❄️نفس واحدة تكفي❄️

23

🌍نفس واحدة تكفي🌍
-23-
المسخ معطي ليه قتلة..رجالا بكوستيماتهوم..باينين مجوجين وبولادهوم..سكرانين وداخلين كيكشطو في الق**** وهو حال فمو..بلا الشباب لي معولة عليه البلاد ..لي هما كيضربو تمارة باش يحميوه ..هما هنا عاطيين لادروغ قتلة..والشراب والغارو ..تيضيعو صحتهوم وحياتهوم..نازلي عطاها السرباي وهي مخرجة سدرها ودايرا رجل عل رجل..وهو حال فمو..دورات وجها وهزات صاكها وناضت تتعوج جيهة تاع واحد الفوطوي وراها قريب الفطوي تاع خينا لي بغاو..غلسات ومتتشوفش جيهتو غاع..وحطات قدامها الكاس..وغلسات تتماسديل فبلاصتها مع الموسيقى..
عند الدراري:
بوراك: wtf هادي كيدارت عرفاتو تماك..ناري ملي دخلات مدورات غاع وجها جيهتو كيفاش شافتو الله وعلم..
عمر:انا متوقعتهاش تجي هاكاك..ناري السيدة راه جرات الديسكو كامل ..🤣
علي غير تيشوف وتتسنا خلاص يتحرك ..حيت الجو ممل عندهوووم ..
علي:خالد وآيشا أش دارو..
عمر: راه حاضيين الشانطي..وتأكدوا بلي رجالو دايرين بالبار..بمعنى الخطة لولة هي لي غنديرو..
بوراك: صاف..خاص دبا غير يشوفها ويمشي عندها..حيت الا شافها ومتحرك فيه والو..غنعرف بلي الأخ مثلي وبهذا غنولي خايف على راسي...
عمر:🤣🤣🤣
بقاو غالسين تيهدرو ويضحكو ..
بوراك: بلاتي الكاس فيه الشراب..واش تتشرب..؟؟؟
عمر:موحال متتشربش واقيلة..
علي:وداك لي قدامها اشنو..واقلة تتشرب..
عمر:معرت محال..مغربية ومسلمة و ماشي شيوحدة لي تتشرب باينة من سنانها..
علي:ومالك نتا مسيحي..راه تانتا مسلم..وملي تطيح على شي قرعة..تتبقى تابعها حتا تطيح تانتا..
عمر: مراااا مرااا ماشي ديما..
علي:الموووووهييييم😏😏
هما كيهدرو..
نازلي غالسة وعينيها تتسكاني بيهوم وتتبين بلي ممسوقة غاع وهي راه عينيها واصلين حتال ورا راسها..بانليها بنص ععين جاي..وهي دير راسها ساهيا....
....:اش شاغل بال الزين..
نازلي: باردون..
......: معاك سليم..
نازلي شافت فيه ودورات وجها..تتمايل مع الموسيقى بلى متسوق ليه..
سليم: أول مرة تجي لهنا..
نازلي:علاش تتسول..
سليم: حيت كنجي ديما وعمري تلاقيت مع شي وحدة زوينة بحالك..
نازلي بتاسمات بخجل زعما:ممممم
سليم: اش كاديري هنا جايا بوحدك؟؟
نازلي: اه..
سليم مد يديه لفخاضها وبداتيدوز صبعو..ونازلي مكراتش تغلبو فبلاصتو تخشيليه الكاس فحلقو..
سليم: وماحشوماش زين بحال هادا يغلس بوحدو..
نازلي: هادشي لي كاين..
سليم: واش باليك نغلسو أنا وياك..
نازلي دورات وجها بابتسامة وهي فهمات السيناريو..: وعلاه حنا اش دايرين دبا ..
سليم: لا بوحدنا زعما ..
نازلي دارت شافت فيه..
نازلي :ياكما عند بالك انا وحدة من هادو..
سليم:لالالالا متفهمينيش ازين ديالي غلط..انا غير غلت نغلسو نتكونسونطراو وندويو..حسن من هاد الصداع..
نازلي بقات تتشوف فيه زعما اللقطة تاع تنفكر..:ولكن غنمشيو لوطيل..حيت انا معنديش الدار هنا..
سليم: نمشيو لداري حسن..
نازلي خنزرات فيه..
سليم: ولا عرفتي لي عجبك نتي..متفهمينيش غلط
نازلي شافت فيه ودورات وجها وناضت ..دازت قدامو..تتعوج..هو صافي كملات ما بيه..تحركات تتعوج تاني دازت قدام دراري لي مهزوش راسهوم فيها وهو وراها بحال الكلب..كان غير بوراك وعلي اما عمر ماكاينش..تحركات خرجات خدات سوارت من عند الغارد لي حال فمو..وبركات على طوموبيلتها وركبات عادي..وهو حل الباب حداها وركب..
سليم: كون غير مشينا فلوطو تاعي مع شيفور..
نازلي : حتا دبا باقي متحركنا ..بغيتي تمشي مع شيفور سير..الا بغيتي نفكرك نتا لي تابعني ماشي انا..وراه كون غلتي لشي وحدة من دوك لي الداخل تمشي معاك كون مشات معاك..وزايدون ميمكنش نخلي طوموبيلتي هنا..
سليم: انا غير غلت وصاف وماتبقى غيير زين تاعي على خاطرها..
نازلي ابتاسمات تاني ابتسامة خجل
سليم تحلااااات ليه وهو يبدا تيحط صباعو فكتفها وفعنقها وسدرها..وهي تبعد..وهو جمع يديه تيضحك وتاهيا دايرة ابتسامة ..ديمارات وتحركات..وهو تيشوف فيها.
نازلي تتشوف ودقاق فالمرايات..: هاد طوموبيلات تابعينا من صباح..
سليم: غير رجالي هادوك
حبسات الفران بجهد:كيفاش رجالك ..هبط عافاك انا مقادا على مشاكيل..انا بنت بريئة و عنديش مع هادشي تاع رجالي وداكشي..
سليم: ماتخافيش هما حراس تاعي وصاف..
نازلي: لااا هبط عافاك .
سليم: صاف هاني غنغوليهوم يمشيو..
نازلي :لا عافاك غير سير ..انا هادشي تيخلعني..
سليم: صافي ا حبيبة مكاينش مناش تخلعي..انا معاك
نازلي تتمتل للبرائة وهي راه تشدوطويه على ربعة..
سليم دوز اتصال: صاف غير رجعو متبقاوش تابعيني...صاف هدرة وحدة غلتها...غدا نسيفطليكوم الموقع باش تجيو..(قطع):هانا متبقى حبيبتي غير على خاطرها..
نازلي ديمارات وتحركات وبدات تدور فالزناقي باش تأكد بلي متبعها حد..وهي تكح...
#يتبع