❄️نفس واحدة تكفي❄️

43

🌍نفس واحدة تكفي🌍
-43-
كملوا طريقهوم للمقر..بجوج فرحانين..حيت غيبداو علاقة جديد..كل واخد فيهوم كيشوف لاخور هو النصف التاني تاعو..وصلو للباركينغ هبطو علي حل الباب بالبصمة..ودخل داير يدو على خصر نازلي وغادي ..حتا وصلو عند الدراري لي كانو غالسين فوق فوتويات فغرفة الاستراحة..علي دار يديه بجوج فجياب ونازلي واقفة مبتاسمين..
عمر: فين تعطلتووو..
علي: الطريق😏
خالد: وصلناااا غبيلة ..ونتوما بحرا جايين..نونو من غبيييل بوراك تيتسنى فيك دخلي ديري التحقيق..
نازلي: معامن..؟؟؟
آيشا: نور اقدر..
نازلي خسرات وجها وحتا آيشا دارت بحالها وتاوحدا محاملاها..
علي: صاف سيري عند بوراك ..انا هنا ..نتسناك حتا نخرجو بجوج..
نازلي: تمام😄
خرجات نازلي وظيريكت عند بوراك لي واقف مع القائد..
نازلي: قائدي ..واش انا لي غنحقق مع نور؟؟
القائد: مغنحققوش معاها..غتمشي نتي وآيشا وبوراك..للإدارة ..هيا فين كاين البوس..وغتحققو معاه..وغينضامو ليكوم حتا محققين خرين..
نازلي: تماما ولكن عندي سؤال..
بوراك: على نور؟؟؟ نور استخباراتية تركية خدامة فأنقرة..واختاطفو من بعدما عاقو بها بلي جاسوسة..وكانو غيسلموها للبوس..ودبا صونا القائد على العميد تاع مقر أنقرة..وخبرنا بلي غتبقا معانا حتا يدوز التحقيق تاع البوس وديك ساعة ترجع تكمل خدمتها فأنقرة..
القائد: دبا هي خدامة معانا مؤقتا..وغتبقى فالفريق تاعكوم بيدما يسالي التحقيق..
نازلي: ممممممم..مزيااان..
القائد: يلاه سيرو..وسيفطو ليا لخرين..
بوراك :تمام
تحرك بوراك مع نازلي لي بالها مرفوع..محملاتش نور..
بوراك: امتا غتهدري مع الآنسة زينب.
نازلي:😲😂😂😂😂😂سميتها زينب ماشي الانسة زينب..هي انسانة تتكره الرسمية ..لهذا كون بطبيعتك ال بغيتي تلفت انتباهها..
بوراك: صافي زينب..امتا غتهدري معاها..
نازلي: هاد ليلة ولكن انغوليها بغا يتغدا معاك ونتا كمل البقية..
بوراك: فكرة ولكن العشا حسن..
نازلي: لي عجبك..انحطيك نمرتها وضبر معاها..
بوراك: اري نمرتها..
دارت يديها وراها فجيبها ومالقاتش تيلي ..
نازلي: تيليفوني ..بففف خليتو فطوموبيلت علي..
بوراك: فكرتيني..اش تما؟؟؟؟
نازلي : نازلي ولات تايكن😂😂
بوراك: غلتها ليك..ولكن تاتعرفي هالك؟؟
نازلي: وييي..
بوراك: اوا راه هو علي ملي تيتعصب..راه صاف تيطير البلايك والحشمة والضحك والنشاط وكولشي تيولي واحد آخر..علاش فنظرك تنغولوليه بلي دقتك كطيح..حيت بصح دقة وحدة متيعاودهاش..ونزيدك ملي تيكون فشي مهمة..كيرجع معصب وكيخصو شحال باش يتطلق تانيي..وحتا غبيلة خرج معصب ..ولكن باش عرفتو طايح هو ملي ناض وضحك ليك بحالا تاحاجا مطرات..حيت نتي لي مفرحاه وخاطفاليه بالو..اوا هاني عطيتك النصائح..ردي بالك..متمشيش معاه فالضد ومتحاوليش تعيقي عليه وحاولي تخليه ديما ضاحك وناشط..وحاولي تخلقي منو شخصية لييك بوحدك..باش ملي يكون معاك ..يكون واحد اخور..
نازلي:هااااا😲😲😲 هادشي كاملو عارفو..
بوراك :راه العشرة تاع زماااان..
نازلي: ااااه..اوا تسنى نجيب تيلي باش نعطيك نمرة تاع زينو..
دخلو لغرفة..ولقات لي معجبهااش
علي غالس مسرح فالفوتوي..رجل طاويها ورجل مسرحها وغالسا حداه آيشا متكية على كتفو وتتوريه فتيلي..ولكن لي معجبهاش هو عينين نور لي تيشوفو فعلي بإعجاب.. واخا غالسا بعيدة..بوراك حبس الضحكة بعدما شاف التخنزيرة تاع نازلي
نازلي ماشي من العاغزين دخلات مشات عند علي و آيشا ..وقفات على ركابيها فوق الفوتوي حدااه علي..هاد الأخير لي هاز عينيه مبتاسمين فيها هي لي كانت تتشوف بملامح طفولية..
نازلي: نوض تغعد ديني للوطو راه نسيت تيلي فيها..
علي ضحك وهز يديه لي جيهتها وحطها فالتحت تاع ظهرها وجرها عندو وهي كالات بيديها لي صحيحة فوق كتفو..
علي: مالكي على القباحة ..لاش بغيتي تيلي..
نازلي: عندي بيه واحد العمل طارئ..وحيد يديك الله يخليك راه مكاليا هي بصباعي..شوية ونطيح..
علي : ما بغيييتش..اش فيها الا طحتيي..ياك نتي حبيبتي دبا..
آيشا لي كانت متكية على كتف علي ..وعينيها فتيلي وممسوقاش ليهوم..غير سمعات حبيبتي ..وهي تهز راسهاا..
آيشا : كيفاش حبيبتي؟..وااااش نتومااا؟؟؟
علي:😂😂😂 نسيتك نتي غاع واش حدانا..
آيشا: دبا جاوبنييي
علي: اه😂😂😂
آيشا غوتاااات..وناضت عند خالد وعمر...
آيشا : ربحتكووووم ربحتكووووم..2000لييييرة..
#يتبع