❄️نفس واحدة تكفي❄️

102

⚠️قريبا النهاية⚠️
🌍نفس واحدة تكفي🌍
-102-
✔ايدا وعمر..هاد الثنائي الهادئ..الرمانسي..بعدما ولدو كاان..لي كان بنفس هدوءهوم..عينين خضرين وشعرو قهوي وبشوش..عندو دبا 19 صفر من يغمور بالشهور..كيموت على المطالعة..وتيكتب مقالات بأسلوب واعر..ورسام باااارع..هاباش نصحوه يدفع للبوليس ويكون رسام..حيت تيحتاجوهوم بزاف ولكن هو رفض وقرر يتبع عالم الاعلام والصحافة وداكشي لي كان..وهو فالعام تاني عندو فجامعة الصحافة والاعلام..ايدا بقات فمجالها..الطب..ولات طبيبة وجراحة مشهورة..فاسطنبول وتركيا..خدات بزاف الجوائز والشواهد الطبية..وهادشي كيخلي عائلتها وصحابها فخورين بيها..علاقتها بعمر وحبهوم غادي وتيكبر ..وباقين متعلقين بالهدوء تاعهوم...زادو من ورا كاان بعامين اسماعيل لي فعمرو 17 ..العقل المدبر لغاع الزبايل..تيكون دائما هو صاحب الفكرة..هولي تيلوح ليهوم العواد ويخليهوم يشعلو العافية..تيبان قدو قد كاان فالفصالةحروفو كحلين..وجهو بريء ولاكين عينيه تيبينو الشر لي فيه..الا مشا حتا حلفها فشي واحد..تيكون كحلها..ذكي..وما حنينش بالعكس قاصح..ومشاكس..ولكنفشي حالات تيبين الضرافة تاعو لي مفرطة داكشي باش متيجبدهاش غاااع..وآخر العنقود ريما محبوبة الجميع مكتعجبوش هي الصغيرة فعمرها 6 سنوات..عينيها خضرين والشعر كحل وبوكلي وقصير..وطبيبيزة وكيوووت..ومصيويبة..لي دازت من حداه تضحك ليه..هادئة..وبشوشة..ودريويشة..مكانتش باغا تزيدها ايدا ولكن جات صدفة ..

✔زينب وبوراك:هادو تخايلتهوم باقين بلا دراري..ساعة دوماج😂😂😂 زينب وبوراك باقين طايشين..باقين تيرونوها..عندهوم بنت وولد..توام عندهم 18 عام..إيلام وإيمره فالوجه تيجبهو فالعينين تاع بوراك ..العينين رماديين..والباقي كولشي من زينب..غير ايمره طويل ومغدر فايت علي..وايلام قصيرة وطبيبيزة شوية ..الوجه داير والحناك..ايلام نسخة منهوم بجوج..حمقة ومقطعة الوراقي..كيديوها معاهوم ملي كيمشيو لشي كلوب باش الى كترو الشراب يلقاو لي يرضهوم ..تتصدق لاعبة معاهوم شكون لي يشرب بزاف ..وتيصدقو سكرانين كاااملين😂😂😂 وتيوليو مصونيين على ايمره يجي يديهوم..ايمره لي داير بحال علي الكبير فالشخصية..متبت ومتيتبرهش بزاف..بعقلو..وذكي وعزيز عليه الهدوء تيكره الصداع ..عكس ايلام لي ديما مخشية وسط الزحامات وعزيز غليها الصداع ..قريبة للباها بزاف .غير يبان ليها غالس وتنوض تخرجو يسهرو..تيبان بحال صاحبها ماشي باها..ديما تيجيو سكرانين..ولا يجيو مقصرين..ايلام مكلخة..عندها حزقة فراسها...شخصيتها قوية..ومجبهة..عيا معاها باها باش يدخلها للمقر معاه..ولكن قنعاتو بلي هي متصلاحش ليهوم..داكشي باش تبعات هوايتها..لي هي الرسم ..كترسم واااعر..هاباش ختارت تصميم الأزياء..اما ايمره ختار يقرا الهندسة الميكانيكي للطائرات..

✔محمد ونور بعدما دامت خطوبتهوم عامين ..تزوجو..عندهو 4 تاع البعالك..2 دراري و 2بنات.. وللأسف الدراري دراوش ..والبنات العافية الزرقة..
أورهان عندو12 عام و آيران عندو 10 سنين بجوج ضريفين وحنان..ولكن سارة وميليسا لي فعمرهوم 14 توأم..وأول توام يكونو بحال بحال فكولشي..بمجرد ما تشوفهوم تتعرف راسك غتشقها..وبلي أنت التالي..محمد ونور قراب ينتاحرو بسبابهوم..من نهار بداو القراية وهما تيتحولو من مدرسة لمدرسة بسباب الطرد..متيحبسوش من المصائب..ذكيات..ولكن كاسولات..تيهمهوم غييير يحرروا العيشة وصافي..وحتا من واليديهوم موقروهومش..
❌❌❌❌❌
دبا ملي تعرفنا عليهوم نرجعو لعيد ميلاد لي داروه فازمير..بحكم مدينة بحرية وعيد ميلاد نفس جا فالصيف..ونيت باش يدوزو العطلة مجموعين فدارهوم لي كل واحد حط مبلغ وشراوها مجموعين ..بمعمى دارهوم كاملين..ونيت باش يزيدو يربطو صداقتهوم..
خرجات نفس هي وعلي فازغين..علي بشورط دجين وتيشورت بيض..ونفس بسروال دجين كولو مشرغ..وميني فونتخ بيض واااسع..وشعرها الطويل تيقطر..وكولشي تيضحك غليهوم..
نفس :هاحنا جينااا..ناري شحال تشهيت هاد الغطسة..