❄️نفس واحدة تكفي❄️

28

🌍نفس واحدة تكفي🌍
-28-
⏪⏪⏪⏪بعد شهر:
داز شهر على نهار التجريب..وبدات خدمتها فعليا معاهوم..وبداو التداريب تاع السلاح وهي كانت أحسن فقرة عندها فالتدريب عي هاديك..ولفات صوت الرصاص..وخالد مبخلش عليها بالمعلومات و أش خاصها دير وأش ماخاصهاش ندير ..علمها سلاحات خرين..وكيفاش تستعملهوم..وحتا هي راسها خفيف ودغيا تعلمات..علاقتها مع الفريق زادت كبرات..عشرات معاهوم مزيان..علاقتها مع علي تصلحات..صالحها علي من ورا مخرجات ..خرج تعشى معاها وعشر معاها ووراها جانب مكيبينوش بزاف بسبب الخدمة ديال ديما..ونازلي عجبها الحال حيت ربحات صحاب جداد قراب لشخصيتها ضحوكيين وقاسحين فنفس الوقت..
شهر داز غير التداريب وصاف حيت التحقيق باقي مع سليم لي بتقي تيكابر باش ميغول حتا كلمة واخا كلا لعصا وتعذب مزيان..ولكن صابر على الله يعتقوه ولكن تواحد معتقو..
شهر علاقة نازلي وزينب زادت قوات واخا متيتلقاوش بزاف ولكن ديييما تيلي ..تيتعاودو الجديد..وهنا كانت تتعاود نازلي على علاقتها كي ولات مع علي..وعاودات ليها على إعجابها بيه وبلي اهتمامو بها لي كان عاااادي..ولكن هيا بانليها مميز خلاها طيح فيه..
🌌🌌🌌
نازلي: واقلة وليت تنبغيه
زينب:واش منيتك ..السيد بحرا 15 يوم باش رجعتي تدوي معاه..جايا اليوم تتغولي كنبغيه..
نازلي: اوا معرت ..تنشوفو كنحس بكرشي بغات طير وقلبي تيضرب🙈🙈🙈..كنبدا نترعد ونضحك بلهلا يطريه ليا ..ملي كيكون حداياا
قاطعاتها نازلي: طحتيييي يا الحلوفة..هانا على ناس تيحبو..
نازلي: هههههههه
زينب: ولكن بلاتيي..ياك غلتيليا خاطب؟؟..
نازلي:هااا..لاا..😶😶 داك النهار غاليا بلي دارو هاكاك غير باش يفقصوني ...غالها بفمو
زينب: اوا صاف ملي غالها راه مخاطبش..
نازلي: دبا اش ندير..
زينب: خاصك تغولييهاليه..
نازلي: ويلي منيتك..حشومة ازمر..الراجل لي تيغولها ماشي البنت
زينب: اوييييلي على البنت باقا شاداليا العقلية تاع المغرب ...راه الزمر راه ماشي ضروري الراجل لي يغولها..هو علاش تيغولها..حيت فاق واحد الصباح لقا راسو تيبغي شي وحدة ناض غالها ليها ..دونك تانتي غااليك قلبك راك تتبغي علي..خاصك تنوضي تغوليها ليه...وزايدون نسيبي شخص زوين..بحدا يصلاح نغول عليه نسيبيي..
نازلي: دبا دوي نيشان اش ندير..
زينب: شي عشية تكونو مساليين عيطيليه وخرجو تعشاو برا..وغوليها ليه..وانا على حسابي مغيرفضش.
نازلي:راه عرفتو مغيرغضش..تاهوا شي مرات تيلمح..
زينب: اوا سربي قبل مطيروليك شي وحدا..
سالات الهدرة مع زينب..وهي بغات طير بالفرحة وتتسنى بفارغ الصبر الفرصة..

🌅🌅6:00 في المعسكر..
عمر: يلاه هبطييي مزيان..50 51 52 53 54 55..
نازلي: صافي ..سخفني ضروني كتاف..من غبيلا ونتا حاغر عليا بالطراكسيون..
علي؛ صاف بعد منها..اجي اجي نلعبو برجلين حسن..
نازلي: اوا دبا دويتي ..
ناضت معاه..تتلعب تاني برجلين وهي ضحكها واصل فين وفييين وحتا هو تيضحك مرتاااح..
آيشا غالسة بعيدة حداها خالد..
آيشا: شوف هاد الجوج الا مولاتش بيناتهوم شي حاجة منهنا القدام...نلبس صايا وطالون..
دار خالد وعمر لي سمعها شافو فيها شوفة تاع الغباء..
آيشا:نتحاطو..
عمر: 2000 ليرة تحطيها لكل واحد فينا ويلا ربحتينا لي مستحيييل ديريها نحطوليك 2000ليرة لواحد
آيشا: مشااااات ودبا تشوفو..
سكتو شي دقائق..وهضرات تاني آيشا بشوية حدا ودن خالد..
آيشا: شوف الحب كيداير..ونتا تتسيفطليا فالورد تيتصحابك انا جردة😑😑..
خالد:راه كل واحد تيعبر بطريقتو..
آيشا:نتا تتعبر بالغباء تاعك...مفهمتش اش بغيت فيك..
خالد: اوااا تماك فاش بقات..راه تانتي كون مقبلت بيك ..مكين لي يديها فيك..
آيشا:😐😐😐🖕🏿🖕🏿
بقاو مناغرين ..حتا بدا تيطيح الظلام وناضو مجمعين..
وتوخرات نازلي مع علي لي كان كيهدر فتيلي..وتسناتو حتا سالا..
نازلي:مسالي هاد العشية..
علي: واقلة..ياكما عارضاني للعشا
نازلي: وعلاش لااا تستاهل على هاد ود لونطريما لي درتيليا اليوم..
علي: ههههههه صاف انا موافق 22:00 ندوز عليك ونمشيو..
نازلي: تمااام..
ركب كل واحد فطموبيلتو وكسيراو مسابقين فالطريق..حتا تفارقو وكل واحد لدارو..
نازلي وصلات دوشات وجبدات حوايجها ..وهي تتفكر كيفاش غيكون جواب..حتا قربات العشرة..لبسات سروال وكابيشون ..كولشي كحل ..ودارت بروطكان كحل..ودارت جاكيطة صفرة ونشفات شعرها ..دارت مسكارا وغلوص تيبريييي..وحزات ساك صغير كحل..دارت تيلي ولكيت وبزطامها..وهبطات علمات باباها..وغلسات قدام الباب تتغربا ..بدا الحال كيسخن ولكن بليل كيتحرك البرد..حتا وقف بطوموبيلتو..وقفات ومشات ركبات..غالت سلام ودارت دير الصمطة..ودارت عندو تتسناه يجاوب..
نازلي: راه غلت السلام..
علي: دبا غنخرجو نتعشاو ونتي جاياني بحالا خارج مع الدري..
نازلي: ومالك بسلامة كيبيتيني نهرج..بلاتي ياكما كنتي تتسناني نجي بالكسوة وطالون والوجه مقاد والحالة😂😂😂 تحرك تحرك
علي: والله الا داكشي لي معول عليه..بحال متلا داك النهار لي مشينا للبار باش نشدو سليم😉#تتمة
نازلي:😑😑😑😑 كنا فمهمة ديك ساعة..تحرك خلاص...
تحرك علي وهو كيضحك ويهدر..حتا وقفو فريسطو راقي..ودخلو غلسوا مجمعين وتيضحكوا ويخبطو والناس تيشوفو فيهوم وهما ماعلا بالهومش..سالاو خلصات نازلي وخرجوا..تيضحكو وهي طول الوقت تيغوليها راسها غوليها غوليها ..خرجو مشاو بلوطو لقهوة شعبية تطل على البحر غلسو وطلبو أتاي وغلسو تيتعاودو..وعلي تيعاود ليها على طرائف تاعهوم..
علي:.....اوا صافي آيشا مرضاتش..حنا شفناها غلنا غادير شي حاجة..هزات يديها...
قاطعاتو نازلي: فخبارك كنبغيييك🤤♥️
#توقعاتكن