❄️نفس واحدة تكفي❄️

90

⚠️قريبا النهاية⚠️
🌍نفس واحدة تكفي🌍
-90-
القائد:وجدو راسكوم باش تمشيو..ردو البال لراسكوم منبغي حتا غلط..العنوان راه غيوصلكوم فتيليفوناتكوم..
بوراك: الشرطة العلمية..لقاو دليل داهوم لبلاصة تاع الاجتماعات تاع العصابة..وحنا غنتاحموه دبا..طبعا البوليس والقوات الخاصة عندهوم علم..وحنا غنمشيو مع الفريق 2 و 3 و 5 والطائرة بدون طيار غتكون الفوق شادة كولشي..
القائد: بوراك نتا غتبقى..علي وعمر وخالد وآيشا لي غيمشيو...نتا غتبقى مع نازلي هنا..
بوراك :تمام..
القائد: تفضلو..وجدو راسكوم وخرجو للطريق دبا..
الكل:امرك قائدي..
خرج كولشي..وعلي شاد فنازلي تيوصيها..وهي لاويا يديها على دراعو..
علي: غتبقاي هنا..بوراك غيجيبليك لي حتاجيتي..متخرجيش من هنا..
نازلي: تمام تمام..فهمت ..
علي: غنمشيو دغيا ونجيو تمام..غلسي بعقلك..الا مقديتي ديري والو غلسي..راه اصلا فكونجي..
نازلي: و واااخاا
دخلو لبلاصة تاع السلاح وجيليات ..كل واحد هز ولبس..وهز سلاحو ونازلي غالسة ناشرة رجليها لي تنفخو..جا عندها عمر وحط يدو على كرشها..
عمر: سيري رتاحي..راه تتعدبي راسك وتتعدبي هاد الفنكوشة..عندي احساس غتكون بنت..
خالد: غيكون ولد..باش نجوجو لبنتي نشاءالله..
دارو شافو فيه وآيشا حالا عينيها..وخالد تيضحك..دار هز سلاحو ومشا عند نازلي عنقها..
خالد: عرفتي فرحااان..حاس بفلم تاع الأكشن غينوض اليوم..هههنههه.الأكشن على الصباح..هههههههه
عنقاتو نازلي تضحك: اوا رد بالك😂ورد بالك على راجلي😂😂
علي: مال راجلك باقي صغير؟؟هههههههه..احبيبة ردي البال غير لراسك وحنا قادين براسنا..
عمر عنقها: عند الحق..بقاي جنب القائد ولا جنب بوراك ورتاحي..حنا راه نساليو نجيو..
آيشا: فخباركوم خاصنا نتحركو دغيا ..حيت غتبدا الدنيا تتعمر ويقدرو يقصدو المحطات..وحنا تحت أكبر محطة ميترو فاسطنبول..ادن معرضين للخطر..ادن تحركو
علي دار شاف فنازلي..وباغي يديها للدار ولكن هي رافضة..ولا خلاها على خاطرها ..لبسو جواكط من فوق جيلي ومشا علي عند القائد وصاه على نازلي هو وبوراك..: قائد عارف حنا تحت المحطة تاع الميطرو ..كون تسيفط شي وحدين يقلبو فالمحطة راه تتكون عامرة دبا..ويقدر يهجم شي واحد يفجرها..
قبل القائد وودعهوم..
ومشا علي توادع مع نازلي لي مكرهاتش تمشي معاهوم..
نازلي: تهلا فراسك وردو البال لراسكوم(حطات يديها على لحيتو) كنبغييك..
علي: حتا انا..تهلاي غير فراسك كون ساعفتيني تمشي عند باباك ..ولكن راسك قاصح..
نازلي: حبيبي انا بيخير غير سير وتهنى..
علي باسها وعنقها وتاهيا خشات وجها فعنقو..
نازلي: يلاه سير ..تنبغييك بزاااف..
علي : تأنا الفقمة تاعي..ههههههههخ
نازلي: الله يخليك انا قرعة تاع البولينغ ماشي لدرجة تاع فقمة😂
علي:بحال بحال..يالاه باي..
توادعو ودخلات للداخل عند القائد و باقي الفرق..الاتصالات والشاشات كولهوم فيهوم الدار وبزاااف تاع البوليس والدرك والقوات الخاصة وحتا الاستخبارات ..كولشي مجموع تماك..محاصرين الدار لي كانت فقرية برا المدينة..
بوراك غالس فالكرسي حاضي الشاشة..ونازلي حداه والقائد خارج داخل..وبعدما سيفط فرقة يتفرقو الفوق..بقا بالو معاهوم..حيت الا نفاجر الفوق غيوصلهوم الضرر..ويقدر يتهدم السقف عليهوم واخا هوما بعادين بجوج طبقات ولكن القنبلة لي تقتل حي كامل قادرة تهدم مبنى كامل..اضافة للكم الهائل تاع بنادم لي تيكون فالمحطة مع الصباح..
دازت ساعة وباقين تيقلبو وتيتواصلو مع القائد..
حتا وصلوا الخبر لي فشلهوم كاملين منهوم نازلي..
.......:قائد ..لقينا واحد لباسو منفوخين وملاميحو تيبينو بلي هاز شي حاجة غنتصرفو وخاصنا المساعدة دبا..
القائد: ردو الباااال بزاف تاع المدنيين تماك ..ويلا طرا شي غلط كلنا غنمشيو فيها..
بوراك خرج تيجري علم جوج فرق خرين يطلعو للفوق ولبس حتا هو ووجد راسو وطلع..
نازلي:اش غنديرو ا قائد..
القائد: هاكي هاد السماعة وخرجي للباركينغ..
هزات السماعة..
نازلي : ونتوما..
القائد: كولشي غيحرج غير خرجي نتي..
مشات نازلي تتمشا بالزربة وكرشها يدسابقاها وكولشي تيغوت ويتجارا من قنت لقنت..
#الفوق
سد بوراك جاكيطو و دار يديه فجيابو..وبدا تيدو وتتيهدر فالسماعة بلا ما يعيقو..لقا غاع رجال وعيالات لي خدامين معاه محاصرينو مي ممعيقينش..هو تيقرب وتيتنفس بصعوبة..شهد وقرب ووقف عينو عليه وحاضيين يديه..حتا مد يديه للقدام بوراك جرا يقرب ليه حيت عرفو قنبلة حية..وشدليه يديه ولكن بدون قصد لقا راسو بلي برك هو وياه على الزر(❌❌ انتباااه..الدرس السابق غلتليكوم كيفاش قنبلة حية..دبا داك جيلي لي فيه القنبلة تيكون واحد من السلوكة داير على يديه وتيتشد فراحة اليد وتيكون بحال الستيلو لي فيه ديك اللعيبة الفوق لي تتبركي عليها باش يخرج الستيلو..هو تيكون الى بركتي عليه وطلقتي يديك تيتفرغع كولشي..ودبا السي بوراك برك الى حيد يديه غتتفرغع المحطة)بوراك هز عينو فيه ..وهو يشد ليه فيديه.راخور تيحاول يبعدو وعينسه عامرين شر..بوراك تيحاول يطيحو باش يحكمو برجليه..ساعة وااالو..وهو يهز عينيه فوحدة غمزها ..هي معطلاتوش طلقات القرطاس فراسو وطاح لارض وطاح من فوقو بوراك..
ناس غاع لي تماك بداو تيغوتو وتيهربو..
بوراك: قائد بركت على القنبولة..
القائد: فففففففف فاااااك..واش مات..
بوراك:اه..
القائد: انا طالع..
القائد علم كولشي بلي مات ..وهز خقيبتو لي فيها كولشي عندو علاقة بفك القنبلة وطلع واحد من المتعلمين تاعو معاه..
وطلعو للفوق لقاو بوراك شاد داك الجهاز ويديه تيترعدو غلس حداه القائد..
القائد: حركة وحدة منك غالطة ..غنمشيو كاملين..
بوراك: كون هاني..
قطعو لهاداك جاكيطة..وبدا القائد تيشوف كل خيط منين جاي وفينن غادي وهاز البانس والمقص فيديه وتيعبر ويحسب..وبوراك بقاتليه غيير الخرية يطلقها فحوايجو....
بعد 10 دقايق
القائد قطع شي خيوط ودار بوراك لي ولا صفر..
القائد: صافي طلق نشوفو دبا..
بوراك: واش متأكد الى طلقت ا قائد مغيطرا والو..
القائد: انا ممتأكدش ولكن الى حيدتي يديك غنعرفو..
بوراك: تمام..بسم الله
سد بوراك عينيه..وحيد صبعو وهو تيترعد..
حل نص عينيه لقا القائد تيضحك..
بوراك ناض عنق القائد...: تباركالله عليك ا قائد ..باقي عندك متغول ههههه
جاو البوليس هزو داكشي ورجعو منين جاو..هبطو لقاو نازلي فالباب..
نازلي : اودي نتا ا قائد صدقتي واااعر مفخباريش ..نتا فمجال القنابل..
القائد:هههههخخ اوا هانتي عرفتي...يلاه زيدو نشوفو هادوك اش دارو..حمدالله ملي علي غالها ليا اما كنا غنتشتتو..
#يتبع
إلى الغد