❄️نفس واحدة تكفي❄️

15

🌍نفس واحدة تكفي🌍
-15-
دازو بنفس الطريقة باش جات المرة لي فاتت..دقائق لقاتها هي وآيشا قدام المكتب تاع القائد..
آيشا بابتسامة: يلاه دخلي حتا تخرجي ونهدرو😊
نازلي هزات راسها..ودقات الباب ودخلات..
القائد: نازلي دخلييي.
نازلي: صباح الخير..
القائد: لقيتيني غنسالي شي شغال وغنمشي عند باباك..المهم بوراك شوية وغيجي..وهو لي غيوقف معاك ويوري كولشي ويشرح ليك..حيت غتمشي عند الطبيب النفسي هو لول..ومن بعد غدوزي عند سامي محقق كبيييير ومختص فعلم النفس..باش دوزي من كاشف الكذب ويدردش شوي معاك..هادشي ميخلعكش هادشي كولو ضروري ودزنا منو كامليين..ومن بعد غتمشي ديري القسم وتحطي البصمات وتحطي شيفرة تالعين حتا هي..باش يخرجوليك لا كارت تاعك..وباش يدخلوك فسيستيم وتولي دخلي راسك..من بعد غتغلسي مع بوراك يشرحليك الأساسيات المهمة فخدمتنا والحوايج لي خاصك تعرفي..وملي تسالي دوزي عندي غتلقاي طلب الاستقالة تاعك من خدمتك موجود..اه ونسيت يمكن ليك تعاودي لصاحبتك عليك بلي راك خدامة معانا..هههه لقييت بلي إنسانة من أهل الثقة..مغلتيلياش بلي خوها واحد منا..
نازلي:كيفاش واحد منكوم..تتعرف محمد..
القائد: طبعااا..واحد من لي مفتاخر بلادنا بيييه..
نازلي: ااه مكانتش فخباري كان غاليا بلي راه دركي فازمير...مكنش تيتسحابليا منكوم..
القائد: هههههههه محمد..ههه محمد محترف فتعطيل القنابل..حطم الرقم القياسي باش يعطل وحدة من القنابل المعقدة..
نازلي حالا فمهاا: اااااه..مكناش فخباري..
القائد:عادي من أسرار الخدمة العسكرية..
نازلي: اه..تمام
القائد: غدا غتبداي التدريبات..عندك شهراين..والدراري غيتكلفو..واخا أنا جيتيني ديجا كتلعبي..
نازلي: اه كنت كنلعب الباليه ملي كنت صغيرة مي ملي بديت كنكبر غلبتها فولكونطاكت..وداكشي باش تنخدم برجلي بسهووولة..
القائد: مزيان ..هاكا غنربحوا الوقت فالتداريب
صونا تيلي تاع القائد:نعام..اه ..دوزي عندي دبا..خلي داكشي عطيه لآيشا غادي تكلف..تنتسناك(وقطع)
القائد: يلاه نخليك..بوراك غيجي دبا..
القائد لبس تجاكيطو حيت مكنش لابس حوايج الخدمة..
نازلي وقفات حتا مشا..ورجعات غلسات..تتفكر..حتا تحل الباب ودارت بزربة..كان بوراك بابتسامتو..ابتسمات ليه نازلي...
بوراك:غيكون القائد شرح ليك كولشي..
نازلي: اه..غير يلاه نبداو..
بوراك حل الباب: تفضلي..
نازلي ضحكات:شكراا..
حل الباب لقات علي و خالد هازين شي ملف وتيهدرو..خرج بوراك مدوه ليه وبقاو كيدويو..
نازلي بعدات عليهوم ومدواتش معاهوم..
بوراك : يلااه..نبداو بالطبيب..
(طبعا غااااااااع الخدم العسكرية ولا هادشي تاع الأمن..الدرك الشرطة العسكر المخزن المهم أي حاجة..كيدوزو عند سي الطبيب النفسييي)#تتمة
نازلي:تمام..
مشاو حتا لقاو بيرو مستي بوووحدو..دق بوراك وحل الباب وطل..
بوراك:سيد فرحات..جبت ليك الأنسة..
فرحات وقف بوجه بشوش: تفضلوا تفضلوا..
نازلي:شكرا..
فرحات رجل ستيني ..بيض..شعرو بيض ولحيتو بيضة..بشووووش..وضعيف ولكن عندو الكرش مكركبة قدامو..داير نضاضر طبية..غلس بعدما رحب ببوراك ونازلي..
فرحات:نازلي تبغي ىوراك يبقى ولا يخرج..
نازلي:معنديش مشكل..خليه ههه
فرحات:تمام نبداو ..إذن (جبد كتاب كبير شوية حلو) غنطرح عليك أسئلة ونتي خاصك تجاوبي باه ولا لا
نازلي: تمام
بدا فرحات تيسول وهي تتجاوب دغيا بلا متعطل فالتفكير..وملامح وجهها خالية من الانزعاج من شي سؤال..قرابة 45د كانو سلاو أسئلة تاع الكتاب..
فرحات:تباركالله عليييك..عجبني طريقة تفكيرك..استنتجت بلي شخصيتك قوية..حافظي عليها هاكااا..معندكش عقد ولا مشاكل مأثرة عليك..شخصيتك حرة ماشي محبوسة..وهادشي مزيانة..أجوبتك السريعة..كتبين بلي راك سريعة فالتحرك وهادشي مزيان..زعما أي حالة تحطيتي فيها تقدري تخرجي راسك بالزربة..أجوبتك كانت كاملة صادقة..وكنتي مرتاحة وهادشي كيبين بلي نتي عاجبك الخدمة هنا..
نازلي: ههههههه طبعا..
بقات مجمعة مع نازلي وضحك جهد شي ساعتين ..كانت وصلات 12 ..وكان هادشي كولو باش الطبيب يتعرف على شخصية تاع نازلي..ويشوفها واش تصلاح ليهوم ولالا..سلاو وتوادعومعاه..حل بوراك الباب وخرجات نازلي..ودار بوراك عند الطبيب دار ليه فرحات👌👌 وفهم بوراك وخرج فرحان ..
بوراك: دبا دوزنا الطبيب النفسي..وأنا تنقترح نخرجو نتغداو ..وندوزو لسبيطار..غيخصك ديري غاع تحاليل باش نزيدوهوم فالملف تاعك..
نازلي:تمام..
بوراك: نصوني لعمر نشوفهوم فين هوما..
صونا عليه..خبرو بلي هما فقاعة الاستراحة..
بوراك: يلاه ..شي خدام وشي ناشر رجليه..
نازلي :هههه
جرها كيجمع معاها حتا وصلو عدهوم دخلوا..لقاو كل واحد شاد تيلي ومنشور ف فوتوي..
بوراك: انوووضو تجمعو..خاصكوم غير تيلي..
عمر : تنتسناوك باش نمشيو نتغداو ..راه خاصنا نرجعوا لصبيطار..
بوراك : يلاه تاحنا عندنا منقضيو فسبيطار..
خالد: تمام..يلاااه..
آيشا ناضت جرات نازلي وزادو قدامهوم..وهما تبعينهوم..
آيشا: يكما باقا مقلقة..
نازلي: لا ..أصلا دغيا كنسا ..نسيت هدرتوو
آيشا: شوفي..هو خدا عليك ديك النظرة..ودبا يبدلها..هو هاكاك حساس من جهة الناس الجداد..دبا يولف..
نازلي:يضبر راسو..اجي بعدا نتي مغربية..
آيشا :لا أنا تركية ولكن فالميتم كان عمر كيعلمني المغربية..وملي خدمنا لقيت علي وخالد مغاررة ..زدت تعلمت معاهوم..أما أنا تركية..واخا صراحة ممتأكداش واش واليديا تواركا ولا من شي قنت آخر..
نازلي:🙅‍♀️🙅‍♀️سمحيليا..
آيشا: عادي..ولفت أصلا وهاد الرهوط هنا دايرين بحال خوتي وواليديا وكولشي دونك عادي..
نازلي: مزياان حسن ههههههه تانا ماما ماتت ملي كنت صغيرة وبابا مسكين هو كان ماما وبابا وخويا وصاحبي وكولشي..
آيشا: زيدي ..الله يخليه ليك..
خرجو ديريكت فالمحطة تاع الميترو..آيشا دارت عند الدراري..
آيشا: فين غنمشيو؟
بوراك: لمطعم تاع ديما..أنا غنمشي مع البنات ونتوما لحقو علينا تمام؟
خالد:تمام..
تفرقو وكل تلاتة مشاو فأوطو بوحدهوم..
#يتبع..