:هلا ماعاد صرنا نعرفك نحمدالله انت شلونك
طارق:نحمدالله إلا انت وين غطيت
مشعل:موجود لكن ورطت من جهه الدوام ومن جهه ثانيه العزبه ياخي انت شلون كنت متحملها
ضحك طارق:افا يابو سهم هذا وماصارلك ماسكها سنه ماودك تمر علينا ذبحتني الوحده ولا والله لا أجيكم ويصير اللي يصير
مشعل:يمكن امرك شوي أنا وأمي اتصلت اعلمك
وقف طارق بفرحه:جعلها ترحب ملايين الله يحييكم العين أوسع لكم من الدار
مشعل:عاد أنا بقفل أقبلت على ابوي تأمر توصي
طارق وهو قام يحوس ويرتب:سلامتك
وقفل مشعل وهو يسلم على ابوه ودخلوا
~~~~~~•••••~~~~~~
طلعوا أم مشعل والجوهره وبعدهم مشعل وهو شايل سهم وسكر الباب واتجهوا للسيارة بهدوء وصمت
صارخ سهم وهو يأشر لهم يوريهم وش يطالع:بابا ططوه(قطوه)
مسك فمه مشعل وهو يسكته بهدوء:شفتها يابوي اسكت لايجينا جدك
ابو مشعل وهو يشوفهم يمشون شوي شوي للسياره وعقد حاجبينه:وين أنتم رايحين؟!
مشعل والدم وقف بعروقه لف لأبوه:هلا يبه بنطلع للعزبه نغير جو ونعوّد
ابو مشعل وهو متجه لهم:زييين حتى أنا اجل بجي معكم مغير جالس مع ابوذيب طير راسي بهروجه هو وطايل
مشعل:حياك،اركبوا يالله
طلعت الهنوف بعبايتها وهي تركض وتشوفهم يركبون وعقدت حاجبينها:يبه بتروح معنا؟
ابو مشعل:وانتي علامتس انصفق وجهتس؟
الجوهره اشرت لها انه مايدري انهم بيروحون لطارق:هاه؟ لا لا ولا شي؛وركبت ورا وهي تكلم الجوهره بهمس؛وش جابه؟
الجوهره قالت لها كل شي؛الهنوف:يعني محنا رايحين لطارق؟
الجوهره:ايه
تنهد الهنوف بزعل وهي طالع الطريق
~~~~~~•••••~~~~~~
وحرك مشعل للعزبه ونزلوا من وصلوا
جلس مشعل يسوي القهوه وسهم يلعب بالرمل والجوهره والهنوف جالسات جمب بعض ويتهامسون وأبو مشعل وأم مشعل يسولفون
أخذت الجوهره القهوه وبدت تقهويهم وقام مشعل يشيك على البل من قاله ابوه
حلب البل وشيك عليها وعطاها الماء ووقف وهو يطالع للشبك وانتبه ان فيه احد البل ماهي موجوده ورجع جلس وهو يفكر وش يسوي يعلم ابوه ولا يسكت وقطع حبل تفكيره ابوه من ناداه
مشعل:سمّ يبه
ابو مشعل:امسك ولدك ذبحه الرمل اللي يلعب فيه تراه بيكتمه
مشعل:يايبه ماعليك قد حنا نلعب فيه لين قلنا أمين وشفنا قدامك رجالن وش كبرنا مابنا غير العافيه
ابو مشعل:جيلهم غير جيلكم يابوك
وبعد وقت من السواليف والتوتر دق جواله وقام يرد عليه:ارحب
طارق:وين أنتم وراكم تأخرتوا ولا احد يرد علي فيكم شي؟ابوي فيه شي؟
مشعل وهو يطالع ابوه اللي كان مشغول بسهم ويبعده عن الرمل:ابوي جاء معنا
طارق وقف وهو مستغرب:ابوي؟
مشعل:قصدي جاء معنا بالسياره لعلّي كذبت وأكلتها؛وعلمه
طارق تنهد:يعني منتم جايين؟
مشعل:والله مدري وش أقول ياخوك لكن العذر والسموحه منك شف اذا عودنا بدري يمكن امرك أنا لحالي
طارق:على خير تامر توصي
مشعل:أبد سلامتك؛وقفل ورجع للجلسة
ابو مشعل:من ذا اللي يكلمك
مشعل وهو يطالع لامه وتنهد:طارق
ابو مشعل:قم ودنا البيت خلنا نلحق على صلاة المغرب قم
مشعل:أبشر؛وقام يشغل سيارته ويلم الأغراض
~~~~~~•••••~~~~~~
<<في بيت ابو حلا>>
قام ابو حلا وهو يأخذ أدويته وطلع رايح للمستشفى
ام حلا اللي كانت في الصاله :عبدالله وين رايح
ابو حلا:عندي موعد بخلصه واجي
ام حلا:موعد وش؟
ابو حلا:لا رجعت علمتس؛وطلع وراح لسيارته
حلا نزلت من وصلوا هي وتركي وراحت لابوها:كيف حالك يبه
ابو حلا ابتسم:بخير نحمدالله نورتوا يالعرسان
ضحكت حلا ولفت لتركي وبعدت من شافته جاي يسلم على ابوها:كيف حالك ياخال
ابو حلا:نحمدالله انت شلونك
تركي:الحمدلله بخير على وين؟
ابو حلا وهو يطالعهم ومبتسم:والله ياولدي تعرفنا كبرنا بالسن وتجمعت علينا الأمراض بروح المستشفى أخلص مراجعاتي واجيكم لاتروحون بأخذ علومكم لاجيت
تركي:الف سلامه عليك اجل ما آخرك بروح اسلم على الباقين ؛ومشى للمجلس الخارجي وبدوا يسلمون على بعض
حلا:افا يبه توك شباب ما شاء الله عليك لاتقعد توسوس
ضحك ابو حلا من كلامها اللي كان عباره عن محاوله منها لتضحيكه:الا ليت الشباب يعود يوماً تضحكين علي
حلا ضحكت:افا وانا صادقه!
دخلت حلا بعد ماودعت ابوها وراح:السلام عليكم
ام حلا وقفت بفرحه:ياهلا يا امي ياهلا بعروستنا كيفتس
حلا تقدمت وهي تضحك وضمت امها وسلمت عليها:ارحبي بخير انتي شلونتس
ام حلا:نحمدالله،ياجوهره ياندى اختكم جت
نزلوا ندى وجوهره وهم يسلمون عليها وجلسوا يسولفون معها ويتقهوون ويضحكون
~~~~~~•••••~~~~~~
<في المستشفى عند ابو حلا>
ابو حلا:يعني يادكتور مافيه امل اني أتشافى إلا بعد الكيماوي؟
الدكتور:والله ياعبدالله انت جربت العلاج ومانفع معاك بشي وأولاً وآخراً القرار بيدك
ابو حلا:يعطيك العافيه يادكتور بفكر وارد لك؛وطلع وهو يفكر مايدري كيف بيصارحهم بمرضه وركب سيارته راجع لبيته
-انتهى✨✨
إذا تبون تقرأون البارتات قبل الواتباد هذا حسابي انستا انزل فيه بشكل يومي🤎🤎
Insta:rwaaai0