❄️نفس واحدة تكفي❄️

10

🌍نفس واحدة تكفي🌍
-10-
عند نازلي لي ناعسا فبيتها بحوايج باش سهرات..
الأب:ناااااااااازليييييييي
نازلي وقفات بشعرها طالع للسما ووجها معمش: بابا!!
الأب:فين كنتي..
نازلي دورات عينيها..معرفات راسها واش كانت تتحلم..ولا حقيقة ..معقلاتش أصلا على راسها حتا وصلات لهنا: كنت فالكلوب مع زينب ..ومن بعد معقلتش..
الأب:شربتيي؟؟
نازلي: ويلييي لااا ..مستحيل..نتا عارفني متنشربش ..ومنديرهاش ورا ظهرك..
الأب: وأش جابك ناعسة حدا الباب..زينب دخلات لكلوب ملقاتكش..ليل كاملو وحنا كنقلبو ..فلخر لقيناك حدا الباب..مشيتي نع شؤ واحد..خطفك شي واحد؟؟
نازلي:بابا من نيتك..ميمكنش يكون شي واحد خطفني ونتا عارف..انا أصلا معاقلا على والو..
الأب:🤦‍♂️🤦‍♂️🤦‍♂️ياربي تصبرنييي معااك..
نازلي: تانا معرفتش..أنا غنمشي ندوش نرتاح ونتفكر..
خرجات هي وباها وتوجهات لحمام كاين فالطابق العلوي..دوشات وهي تتفكر فلي طرا البارح..وهي بالها كيضور وكتخايل راسها لو أنها تهيا ولات بحال هاداك لي حقق معاها..كانت متأكدة بلي مقر قانوني ماشي منظمة ولا شي تخربيقة ما قانونياش..وهادشي كاملو عرفاتو من لاكارت تاع بوراك لي كان باين منها الشعار تاع تركيا والعلم التركي🇹🇷..بتاسم لهاد المغامرة الجميلة لي عاشت البارح وتمنات تعاودها..ولكن حسن تنساها..فكرات باش متعاود لتاواحد وتخليه سر بينها وبين راسها..حيت هاد الخدمة كتكون سرية طبعا..وميمكنش تبرح بيها..خرجات ولبسات بيجامة سخونة..وراسها مخشي وسط طربوش تاع الفوطة..وهبطات تفطر مع باها لي دغيا تناسا كولشي ورجعوا تيضحكو بحالا تحاجا مطرات..

علي:اليوم جمعناكوم كاملين باش نعلمكوم كاملين بلي بلادنا فخطر..والعصابة ولات تزعم..وولاد صغار تيموتوا وحنا ميمكنش نبقاو ناشرين رجلينا..خصنا نتحركوا..المهم..أنا وفرقتي حددنا البلايص لي عامرين بالدراري صغار..سبيطارات والمصحات والمدارس والحضانات والمعاهد المناطق الخضراء لي فيهوم الألعاب..المهم..الوراقي لي غدامكوم فيهوم الخريطة تاع اسطنبول وكل منطقة راه مكتوب عليها الفرقة المكلفة بيها..نبغيكوم تخشاو وسط منهوم ..متعيقوش ومتبينوش..وعينيكوم يبقاو 24/24 باش نحاصروهوم وعل أقل ملقاو راس الخيط باش نجروهوم..
علي دار عند صحابو لي وراه وقال بهمس: بقا شي حاجة خرا..
آيشا:لا صافي غلتي كولشي..
علي رجع دار عند الأخرين لي دايرين على الطبلة كااااملين: شي سؤال؟
الحاضرين:لا مفهوم..
علي: يمكن ليكوم تفضلوا..
خرج كولشييي
علي:آخر مرا أ خالد..نتا هو القائد ماشي أنا نتا لي خاصك تهدر.
خالد: عااادي بحالي بحالكوم لي هدر هو هاداك..
علي:لااا نتا لي خاصك تهدر..
عمر: صافي دبا دويتي نتا..يلاه زيدو غدامي راه خاصنا نبداو تاحنا دبا..
مشاو لكليكة..والوجهة مستشفى***** ..مستشفى كبييير وفيه عناية كبيرة وكيفضلوه العيالات باش يولدو فيه وبيهادا راه غيكون عامر بالدراري الصغار..ركبوا كاملين فرونج كحلة تاع علي ومشاو...
#يتبع