❄️نفس واحدة تكفي❄️

49

نازلي بالسم تاع العصا لي كلات..هزات رجليها ودفعات بحر جهدها لركبة تاع الطبيب..لي طاح لارض..وناضت نازلي..طاحت عليه بلباني والتصرفيق..والكودات حتا ولا وجهو كاملو دم..ونيفو كولو تيسيح بالدم..وقفات تتمايل سخفااانة..وهزات رجليها وهبطات بيها لبين رجليها..ضروري من لمستها الخاصة ...على هاد اللقطة دخلو كاملين مسلحين..الطبيب غوت وهو تيتوجع..
نازلي: باش هاد المرا تعلم اولد القحبة ..متبقاش تمد يديك..كنت تنهدر بفمي..هدر بفمك..حيواااان..باقي ولد المرا متزاد لي يحط يديه عليا ويسلخنييي.وكمدها الزامل وسكت..
لاخور بقا كينين..وهي رجعات لور بخطوات تقال وطاحت تتشوف الدم تيقطر من يديها..وشعرها طالع لسما ..وحوايجها عامرين دم.. شدات كتفها وغوتااات..
الغوتة لي فيفاتهوم باش يتحركو ويفيقو من الصدمة...

ملي خرج فوزي ..بانوليه طوموبيلات تاع الفرق سطاسيوناو وتحرك عندهوم باش يشرح للقائد باختصار لي طرا..وملي وصل ..سمعو الغوتة تاع نازلي..وتحركو كيجريو..وصلو لقاوها طايحة كتضرب فداك الطبيب وزاد بالدقة المشهورة..والسبان وهي طيح غالسة..هما مصدومين..من البوس لي صدق بصح حي بعدما شافو نبضو تيتحرك فالشاشة لي حطالطبيب مع الأدوات لخرين..والصدمة من العصا لي كلا الطبيب..

تقدم علي تيجري عندها..
علي : واش كتفك..هزي نحيد جاكيط..
نازلي هزات يديها تتبكي من الألم حتا حيد ليها جاكيط ..وبقات بدوني صماطي ..لقا كتفها كيشرشر ..والخياطة طرطقاات..
القائد: وا حالتها قاسحة..
علي : خاصها تخيط..خسرات الدم بزااااف..
نازلي:اهئ اهئ اهئ ..البوس حي..حي غلتهاليكوم..اهئ اهئ..
القائد: هادشي نهدرو فيه من بعد..فهاد الأثناء الدراري هزو دوك جوج خرجوهوم..وعيطو لومبيلونص والبوليس..
علي :انا غنديها لسبيطار ميمكنش ..نبقا هاكاا غالس تنتفرج فيها..
نازلي:شوف واش كاينين لالكول تماك..
ناض عمر تيقلب ..حتا جبد قرعة تاع نصف لتر ..تاع لالكول..حلاتها ووكباتها علا كتفها وهي تبدا تتغوت بجهد..كولشي دور وجهو بسبب اللقطة لي كانتقاسح ومؤلمة..
علي ناض جاب القطن مسح الدم ولالكول..وهي تتنيين وتتوجع وسخفانة..هزها علي وخشاها فحضنو وغمز عمر يسبقو للوطو..
مشا تيجري بيهاااا وركبها لور وركب حداها منعسها على جنبها وتيسكتها من البكا..
#يتبع