❄️نفس واحدة تكفي❄️

9

🌍نفس واحدة تكفي🌍
-9-
عمر:أش غاليك على هدرة خالد..
علي:مشا يشوف واش عطاوه الأمر باش يجربها ولالا
آيشا:إذن الأمر جدي..صراحة أنا متحمسة نشوف كيغاتكون فالتجارب..
خالد:أنا معنديش مشكيل يجيو حتا عشرة والله..
خنزروا فيه كاملين..
عمر:انا صراحة حاجة لي مبرزطاني ..ولفنا بعضياتنا هاكا كفريق..معرفتش كيفاش غنقدر نتأقلم إلى تزاد شي حد أخور..
علي : تانا بحالك ..يلاه تهزو غدا مع 8 تصباح عندنا اجتماع مع القائد
خرجوا من باب أخور كيخرج فالمحطة تاع الميترو..خرجو و كل واحد تحرك لدارو..
🌞🌞8 تاع الصباح غالسين العشران بلباس مقاد بلا سناسل با حلقات🐸 فغرفة خاصة بالاجتماعات ..الوسط كاين طبلة طويلة دايرين بيها الكراسا جات بين الباب لي كيدخلو ليه بلاكارت وبين الحيط لي فيه شاشة كبييييرة..وفالجناب تلاتة تاع لبيروات صغار فيهوم بيسي وكاسك..تلاتة فاليمين وتلاتة فليسر..وغالسين فيه عسكر بالبذلة العسكرية..المهم الكليكة غالسين فالطبلة تيتسناو القائد..لي دخل مع بوراك هازين شي وراقي..وقفوا غاع لي فالغرفة داروا تحية وجلس كولشي..
القائد:الطلب تاع باش نجربوا نازلي تقبل..
بوراك:المهم لي غنغول ..صدقات معندها حتى دخل والقائد عطا أمر البارح باش تخرج وهي دبا فدارها..غنصبرو سيمانة ..حيت هي دبا غالبا غتبقى حاضيا جنابها ..نخليوها حتا تنسا شوية بعدا..وديك ساعة غنجربوها..المهم نخليكوم دبا ..القائد غيشرح ليكوم الباقي..
دار التحية لقائد وجبد لاكارت حل بيها الباب وخرج..
القائد: المهم حنا لي علينا نجربوها..نحطوها وسط شي حالة ونشوفوا واش غتقدر تخرج راسها ولالا ومنها نيت نكتاشفوها..من هدرتها كاتبان شخصية واعرة وحتا الهدرة لي غال عليها بوراك خلاتني متحمس نكتاشفها..
آيشا: وحنا اش غنديرو
القائد:مغاديرو والو..غتحضرو غير باش تكونوا واجدين لاتخرج الأمور على طوعنا..كولشي نتوقعوه من وحدة بحالها..وصاف..وأنا كلفت الفريق رقم 5 و الفريق رقم 7 هما لي غيتكلفو بهاد المهمة..والمكان غيكون محروس..
علي:وكيفاش غتجروها للبلاصة
القائد:غتجي راسها....هي انسانة كيعجبها تخرج بليل وتبقى تسارا ..وحنا غنستغلو شي ليلة وغنجروها للبلاصة..
علي: تمام..
القائد:المهم الموضوع الأهم..هو خاصنا نتحركو..حيت العصابة تاع داك اسماعيل راه تتحرك..وحنا واقفين فبلاصتنا..ودراري صغار كيتختافاو..وكيصبحو ميتين مغتاصبين وخاااليين من الأعضاء..وهنا مندوي على عصابة الاختطاف الاغتصاب و أهم وأخطر حاجة المتاجرة فالأعضاء ..وهادشي كيدل على أن كايينين عصابات كبااار وراهوم لي مخليينهوم يزعموا هكا..
عمر: حنا مخاصناش نبقاو غالسيين..دراري صغار عند بالهوم حنا غنحميوهوم و فالآخر كيموتوا هكا..
القائد:هادشي لاش جمعتكوم..كل مقر فكل مدينة تركية قسم الفرق تاعو على مناطق فمدينتو..باش نحاصروهوم..وداكشي لي عندنا تاحنا..وبما أنكم نتوما أحسن فرقة عندي..فغتكونوا مترأسين الفرق..نبغيكوم تكونوا فسبيطارات..الخيريات..المدارس والحضانات ..أي بلاصة فيها الدراري الصغار نبغيكوم تغرسو فيها ..مانبغي حتا غلط..نبغيكوم تشدو ليا غير عضو واحد..ومنو هو غنجبدو كولشي..أنا هدرتي غلتها..الباقي عندكوم ..نتوما تكلفو بباقي الفرق..خاصنا نتحركو دغيا وفنفس الوقت مانبانوش ليهوم بلي كنتحركوا..
خرج القائد..وبقاو الدراري بعدما جبدو خريطة كبييرة تاع اسطنبول فيها حتا الزنيقات صغار تاعها..كولشي تايبان بدقة..آيشا هازة مذكرة فيديها كتقيد هدرتهوم..عمر كيحدد البلايص لي فيهوم دراريصغار..حيت هما الفئة المستهدفة ويدور عليهوم باش يبانو لعلي و خالد لي كانو تيتناقشو على الفرقة المناسبة لكل بلاصة..
بعد 2سوايع قدرو يساليو خدمتهوم..ويعلمو واحد من العساكر ليمعاهوم فالغرفة باش يجمع غاع الفرق فغرفة الاجتماعات لي كانت فغرفة خرا كبييييييرة وفيها مكتب طويييييل دايرين بيه الكراسة..
#يتبع