❄️نفس واحدة تكفي❄️

1

🌍نفس واحدة تكفي🌍
-1-
مد ليها السرباي قهوتها وهي كيف عادتها ناشرا رجليها من الصور..شداتو شكراتو ورجعات كتمتع عينيها كيف حالة كل ليلة وهي تترشف من قهوتها مرة مرة وتتدفي بيها يديها..وتشوف مرة فالماء ومرة فأبعد لي كانت طبعا اليابسة...بعد نصف ساعة نقزات وقادات حوايجها ليكانو سروال سليم كحل مع تيشرت كحل و كاب صوفي واصل تال ركبة وكونفيرسة بيضاء..والبرد كيضرب الخصلات لي بقات مطلوقة من القدام..تمشات جهة المقهى الصغير لي كيطل على النهر وحطات ليه الكاس..
....(بالتركية): شكرا
البائع:العفو ابنتي
تحركات و الوجهة الدار وهي كتوجد ودنيها لسميع الهدرة..بعد نصف ساعة كانت قدام حديقة منزل متوسط داير بيه الشجر و الورد و متكون من طابقين..و الضو باقي شاعل عرفات راسها غتسمع خل ودنيها..حلات الباب و هي كضور عينيها فبلايصهوم ..تمشات وهي لاصقا فالحيط وهي كتطلب الله تسلت وتطلع البيت بلاما يحس..وفعلا داكشي طلعات بالشوية و هي فرحانة حيت سلتات وهي طالعا حيدات سبرديلا برجليها و هازاها فيديها و بدات تتحيد الكاب...حتا شهقات و لاحت السبرديلا بالخلعة...
.....(بالدارجة):(خشات صبعها الكبير ففمها وهزات بيه سنانها القدام تاع فكها العلوي)خلعتيني ابابا فففف
الاب: شحال الساعة..11هادي..واش انا والد بنت ولا دري..ياك كنغوليك 8 تلقاك فالدار..نتي عارفة الشفرة كيدايرا فاسطنبول راك بنت المدينة زعما..دبا الا وقفو عليك اش بيتي ديري متلا..وتيليفونك مالو طافي ..ياك مليون مرة كنغوليك خليه شاعل..واش بغيتي تسيفطيني قبل الوقت..
.....:(كتعاود فهدرة تاع باها لي ولات حافضاها)ابابا ابابا تهدن..واش كولا نهار نفس الموضوع..ياك رجعت اوا صافي راه ماطاري لي واااالو..واصلا معندو ميطرا ليا ياك غلتيها بفمك انا بنت المدينة..وزايدون عندي 22عام واش بحرا تزاديت البارح باش دير ليا هاكا..انا راه كنبقا غير مقلزة فوق الصور لي حدا لقهوة تاع العم حكيم..كنرتاح من ستريس و العيا تالخدمة..وحتا نتا ابابا شغل راسك بشي حاجة باش متبقاش حاضيني..راه عارفاك خايف ولكن والله الا ماكاين مايقيصني..
الاب:تعلمتي تهدري..(كيعيبها) انا كبرت ا بابا..اوا بزعطا انا من خوفي عليك كندير هاكا..كون بقات ماماك كون غاعما تقبليك بهادشي..
.....:الله يرحمها ابابا..شربتي دواك بعدا وتعشيتي؟؟
الاب:اه اه..يلاه تلاحي تنعسي..
.....:(باستو فحنكو) يلاه تصبح على خير
خرج الاب بعدما رد باب غرفتها و توجه لغرفتو..اما المشاغبة بدلات حوايجها ب بجامة شتوية و هبطات لكوزينة قادات حليب سخون ب شكلاط و طفات ضواو و طلعات دازت على بيت باها لقاتو هاز كتاب و داير نضاضر تشوف و شاعل غير ضوء خافت حداه..شيرات ليه و سدات الباب و رجعات لبيتها تخشات فسريرها الثنائي و طفات الضو و شعلات فيوز حداها و جبدات روايتها لي كيف العادة كانت بوليسية..النوع المفضل عنها لي خلاها تعلم منهوم بزاف..و خلاوها تولي تحس براسها كونان بلا وقت🤦🏻‍♀️..و كيزيدو يعطيوها القوة لي تتخليها تبقا تال وقت معطل ولكن لي هاجمها تتعرف راسها كيفاش تفك راسها..وحاضيا حتا جنابها..و تعلمات منهوم حتا تولي تقرا عينين بنادم وتعرف لي ناوي لغدر..أصلا هادا هو حلمها من ديما..ولكن باها كان رافض..حيت تيشوف بلي الخدمة فالامن فيها تمارة والحسيفة و الصداع وبزاف تصداع..هاباش منعنها وتاهيا تخلات على حلمها على ود خاطر باباها..المهم كانت رواية وصلات لنصفها حابسة صفحاتها بصورة على شكل قلب فيها بنيتة صغيرة مع واليديها..كانت هي نفسها مع واليديا..بتاسمات..ورجعات لقرايتها..وهي كتقرا خليني نعرفكوم عليها..
نازلي 22عام مهندسة ديكور ..خدامة فشركة تاع المعمار ..يتيمة الام ملي كان عندها 6سنين ..وعايشة مع باباها لي هو ممرض متقاعد السيد أحمد مغربي تزوج بتركية لي هي دينيز مامات نازلي..نازلي عندها صديقة وحدة زينب حتا هي مغربية من واليدين مغاربة ولكن عايشين فتركيا وقراو بجوج و خدمو بجوج غير زينب مهندسة معمارية..نازلي عندها شخصية معنكشة..اجتماعية و فنفس الوقت انطوائية ومع شوية تاع الشخصية العنيدة وكدير غير ليغاليها راسها بمعنى تقدر تعرف على بنادم بسرعة و تكون صداقات و لكن فنفس الوقت تقدر تخرج منهوم ببساطة بسبب الملل من هاد الصداقات ومن نوع لي مكتدير الثقة على سنوااااات..بحال صداقتها مع زينب..لي كتعتابرها ختها وتوأمتها..كيتحماق بل كتسطى على شي حاجة سميتها الروايات البوليسية..كتخايل راسها بطلة الرواية..مرة الضحية و مرة بوليسية و مرة محققة ومرة المجرمة..كتبقى متبعة الرواية بشغف كتسنى الحل تالقضية..و اي رواية قرات كتلبسها ..بحال الا كانت فشي قهوة كتبقى حاضية جنابها وبنادم و العينين باش تعرف نوايا بنادم تجاهها..كيعجبها تبقى بليل فزنقة..كيكون الجو زوين ونقي..ديما مناغرة مع باها على السهير برا تال اشمن وقت..عارفاه كيخاف عليها واخا كبرات تتبقى فعينو البنت الصغيرة لي مات ماماها وخلاتها ليه امانة..كيهبطو كل عطلة للمغرب يتساراو و يتبحرو و يرجعو ل حياتهووم الطبيعية و المألوفة فتركيا لي نقدرو نغولو روتينية ..صافي هادي هي نازلي
كملات فقرة خرا من كتابها و هي طامعة فالمزيد و لكن عينيها رافضيين و كيطلبو فيها تنعس..حطات الكتاب و استسلمات لطلبهوم
#يتبع