❄️نفس واحدة تكفي❄️

91

⚠️قريبا النهاية⚠️
🌍نفس واحدة تكفي🌍
-91-
#عند_الدراري:
الدراري وصلوا وتشتتوا تماك ..خالد شد بلاصتو لي تتبان ليها فيها كولشي على وضعية القناص..والبقية تشتتو..
بقاو هاكاك الضواو مشعولة فديك الدار والطائرة بدون طيار ..حددات ليهوم بلي تماك فين تيصنعو القنابل وبلي تماك فين كاينين..لي تسببوا فانفجار تاع الصباح..بقاو حتا جاهو الأمر بالاقتحام وتحركو شي بوليس للقدام وفرعو الباب ودخلو ولي خرج تيتلاقى مع لخرين برا ..ناضت الحرب حيت كانو شي 25 واحد تماك ..وكولهوم مسلحين مزيان..وحتا عندهوم القنابل بمعنى الى نفاجر تماك غيتفجر كولشي لي داير بيهوم بعدا 2 ولا 3 تاع كيلوميترات تاع البعد غيتقاسو..بدات الحرب كولشي مخبي وتيضرب ..دازت مدة طويلة عندهوم وهما تيضربو ويعمرو فراداهوم ويرجعو يضربو..تقاسو شي بوليس..ولكن ممات تواحد..
حكيم: غندخلو نشوفو واش مبقى تواحد..
دخل حكيم وعمر وشي بوليس وشي رجال خرين باش يتأكدو واش كولشي خاوي..وبلي نظفوا البلاصة..وعلي تيهدر مع القائد..لي عاودليه اش طرا وتاهوا غاليه اش طرا وبلي غيرجعو فحالهوم..
خرج علي هو وآيشا بعدو على الدار شوية ووقفو تيتسناو يشوفو اش طاري..خرج حكيم..تيردد ديميييس ديمييس دييمييس(نظيف😂😂 نظيف نظيف ..نظيف نظيف ..شكون تفكل عاد رسوم..المهم مديوش عليا😂😂😂)
دارت آيشا تضحك..هبط حتا خالد وجا عندهوم حيدو جيليات ورجعو لبسو جواكطهوم..رجعو تيسلمو على البوليس وتيتأكدو من سلامة البوليس لي تضربو..وتيتسناو معاهوم ..علي واقف مع آيشا وواحد البوليسي تيهدرو..حتا صونات نازلي تحرك من حداهوم جاوبها..طمائن عليها وطمائنات عليه..حتا وصلات لومبيلونص سمعو صوتها ودعها ودار..

☠فالدار☠
فالدار لي تيقادو فسها القنابل ملي سمع البوليس ..هز سلاحو لي كان متوسط ودخل فالمدخنة وطلع معاهاحتا وصل للفوق وطل لقا الدنيا عامرة وهو يتبت هاكاك ..تيسمع القرطاس داير لتحت..عرف بلي صحابو وماشي بعيد حتا خوه مات..وزاد تأكد فاش شاف حكيم تيردد "ديميس"..طاحت دمعة سخونة من عينو..وناوي الانتقامة..دور عينو بانت ليه آيشا واقفة حدا علي ودايرة يديها على كرشها وتضحك..استنتج بلي حاملة وبلي علي راجلها..وقرر يحرق قلب شي واحد عل أقل..خلاهوم حتا تجمعو..وملي بعد علي لقا بلي هاديك هي الفرصة ولكن ضرغها شي بوليسي وبقا تيتسناه يحيد..
هنا دار علي وجا عينو فالسطح تاع الدار بانليه السلاح موجه جيهتو..هو بانتليه غير آيشا..
علي: بعدووووووو..باقييي واااحد
آيشا شافت فين تيشوف ..جبدو سلاحهوم ..
لحظة دازت ببطء..علي دازت قدام عينيه غاع الناس لعزاز عليه..لحظة لي بانتليه نظرة هاداك الشاب الحقير..لحظة شاف فيها الرصاصة قاصدة راس آيشا ..لحظة فكر فيها مرة وحدة..المسافة قليلة وقصيرة..ولكن كانت بعيييدة..آيشا توقف دماغها ورجليها تبتو..وكولشي تيتحرك باش يتخبى..الى دوك الصحاب..لي صحبتهوم تبنات على مواقف الشدة والضيق ..كتر من مواقف الفرح والسعادة..عاشو بزاف خلاهوم يوليو خوت ..خوت من رحم الحياة..
علي تعرض للرصاصة جاتو نيشان فالقلب ودفع آيشا لي غوتات بجهد..آخر ما سمع علي قبل ما يفقد الوعي ويطيح فوق آيشا..عمر وخالد ضهشرو..وجاو تيجريو مصدومين..اما حكيم هز سلاح خالد وبدا تيضرب وتيغوت بلا ميركز على الهدف حتا ضربوا لراسو وطاح ..دخل تيغوت وجبدو كولو دمايات ميت من المدخنة..وجرو حتا خرجو لبرا وخوا فيه سلاح خالد وهو تيغوت..ب"مااااشي علييي"و خوا فيه سلاحو حتا رضو كاملين متقوب..وتيغوت ويبكي..
فوزي شد راسو وغلس عينيه دامعين..
آيشا: فنااااااهوااااا الاسعاااااف..غولوليه يجيييي..غيموت..غيمووووووت..
عمر تصدم وخالد مشا تيجري لعند الاسعاف..
جاو هزوه..وكولشي مصدوم ..غاع لي من الاستخبارات تيغوتو..وكاينين لي تيبكيو..آيشا ركبات مع علي وعمر وخالد ركبو فلوطو وتبعوهوم طااايريييين..
آيشا شادة يد علي وتتبكي:علي متخليناااش..متخليناش..نتا مبقى والو تولي..اب..علاش تعرضتي ليا😭😭 علاش علااااش😭😭😭 انا معندي والو من غير خالد..😭😭 ماشي بحالك عندك نازلي ..وعندك بنتك..عندك واليديك😭😭علاااش ا علي ..اش غنغولو لنازلي..😭😭😭 دينا راجلك يموت ورجعنا😭😭😭اش غنغولو للبيبي ملي يكبر..باباك مات قدامنا ومدرنا والو😭😭😭 علااااش ا علي😭😭😭 علاااااااش😭😭😭😭
طاحت على رجليه تتبكي..
الممرضة لي معاها..دارت الاسعافات الاولية..وتتسمع آيشا لي تتهضر مخنوقة ..وتتنخصص..وتبكي...وجاتها تاهيا البكية ..وومكرهاتش يوصلو خلاص يعتقوه..
عمر وخالد ساكتين ..تيتسمعو غير تنخصيص..خالد تيسكت ويزدح راسو مع شرجم..اما عمر عينيه حمرين ..تيشوف غير نازلي قدامو..اش غيغوليها..
صونا للقائد.
قائد:عمر ..حنا تنتسناوكوم فالباركينغ..
عمر: قائد..
القائد: اشنو..مالك..
عمر تنهد تنهيدة تقيلة..: علي..سبقونا للسبيطار الكبير..حنا جايين..
القائد دور عينيه فبوراك ونازلي :تمام..
القائد جمد بلاصتو..نازلي عاقت بيه..
نازلي: طرا لشي واحد فيهوم شيج حاجة..شكون فيهوم؟؟؟..علي بحرا قطعت معاه..ادن عمر ولا خالد..شكوون ..ياكما آيشا؟؟؟ ..
القائد: علي😔😔😔😔
نازلي رجعات للور..تترعد عينيها عمرو بالدموع ورجليها بداو تيخواو بيها..دارت بيها الدنيا معرفات باش تبلات..شافت فبوراك لي عيني عمرو بالدموع ودور وجهو تيمسح وجهو..ركب القائد فطوموبيلتو ونازلي تاهيا و بوراك..وغاديين مرفوعين ومخلوعين..وصلات لومبيلونص للسبيطار هزوه دخلوه وآيشا تتجري وراه..دخل عمر وخالد تاهما تيجريو ..دخلوه للبلوك..دخلوه الممرضات وجات حتا ايدا تتقاد فلباسها باش دخل..حتا باليها عمر غالس فلارض وخالد وآيشا تتبكي..
ايدا:😢😢😢بوراك ولا نازلي ولا عليي؟؟؟
عمر ناض عندها : علي..😭😭😭
ايدا فشلات ولات بغات تتراجع ومدخلش..مبغاتش يموت بين يديها..
يشا:ايدا..عتقيه عفاااك😭😭هو عتقني😭😭 بسبااابي تضرب
ايدا حابسة دموعها: متغوليش هاكا.😭 راه خويا تانا..غنعتقووه..
دخلات ايدا تتجري كملات اللباس الداخل..لقاتهوم عراوه..

نازلي داخلة تتمشي بصعوبة ..وحداها بوراك..وغادييين جهة البلوك فين كاين علي..غير وصلات شافوها الدراري وهما يضورو وجهوم الا آيشا جات تتجري تخشات فيها تتبكي:😭😭😭 سمحيليا بسبابيي تضرب😭😭 مكانش خاصو يعتقني😭😭😭 مكانش خاصو يعتقني😭😭😭 بسباااااااابيي
نازلي عنقاتها وبقات غير تتبكي معرفات متغول..ولا معندها متغول..جا عمر جرها خشاها فيه وغلسها ..وهي تتبكي فحضنو : عمر انا تنبغيه ومبغيتش يخليني..مبغيتش بنتو ولا ولدو يكبر بلا اب😭😭😭 ...عمر حنا عام لي عشنا انا وياه..مخاصوش يموت ..😭😭 هو مواعدني يبقا معايا دييما..هو مواعدني بلي عمرو يخليني..هو تيبغيني..😭😭😭 ميمكنش ..يمشي😭😭 يمشي ويخليني بوحدي ..بعدما 😭😭 بعدما لقيت سبب يخليني نعيش فرحانة..😭😭 انا من ديما تندي غير بابا..😭خلاتني ماما وانا صغيرة😭😭 ميمكنش يخليني حتا هو..😭😭😭 مغنقدرش نع..نع
سخفات بين يديه..
جا خالد هزها وجرا بيها عند واحد الممرضة ...
خالد: عافاااك..شوفيها..سخفات..و..هي حاملة..و سخفات
تيهدر تلفان وتيتنخصص ..
الممرضة: حطها غنشوفها واش نتا راجلها..
خالد تيتنخصص ويتنهد : لاا راجلها فالبلوك..هي سخفات..
الممرضة: تمام ..خرج هاني غنفحصها..
فحصاتها الممرضة..دقات القلب..والضغط..وقلبات حتا البيبي..ودارت ليها سيروم..وخلاتها..
خالد:امدرا..
الممرضة: هي بيخير ..وحت الفنيكيشة بيخير..غير تعصبات وصافي..يسالي سيروم ويمكن ليك تخرجها..
خالد: شكرا ..
طل عليها..ورجع عند الدراري غاليهوم اش كاين..صونا القائد على باها..وصونا بوراك على زينب..
#يتبع ..